الصُّمود

part 9

التفت مجد وهو ينظر للواء حسن الذى كان يجلس وسط شروده...
_ مين الشرطية دى ياسيادة اللواء؟...... سأل مجد وهو ينظر لحسن لتتسع عيون حسن وهو ينظر اليه

بعد فترة وجيزة من الصمت قال اللواء حسن بإرتباك ممزوج ببعض الغضب.....

_ الظابطة إيمان ........ اردف ولم يستطع اكمال الاسم وكأن الكلمات توقفت فى حنجرته مع هروب لون وجهه

_ يعنى انت عارفها كويس ؟.......سأل مجد وهو يحلل ملامح حسن بتمعن

_ اا..اه عارفها ........

_ تمام استدعيهالى فوراً ده ان مكنتش هربت........ قال مجد بسخريه

مر بعض الوقت بعد ان طلب حسن إيمان من خلال الهاتف ليستدعيها سريعاً...
كانت ايمان فى طريقها الى الغرفه ولاتعلم لما تشعر بهذا التوتر لقد كان صوت والدها جامد ويبدوا غاضباً..هذا الشئ ليس جديداً عليه ولكنها حقاً لأول مرة تشعر بالخوف....

دلفت ايمان الى الغرفه لتجد والدها واللواء مجد ومعهم فردين من الشرطة..

_ تحت امرك ياسيادة اللوا........قالت وهى تقف امام والدها بشموخ تؤدى التحية العسكرية

نظر مجد الى والدها نظرة جامدة امره بعدم النطق وانه هو من سينطق ليومئ حسن له وهو يشيح نظره الناحية الاخرى لا يريد النظر بوجهها .... كانت ايمان تراقبهم بتمعن والقلق يزداد بداخلها .....

_ ممكن اعرف ياحضرة الظابط كنتى فين اثناء الانفجار؟....... سأل مجد وهو ينظر اليها مضيقاً عينيه

_ كنت برة القاعة يافندم.......قالت ثم روت عليه سبب خروجها من القاعة

_ ايه الدليل على كلامك ياحضرة الظابط؟........اردف مجد متسائلاً وهو ينظر اليها

_ يافندم المؤتمر كان مُراقب بالكاميرات ..اكيد اللى بقوله ده متصور من خلال كاميرات المراقبه.........قالت ايمان بثقة وهى تنظر لمجد

_ ماهو ده سبب وجودك هنا ياحضرة الظابط....... اردف لينهض من كرسيه ليقف امامها ثم يكمل
_ كاميرة المراقبة صورتك لحد ماوصلتى امام الممر وبعد كده حد وقفها كأنه كان متفق معاكى انك اول ماتوصلى امام الممر انه يوقفها .. ده غير انى وصلى اتصال قبل الانفجار بيقول ان فى فرد من افراد الشرطة هنا مشترك فى إختيال وزير الصحه.. وانتى الوحيدة اللى كنتى مش موجودة اثناء الانفجار ياحضرة الظابط........

كان الكلام يقع على مسامع ايمان كالصاعقه التى تجعل جميع اطرافها ترتجف بشدة...

_ افهم من حضرتك انى متهمة فى اختيال معالى الوزير؟!...... فتحت فمها لتردف بتلك الكلمات التى خرجت بصعوبه من حنجرتها

_ للأسف ياحضرة الظابط الدلائل ضدك مش معاكى .. انا فعلاً مش عارف ايه اللى يخلى ظابطة متفوقه فى عملها زيك وسمعتها النضيفه اللى ماليا الداخليه تعمل كده...... قال مجد مليماً ايمان وهو ينظر لها بتخاذل