الصُّمود

part 10

بمنزل احمد عزام ....الساعة توشك على تمام التاسعة مساءاً...تجوب عائشة المنزل ذهابا واياباً وبيدها الهاتف

_ اهدى يا عايشة مش كده اكيد مشغولة علشان كده مش بترد........ قال احمد محاولاً تهدئتها

_ مش عارفه يااحمد حاسه قلبى وكلنى عليها حاسه ان فى حاجه مش كويسه بتحصل معاها........اردفت بقلق

_ ايه اللى بتقوليه ده .. ان شاء الله هتكون كويسه مش كفايه نزلتى ماجد ومحمد على مالا وشهم علشان يروحوا يشوفوها........قال احمد وهو ينظر لها

_ عمى معاه حق ياماما هى اكيد كويسة ..وبعدين انتى عارفه المؤتمرات دى بتبقى مهمة ازاى يعنى اكيد غرقانه وسط الشغل دلوقتى ...........قالت رندا مؤكدة كلام احمد

_ وبعدين ياستى زمان ماجد ومحمد قربوا يوصلوا وهيتصلوا بينا يطمنونا......اكملت ريم وهى تقف بجانب عائشه محاوطه اياها بذراعيها

قاطع كلامهم رنين هاتف احمد ليلتقط اياه...

_ اهو ماجد بيتصل......قال احمد

_ طب رد بسرعه ..........اردفت عائشه بهلع وهى تركض ناحيته

_ ايو ياماجد ايه الاخبار ؟

_ .....................

_ انت بتقول ايه ؟!! .. طب ورحاب كويسه

_ مالها بنتى يااحمد ؟.........قالت عائشه بخوف وعيون دامعه

_ استنى بس ياعايشه........اردف احمد وهو يحاول سماع ماجد على الجانب الاخر

_ ....................

_ انت متأكد طب شوف وطمنى يابنى .......
اغلق معه احمد لتلتقطه عائشه سريعاً....

_ ايه اللى حصل لبنتى يااحمد؟....... اردفت عائشة بهلع

_ حصل انفجار فى المؤتمر بس الحمدلله مافيش حالات وفاه فى بس بعض المصابين .. ورحاب مش موجودة هناك وماجد ومحمد رايحين يشفوها فى المستشفى ......... قال احمد شارحاً لتسقط عائشه على الاريكة وهى تضع  كفها على وجهها وتذرف الدموع بقوة وسط شهقاتها

_ اهدى ياماما ان شاء الله هتطلع كويسة ........قالت رندا وهى تمسح على ظهرها

_ اهدى ياعايشه انا هروح اشوفها وهطمنك ادعيلها بس........قال احمد

_ لا يمكن رجلى على رجلك ......قالت عائشه سريعاً وهى تنهض

_ تروحى فين بس خليكى انتى هنا ......قال احمد سريعا

_ لاء انا لازم اطمن على بنتى بنفسى.......قالت نافيه بثبات

_ خلاص يابابا خدها معاك علشان تطمن .......قالت ريم وهى تنظر لأحمد ليومئ لهم بضعف

............................

اما فى منزل علي القاضى ..فلم تكن وفاء بأقل وضعاً