الصُّمود

part 6

       
                      25 مايو 2019

وقفت امام المرأة وهى تعدل من هيئتها الاخيرة...ارتدت قميص باللون الازرق وبنطال چينس بنفس اللون وجاكيت باللون الجملى وجذمة بكعب عالى ولفت حجابها البسيط باللون الازرق..

حملت حقيبتها الانيقة ثم دلفت خارج غرفتها لتترجل الى الاسفل ...

_ وادى اميرتنا الصغيرة جت...... قال محمد بإبتسامه وهو ينظر لرحاب وهى تنزل على السلالم

محمد : اخو رحاب يبلغ من العمر الثامنة والعشرون يعمل مدير اعمال فى احدى الشركات ..متزوج منذ سنه ولكنه لم ينجب بعد

_ مرسى يامودى.....قالت بعد ان وصلت إليه وهى تطبع قبلة على وجنته

_ مودى وبوسه .. لا لا انا كده بدأت اغير......قالت ريم زوجة محمد وهى تنظر لرحاب بعبوس مصطنع

_ ملكيش دعوة يا ريم انا الحب الاول لمودى........قالت رحاب وهى تخرج لها لسنها ليضحك الجميع على طفولتها التى لا تنتهى مهما كبرت

_  طب اقعدى يالمضة كلى قبل ماتروحى على الشغل......قال أحمد وهو ينظر لها بإبتسامه

_ حاضر يابابتى .. يامدلعنى انت......قالت رحاب وهى تجلس بجوار امجد

_ هو فى حاجة جبتلنا الصداع غير دلعك ده ....... قالت عائشة وهى تنظر لرحاب

_ معاكى حق ياماما.. بس اهى بتسلينا .....قال امجد مازحا

_ اخص عليك ياامجد .. بسليكم شايفنى قردة.........قالت رحاب وهى تمد شفتيها لينفجر الجميع ضحكاً

_ لاء قردة ايه لسمح الله مين قال كده..ده رحبه الخير والبركة........قال امجد وهو يحاوطها بذراعه

_ ياسلام ياخويا .. امال فين صحيح عمورتى ورندا انتو وعدتونى ان كلكم هتفطروا معانا انهارده......قالت رحاب وهى تنظر لأمجد

_ احنا هنا ياستى ......قالت رندا و هى تدلف من الباب الزجاجى المؤدى للحديقه الخلفيه ومعها عمر الذى ماان رأى رحاب حتى ركض ناحيتها ليعانقها بقوة

_ عمتو وحشتينى كتيييير..... هتف عمر وهو يعانقها بعد ان نزلت لمستواه

_ وانت اكتر ياعمورى ياروح عمتو ......قالت وهى تطبع قبلة على وجنتيه الاثنين
_ انا اللى هاكلك بأيدى انهارده......قالت وهى تجلس على مقعدها مجدداً مجلسه عمر على قدميها

_ من الصبح دوشنى علشان عايز يشوف عمتو.....قالت رندا بإبتسامه وهى تنظر لرحاب

_ وعمتو كانت هتموت وتشوفه بردوا....اردفت رحاب وهى تبعثر شعر الصغير بإبتسامه

_ بس انهارده طالعه زى القمر يارحبه.....قالت ريم وهى تنظر لرحاب

_ مرسى ياقلبى .. انتى بس اللى عنيكى حلوة.....قالت رحاب بإبتسامه