الصُّمود

part 14

وصلوا الى المنزل لتطرق فاطمة الباب وبعد فترة فُتح لتظهر فتاة تبدوا فى أوائل العشرينات وهى تردف بسعادة...

_ كابتن فاطمة !.. اهلاً وسهلاً ايه النور ده .........

_ ازيك ياشيماء عاملة ايه؟!....... قالت فاطمة بإبتسامة وهى تنظر إليها

_ انا الحمدلله .. اتفضلى ....... أجابت شيماء سريعاً وهى تجذبها من يدها لتدخلها الى الداخل

_ استنى بس .. انا كنت عوزاكى فى موضوع قبل ماادخل ..........قالت فاطمة وهى تسحبها للخارج وسط نظرات إيمان ورحاب..
جذبت فاطمة يد شيماء لخارج المنزل ليقفا جانباً

_ بصى ياشيماء .. احنا كنا جايين فى شغل خاص يومين انا والبنات وللأسف عربيتنا عطلت على الطريق و مش لاقين مكان نبات فيه ..فبصراحة محتاجة مساعدتك .......... قالت فاطمة وهى تنظر لشيماء بترقب وتشير الى إيمان ورحاب

_ انتى بتقولى ايه باكابتن فاطمة!!! ... انتى تنورينا انتى وضيوفك ........قالت شيماء سريعاً بإبتسامة

_ ربنا يخليكى .. بس احنا مش عاوزين نزعجكم .. يعنى لو تشوفيلى مكان نبات فيه يومين من غير ما حد يعرف احنا مين يبقى احسن ..........قالت فاطمة

_ ازعاج ايه !.. مفيش مكان احسن من بتنا ومتقلقيش محدش هيعرف انتوا مين علشان مهمتكم ولا يزعجكم ......... قالت شيماء مؤكده وهى تسحب فاطمة بإتجاه صديقتيها

_ دى شيماء صديقتى ... ودول إيمان ورحاب زميلى ........اردفت فاطمة وهى تقدم شيماء لإيمان ورحاب

رحبت بهم شيماء بحراره ثم دعتهم لدخول المنزل ..
كان منزلاً هادئاً بطراز قروى بسيط ...

_ ايه ياشيماء يابنتى .. انتى معاكى ضيوف ولا ايه؟ ........  تحدثت إمرأة تجلس بصالة المنزل تبدوا فى عقدها الخامس

_ ااه .. ياامى دول زميلى فى المعهد وهينزلوا هنا يومين فى البلد ..........اردفت شيماء وهى تدلف هى و الفتيات

_ يااهلاً وسهلاً نورتونا .. اتفضلوا ...... قالت السيدة بإبتسامة وهى ترحب بهم

_ ده بنورك ياحاجة .. ربنا يكرمك ....... قالت فاطمة بإبتسامة وهى تصافح تلك السيدة

_ ربنا يخليكى ياحبيبتى .. يلا يا شيماء خدى ضيوفك يرتاحوا فوق من السفر عقبال ما الغداء يجهز .........اردفت والدة شيماء وهى تنظر لإبنتها لتومئ لها

_ والله ماعايزين نتعبك معانا ياحاجة .......قالت فاطمة وهى تنظر لوالدة شيماء بإمتنان

_ تعب ايه يابنتى.. انتوا عايزين الناس تاكل وشنا اياك ...... قالت والدة شيماء بعتاب

اصطحبت شيماء الفتيات لإحدى الغرف العلوية .. ثم جلبت لهم بعضاً من ملابسها وتركتهم ليرتاحوا قليلاً ونزلت الى الاسفل لكى تساعد والدتها