الصُّمود

part 13

خرجت لتقف امام البيت ، بحثت بنظرها لتجد ايمان واقفه ويبدوا انها شاردة فى امر ما فلم تنتبه لاقتراب فاطمة منها ، اقتربت فاطمة لتضع يدها على كتف إيمان لتنتفض وهى تنظر للخلف ، لتتعجب فاطمة مما رائت....

كانت عيون إيمان دامعه وبعض اثار الدموع على وجنتها...

_ فف...فاطمة !...فى حاجة.........اردفت إيمان بإرتباك وهى تحاول ان تخفى وجهها عن فاطمة

_ لا ... انتِ كويسة ؟..........تسألت فاطمة وهى تنظر لها بتمعن

_ اه كويسة .. رحاب فاقت؟....... قالت إيمان سريعاً وهى تحاول تغيير الموضوع

_ اه فاقت .... اجابت فاطمة بإختصار وهى تلتفت لتنظر للفراغ امامها
_ هنعمل ايه دلوقتى ؟.......سألت بعد فترة من الصمت

_ كل اللى اعرفه اننا مش لازم نبقى هنا اكتر من كده ... لازم بكرة بالكتير نشوف مكان غير هنا نتخفى فيه..........قالت إيمان بثبات وهى تنظر امامها وتضع يدها بجيوبها

_ معاكى حق ... لازم نلاقى مكان فى اسرع وقت محدش يقدر يوصلنا ليه ........ تحدثت فاطمة مؤكدة
_ ايمان عايزة اسألك سؤال.......اكملت فاطمة بعد فترة صمت وهى تنظر لها

_ همممم.....همهمت ايمان منتظرة سؤال فاطمة

_ انتى تبقى إيمان بنت اللوا حسن الديب ؟.......تسألت فاطمة وهى تنظر بتمعن فى ملامح إيمان

_ للأسف اه........اردفت إيمان بإبتسامة سخرية استطاعت فاطمة ملاحظتها جيداً لتدرك انها قد وضعت يدها على الوتر الحساس.. لتومئ برأسها وهى تهمهم متفهمة الامر

_ وهو اللى جه يزورك اثناء الزيارة ؟.......اكملت فاطمة وهى مازالت تنظر اليها وهى شاردة امامها

_ لااا.. سيادة اللوا مكانته اكبر بكتير من انه يزور مجرمة زى ........ اجابت ايمان بنفس ابتسامة السخرية ولكنها كانت ممزوجة بألم واضح فى نبرة صوتها ونظرة عيونها الحزينة اللامعه

_ أمال مين اللى كان بيزورك ؟.. حضرة الظابط ادم بردو؟..........اردفت فاطمة وهى تنظر لها

_ وده يهمك فى ايه ؟!.. انتى هتحققى معاية..........اردفت إيمان بحده وهى تنظر لها

_ لا بس احنا فى مركبة واحدة .. وبندور على اى خيط علشان يطلعنا من الورطة اللى احنا فيها دى .. فلازم نكون متعاونين مع بعض اكتر من كده .........قالت فاطمة بثبات وهى تنظر امامها ثم التفتت لتنظر لها فى اخر جمله لها.. لتأخذ إيمان نفس عميق محاولة لم شتات نفسها وهى تقتنع بكلام فاطمة لتردف بعد فترة ...

_ دى كانت أمى واخواتى ....... قالت إيمان بإختصار ..

لم تشأ فاطمة ان تضغط عليها اكثر خاصةً بعد ان رأت ملامحها التى تدل على الغضب والإنفعال بعد عدة ثوانى