الصُّمود

part 28

أخذ خطواته الى الداخل ليجده يجلس على مكتبه بهيبته المعتادة وفور أن رأه هتف بعملية وهى يشير له بالجلوس

_ أقعد ياليث ............

_ ها عرفت أيه ؟! ...... اكمل بترقب وهو ينظر لليث

حمحم ليث ليبدأ بالحديث وهو يعود بذاكرته الى ماحدث أمس

Flash back.

_ أعتقد ان جه دورك علشان تعرفينى على نفسك وانتى تبع مين ..........
اردف وهو يقف أمامها لتنظر له بثقة وهى تقوم بتعديل ملابسها ثم توجهت الى المقعد لتجلس وهى تضع قدم فوق الاخرى

_ أوعى تفتكر إنى غبية للدرجة إللى تخلينى أرجع برجلى للمكان اللى كنت مستخبيه فيه وانا عارفة أنه متراقب كويس ............. اردفت بإبتسامة ماكرة وهى تنظر له

_ قصدك أيه ؟!!.......... قال بتعجب

_ قصدى إن كل حاجة مخطط ليها ياليث باشا .............

_ مخطط ليها ازاى وانتى تبع مين ؟ .. انطقى لأن بدأت أفقد صبرى ............. اردف بتهديد وهو يشير لها بأصبعه السبابة

_ تؤ تؤ ... أهدى ياليث لأن اللى جاى أحلى ........ اردفت لتنهض وهى تسير أمامه مكملة

_ بخصوص انا مين .. فانت عارفينى كويس كابتن فاطمة القاضى .. مدربة فنون قتالية ... ده اللى الناس عارفاه ... أما بقى اللى الناس متعرفوش إنى ابقى تبع مافيا أقوى بكتيييير من العصابة الجميلة بتاعتك اللى بتتفاخر بيها واللى بعتينك علشان توقعنى .............. قالت وهى تقف أمامه ناظرة له بنظرات ثاقبة

_ ومين بقى المافيا القوية دى .. واللى إحنا منعرفهاش ؟! .............  قال وهو يضم يداه الى صدره ناظراً لها بوجه خالى من التعابير

_ مش مطلوب منى إنى اعرفكم دلوقتى ... كل اللى مطلوب منى إنى أوصله ليكوا ... هو إن المافيا اللى أنا تبعها مش جوا البلد أصلاً .. هى فى ألمانيا ... وهدفنا كان هدفكم بالظبط إختيال وزير الصحة و وزير الدخليه .. طبعاً مكنش فى مصلحتنا إن تتوقف شحنات الأدوية اللى كنا عاوزين ندخلها .. ومعاليه يكتشف إنها فاسدة ... علشان كده كنا حابين اننا نخلص منهم .... وجودهم موقف كتير أوى فى شغلنا ... وبالصدفة مهمتنا كانت هتتنفذ فى نفس اليوم اللى انتو نفذتوا فيه مهمتكم .... وحصلت المضاربة بدل ماكنا ننفذ إحنا المهمة نفذتوها انتوا وورطونا .. انا و العميلات اللى كانوا معايا واتمساكنا .............

_ يعنى انتوا مش تبع الشرطة ؟! ......... قال وهو ينظر لها بشك

_ هه ... لسه بتسأل السؤال ده ... هو احنا لو تباعهم بذمتك هيقبضوا علينا ليه ؟ ...... صحيح انتوا خططتوا علشان تبعدونا وتورطونا ... وبالفعل نجحتم ... بس أغبية مكنتوش عارفين إن مش أحنا اللى المفروض تبعدونا لأن هدفنا كان واحد .............. قالت بثقة وتمثيل ماهر وهى تنظر له دون الرمش