Love @ First Fight

Chapter Seven

Nadine's Pov

"Are you going home?" Tanong ni Matt pero hindi ko siya pinansin at nagpatuloy lang sa paglalakad.

Binilisan at nilakihan ko pa ang hakbang ko hanggang sa harangin niya ako. Napapikit naman ako sa inis pero hindi ko parin siya pinansin at umiwas nalang sa kanya.

"I walked around for 30 minutes trying to find you" sabi pa nito sabay harang ulit sakin "where have you been?" Tanong pa niya

"Ako ba kinakausap mo?" Tanong ko kay Matt tsaka ito inismiran at nagpatuloy sa paglalakad

"No one else is around" sagot pa nito sakin na hinarangan ulit ako. Umiwas ulit ako at nagpatuloy sa paglalakad. Pwede naman niya kausapin sarili niya ah! Ako nga kinakausap ko mga dahon at plastik pati nga bato kinakausap ko eh

"You okay? Are you mad at me? Let's talk" sunod sunod na tanong nito. Huminto ako at nakipaglaban ng titigan sa kanya. Heto na naman ang puso ko, tumatalon talon at tila gustong kumawala sa rib cage ko. Kailangan ko na sigurong magpa check up baka kung ano na ito. Iniwas ko ang tingin at kinalma ang sarili.

"Kung gusto mo akong makausap magtagalog ka" mahinahon na sagot ko sa kanya at nagpatuloy sa paglalakad.

"Okay I got it" sagot nito. Tinignan ko naman siya ng masama. "What?" Parang naguguluhan pa nitong tanong sakin

"Tagalog nga diba?!" Malakas na sabi ko at binilisan ang paglalakad

"Ihahatid na kita" habol nito sakin tsaka niya ako sinabayan sa paglalakad

"Ayoko" tipid na sagot ko

"Bakit?" Sunod na tanong niya

"Ayoko lang" sagot ko naman sa kanya

"Bakit nga?" Kulit na tanong nito

"Hindi ka paba nagsasawa sa mukha ko? Ako kasi sawang sawa ng makita yang pagmumukha mo eh" huminto ako at tinignan siya. "Alam mo bang ikaw ang unang taong nakita ko pagkagising ko? Tapos maghapon pa kitang nakikita at nakakasama, kulang nalang magpalit tayo ng mukha ah! Tapos ngayon gusto mo pa akong ihatid? Edi ikaw na naman yung huling taong makikita ko ngayong araw? Kaya please lang lubayan mo muna ako" walang prenong sabi ko

"Girlfriend kita at responsibilty ko ang ihatid sundo ka, samahan, sabayan sa pagkain and to make sure that you are safe" sagot nito sakin

"Kaso hindi mo ako girlfriend!" Mariin na sabi ko

"Girlfriend kita" kulit parin nito

"Okay sige ganito nalang. Friends nalang tayo parang katulad kina Sync at Zin" sabi ko dito

"Not just ordinary friends. You are my girl" halos matuyuan naman ako ng dugo sa kanya

"I'm not your girl okay" pilit ko parin

"My girlfriend" sabi pa nito

"Bahala ka sa buhay mo" sabi ko at naglakad na palabas ng gate ng school.

Pinara ko yung jeepney na dumaan at agad na sumakay doon. Nagulat nalang ako ng biglang makita si Matt na umuupo sa tabi ko.

"Anong ginagawa mo dito?" Mahinang tanong ko kay Matt.

"I told you ihahatid kita" sagot nito sakin

"Kaya ko ang sarili ko bumaba kana" sabi ko dito pero hindi niya ako pinakinggan.

Unti unting pumuno ang jeep at nagsiksikan na kami sa loob. May mga ibang estudyante pa na tila kinikilig habang nakatingin kay Matt. Bakit ba ang daming nagagwapuhan sa kwagong to eh wala naman akong makita.. na.. gwapo.. sa.. kanya..

Naiwan ang mga mata ko sa mukha ni Matt. Pinagmasdan ko ang mukha niya at tsaka ko ulit nakita si Park Bo Gum sa kanya. Gamit ang kanang kamay niya ay pinunasan nito ang pawis na tumutulo sa noo niya. Nang napatingin ito sa akin ay nginitian niya ako. Umariba na naman ang kiliti sa tyan ko kasabay ng pagkabog ng puso ko.

"Bayad po" nagbalik ako sa wisyo ng ipaabot ng matandang babae ang bayad niya. Inabot ko naman ito at pinaabot sa katabi ni Matt.

Inilabas ko naman ang isang bente pesos mula sa bag ko at ng iaabot ko na yon para magbayad ay pinigilan ako ni Matt. Siya nalang daw ang magbabayad, dahil masikip sa jeep ay nahihirapan itong kunin ang wallet niya

"Ako nalang" pilit ko pero pinigilan at hinawakan nito ang kamay ko

Sa wakas ay nakuha nito ang wallet niya. Abot tenga ang ngiti niya ng pinakita nito ang wallet niya. Pawis na pawis din siya na akala mo ay nag workout. Inilabas nito ang isang card at tila iaabot para gawing pagbayad kaya naman mabilis ko siyang pinigilan habang natatawa. Ang ibang kasama naman namin sa jeep na kanina pa nakamasid sa kanya ay hindi na napigilan ang pagtawa. Ayoko sanang tumawa pero natawa narin ako.

"Wala kabang cash? Ako nalang magbabayad" natatawang tanong ko sa kanya

"Hindi pala pwede yung card dito" nakitawang sabi niya habang binabalik sa wallet ang card niya. Naglabas naman siya ng isang 500 peso bill at agad pinaabot bilang bayad namin

"Boss wala po ba kayong barya?" Tanong ng driver kay Matt

"Keep the change nalang po" sagot ni Matt kaya naman nakurot ko ang tagiliran niya

"Boss thank you!" Masayang sabi naman ng driver. Pagsasabihan ko sana si Matt pero wag nalang pala. Mukha kasing pagod narin si manong at matanda na, at least nakatulong si Matt para makapagpahinga ito ng maaga.

"Ang galante ni kyah" puna ng isang estudyanteng babae na tila kinikilig pa

"Mayaman sa montreal nag aaral" sabi ng katabi ng babae na mukhang kaklase niya

"Buti nag jeep kayo?" Tanong samin ng isang may edad na babae nasa late 40's na siguro siya

"Tinoyo po siya" nakangiting sagot nito sa matanda sabay turo sakin. Mahinang siniko ko naman siya at ngumiti sa matanda. Magalang naman pala itong kwagong to sa matatanda.

"Ang cute niyo namang dalawa bagay na bagay kayo" puna pa samin ng matandang babae

"Salamat po" masayang sagot ni Matt at hinawakan pa ang kamay ko. Babawiin ko sana kaso baka mapahiya siya.

Nabawasan ng dalawang pasahero sa linya namin kaya naman lumuwag kami ng konti. Pawis na pawis si Matt kaya naman inilabas ko sa bag ko ang isang pack ng tissue at kumuha para punasan ito. Ngiting ngiti naman ito sakin at sinimangutan na binigay sa kanya ang tissue.

**********