#فوبيا_الحب❤
الحلقة[54]
انا طلعت لقيت سيارته قاعده بحتت لقيته مطبس ع رانيا
انا نبحت فيهم : سلام عليكم
باسم رفع رأسه ورانيا مبتسمه
بنات : عليكم سلام
رانيا : باهي يا سامو اهيا الله يربحك عيني فيها
ام رانيا فنصت : رااانيا
باسم وخر : إن شاء الله يصير خير هيا سلام توا
انا كنت لابسه بنطلون رصاصي واسع ومعاها بلوزتها رصاصيه كامله لبسه
ولابسه سندل راقي وبسيط بودري وشاح بودري قعدت نسلم عليهن مع جيت ماريا جايبه قهوه وراها سيلا بالحلو
قمعزت وقعدت نحك في ايدايا
جت ماريا تقدم عليا : تفضل مدام
نا مديت يدي ناخذ منها مش مركزه بكل عشان نا مانشربش فيها اصلا
رانيا : حي باسم ناسي مفتاح سياره وتلفونه توا نشيله له
انا انصدمت وبنات يهدرزن مع رحاب وزينب مافطننش
عميمه : تريحي يا روينا توا تشيلهن ايلاف
رانيا حطت مفاتيح وفون ع طاوله وبحتت فيا : تعالي خوذيهن
انا صبيت مع جيت باسم حطيت فنجال قهوه
باسم : اوفي مفاتيح و النبي تأخرت "وعدا"
انا خذيتها ولحقته
باسم قرب مني : كنك واخذه قهوه
انا : مش فاطنه للروحي
باسم : تبي حاجه من برا
انا : لالا
باسم فتح باب سياره كرني نا جوا ع كرسي سواق لكن كرعيا برا هو جاء مقابلني : كنه فوبيتي زعلان
انا : لا مش زعلانه
باسم : تي حافظك انا راه
انا : تؤ تؤ
باسم قرب جنب وذني : مش جايبلها شي شن تبي اخري
انا ابتسمت عشان فهمني من دون ما ندوي احلي حاجه فيه، بعد شخص اللي تحبيه يفهمك من دون حتي تبيني عشان انا ردة فعلي جت هاديه بذات جنب امها وعميمه عشان حتي باسم ما ينحرجش
انا بصوت هادي : نحبك
باسم وخر وحط ايده ع سقف سياره مبتسم : فكرونتي زعاله الغيوره اللي نموت فيها
انا : حول نبي ننزل
باسم : مش هاين عليا نعدي ونسيبك
انا : غير حلفتلك
باسم : ههههه لا والله نبي نعدي بس مش هاينه والله
انا وخرته : خلاص راه يزرق علينا شي حد انت مفروض تحمد ربك ليل نهار عشان فيلا كبيره وانت واخذ رااحتك
باسم : كنك تنقي عليك يا فوبيا انتي
انا فنصت : باااسم نقص حسك راه يسمعو لقب بعدين ما في حد يعرفه الا انت صحباتي وخواتي
باسم : لا توا نقوله لهم نا
انا نزلت : عليك حناطه ياربي
باسم : مهنتيش عليا نعدي ونخليك زعلانه قلت نراضي حبيبي قبل😉
انا : نجيلي قلبي ياربي
باسم ركب في سياره : كان نطبقك ونحطك في جيبي ونشيلك معايا وكل ما نرايف عليك نطلعك نبوسك وندسك اخري
ونا قعدت نضحك
باسم يضحك : امشي خشي يا فكرونه
انا بعدت من سياره مازالت نضحك : باي
باسم سكر باب : باي حبيبي
طلع بسياره وانا رديت للبنات ومبتسمه
قمعزت قعدت نبحت في رانيا تضحك وجوها سمح وتهدرز مع بنات وسناء صبت ترد ع تلفونها واسماء حتي هيا تلفونها رن كل وحده خذت جيهه في جنان وعميمه تهدرز مع مراه خوها ونا ورحاب نهدرزو ع حمل وتعب حمل وقعدت تدويلي ع هلها ونا دويتلها ع هلي ورانيا مره مره تضحك مع خواتها بس بصوت عالي لعند كلنا نبحتو فيها رن تلفوني كنت حطاته ع طاوله
حنين شفاته : اوفي هذه لوكا
انا صبيت خذيت فوني وتبعددت
انا : الو
ملاك : ايوه شن جو
انا : تمام سامحيني مارنيتش عليك
ملاك : لا عادي بس توا فاضيه
انا : اها فاضيه ادوي
ملاك : فارس
انا : كنه
ملاك : يبي يطلع فرح وانا مانبيش
انا ضحكت : عليش
ملاك : مازال بدري
انا : لا بدري لا سو توكلي ع الله معش تلطي ع روحك مش كويس لط
ملاك : انا خايفه نحمل كيف يقعد منظري في جامعه
انا : عليك طروح شن فيها توا في بنات وااجد يجن بطونهن قدامهن ويمتحنن صح واعره وحتتعبي بس الله غالب معش تلطي والله ماهو كويس شوفي فرح احمد كل مره نوخرو فيه هو يبي يطلعه اليوم قبل بكرا
ملاك : إن شاء الله خير اسمعي توا ندو في تجديد وتنزيل مواد بيش تجي عشان استاذ خش انتظار
انا : لا جايا أن شاء الله
ملاك بنبره شك : ايلاف
انا : والله جايا هههه
ملاك : اصلا في ميه موضوع نبو نحلوهن
انا : إن شاء الله ان شاء الله
ملاك : هيا سلام
سكرت ورديت انا و سناء واسماء قمعزنا
انا : مع من تشلطن
اسماء : نا خطيبي
سناء : حق صاحبتي وانتي
انا : حتي انا صاحبتي هههههه
رحاب : صاحبتك صار مش باسم يعني
انا : هههه والله صاحبتي
رحاب : يعوينك انا من أول ماتخرجت معش دورني بكل
انا : نحن موعدات بعضنا مانتفاقوش بكل عشان هنا جزء كبير في حياتي ما نقدرش نستغنى عليهن
رحاب ابتسم : ربي يحفظكن
انا : تسلمي يا خيا ان شاء الله
مراه خاله باسم : مازال ما حملتي يا ايلاف
انا : لالا
عميمه : اختك حملت
انا انحرجت : اها حامل
رحاب : عادي حتي انا تأخرت
زينب : اها تصير يا ايلاف راه
عميمه : إن شاء الله خير
رانيا : بالك ماتحمليش عشان سمن
سناء : بس اوفي نقصت واجد ومش قاعده سمن وماملي دبه وحملت
مروه : مرات دهون أو هرمونات أو حاجه نفس هكي
اسماء : ضحكتني ع اساس قريات طب
انا نبحت فيهن وخلاص
رانيا بهزو : اقري عليهن يا اوفي كان هذا نقصي اخري
انا : إن شاء الله بس مازال بدري نبي نقرأ
عميمه : بدري من عمرك يا حنه هههه نبي نشوف عويل باسم هذا آخر عنقود
انا ابتسمت : إن شاء الله يا عميمه
قعدن يهدرزن عادي وغيرن موضوع
وانا تنكدت صراحه وقعدت نفكر يعني هي جتني مرتين شهر هذا مازال ما مرضت كيف يعني نحلل ولا نفوت اعراض حمل ماحسيتش بيهن مره قاريه استفرغ بس انا رجعت مره وحده عند هلي عشان معدتي من موقف ايوب حسيته كانه قالي حسبي الله ونعم الوكيل فيك وانقهرت حسيت روحي انا سبب هو تقول ما في فرحي لقيته يشلط ويقول في كلام سمح للخطيبته ومره ثانيه في صبح بعدين انا ناكل عادي يعني مافيش اي اعراض قعدت ناكل في شوكولاطه نا ماكنتش ناكل فيها زعما هذينا هرمونات اللي قالت عليهن بارده هذه بس شن دخل هرمون في شوكولاطه تي كليتها مرتين بس استغفر الله العظيم توا نفهم من هاجر والاء وخلاص نحس في روحي مش فاهمه شي نا كنت بعيده كل بعد ع كلام حمل وصبايا وجيج هذا كله صبرني يارب
رحاب : فيش سرحان الحب
انا : لا شي
رحاب : ماتعدلي ع حد راه حتي انا دارولي نفسك بس بعد حملت شوفي كيف خايفه عليا عميمه
انا : كان ماحملتش
رحاب : تعوذي من شيطان كنك بعدين مازال بدري لكم شهرين بس
انا : حتي انا قلت بدري
رحاب : فوتي ماتحطيش موضوع في راسك إن شاء الله ربي يرزقك
انا : إن شاء الله
سناء رن تلفونها شافت اسم ابتسمت خذت فون و صبت
......
الاء : كويس 5 انواع
هبه : تمام بكل ودزي ع موزه
الاء : خلاص توا نقول للماما
هبه : توا نغسلك مواعين وننزل خلاص هذاك هوا
الاء : خليهن عدي كلمي عصام يرن
هبه : لا توا نغسل قبل
الاء قعدت تلم وهبه تغسل ويهدرزن كل مره ع وحده من بنات و بعدها هبه كملت ونزل والاء غسلت وخشت للدارها قالت للامها ماتبيش عشاء
.......
منذر جا مسج "وينك ولا مع مدام"
رن تلفونه
هاجر : من يرن
منذر يقرأ : مش مهم
هاجر : نحط عشاء ونجيك
منذر خذا تلفون : خليك توا نحطه انا
هاجر تبحت فيه : تمام
طلع منذر للسقيفه قدام شقته ورن ع صاحبه
منذر : ايوه
صاحبه : الو شن جوك
منذر : تمام قتلك اندزلك رقم نبي نعرف من
صاحبه : مراقبين فونك نحن اي اتصال من رقم غريب وانت ترد نحن نعرفهو دغري
منذر : لا مارديتش بس نبي نعرف من
صاحبه : باهي دز بس مديتلك اجازه شهر
منذر : عليش انا مش خايف اندافع ع وطن
صاحبه : لا لازم تخاف ع روحك انت توا مش بروحك عندك مراه وعندك عيل في طريق والله يا منذر ما تسمع كلامي وكلام عقيد وربي نحبسك ولا يلمسك واحد فاهم ولا مش فاااهم
منذر ساكت
صاحبه : نحكي معاك نا ياحكيه فكني من تسكير رأس
منذر : باهي خلاص ازف بس وربي شهر ماني قاعده قضيه انا بادي فيها انا اللي نكملها
صاحبه : توا اهمد شويه وبعدين ساهل تحركات كاثرات
منذر : منور يا غالي ان شاء الله خير
صاحبه : بجوده يا طيب سلام
منذر : اوكي
سكر منذر من صاحبه دز رقم للصاحبه وخش للمطبخ حط حكية تن وجبنه وقلي دحي كر باكو عصير من ثلاجه وحطه في سفره وعدي بيهن للدار خش ما لقش هاجر حط سفره وطلع فتح حمام لقاها مطبسه ع حوض تغسل في وجها وتبكي
منذر : كنك يا روحي
هاجر برمت حضناته : مينو تعبت انا
منذر يمسح ع شعرها : معلش يا روحي فتره وتعدي تحملي عشان خاطري
هاجر حطت رأسها ع كتفه مسحت دموعها في تيشرت منذر قعد يلفلها في شعرها وطلعها من حمام خش بها للدار حطها ع سرير
هاجر : وخر سفره بنة دحي يزعم الكبد هذا عليش رجعت
منذر : باهي نكب دحي كولي تن وجبنه
هاجر : تن لا جبنه بس
منذر : حاضر مهم تاكلي
رد تن ودحي للمطبخ
منذر جا ع سرير : اهي جبنه كولي اللي تحبيها وهذا عصير تعشي
هاجر : وانت
منذر : عنديش نيه
هاجر : خلاص حتي انا معش نبي
منذر : كولي توا ناكل معاك باهي
هاجر غمست في جبنه وقدمت يدها ع فم منذر : هيا
منذر ابتسم وفتح فمه كلاها
هاجر : مينو نا مضايقتك من وراء حمل
منذر : لالا مش شورك بس جوي تعكر في قصص في عمل
هاجر : كيف عرفتهن القصص وانت قاعد معايا لك كم يوم حتي لاسلكي مسكره
منذر : رنو عليا خلاص حبيبي تعشي وارقدي
هاجر قعدت تعشي وتبحت في منذر
منذر يتعشي ويفكر في عمل وقصه قضيه وتهديدات اللي جانا
.......
احمد : ايوه
سناء : نعم
احمد : لا نطمن نحسابك مقفل
سناء : نسيت نقفله عيت خالي عندنا
احمد : احسن حاجه نسيتي
سناء : باهي شن موضوع
احمد : نبي نشوفك اخري
سناء ابتسمت : تؤ تؤ
احمد : اوبااا نبو نبدو في مكر
سناء : اها مكر شن رايك
احمد : ميه ميه انا وصلت للكافي ساهر مع شباب تبي حاجه
سناء بصوت هادي : نبي اها
احمد : شن تبي
سناء : تبي تخليني بروحي
احمد : شن تبي فيا
سناء : شكلك تبي اصحابك خلاص
احمد : قلتلك شن تبي نسمع فيك
سناء : حلاش عش نبي
احمد ابتسم : شنو اللي حلاش ادوي
سناء تنهدت : قبل نبي نهدرزو
احمد : بس
سناء : اها بس
احمد : نكمل مع شباب ونرن عليك
سناء : نحبك
احمد : تؤ تؤ انا زعلان
سناء ضحكت ضحكه تهبل
احمد : نعليا نا
سناء : كيف صار مش زعلان
احمد : أها زعلان هيا سلام
سناء : نحبببببك نحببببك نحبببك
احمد مبتسم وخلاص
سناء : ايوه
احمد كح وغلض صوته : نعم
سناء بصوت هادي : نحبك انا
احمد : باهي
سناء : تبيش تقولها
احمد : لالا مش قايل
سناء : توا تقولها واليوم اخري
احمد : شن تعاندي
سناء : ههههه اها نعاند فيها رهان اخري
احمد : مش قلتي معش في رهان
سناء : لا مره هذه نبيه انا ولا تبت
احمد : هو بيني وبينك لقاني تبت بس عشان خاطرك انديره
سناء : انت حطه شرط ما شاء الله عليك شاطر في حاجات هذينا
احمد : اها ، تمام اللي يخسر في رهان يبوس آخر في أول للقاء لنا
سناء : شنو هذا
احمد : ها تبي تدفعي حق بضاعه ولا حق عشاء ولا تذبحي حولي
سناء : شن صاحبك انا
احمد : خلاص معناها رهان أول عاجبك وافقي مش عاجبك مش قايلها لا يوم ولا بكرا ولا اسبوع كله
سناء : تمام موافقه انت اللي خاسر راه
احمد : لا انا نبيها منك انا اللي فايز مش قايلها
سناء : بس بشرط
احمد : شنو اخري
سناء : اول مانرن ترد عليا دخلنيش
احمد : حاضر وفرصتك لعند ساعه 4 فجر راه
سناء : تي قبل 4 تبقي قايلها
احمد : عجبتني ثقتك في نفسك بس عشان تقدري تخليني نقولها موضوع يبي جراءه وانتي مش جريئه
سناء : كيف يعني
احمد قعد يضحك
سناء : ندوي انا
احمد : انتي وشطارتك هي سلام حسن جاء شوري
سناء : تمام سلام
احمد سكر نزل من سياره خش للكافي هو حسن رنو ع باسم قاللهم مش فاضي
.........
الاء فاتحه نت ودايره فونها هزاز وراقده قعد فون يهز ناضت شافت لقاته من❤ My husband
الاء نطت روحي ردتلي نجك ليا قمعزت قعدت تقرا
انس
"روحي انا وصلت"
"اوو واعيه"
"حبيبي وينك"
" نقطه كنك فاتحه وماترديش"
" شكلك زعلانه عشان مارنيتش دغري بس والله تمرمطت ورقدت وجوني اصحابي معايا في نفس فندق خذينها بوقلا "
"انتي يانقطه "
"الووووو"
الاء : " اهلين . حبيبي كيف حالك"
انس :" باهي اللي رديتي مشكله يجن الاثنين صح"
الاء : "كنت نقرا في محادثتنا نقرأ فيها لعند نعست"
انس :" نعليا نا مرايفه ولا شنو"
الاء : " موت مرايفه موت من امس في ليل دونش"
انس : " ريت نقطه طلع عندها لسان ع نت "
الاء : " 🙈🙈"
انس : " حتي ع نت تبي تحشمي كنتي تمام "
الاء : " نحبك ومرايفه عليك والله "
انس : " ناعليا 😍 شنو اخري"
الاء : " بلاش حناطه قولي شن درت من أول ما ركبت طياره لعند كلمتني"
انس رن عليها واتس
الاء : ايوه
انس : كنتي جوك سمح عليش تقرير اليومي هذا
الاء : لمده اسبوعين لازم تقولي من أول ما تنوض لعند ترقد
انس : مطار ابرق فوتيه لكن مطار الأردن نعليا نا طروف اطلع طول درايق ع قول ايوب وابراهيم كان يجو هنا معش يروحو
الاء ساكته
انس : ولا شعيراتهن كيف تهب فيهن رويحه نعليا من بيضاء ولا لعيون
الاء ساكته
انس : والله واحد لعند يتلخبط وشباب كلهم قاعدين هنا ع اساس علاج هما زايطين كلاب
الاء ساكته
انس مبتسم : تسمعي فيا حبيبي
الاء : مازال فيها حبيبي هيا وانت ما في مكان مش امبحت فيه وبعدين كان ع شعر انا نفس شعر ايلاف ع فكره غير انت مش شايفه "صوتها تغير " وكان ع بيضاء صح انا قمحيه بس سمحه راضيه بروحي وعيوني انت بروحك ديما تبحت فيهن كبار و الحمدلله جسمي سمح ومعش تقول نقطه عشان انت طويل مش انا قصيره انا طولي مناسب طول بنوته كيوت مش زرافه "قعدت تبكي" وتعرف يا انت مش مسامحتك كان تبحت فيهن بطريقه اخري والله ماني مسامحتك والله ماني مسامحتك
انس انفلق ضحك
الاء : بعد تكمل ضحكك قولي تصبح على خير
انس : والله ماتسكري نبصر معااك نبي نسمع شنو تبي تقولي بس وربي كعبه مابحتت في وحده ولا دققت في وحده
الاء حطت فون وقعدت تمسح في دموعها دق باب
انس : الووو اوووي نقطه وينك
الاء : هيا هي
ابراهيم : افتحي شن قايل ع تسكير دار انا
الاء : انس هذا ابراهيم سلام
سكرت و صبت سلحت تيشرت وفتحت شويه من باب وطلعت رأسها
الاء : نعم شن تبي
ابراهيم : كنك كارسه افتحي باب
الاء : لالا مانقدرش نفتح
ابراهيم دف باب بشويه : وعليش ان شاء الله
الاء تنرفزت : عشان اندير في حاجات صبايا شن تبي يا بارد
ابراهيم انحرج علق قميص ع مانويله : حددي سوريه بيضاء
الاء : اسمه قميص يا جاهل
ابراهيم عدا والاء خذت قميص وخشت حددت وعزقاته ع صالون صاله قمعزت ع سريرها لقت 30 مسج من انس
نصهن الوو وينك نرجاك ولا رقدتي
الاء : " لا قاعده "
انس : " نحبك ونموت فيك يا نقطه "
الاء : " امتي تبي تعدي مستشفي حدد عمليه وقتي بيش تروح "
انس : " بكرا ماشي ، حاضر سريع سريع "
الاء: " 👍"
انس رن عليها
الاء : نعم
انس : انتي تعرفي انا نقاوم عشان ندوي معاك وانتي ماعندكش نيه تدوي وانا حتي هلي ماطمنتهم قلت نطمن علي روحي قبل
الاء : لا نبي ندوي معاك
انس : والله نبصر معاك مابحتش فيهن غير نبيكي تغاري بس
الاء : علي فكره انت تحرق فيها مش تخلي فيا نغار
انس : إن شاء الله فيا ولا فيك يا روحي
الاء : بعيد سو عليك حبيبي
انس : شن درتيي انتي اليوم
الاء : روحت من جامعه تريحت بعدين نضت قريت شويه وكلمت هبه درنا موالح للعرب
انس : من عرب
الاء : عيت جيرانه في مزرعه قالت تبي تجي للماما
انس : اها تمام عيت من هذوما
الاء : عيت ###
انس : تمام باه قتلك حبيبي
الاء : نعم
انس : نبي نتريح بس بكرا وعد نرن عليك
الاء : وعدتني اه
انس : حاضر تصبحي علي خير يا روحي
سكرو ورن ع احمد طمنه وصل ورقد
......
رانيا : خلنا هنا في جنان
سناء تبحت في فون : اها جو سمح
انا : نستاذن منكن صراحه تعبت من كرسي
حنين : خوذيني معاك حتي انا نعست
رحاب : حتي انا مع اني خايفه محمود ماسك بس نعسانه
سناء : قمعزن مبردكن مازال بدري
رانيا : لا خليهن يعدن وهنا تقول عزايز
انا : تصبحن ع خير
حنين : سلام
رحاب : تصبحن ع خير
سناء ورانيا : وانتن بخير
نحن عدينا
رانيا : تي انا امفلسعه حتي خواتي عشان نبي نبات بروحي تقوليلهن اقعدن معانا
سناء : وكان قعدن يهدرزن ما فيها شي
رانيا : لا نبيك ندويلك ع حاجات
سناء تكتب في مسج : شن تبي
رانيا : انا متعرفه ع واحد ع نت باهي مهم نهدرزو وجو بس في حاجه في طبعه تحسيه فشاك شويه وعصبي ويجامل واجد يعني لازم انا اللي نخش نسأل عليه واغلب كلامه مش فاضي بعد نفضي توا نرد عليك عطيني شويه ونرد عليك ويفوتني بالجو سمح
سناء عيونها في فون : شن يشتغل هو
رانيا : تاجر
سناء بحتت فيها
رانيا تلكلك : قصدي تاجر ذهب عنده محل معروف في بنغازي
سناء : اهااا ، بالك متجوز راجل
رانيا : ويطلق شنو يعني
سناء رفعت حاجبها : كيف يطلق هذه
رانيا : نبصر هههه مش متجوز بس قالو فشاك معروف في تجارته شاطر يعني
سناء : وانتي من اللي جابلك معلومات هذينا
رانيا : مش مهم مهم قوليلي شن اندير
سناء : شويه بس توا نقولك
......
احمد كاين مقمعز ع كرسي جاء مسج من سناء
"مانك مثيل الناس مانك منهم كلك حنان وذوق تفرق عنهم مانك مثيل الغير يصير مهما يصير ما تكون في خانت اللي راكنهم.نحبك❤"
احمد قعد مبتسم ويعاود في مسج
حسن : ها شن رايك ، اويي ندوي انا
احمد فطن حط تلفون : اها شطب شقتك قبل عليش تضغط في روحك شوف فارس في يوم زفته نركبوله في ستاير مش عارف شن انكسر فيها يوم حفله اللي في مزرعه حلف مايديرها دارها خوه خليك ع مهل
حسن : وانت امتي تبي طلعه
احمد : والله قررت أن شاء الله ان شاء الله يعني بعد عيد كبير
حسن : وانت طيب ان شاء الله
احمد : تسلم ، ان شاء الله نكون مكمل عشان انا شبه مشطب غير نختار في اثاث وتركيب دولاب كوجينه مازالت مااخترته اخترت دار نوم قالولي ارجى شويه في موديل جديد يبي ينزل قلت نرجى نشوف بلكي احلي من اللي اخترته
حسن : توا نحاول نشطب حتي انا بكل يا راء طلباتها واجد نبي ونبي ونبي ونبي
احمد : وسع بالك يا راجل صبايا كلهن هك
حسن : حتي انت تعاني قصدك من زنين
احمد : تبي الحق ماتطلبش نجيب بروحي
حسن : لا تمام حتي انا نجيب بس هي تفرض عليا فهمت
احمد : سايسها وخلاص
حسن : يصير خير ان شاء الله
قعدو شويه وجاء مسج للاحمد اخري
"لو كان ننظرك واندوب في همساتك نعرف اللي تبيه من نظراتك لو ننظرك وأنضمك نحطك ع صدري نشيله همك نقراهن اعيونك قبل يحكي فمك ونفهم اللي تعنيه من لهفاتك❤"
معش عرف شن ايدير قعد شويه وقاللهم تصبحو على خير أول ما ركب سياره رن ع سناء طول
......
باسم خش باب فيلا درس سياره شاف وين ما كنا مقمعزات لقى رانيا تشيرله
رانيا : تعال نبيك
باسم يمشي جيهتها ويدوي بصوت واطي : يا عليك ليله شكلها بايته صح هذه قصه ورب كعبه قصه انا تعبان بروحي
رانيا صبت : الحمدلله على سلامتك
باسم ماسك مفاتيح ويبحت في فون : ما كنتش مسافر راه
رانيا ضحكت
باسم بحت فيها ابتسم مجامله : تبي حاجه مروح تعبان نبي نرقد والله
رانيا : شن صار في دبش اللي وصيتك عليه
باسم : لالا نسيتك بكرا إن شاء لله
رانيا : راك تنسي بكرا
باسم : تمام تصبحي على خير
رانيا : وانت بخير
باسم عدا جيهه حوشنا فتح باب وخش
رانيا : كيف نلفت الانتباهه هذا قبل ما يجوز تعبني لا بال توا
شيرت للسناء انها تبي تخش ترقد وخشت
.......
احمد : اهااا صار جوك هكي انتي
سناء بصوت هادي : كنه جوي مش عاجبك
احمد : بس مش جنب صاحبي مسج اللي نفس هكي
طبعا سناء طول ماهي تدوي معه صوتها هاااادي تدلع حتي في كلمات
سناء : معناها مش عاجبك امسحه
احمد : مانقدرش نمسح ولا حاجه تخصك انتي
سناء : اها باهي قتلك
احمد : عيونه
سناء : نحبك
احمد ابتسم نزل فون ورفعه : اها تمام
سناء : ونموت فيك
احمد : باهي
سناء : تبيش تدوي
احمد : اهو ندوي معاك
سناء : اش هكي انت تدوي معايا
احمد : كيف ندوي انا
سناء : تقعد تقولي سنيوه نحبك مرايف عليك ونموت فيك انتي عمري وحياتي ، مش تدوي هكي انت
احمد : لا انتي تدوي هكي
سناء : اناااا نقول هكي
احمد : اصبري انا وصلت للحوش
سناء قعدت ساكته لعند احمد نزل وسكر سياره خش للحوش دغري للمربوعه
احمد : ايوه
سناء : معاك
احمد : عادي ناخذ دوش ونكلمك
سناء : لا
احمد ضحك : كيف لا تعبان انا دوش سريع والله مده اللي ناخذها نزيدها لك بعدين
سناء : تمام كان تبي تزيدها بس توا ساعه 3 راه
احمد : عارف شويه بس
سناء : سلام
سكرو سناء ركبت للدارها احمد خش دار دوش في عشر دقائق وطلع رن اخري
......
باسم باسني : نوم عوافي يا فكرونتي
انا حسيت به نضت : جيت
باسم : ارقدي نبي نغير ونجي نرقد جنبك
انا : تعشيت
باسم : اها
أنا غمضت عيوني : انباه
باسم عدا غير دبشه وطفي ضي وجاء جنبي قعد يحول في شعري من ع عيوني ويبوس فيهن
انا : همم
باسم باس وذني : نحبك
انا فتحت عيوني ابتسم وسكرتهن
باسم حضني ورقد
.......
احمد : نعم
سناء : باهي شنو توا انت تعاند وفجر قريب وراك عمل قولها وارقد ريحني وتريح
احمد مغمض عيونه : لا مش قايل انا جوي تمام مركب سماعات ونرقد ع صوتك شن نبي اخري
سناء : رااه نسكر
احمد : تقدريش تخسري بس
سناء : باه يعني ما في موضوع مادوينا فيه انت تبيش تدوي خلاص ارقد
احمد قمعز ويبحت في ساعه فونه وساكت
سناء : تسمع فيا انت ولا رقدت بكل وانت من امبدري تقول تعبان
احمد ساكت
سناء : حبيبي رقدت
احمد : نحبك نحبك نحبك نحبك نحبك
سناء فرحت : قلتها قلتها
احمد : شوفي ساعه يا قلبي هههههه
سناء نزلت فونها شافت ساعه : 4
احمد : لا 4 و 11 دقيقة
سناء : يعني
احمد : يعني بعد نتقابلو انتي تبوسيني مش انا
سناء انحرجت : احم مفروض في فرصه للاربعه ونص عشان انت خشيت للحمام
احمد : تي حمام خذا مني 10 دقائق وانا عطيتهن لك تي خلاص خسرتي فكيني من طروح
سناء : باهي خلاص
احمد : نحبك ونموت فيك ياعمري انتي
سناء ابتسمت : مش ماتقولش فيهن
احمد : تي انا اللي نقول فيهن ههههه
سناء : ربي يخليك ليا
احمد : نعليا به اسمعي بيش ماتزعليش انا نعطيك بوسه توا وانتي بعد نتقابلو
سناء سكتت
احمد يضحك
سناء : فجر قريب ياذن
احمد باس فون : نصبح علي صوتك حبي
سناء ابتسمت : احم وانت بخير
احمد : سلام
سناء سكرت وحضنت فون ورقدت واحمد عزق فون بسماعات ورقد مبتسم
........
انس : صباح خير
دكتور : صباح النور تفضل
انس قمعز وعطي دكتور اوراق وصور تحليل للدكتور قعد يقرا
دكتور : شوف يا اخي انا راح اعيد كل هالتحليل وصور عشان اشوف شضايا لوين واصله بعدها نقرر امتى العمليه
انس : بس انا مانقدرش نطول عندك اسبوعين بس
دكتور : مو انا ولا انت اللي قرر انت عمليتك صعبه وتحتاج شهر بالكثير
انس : لالا شهر لا عندك اسبوعين قبل رمضان نكون في ليبيا
دكتور : حنشوف والله انتم يا ليبين كليتكم روسكم مقفله ما في جريح مر عليا متفاهم
انس ضحك : الله غالب سر عناد فينا اكيده مش حتفاهم مشي مشي
دكتور : لا صرت عم افهمكم تعلمت منكم كلمات كثير شباب ماقصرو منهم رفقاتك
انس : والله ربك يستر ان شاء الله غير مش معلمينك حاجه هكي ولا هكي
دكتور : لا سني مناسب فاقلو جميع كلمات بس انا مو كلياتهم حفظتهم
انس : شنو قالولك
دكتور : بعد يطلع واحد من عمليه عندكم بالتقالو حمدلله على سلامتك يا طيري او يا نصي يقعدو بيقولو هكي ولا غيرها الحمد لله وهيك يعني في كلمات اكثير بس مازبطتهن كلياتهم
انس ميت ضحك ع لفظ دكتور
دكتور : شو بيك هههه
انس : لا تمام
دكتور قعد يكتب تحليل وصور وطلع انس دارهن وقالوله مش اليوم يطلعن خذو اصحابه يدهور فيه عشان نفسيته قبل عمليه تحسن تغدو برا وتعشو برا كملوها بوقلا وضحك ردو للمستشفي شافو باقي جرحى وبعدها روحو للفندق
.........
الاء تصب في عصير : جيات عميمه مسعوده وبنتها كبيره صبيتها
هبه : كنهم جيبين هكي حسيتهم يخطبو
الاء بحتت في تورثه صندوق راني : عنجد يخطبو، في من يخطبو
هبه : في خالتي فيك يا غبيه في من يعني
الاء : تي وراس امهم وحق الله نلزهم
هبه : عيب عليك اطلعي قدمي واسكتي
الاء لمت شعرها كوبه طلعن قدمن وقعدن يبحتن في الاء زين والاء رقيتلها حتي كلمه تفضلي ماقالتها ردت للمطبخ
الاء : هيا سخني موالح بيش يروحن
هبه : غير خليهن يشربن عصير
الاء خشت للدار شافت نت لقت انس مسكر ردت للهبه
هدي خشت علينا في مطبخ : لولي تعالي قمعزي مع ناس
الاء : مانبيش نخش مش مقمعزه انتي وخالتي فوزيه عليش نقمعزو
هدي : الوليه قالت كلميها عيب اطلعي
هبه : اطلعي يا قرده عيب
الاء طلعت وهيا وتنفتر قمعزت جنب ماما
بنت : مواليد كم انتي
الاء فوق نفس : 96
ام : امك قالت تقري طب
الاء : اها مشواري طويل والله
قعدن يهدرزن الاء صبت جابت سفره وسخنت موالح ستفتهن هي وهبه وقدمنهن بعدها روحو عرب
ماما : شكلهم كويسين
هبه : شن يبو
هدي بفرحه : قالتلي نبي بنيتك للوليدي
الاء صبت : وانا مش موافقه
ماما : غير استهدي بالله يا بنيتي
الاء بحتت في ماما : مانبيش يا خالتي
هدي : توا نقول للباتك كان مش موافقه توا نشاور بوك انا مش شوري
هبه : حركات ايلاف حتي هيا كانت مش موافقه توا ما تحلف الا برأس باسم
الاء : بس انا مش نفس ايلاف، ايلاف في أصل كانت مايله للباسم معجبه يعني حطت فيه ثقه هو طلع قدها وراجل بس انا لا مانبيشي
ماما : كيف ايلاف علاقه
هبه : لا علاقه لا سو تي هذه فووووبيا
الاء : لا مش علاقه شافها مره وحده وبعدها خطبها انا لا نبي نشوفه ولا نسمع سيرته في حوش هذا
هدي : كنك انتي فيش تحسي شاب صاحب حتي خوك
الاء : هو لقاق انا مانحبش جو هذا
ماما : انتي قوليها للمحمد وخلاص يا هدي قولي رأي بنتك وان شاء الله كان في خير ربك يسهل امور من عنده
هدي : إن شاء الله
الاء خشت للدار وماما وهبه نزلن وهدي خشت هزبت الاء والاء سكرت ع روحها قفلت فون ورقدت عشان واعيه من صبح تسيق في جنان ودروج ونظمت حوش تعبانه
.........
باسم : اوفي
انا : نعم ياروحي
باسم : هيا ساعه 7
انا نلبس في وشاح اطلع انت توا نلحققك
باسم : باهي خذيت معايا حفاظه راه
انا : تمام
باسم طلع شاف رانيا قدام سياره جنب زرع بضبط تسقي
رانيا : اهلا وينك اليوم
باسم فتح سياره حط حفاظه من لاوراء : هذه ترويحه من عمل طالع اخري
رانيا : اها يعطيك صحه
باسم ابتسم جاء يبي يركب في سياره رانيا تعكفت في زرع وكان في شوك هي حطت كف يدها ع اساس تبي تقي بروحها جت يدها ع شوك عيطت باسم برم
رانيا قعدت تبكي : اااه يدي دم
باسم جاها يجري صباها : بسم الله كنك
رانيا : شيرت ع كرعيها : حتي من هنا
باسم صباها : من قالك اسقي انتي بواب بس يسقي
رانيا تبكي وبحت في يدها : دم شوف يدي دم
باسم
........
يتبع ...
رايكن..
رايفت عليكن 😭 وحق الله 😍
اسفه ع تأخير بس انا قلت عندي امتحانات ع اساس امس نبي انزل لكن رصيد نت كمل🙄 شن اندير الله غالب تقريبا طووويله صح بس نبي نطلب منكن طلب والله ماعندي وقت نبي نقرأ اللي تفتح عندها حلقه ادزها الي مافتحتش تمام ، شكرا❤
Fafy faa
