الصُّمود

part 22

قامت إيمان بفتح الباب بحذر لتتحول نظرتها الى التعجب وهى تنظر لذلك المتوشح الخفى أمامها الذى لا يظهر منه سوى عيناه وقفت لثوانى تتطلع بعيونه وفاطمة واقفة تنتظر أى إشارة لتتسع عيونها وهى تجد ذلك المتوشح يقوم بدفع إيمان بخفة دالفاً الى المنزل وهو يقوم بإغلاق الباب خلفه سريعاً ...

رفعت فاطمة العصا وهى تهم لتنزل بها على رأس ذلك المتوشح ولكنه اسقط الوشاح عن وجهه وهو ينظر لإيمان التى تنظر له ببرود دون التكلم

_ إيمان انتى كويسة ؟!............ اردف سريعاً وهو ينظر لإيمان لتخفض فاطمة العصا وهى تنظر هى ورحاب إليه بتعجب وهو موليهم ظهره

_ ازيك ياأدم ؟.......... قالت إيمان ببرود
وهى تنظر له لتتغير ملامحة من القلق الى بعض الفتور وهو يردف بثبات

_ الحمدلله ... المهم انتى والب........ تحدث وهو ينظر حوله لتبتر كلماته ظهور فاطمة ورحاب وهم يمرون من جانبه ليقفون أمامه

_ أدم باشا ؟!!.......... قالت فاطمة بثبات وهى تنظر له برفع حاجب

_ كابتن فاطمة .. تشرفت بلقائك .. كنت اتمنى أنه يكون فى ظروف أحسن من كده .......... تحدث بلباقة وهو يمد يده لها

_ الشرف ليا....... اردفت وهى تصافح يده بثبات وملامح جامده

_ سعيد برؤيتك يابشمهندسة ........... اردف ادم وهو ينظر لرحاب بإبتسامة

_ انا اسعد ........... قالت رحاب بنفس الإبتسامة

_ ممكن نتكلم شوية ؟................... تحدث ادم بجدية وهو يعود بأنظاره إلى إيمان لتومأ له بثبات وهى تشير له بالجلوس

التفوا الاربعة وهم يجلسون على الوسائد الارضية ولم تخلوا الجلسة من نظرات فاطمة الحاده و نظرات إيمان البارده وكلاهما تجاه أدم .. وبالطبع رحاب كانت على النقيد فقد كانت ترسم ابتسامة بلهاء تشع على وجهها وهى تنظر لأدم كأنه المنقذ الذى سيحررها من أسرها

_ احم ... انا عاوزكم تحكولى عن اللى حصل معاكم بالظبط من ساعة الترحيل لحد دلوقتى .......... تحدث أدم وهو يقطع ذلك الجو المشحون

دام الصمت لثوانى ليكمل أدم بعد زفر بقوة

_ انا عارف ان انتوا لسه مش واثقين فيا ..... وانا مش هقول اى كلمة تخليكوا تعملوا العكس بس انتوا مش قدامكم حل غير ده ..... ايمان زميلتى ورفيقة دراستى وعملى ورحاب من نسايب اخويا وانا اعرف عيلتها كويس أما فاطمة نزاهتها وتفوقها فى عملها وده اللى اتأكدت منه بنفسى ... ده كله كافى أنه يخلينى واثق من برأتكم وواجبى إن اساعدكم واثبت برأتكم .........كان يتحدث وسط نظراتهم المشككة والمتوترة .

بدأت رحاب هى بسرد ماحدث معهم أثناء الترحيل ثم اكملت فاطمة وختمت إيمان

_ اكيد الرجاله اللى كانوا وراكم دول ليهم يد فى جريمة الإختيال ده ان ماكنش هما شخصياً اللى مدبرنها ... عالعموم ده مش وقت التخطيط فى الموضوع ده .... انتوا داخلين على شهر من تواجدكم هنا واكيد المكان هنا مابقاش أمن ................... قال ادم وهو يفكر فى حدثهم