الصُّمود

part 26

وصلا أمام الفيلا ليترجلا خارج السيارة ... وفور دلوفهم الى الداخل هرعت رحاب سريعاً الى الأعلى لغرفتها ....

كانت فاطمة فى إنتظارهما وفور دخولهما حتى نهضت وهى تهرع إليهم ولكن فوجئت بهروع رحاب الى الاعلى دون النطق بكلمة

_ هو فى أيه ؟ .......... سألت فاطمة بتعجب وهى تنظر لإيمان

_ علمى علمك .... هى طلعت الشركة ونزلت بالمنظر اللى انتى شوفتيه ده ... وطول الطريق عمالة تبكى ومابتكلمش ................ اجابت إيمان

_ اوعى ليكون حد شافها .......... قالت فاطمة بقلق

_ لا .. هى اكدتلى إن محدش شافها وبعدين مكنش منظرها هيبقى كده .. كنت هجيلك بيها شيلاها على كتفى .. ماانتى عارفه رحاب............. قالت إيمان مازحة فى نهاية كلامها

_ هههه ... معاكى حق ... بس غريبة أيه اللى عمل فيها كده ؟ ............. قالت فاطمة والقلق يعود لها مجددا بتذكر مظهر رحاب

_ معرفش ... بس عندى أحساس قوى أنه الواد الفرفور خطيبها ده ... انا مش طايقة أمه من الأول اصلاً....... قغلت إيمان بغضب و اشمئزاز

_ انا بردوا حاسة كده .... احنا نسبها شوية وبعدين انا هبقى اطلعلها افهم منها ايه اللى حصل .........

_ تمام ... انا هطلع أنا اغير هدومى بقى ............... اردفت إيمان لتأخذ خطواتها إلى الأعلى

............................

فى المساء .. صعدت فاطمة الى رحاب ... قامت بطرق الباب عدة طرقات لإتيها صوت رحاب الضعيف من الداخل سامحاً لها بالدلوف

دلفت فاطمة الى الداخل لتجد رحاب تجلس على النافذة وهى مسنده رأسها على إطار النافذة ودموعها تهبط ببطئ على وجنتيها

ختطت فاطمة تجاهها وفور أن وصلت حتى وضعت يدها على كتف رحاب وهى تردف بعطف

_ انا معرفش أيه اللى حصل ... بس اللى اعرفه إن محدش يستاهل إن دموعك دى تنزل علشانه ...........

فور أن انتهت فاطمة من حديثها حتى ارتمت رحاب فى حضنها وهى تبكى وتتحدث وسط شهقاتها

_ طلع خاين يافاطمة ... دبحنى بسكينة تلمة ... شوفته بعيونى وهى قاعدة فى حضنه ... ليه عمل فيا كده ؟!... انا كنت بعشقه .. كان النفس اللى بتنفسه ... ليه يموتنى بالطريقة دى ...............

كانت فاطمة تربت على ظهرها لتبعدها قليلاً بعد ان انتهت من كلامها لتنظر إلى عيونها وهى تتحدث بحزم وغضب

_ مافيش راجل يستاهل ان دموعك تنزل علشانه ... خصوصاً الحقير ده ... احمدى ربنا أنه ظهر على حققته وعرفتى أنه حيوان مابيجريش غير ورا شهواته ورغباته ... وأديكى اتعلمتى أنك متأمنيش لراجل تانى ... وتخدى حذرك دايماً... وقلبك اللى حبه ده اقسيه وخليه اقوى ... اوعى تخلى اللى حصل ده يضعفك .. بالعكس خليه نقطة قوتك ......