الصُّمود

part 18

دلف خارج الحمام وهو يلف منشفه حول خصره ليسمع صوت جرس الباب ... ليرتدى ملابسه سريعاً ثم ينزل الى الاسفل ....

وفور فتحه للباب حتى ارتسمت على وجهه تلك الابتسامة

_ أهلاً بمتعددة الشخصيات.......... قال بنبرة ساخرة

_ أهلاً بذئب المافيا ........ قالت بنبرة ساخرة مقلده أياه وهى تدلف الى الداخل

ترتدى بنطال چينس أسود يعلوه چاكيت باللون الاسود جلدى وتحته بلوزة باللون الرمادى وترفع شعرها الأسود ذيل حصان ... ترسم عيونها بالكحل ليبرز جمال سوادهما .. وأحمر شفاه باللون البنى القاتم ... ليبرز بياض بشرتها

_ اللى يشوفك الصبح فى الشركة ميقولش انك اللى دلوقتى قدامى ........... قال وهو يسير خلفها متوجهاً الى صالة المنزل

_ متطلبات الشغل بقى ياليث ما انت عارف .... الصبح لازم أبقى أستاذة أسمهان السكرتيرة الخاصة المتخفية خلف نضارتها الطبية ... أنما بالليل فاأنا فتاة العصابة الحرة .......... قالت بتفاخر وهى تجلس على الأريكة

_ ماشى يافتاة العصابة الحرة .. تشربى أيه ؟......... قال وهو يقف أمامها

_ ماتشغلش نفسك بتشربى أيه .. انا هتصرف مع نفسى المهم انت خد الملفات دى .. و افحصهم كويس .. القضية دى تهم الباشا جدا زى ماقالك.......... قالت وهى تخرج بعض الملفات من حقيبتها وتضعهم أمامها على الطاولة ثم تنهض ليجلس هو من فوره ويقوم بفتح الملفات

توجهت هى الى البار المخصص فى منزله وقامت بسكب كأس لها .

_ أمممم المقدم إيمان الديب ... غريبة مقدم وظابطة  وشكلها القوى ده وفى مافيا ... شكلها مافيا مش قليلة فعلاً.............. قال ليث وهو يفتح أول ملف له وينظر لصورة إيمان التى كانت مرتدية الزى الميرى و تؤدى التحية العسكرية بملامح صارمة

_ ومتنساش أنها بنت اللواء حسن الديب ............ قالت بنبرة ساخرة وهى تجلس على البار وترتشف بعضاً من كأسها

_  لوا .. وبنته تبع مافيا الموضوع فعلاً مثير للإهتمام ... شكلها فتحة خير...... قال ليث وهو يغلق اول ملف ويقوم بفتح الأخر لتقابله صورة رحاب وهى ترتدى حجابها  و تظهر ملامحها الهادئة وإبتسامتها الرقيقة

_ البشمهندسة والمبرمجة رحاب عزام ... ابنة الدكتور أحمد عزام ... لا بس جامدة وبعدين اللى يشوفها لا يمكن يقول انها فى مافيا شكلها ارق من كده بكتير .... لا ومحجبة .. ههه يانهار أسود ......... أكمل وهو يتطلع على صورة رحاب بضحكة ساخرة فى نهاية كلامه

_ متغركش المظاهر ياحبيبى ....... قالت وهى تضحك معه

_ ماشى ياست رحاب ... أما نشوف اللى بعديه اوعى لتطلع مدرسة شريعة فى الازهر ........ قال ساخراً لتضحك بصوت عالى وهى تردف