#فوبيا_الحب❤
الحلقة[51]
انا قمعزت وحطيت ايديا ع عيوني وصبيت قريب ما طحت مسكت في كنبه وباسم مسكني من وسطي
باسم : بسم الله كنك
انا : لا شي
باسم وخر : كليتي
انا بحتت فيه نبي نأنبله ضميره : لا لا
باسم : نا متعشي عدي كولي
انا فنصت فيه وخشيت للدار لحقني خذا مخذه وطلع
وانا قمعزت ع سرير قعدت نفكر نفكر صبيت تبوعته لقيته مقمعز يبحت في تلفون ويتفرج ع MBC2 سكرت الدار درت شعري بسرعه طلقته لبست فستان شريته شكله سمح بكل وقصير كاين هو اللي مختاره ونحن في تركيا قمعزت قدام زيانه وقعدت نكيجت لكن خفيف كملت بحتت للروحي في مرايا تعطرت ورديت قمعزت ع سرير خذيت فوني قعدت نكتب في مسج
"رانا حساسين نحسو مشتاقين مغير اندسو ، اسفه❤"
باسم كاين متكي يتفرج جاء مسج قمعز فتح الفون ورد رقد ع كنابه يقرأ مبتسم دزلي " مش كنتي راقده"
انا : نعليا شكله رطب لكن وحق الله اليوم ما ترقد الا وانت راضي عليا ردت عليه دغري
" نعدو في ساعات ليل بلاك نحس فيه طويل ❤"
باسم قرأها دزلي مبتسم " باهي تبيش ترقدي "
انا : كنه هذا لكن مازال توا يشوف ، عليك جو قعدنا زي مراهقين
" مالي دونك نخسر جميع الناس وانت نصونك رانك حبيب القلب مالي دونك انديرك غيه ونديرك رفيق العمر مافي زيه حبيبي القلب الروح فيك شويه لا انبدلك ولا اندير دونك غيه رانك حبيب القلب موش شويه ❤"
باسم صبي جاء جنب باب دار ودزلي
" ارقدي ارقدي ارقدي "
انا تنرفزت يعني ليا ساعه وانا نتأسف وليا ساعه نكتب وندز بعدين يكملها ليا ارقدي مانبيش نرقد حره حره صبيت عديت شور باب متنرفزه فتحته بالقوه
انا مرفعه يدي وندوي : مانبيش نر
طلع هو جنب باب انا نزلت يدي ارتبكت سكتت مربع ايديه ومتكي ع ساس
كاين باسم شعره نااعم يهبل بكل هو هك من عند ربي كاين ولابس تيشرت أسود شرت رصاصي بس فجأه طلع قدامي انا وخرت
باسم قرن حواجبه : كنك طلعتي مش مسكرتيها الدار
انا معش عرفت ندوي : احم طلعت نبي نقولك اسفه حسيتك مازالت مش راضي قلت نتأسف عشان حرام زوج يرقد هو زعلان من زوجته اصلا هو حرام فاهمتني يعني قالو وانا سمعت بعدين نا غلطانه قلت نتأسف مره اخري خير بهدو عشان اصلا عشان خلاص خلاص تصبح على خير
نا برمت نبي نرد للدار نسمع باسم
باسم : ايلاف
انا برمت عليه وقدمت ماخليتش مساحه بينا بكل مسكت في تيشرت نزلت راسي بصوت بيبي : اسفه وحق الله ماعاد نعاودها
باسم مسك وجهي ورفعه ليا بحت في عيوني مسك ايديا لفهن عليه وحظني خشش رأسه في رقبتي : تبي تهبليني انتي ولا شنو "قعد يبوس فيا"
انا نبكي بدون صوت نشم في بنة عطره تخذرت رسمي
باسم يضغط عليا : مرايف ع بنتك
باسم رفعني نا لفيت كرعيا عليه و مسكت في رقبته وجيت جنب وذنه بصوت هادي : نحبك نا
باسم باس كتفي يشم فيا : معشوقتي انتي ااه عليك بانه ترد روح
قعد حاضني قريب ربع ساعة
باسم يبي يوخر ونا مازالت حضتنه
انا : تؤ تؤ خليني
باسم ابتسم باس كتفي اخري : كنك
انا : اششش
باسم يضحك : تعالي نقمعزو باهي
انا نبي نوخر باسم ضغط عليا
باسم : لالا خليك نا قبل نبي نبوس خديداتك بس اكيده حمر كيف طماطمه توا
انا وخرت باسم بحت فيا انصدم
باسم : كنك عليش هذا كله
انا نبكي : اصلا قبل ماندزلك مسجات من امبدري وانا نفكر نقول كنه يعامل فيا هكي عليش يدويلي هكي اكيده معش يحبني ولا ولا معش يبيني واكيده يرجى في احمد يطلع عشان يش
باسم حط يده ع فمي : شن هذا معش تفكري هكي بكل عشان نا نحبك ونموت فيك انا بعد نتعصب ننعمي نفس ما صار في بدايه جوازنا "قعد يحول في شعري من ع عيوني يمسحلي في دموعي " وانتي عارفتيني مانحبش نشوف دموعك وانتي شي تجي حدايا وتبكي نا ماسك روحي بسيف عليك ونا فتره اللي فاتت كنت مضغوط مانبيش نضغطك وما نبيكش تزعلي بكل ولا تفكري في شي يزعلك
انا مسحت وجهي : مش انت تحبني
باسم باسني ع ... : نموت فيك وعليك وليك بس دموع مع كحل دار حوسه
انا ابتسمت وحضنته : ههههه عادي ، "سكتت شويه" انا وخرت بحتت في عيونه : باهي قولي كنك حبيبي زعلان اللي يزعلك يزعلني واللي ضايقك يضايقني نبي نعرف كنك عليش مضايق درجه هذه عشان نا بعد تبقي مضايق وزعلان نا تلقائيا نزعل ونضايق
باسم قدم يبوس فيا : بس نا مرايف خلينا ندو بعدين
انا وخرت : نبي نعرف ليش ثلاث ايام زعلان لا تاكل ولا ترقد مضايق مني درجه هذه
باسم رفع حاجبه : بعد نقرب منك معش توخري
انا ابتسمت طلعت من دار سلحت شبشبي قمعزت ع كنابه باسم لحقني وبحتت فيه
انا ابتسمت : هيا تعال ادويلي
باسم ماسك ضحكته : خشي ارقدي مش داوي
انا صبيت ع كنابه : لا تبي تدوي نبي نعرف نا بعدين توا نخش نرقد تخافيش مانبيش نضايقك
باسم : ونا قلت مش داوي
انا نقهرت بكككل متوقعه رده هكي كاين فيه بروود مش طبيعي استغرب توا كاين جوا تمام مش هذا باسم نا نعرفه كويس نزلت مع كنابه ولبس شبشبي : تمام براحتك
جيت نبي خش للدار مسك يدي
انا : نبي نرقد
باسم : بس ماقلتيلش كنك لابسه هكي
انا نرفزني فكيت يدي : حره من كساد الله غالب
باسم لحقني ومسكني اخري مبتسم وحطني ع ساس صاله قبل مانخش للدار قرب مني : وين ماشيه
انا بعد قرب مني تلخبطت غمضت عيوني بصوت شبه نبي نبكي : حول يا باسم تعبت راه والله تعبت أنت مش حاسس بيا تلعب حسيتك
باسم : لا مانلعبش نحس بس احساسك هذا نقطه في بحر اللي حسيت بيه بعد طلعتي من ورايا
انا فتحت عيوني ساكته
باسم تنزل باسني ع .... رفعني : تعالي خلاص وربي ماسك روحي بسيف معش قدرت
انا بصوت بيبي : نبيش نزلني
باسم حطني ع كنابه وجاء فوقي و يضحك : في عينك مرايف عليك موت
"قعد يبحت في عيوني وهنا مغرغرات نزل باس عيوني"
باسم : خلاص باهي نحبك نا والله من قهرتي منك مشاكل العمل وقصه احمد جن في جرت بعضهن
انا رفعت راسي بسته في خده بشويش : باهي خلاص اسفه
باسم : نعليا نا ترا عاوديها
انا ابتسمت : اسفه
باسم : عنجد حناطه تعاودلي في كلمه لا نا نبي بوسه
انا حطيت ايديا ع وجهي ونضحك
باسم حولت ايديا ونزل عليا يبوس بالقوه ويدوي : نحبك نا نحبك ومرايف عليك معش تزعليني عشان معش نرايف هكي
انا نوخر فيه غمضت عيوني : باهي غير حول نخشو دار
صبي زر بطمه في كنابه انقلب سرير سلح تيشرت
باسم : خلاص قمعزي ماعنديش صبر لعند دار
نزل عليا ورحنا في خبر كاااان.....
.........
اسامه خش بعد خوذه للحوش هله بساعه لقاء خواته في صاله معاهن امه
اسامه : سلام عليكم
بنات : عليكم سلام
اسامه باس يده امه وراسها : كيف حالك توا يا امي
امه : الحمد لله
اخته 1: وينك طولت اليوم
اسامه : عندي شغل خير في حاجه
اخته 2 : والله ياريت تلمو صبايكم علينا ويفوتن قيل وقال وملاطعه نحن ماعندنش لهن خلوق بكل وقول للمراتك فكينا من لقاقه
اسامه صبي : كيف تدوي هكي انتي
امه : الله يربحك يا وليدي ما تسمع منهن شوف مراه رعشت رن علي خيك طلع هو مراته وعويله حلف مايبات في شقيقته
اسامه : خليني نفهم يا امي
اخته 2 : والله هذا الحق مراتك حتي هيا متاع طروح ع اساس مارنتش عليك وتبكي نفس ابله اخري
اسامه : اقسم برب جلاله كان مش امي راه عجنتك هنا من اسلوبك مستفز يا قليله ادب ع اساس متعلمه وين علم انتي وحده جاهله "قرب منها يدوي ومرفع يده" وبنت ناس معش تدوي عليها لان نا عارف من واخذ ومن مناسب تعرفي توا نا راكب نسمع صوتكن انتن الاثنين ننزل اقسم بالله نمد عليكن يدي عشان اللي نفسكم مفروض محد يحترمهن انتن اصلا مش محترمات نفسكن
طلع خبط باب وركب شقه خش
اسامه : ايماااان
ايمان ترضع في حمادي حطاته وطلعت : نعم نعم
اسامه : شن صار بينك وبين خواتي
ايمان : نا مادخنيش بيهن انت طلعت نا غسلت مواعين جيت نبي نتكي سمعت صوتهن عالي نزلت لقيتهن يهزبن في يقين مراه خوك نا ما نقشتش حد
اسامه : يعني مادوتش
ايمان : قتلك مادوتش نا من امتي ندوي كل شي ع عينه يعزقن في كلام ونسكت هزبن خواتي في اسبوع حمادي ماقتلت شي عشان خاطرك نسمع ونزمط ونقول مش لازم نقولك نبيش نوجعك عشان انت مش مقصر معايا
اسامه : استغفر الله العظيم وخلاص
ايمان : مش مصدقني انزل حلفهن ع القرآن حتي نا نحلف عادي
اسامه : لا مصدقك بس معش تدخلي فيهن ينحرق خليك في شقتك معش تنزليلهن بكل
ايمان : احسن نتريح حتي نا
خشت للحمام عدا اسامه سكت حمادي ورقده في سريره وطلعت ايمان دارت عشاء وحطاته ع طاوله اكل وخشت رقدت طلع اسامه من حمام شاف عشاء حطه في ثلاجه وخش قمعز ع سرير ونوض ايمان
اسامه يهز في ايمان : مني ايمو نوضي
ايمان من تحت غطى : عشاء ع طاوله تبي نتريح
اسامه : ماترقديش وانتي زعلانه مني نوضي
ايمان قمعزت : نا مش زعلانه منك بس عليش خواتك هكي يعني شن واخذات منها دنيا فانيه وعيب عليهن يديرن هكي نحن من قهره نقعدو نحاسبنو عليهن يعني يجيب في دعاء للهن يجي يوم ويجوزن نفس خواتهن
اسامه : باهي خلاص اهدي
ايمان : تمام تصبح على خير
اسامه قرب منها : نا ما تعشيت
ايمان : قتلك فوق طاوله
اسامه : مانبيش عشاء نبيك انتي
ايمان : نا مريضه
اسامه : عادي تعالي ارقدي جنبي بس
ايمان صبت واسامه فتح ايديه حمادي قعد يبكي
ايمان : ههههه
اسامه : جيبيه رازيل يرقد معانا
ايمان جابته قمعزت به وترضع في حمادي اسامه رن علي خوه قاله بايت في مزرعه صاحبي نا وهلي سكر وحط حمادي وقعد يبحت في ايمان بعدها قرب منها
اسامه : هيا مايبيش يشبع هذا
ايمان مبتسمه
اسامه قرب باسها .....
ايمان : اسامه العيل راك تقطع نفسه
اسامه خذا حمادي وحطه في سرير وجاء للإيمان هدرزو لعند رقدو
........
هبه : تمام اها عجبني
عصام : وأخيرا عجباتك حاجه يا ابله
هبه : هههههه معلش حبيبي تعبتك
عصام : تعبك راحه يا روحي
هبه : نجك ليا تعيش وتجيبلي
عصام : نعليا نا نبي نعيش عشان نحقك جنبي في حوشنا
هبه : إن شاء الله حبيبي
عصام : و الله مرايف عليك كنت في مدرسه نشوف فيك توا انكسرت فيا
هبه : ههه معلش بعد نقعد عندك تشبع مني
عصام : امتي بس نحن كمل عمري ونا نرجى راجيتك سنه بيش نجيب هلي وخوك ثلاثه شهور بيش وافق لعند ماترجيته وعرس معش طلعته كسرتني سيوله بكل
هبه : عادي ياروحي يجي يوم وربي يفرحنا ونقعدو مع بعضنا ونجيبو بيبي سمح انت ماتزرش علي روحك كل شي بلمهل اهم حاجه نحن بعضنا
عصام : إن شاء الله ان شاء الله باهي شن بديتو ع فرح عمر
هبه : تي زفته قبل رمضان باربعه ايام
عصام : مستعجل
هبه : لا والله غير لما اتفقو ع تاريخ مالقتش صاله غيرو تاريخ قعد قبل رمضان باربعه ايام
عصام : باهي تمام بيش تعدي محل صاحبي وتأخذي فستانك
هبه : لالا نبيش توا نلبس فستان فرح اوفي وهاجر عشان نشري في فرح احمد
عصام : باهي عدي اشري ع فرح عمر وفرح احمد ساهل بعدين اشري
هبه : لالا مانبيش خليني ع راحتي
عصام : ايام جايا جايك في مدرسه توا نتفاهم معاك
هبه : نبي ناخذ اجازه
عصام : ونا جاي
هبه بصوت هادي : تمام تعال حتي نا مرايفه عليك
عصام : نحبك موت مش عارفه شن دايره فيا انتي بس
هبه : شي عشان حبيتك بقلب ابيض وربي شاهد عليا وديما ندعي تكون نصيبي وليا وحمد لله ربي اسجابه دعوتي
" ان شاء الله كل بنت تأخذ حبيبها اللي حباته بطيبه وبصفاء نيه وقلب ويكون لها بالحلال ويسهل طريقهم حبهم يكبر مع ايام يبعد عليكم كل شر❤ faa"
عصام : ربي يخليك ليا ياعويناتي
هبه : نحبك ياعصومي بكل كل حياتي انت
عصام : ونا نموت فيك يا قلبي وعيوني وحياتي
قعدو يهدرزو لعند 4 ورقدو
.......
احمد : شمس طلعت
سناء : وانا نعست حبيبي
احمد : ههههه تمام باي بكرا في عشيه نقعد عندك
سناء بصوت هادي : ونا نرجى فيك
احمد : نحبك
سناء : ونا نموت فيك ، خلاص نعست
احمد : ونا شن يبي رقدني
سناء : خش تريح عشان خاطري
احمد : تمام سلام
سكر احمد وخش لقاهم راقدين خش تكى قعد يفكر لعند رقد
......
منذر : باهي افطري
هاجر : لالا نرجع
منذر : لالا افطري عشان عيل اكيده جعان
هاجر ابتسم : باهي حليب بس
منذر : وكيكه وسندوتش
هاجر : اوووف باهي عليك عناد فيك
منذر : املا عليش واخذ اجازه نا
هاجر قعدت تفطر هي و منذر ويهدرزو ضبحتلها عمتها عشان تنزل يتغدو لوطى
......
انس : ايوه يا نصي
الاء : صباح خير
انس : صباح نور تبي حاجه
الاء : مازالت عند احمد
انس : اها غير حسيتك سكنت انت في رن
الاء : معاااك ابراهيم
انس : اها
الاء سكرت في وجهه
انس بحت في تلفون ويضحك
ابراهيم : من ## اللي ع صبح
انس : لا تسب ع صبح عادي شن دخلك من خليك في روحك
معاذ : شباب نا نبي خروج من آخر هلي بروحهن
انس : كيف مش معاهم عمامك
معاذ : لالا نبي نطلع خلاص ليا ثلاث ايام
احمد ناض قمعز
ابراهيم : شمستك عاليه يا غالي
احمد : رقدت في صبح
معاذ : احمد انا نبي نوقع ع روحي ونبي نطلع
احمد : وانا معاك
جت دكتوره دووه معاها قعدت تدويلهم لكن هما سكرو روسهم وطلعو
.......
اسماء : خلوها راقده
عميمه : باهي خلوها وحطو غذاء وخلاص
حنين : نا نبي نخش نتريح ماعنديش نيه
اسماء : نعدي نكلم رحاب وايلاف يتغذن معانا
عميمه : اكيده خوتك في اشغالهم كلميهن خير
عدت اسماء دقت ع رحاب وقالتلها لحقتك وجت دق عليا
نا كنت راقده ع باسم وهو لف ايده عليا ونسمع في باب ما قدرتش نوض نعسانه
باسم راقد ولا كأنه يسمع في باب يدق
انا : حبيبي باب يدق بااسم نوض
باسم فتح عين وحده ضمني اخري : فوتي يدق ويروح
ردينا رقدنا واسماء عدت
.......
ماما : هبه افتحي باب
هبه : هيا هي تي وحق الله نوريك يا انس ع سكنان وين مفتاحك تي اسكت قريب مانحرقت
ماما : حلي خوك يابنت
هبه : تي باهي يا ماما
طلعت وفتحت وشافت احمد وانس وابراهيم وايوب وعمامي
هبه : هييي حمااادي جاااء
احمد : ايووه شورخ بيبدن
ماما جت حظنته : حمدلله على السلامتك حمدلله طلعت طيب
احمد يطبطب ع ماما : الله يسلمك يا حويجه
انس : قولونا تفضلو جينكم من سفر راه
هبه : هههههه خش يا بارد
سلمو عليه وقمعزو قعدو يهدرزو
عمو محمد : ترا يا هبه كلمي فرخه قوليلها شن صار في مكرونه
بابا : لا مكرونه لا سو ضبحيلها تنزل تغذاء معانا
ماما : كلمي خيتك اركبي
انس صبي وطلع للسياره قعد يدخن ولحقه ايوب وابراهيم
ايوب : كنك
انس : شي كيف ندخن جنب عمامي يا كلب
ايوب : ايو يا ذكر
انس قعد يدخن وشاف عمر جاي وجايب حاجات نزلو من سياره وخذو منا
ابراهيم : شنو هذينا
عمر : مش عارف قالولي جيب جبت نا وفاطمه حاجات ع فرح
انس : وينها عمتي
عمر : حطيتها في حوشها كنكم كلكم هنا
ايوب : احمد طلع
عمر : عارف عدي جيب اللي في سياره
انس : حي علي ام بذخ ان شاء الله اللي يجوز يدفع هكي
عمر : هذا كله ع ضيق ان شاء الله احمد يبيع اللي وراء وقدامه
ابراهيم : لا نحن نبيعو هذا نفس باسم مايبيعوش يشرو
انس : سكر فمك يا ### راجل خاسر 30 الف في بضاعه
عمر : والله تحكي جد
انس : والله قالها للاحمد بس حتي خوته ماقالهش
ايوب جاء : تي مازلتو مصبين خشو
خشو للمربوعه وحطو حاجات وكلمو منتصر قعد يشيل والاء وهبه وماما قعدن يحطن في غذاء تغذو كل حد عدا للحاله احمد خذا دواء بدل وطلع من ساعه 3 ونص
وانس وعمر رقدو وابراهيم ركب عمو محمد عدا يجيب في خالتي هدي
والاء وهبه يضمن في مواعين
هبه : شن تبي تلبسي
الاء : لا مانبيش نشري
هبه : حتي نا مش شاريه ، الاء جيبي كأس اميه في مربوعه
الاء : تمام
خشت للمربوعه شافت عمر في بدايتها ومغطي راسه
وانس في نهايه مربوعه وحط يده ع عيونه وكأس جنب انس ابتسمت وعدت تأخذ في كأس ينط انس
الاء حطت يدها ع فمها
انس بصوت واطي هو مصبي : جيتي بكرعيك في عقل داري
الاء مازال ماتحركت
انس قرب منها : نعليا من نقطه
الاء تهمس همس : انس وخر كيف ادير هكي كنك بارد انت فجعتني واقسم بالله شوف قلبي
انس : نعليا من قلبك
الاء خذت كأس : امشي معش تدوي معايا
انس يضحك بصوت واطي : غير تعالي يا نقطه معش نعاودها خوافه اوووي نقطه
الاء طلعت معبرتش لحقها
هبه : كنك طولتي
الاء : مربوعه مظلمه ماشفت شي وعمو عمر راقد
انس : حتي نا كنت راقد نضت
هبه تغسل وبارمه وجهه وانس قمعز ع كرسي والاء تمسح في مواعين وترد
انس : بست
الاء بحتت فيه وفنصت
انس عطاها بوسه في هواء : بالله عليك قهوه يا الاء معلش نتعبوك
هبه : انت متعب ناس كلها
الاء : لا عادي توا اندير
انس بصوت واطي : نعليا نا
الاء ادير وتفنص حطت قهوه ع طاوله مسك يديها مبتسم : نقطه زعاله
الاء : قتلك يا هبه
انس حول يده دغري
هبه برمت : نعم
الاء ابتسمت : تبي حاجه ع خشت ماما
انس : خليها قهوه نجيب دخان من سياره وجاي "وطلع"
هبه : مش قريتها ، سلمتك يا لولي بس بعدين بيش تنزلو نبدو في حاجات فرح حتي خواتي ع خشتهن
الاء : تمام توا ننزل
الاء طلعت من حوشنا كرها انس من يدها
انس : اششش
الاء تفنص : تي كنك
انس خذاها في جنان جنب كراسي
انس مبتسم : شن جو
الاء : لااا
انس : تبي تزعلي عشان فجعتك قوليلي خليني اندير حاجه اخري بيش تزعلي مره وحده
الاء : لا خلاص مش زعلانه
انس : ههههه لالا وراس امك تزعلي
الاء : قتلك مش زعلانه مش بسف نزعل
انس : قبل نبيك تزعلي عشان نعرف كيف نراضيك
الاء: لالا ما نزعلش منك بكل
انس : باهي اضحكي قبل
الاء : صوت سياره درست
انس : خشي توا نشوف من
الاء ركبت تجري وانس طلع
شاب : سلام عليكم
انس : عليكم سلام تفضل
شاب : هذا حوش محمد الفلاني
انس : وصلت تفضل
شاب : ونبي كلمه ليا
انس : مش قاعد
شاب : باهي قوللهم بكرا هللي جاينكم عشان يرنو عليهم ماردوش
انس : تمام تفضلو
شاب عدي وانس رن ع الاء وقالها له خش خذا قهوه وطلع وجن خواتي تلمدو كلهم بدو في حلو
...........
انا نضت : اوووف راسي
باسم فتح عيونه : صباح عسل
نا رديت رقدت علي صدره : صباح نور
باسم : شنو مازالتي نعسانه
انا : لالا بس نحس في روحي مش عارفه كيف
باسم ابتسم : شن اللي يوجع فيك
انا : ظهري بكل والله وبطني تلوي فيا
باسم : كنك
انا : مش عارفه وماعنديش نيه نصبي
باسم : تعالي نخششك للحمام
انا : شوف ساعه كم
باسم رفع رأسه : اووو 4 فاتت عليا زياره
انا : هييي
باسم : هههههه صبي خلاص
انا : تؤ تؤ
باسم : معناها تعالي
انا : لالا وراس حبيبي تعبانه
باسم قمعز : كيف تعبانه كنك
انا قمعزت : وين نندري نحس في ظهري
باسم : خلاص تريحي اكيده من رقده ع كنابه
انا : نبي نغسل ونعدو للهلي
باسم : معش عرفتك شن تبي
انا : هههههه ادويلي باهي
باسم : شن تبي تعرفي خليني متريح دابين لقيت راحتي
انا بسته : تمام براحتك بس اوعي تدويلي عشان نا ما نقعدش مشغوله عليك
باسم باسني : نعلي من مشغوله بس سمحات مسجات امس
انا : هههههه سلم صحباتي
باسم رفع حاجبه : كيف دويتي انتي
انا : لالا بس قتلهن نبي مسجات
باسم : اهاا باهي ماتبيش تصبي
انا : لا نبي خلاص وقت يالله نوتي روحي
صبيت خشيت للدار وباسم لحقني
باسم : تبي دوشي هنا
انا : كان تبيه وتوا نطلع للحمام اللي برا
باسم رفعني : لالا تعالي نجربوه مع بعضنا
انا : لالا لالا
باسم دف باب حمام : اسسس
.....
عمر : ايوه
هنيده : وينك من امبدري وانا نرن
عمر : كنت راقد خشن بنات قعدت نهدرز معاهن
هنيده : اها كيف حالهن
عمر : كويسات يديرو في حلو للفرح
هنيده : اها ربي يساعدهن هنا زيطات في كروت اللي جبتهن
عمر : تمام قتلك فلوس ساداتك ولا نزيدك
هنيده : لا حبيبي تمام
عمر : عد تنازلي خلاص عاد
هنيده : هانت يا روحي
عمر : نعليا بعدك رجيت لعند لحيه شابت
هنيده : نجك ليا
قعدو يهدرزو
......
باسم : نعليا نا
انا انشف في شعري : سامط اصلك
باسم : هههههه عادي راضي مهم نا تمام
انا : اناني
باسم : هيا البسي خير ماتمشيش بكل
انا : باهي ناكلو حاجه
باسم : لالا البسي بسرعه توا نتغدو برا
انا : نجك ليا
باسم ابتسم : نا نطلع نولع سياره ونشوف امي ونمشو
انا : تمام
لبست ومكيجت ع خفيف خذيت شوكولاطه وطلعت
......
ابراهيم : ايوه يا خالي
خاله : جيب امك بسرعه
ابراهيم : كنكم شن فيه
....
يتبع...
رايكن ❤
Fafa fa
