فوبيا الحب❤
حلقة[2]
ايمان:حطيها في كوشه ي جوري
هاجر:باهي
ماما: حطن للباتكن شاهي
هبه:حاضر ياماما
نا:نا مليت راه والله تعبت بعدين يجو ياكلو ويضحكو وروحو محماط خزي
ايمان:اغسلي واسكتي راه نوريك وجه ثاني
نا:ياااوعر انت يانصي هههههه
هاجر:هييييي طاح سعدكن من الي حطت طرف شيش بدون ماتلبسه في دحي وخبزه
نا:هههههه مش نا بكككل
هبه:هههه ياقرده تلعبي
نا:شن رايك ياهيبو ههههه
هاجر:تفووو عليك وحق اللله نوريك اطلعي برررا
ايمان :تي هذا الي تبيه هي اصلا
نا:هههههه منورات سلام
ايمان :شوفيلنا ساعه كم يا ابله وانتي طالعه
نا: عشره اوعل تسعه عقرب صغير ياعقارب فسرنها بروحكن
بابا يكح
نا:نجيبلك ميه ونجي
نا: تفضل يا بابا اشرب شرب
بابا:تعرفيش ساعه انتي ولا كيف
نا:ههههه عادي تصير يا بابا في ارقي بنات هههه
هاجر:هذا غباء اسمه ولا طروح
نا:طروح طروح غباء مش شوري ياروحي
هبه:أكثر شخصيه مغروره علي وجه كورة الارضية
بابا: باب يدق امشي افتحي وجيبي معاك شخشيري
نا: حاضر ايوووه من من
منتصر: صقر جاء من يعني
نا:تفضل ياثقه سمي بللله بس نبي نعدي نجيب شخشير للبابا ونجيك
منتصر خش للمطبخ
هبه:هههههههه مثقلكم توا نشوفها حناطه هذي بعد يخش احمد
منتصر:سلام عليكم ورحمة الله وبركاته
نا:هههههههه خواف
منتصر:اللله غالب وين امي
نا:في دار المعيشه اكيده ع الاخبار
ايمان: هذا اسمه احترام مش خوف كملت ياجوري نا بعد تكملي قلي طفي ع شربه وخلاص
نا:هيا نهجمو عليها يا موني
منتصر:هههههه هيا
نا و منتصر:ياماااااامااااا ياامي فوفو
ماما:اللله يفجع دريزكم ناقصه نا اصلا
نا وموني:هههههههههههههههه
ايمان:هو صغير اقتنعنه لكن انتي امته تبي تكبري بس
نا:مازال بدري غير اقعدي ياروحي والله مانك عاقله لين انطرشق مني ههههه
انفتحه الباب وخش احمد
احمد:سلام عليكم وينكم
نا: عليكم سلام في دار ياحمادي تعال
ماما: رن عليك خيك ياحميدا
احمد:لالا عليش خير انشالله يبي حاجه
ماما:لالا بس مرنش علينا له يومين
احمد:رن عليا امس قالي عنديش رصيد طمن هلي غير روحت متأخر من جماعه وعديت للعمل بدري
ماما:الله يطمنك ياباتي ويريح قلبك
منتصر:احمد نسهر مع اصحابك ولا نرقد
احمد :ارقد ايمان شن درتن عشاء
ايمان:مكرونه وشربه وبطاطا امبطنه وشيش الوساده ودرنالك كيكه مع قهوه
احمد:شن ناقص
ايمان :قازوزه وعصير بس باقي كله واتي
احمد:منتصر صبي هك مفتاح سياره خوذ منها الفلوس وجيب الي قالو عليه ومعه كرت ليبيانا ومدار وكم شكاره مكسرات مع شاهي
منتصر:باهي
وطلع منتصر
ماما:خليه خيك معاك جنب اصحابك
احمد:حاضر ياامي
نا:احمد جبتو بضاعه
احمد:اها نبيك ادونيها ليا في كراس الي وعطيه لك ونعطيك سعر جمله للدبش وتكتبه ليا بيش بعدين نسعره
هبه وهاجر:كملنا خلاص ع حط بس
احمد:ربي يعطيكن صحه ساعه 11 توا صح
نا:اها
منتصر: هاااكو جبته نوعين قازوزه نوعين عصير ومكسرات وكروت تلقاهن ع طاوله ف مربوعه
احمد:تمام تعال تفرج معايا ع مباره ف مربوعه لعند مايجو شباب
منتصر:مش قلتلي ارقد نبي نرقد نعسان
احمد:غير تعال فكني من حرج صبايا
نا:هههههههههه
احمد:كملتي
نا:اسفه والله
أحمد:الحقني انت
خشو مربوعه ونا قعدت نتفرج بعدها تعشت ماما خشت رقدت وبابا روحه تعشاء رقد قعدنا نحن نحوسو علي أصحاب احمد كيف جو ساعه 12ونص
