#فوبيا_الحب❤
الحلقة [36]
باسم : حبيبي كنك
انا حطيت ايديا ع عيوني ودموعي ينزلن
باسم اتكي جنبي ويبحت فيا : اوفي كنك
انا نبكي : مش عارفه
باسم : ههههههه ياربي صبرررني
انا نمسح في دموعي : ههههه بارد
باسم ابتسم وحطايديه وراء رأسه وراقد ع ظهره : مادرت شي راه "غمزلي"
انا فنصت
باسم قعد يبحت فيا نا رفعت ورغان وقعدت نتغطى هو عطاني نظرة لعند انحرجت
باسم : نعليا نا منك
انا قمعزت ورفعت معايا ورغان : احم
باسم قمعز : كنك تنحنحي
انا : باسم خلاص
باسم قرب مسك ايديا طح مني ورغان وحط يديا وراء رقبته وحظني زييين لعند حسيت ضلوعي نا من كثر ما هو شد عليا حظنته🙈 بعد حس بيا حظنته كرني ماجيت الا في كثره
باسم يشد ويرخي يوشوش في وذني : وربي فرحان بيك قريب نطير
انا ابتسمت : احم اطلقني شويه نبي ناخذ دوش
باسم شد اخري ويهز بيا يمين يسار يمين يسار : توتو
انا ابتسمت : عليش
باسم : خايفه تخشي للحمام تطلعي تحشمي وتكشي اخري يا فكرونه
انا : هههه لالا والله خلاص
باسم وخر وباس خدي : حلفتي راه توا صبي
انا كريت ورغان : باهي انت حول
باسم عطاني بظهره : ههههه اطلعي يااوفي، ها ياستي
انا لبست بجامه بسرعه خشيت نجري ونسمع فيه ميت ضحك ونا قعدت نضحك حسيت روحي عبيطه بكل بحتت في مرايا
انا بصوت عالي : هيييييي شن هذا
باسم : ههههههه فكرونه عادي تصير راه حلفتي دخلنيش
انا حطيت يدي علي فمي ونضحك
باسم : طوليش باهي نطلب عشاء جعان بكل نا
انا : تمام
طلب عشاء وقعد يلم في أوراق وسكر لاب توب وفضى طاوله
........
هبه : اها يعني كيف انديرو توا
عصام : ساهله يا روحي اصلا نحن مش دايرينا كبير صح باتي يبي يدير طواطي لكن نا ما نبيش
هبه : بس نا نبي فرح يا عصومي
عصام : عارف ان بنات عندهن جو فرح وتحس انها عروسه تفرح به لكن نا مانقدرش يعني ولد خالتي اللي استشهد
هبه : لا صح ما تجيش ناس تقعد في فرح وناس خاطرها مكسور
عصام : نعليا من عاقل بكرا ماشين راه
هبه : هذه خالتك اي منهن
عصام : اللي في بريقه هي وامي نفس ام لكن مش نفس بات
هبه : اها عرفتها ،توصلو بسلامه سلملي ع عميمه توا نرن عليها ونعزيها
عصام : كيف تبي تسكري
هبه : نحط عشاء ونرن عليك
عصام : تمام حتي نا قريب نوصل للحوش
هبه : انحبك
عصام : نا نموت فيك
هبه : باي حبيبي
سكرت طلعت حطت عشاء وقالت لماما ع ولد خالتة عصام وردت رنت عليه وكملو هدرزه لكن طولوش عشان عصام وراه طريق
.......
ايمان : حبيبي وينك
اسامه : في طريق ياروحي تبي حاجه
ايمان : كيوي نشم في بنة كيوي
اسامه : ههههه حبيبتي توا كيوي فيه بنه
ايمان تستنشق : اهاا غير شم بس
اسامه : شميت شميت هههههههه
ايمان : جيبه باهي
اسامه : حاضر توا اندور حاجه اخري
ايمان : امممم
اسامه : حبيبي سكري قاعد ع بوابه اللي تبيه دزيه ليا في رساله
ايمان : تمام دير بالك على روحك
اسامه : سلام
.........
هاجر تنشف في شعرها : حبيبي بنات عمامك فش وحده متجوزه
منذر يبحت في فون : لالا
هاجر : عليش سمحات ياخيا
منذر : مش عارف
هاجر : منذر ندوي معاك نا
منذر : اها
هاجر : إنت كنت تحب وحده منهن
منذر يبحت في فون : اها
هاجر بصوت عالي شوي وعزقت المنشف : منذررر
منذر فطن : نعم ياروحي
هاجر طلعت وسيبت دار منذر لحقها
منذر : غير تعالي ياروحي والله كنت ندوي مع صاحبي ع ماسنجر موضوع مهم شن قلتي انتي
هاجر خشت للمطبخ فتحت ثلاجه مادوتش
منذر قعد وراها وحظنها : شن جو شين هذا ياطشه
هاجر فكت ايديه وطبست ع ثلاجه منذر كاين وراءها بضبط
منذر رفعها طلع بيها في صاله : لااااا استكراد قوي هذا نتعب نا راه
هاجر : نزلني يا منذر
منذر رفعها من لوراء وماطلقهش : منذر حاف هكي فش يا باشا يا فندي احترمي النجوم اللي مركبهن
هاجر : لاا فش منذر حاف عاجبك باهي مش عاجبك طير
منذر نزلها : صار طير
هاجر : اها طير مش تحب بنت عمك طيير
منذر رد للمطبخ جاب شيشه قازوزه صغيره : نعتبرها ردبول توا تعطيني جوانح ونطير
هاجر ماسكه ضحكتها
منذر : اهيا اهيا طلعيها
هاجر مسكتها بسيف : شن اللي نطلعها
منذر حط قازوزه وجا قعد يدغدغ فيها : اضحكت
هاجر : ههههههههههههه تي حول قتلك معش اضحكني هههههه
منذر وخر قعمز و قمعزها ع كرعيه : نعليا نا وخلاص توا ياهبله معقوله نبحت في بنات عمامي وانتي قدامي
هاجر : وعليش قلت اها
منذر : تي حق الله واقسم بالله ماكنت مركز معاك عشان واحد من شباب كاين يدويلي ع مداهمه صارت
هاجر : يعني نصدق نا توا
منذر : انتي وضميرك عاد نا حلفت وبعدين كيف خواتي والله كان نبي وحده منهن راه ماطلبتكش تي نحبك نا ياقصيره باهي
هاجر بساته في خذه : نجك ليا ياربي
منذر شير ع خذه لاخر : هنا هنا اخري
هاجر ضحكت وباساته
منذر شير ع .... : وهنا و النبي
هاجر ابتسمت حطت ايديها علي وجها
منذر : هههههههههه حلوه هذه
هاجر جت تبي تصبي
منذر : عليا طلاق مانك متحركه
هاجر قرنت حواجبها : تي معش تحلف بطلاق
منذر باسها ع ..... رفعها خش بيها دار
راحو ف خير كان...
..........
طلعت من حمام لقيت باسم متكي ع سرير
باسم غمزلي : نعيما حبيبي
انا ابتسمت تهبل بكل منا كلمه حبيبي : احم شكرا
باب دق
باسم : ههههه قمعزي توا نجيك راك تكشي اخره فكرونه مش ناقص وربي
انا عديت للشنطه : هههههه
طلع جاب عشاء وحطى ع طاوله نا غيرت دبشي اخري قمعزنا ناكلو وباسم ويبحت فيا
تنا : باسم خليك في وكالك
باسم : هههه ناكل والله غير شكلي مش مصدق
انا ابتسمت في سري ع اساس نا مصدقه
انا : عادي نكلم صاحبتي والله مرايفه عليهن
باسم : جيبي تلفون توا نفتحلك
انا صبيت كنت لابسه روب ربع كم لعند ركبه جبته وجيت كرني بتلفون وقمعزني ع كرعيه
باسم : تعالي نعلمك
انا ان شاء الله غير مايجي مسج : لا حل انت
باسم حط رأسه ع صدري ويفتح ف فون : عنجد قلبك بكل ههههه اهو انحل هاتي رقم
انا : 091.........
باسم : خوذي متصل ادوي معاها بس كولي قبل
خذيت فون قعدت نكتب وناكل
انا نكتب : شن جو يابيسو
بيلسان ردت: اهلين. بس من معايا
انا نكتب : انا اوفي ياقرده هذا رقم باسم
بيلسان رنت دغري
باسم بحت : ترن عليك فايبر ردي
انا رديت : روحي نا
باسم بحت فيا بنص عين
بيلسان : شن جوك ياقلبي
انا : الحمدلله مرايفه عليكن موت وحق ربي
باسم يبحت فيا ورفع حواجبه
بيلسان : ونحن يااوفي والله شن دايره مع طويل
انا : احم تمام شن جوك انتي
بيلسان : جنبك
انا : اها
بيلسان : صبي من جنبه نبيك
انا صبيت : تمام
باسم : وين
انا نزلت فون : نبي نهدرز شويه توا نجيبه لكي فون
باسم رفع حاجبه : مش ع تلفون بس مش لازم تدوي انتي فاهمه صح
نا : حاضر
انا قمعزت ع سرير : نعم ادوي
بيلسان : قوليلي شن جو قبل
انا : يهبل يابيسو بكل
بيلسان : حبيتيه
انا : هههه اها هذا حبي الاول
بيلسان : نعليا قعدنا نحبو ونقولو حبي الاول وجو
انا : كنك هازيه عليا يافرخه
بيلسان : ههههه مش هازيه بس خليه يسمعها اغنيه
انا : أي اغنيه
بيلسان : حبي الاول ياعبيطه
انا : كيف
بيلسان : ابحثي عليها في عمي قوقل
انا : نجك ليا ياحبي شكرا ياقلبي بس كلماتها سمحات
بيلسان : اها يهبلن بكل توا اندزهن لك هنا ع فايبر اقريهن قبل ماتعطيه الفون
انا : تمام باه
بيلسان : مهم توا تذكري غرباوي اللي دويتلك عليه
انا : اها كنه
بيلسان : قالي دزي صوره حتي بوشاح راضي
انا عليت صوتي شويه : وحق الله كان ادزي صورتك انوريك
بيلسان : تي عارفه وحق الله مادزيت نقصي صوتك عطك مرض
انا : خايفه عليك ياتافهه راك ادزي
بيلسان : عليك فضائح قدام راجل راه يفهم خطأ
انا : فوتي مهم شن قالك بعد قلتي لا
بيلسان : سكن سكنه شينه وانا نقول لالا وزعل وراضيته بعدها قالي خلاص ننزل بنغازي
انا : نعليا نا هكي اكيده كبرتي في عينه شاطره ياقلبي
بيلسان : قتله خليك لعند تبدا جامعه
انا : تمام بس شن صار في نتيجه خطرها ع جامعه
بيلسان : شن ماقلولكش
انا : حي عليا شن صار
بيلسان : تعوضيها ياعيوني ماده اللي قلتي ماحليتش فيها
انا بصوت عالي : هييي لالا عليك هم
باسم جاء : تي كنك
انا بحتت فيه وقريب نبكي : في ما
بيلسان قصت عليا : ههههههه نبصر معاك صفيتيهن كلهن
انا قعدت انط ونضحك : احلفي
عديت نجري للباسم حظنته بسرعه وسيبته ورديت للفون وعطيته بظهري
باسم😳
بيلسان : وحق الله كلنا صفينا والمادة النو صفيناها بمقبول
انا : هههههه مش مهم حتي بكانشو عادي
باسم 😳
بيلسان : مبروك علينا ياحنه عدي للزوزك سلام
انا بحتت فيه لقيته مصدوم فطنت للجو اللي درته : احم خلاص راك تنسي كلمات سلام
بيلسان : توا اندزهن لك توا عندي اصلا
سكرت شويه وطنطن الفون
انا بحتت فيه : شويه بس
قعدت نقرأ في كلمات عيوني قلوب قلوب نجك ليا يابيسو ياحب عمري انتي
انا : شكرا
باسم غمزلي : عليش عياط وحظن سمح هذا
انا ابتسمت: نجحت
باسم حظني : مبروك حبيبي
انا مسكت ف رقبته هو رفعني قعدت معلقه
باسم يبوس فيا : شنو فيها هديه نجاح صح
انا : ههههه انت وذوقك
باسم : نعليا نا شن تبي
انا : شي نقعد هك بس
باسم نزلني : كيف هكي
انا : شي شي
باسم رد رفعني وحظني زين : يعني هكي صح
انا ابتسمت : اها هك
قعد حاظني وحاط راسه في رقبتي ونفسه عالي
تلفون رن
باسم كيف ماهو ماتحركش : اليوم كنهن
انا : هههه خلاص نزلني
باسم باسني ونزلني : شوفي من
انا خذيت فون : رقم
باسم شافه قفل فون وعزقه ع كرسي ومسك يدي ردينا ناكلو ونا ماسألتش من الي ران كملنا وهو خش للحمام نا ماقدرتش نفتح الفون قلت مرات يهزبني
طلع كاين لابس شرت وكت لقاني ع سرير صلي مغرب وعشاء وجاء رقد جنبي
باسم يشير ع صدره : تعالي هنا
انا قربت رقدت ع صدره وساكته
باسم : اوفي ترا بحتي فيا
انا رفعت راسي بحتت فيه : نعم
باسم : نعليا من عويناتك سمحات هذين
انا : هههههه
باسم ابتسم : نا شن بنسبه لك
انا ابتسمت : حبي الاول
باسم : نعليا نا نعليا نا نعليا
انا حطيت ايديا ع وجهي
باسم : هههه باهي قوليلي امتي حبتيني نبي نعرف نبي نسمع نا
انا : احم نا انعجبت بيك بعد جيتني في جامعه قعدت نفكر فيك واجد لكن دوتش للحد الا بنت عمو بس ع موقف اللي في جامعه بس حبيتك بيني وبين نفسي بعد جيت في عيد الاضحي في مزرعه هنا ركزت فيك وااجد بس انت مافطنتليش بعدها من تصرفاتك قعدت نحبك
باسم : نعليا نا قعدتي شن
انا بصوت هااادي : نحبك
باسم حظني يبوس فيا : نا اللي نحبك ياقطوستي البطه
انا : تي شن هذا مره فكرونه مره قطوسه ومره بطه قول ايلاف ارحم
باسم حط يده ع خصري : ههههههه لسانك يبي عض راه
انا سكتت
باسم : اووي ندوي نا فكرونه تقوقعتي
انا : لا قاعده امفنصه معش تقول فكرونه
باسم : هههه توا نشرحلك ليش مسميك هكي فكرونه عشان تعبتيني ما رخيتي معايا قطوسه عشان عيونك سماح هذين اللي لونهن مش مفهوم وبطه عشان دبدوبتي سمحه عسل
انا : توا ننقص
باسم : لااا معش تنقصي نا نبيكي هك
انا بحتت فيه : بس بنت خالك قالتلي كيف بحت فيك صح نقصتي لكن كنتي سمينه
باسم يبوس فيا : فوتيها تعبريهش نا نحبك هكي
انا ابتسمت : خلاص خلينا نرقدو
باسم وخر : هااحتي نحن راقدين
انا : نا مش هكي نرقد
باسم حظني : لا من يوم غادي هك ترقدي
انا : مرات نتعاركو
باسم : ان شاء الله ما يجيب زعل بس كان صارت وتكون واصله للسماء بينا نرقدو هك فاهمه
انا هزيت راسي
باسم : حبيبي كم يوم مرزيه هذه
انا ماسكه ضحكتي
باسم : ايلاف نحكي تقريبا
انا : قريب
باسم : بعدها ينفك حظر
انا : امتي نروحو
باسم : بجوك امتي ماتبي
انا بحتت فيه : وبضاعه
باسم : ولا كاني سمعت حاجه
انا : هههههه
باسم باس راسي ورقدنا
.........
سناء : وسعي بالك ياماما
عميمه تبكي : نعلاي خويا ماعندي غيره نعلاي
حنين : صلي علي نبي ياماما قالولك كويس خالي ما فيه شي
عميمه : عليه صلي وسلام بس عرفتهم يكذبو لازم نشوفه رني ع باسم توا
سناء : تي شن باسم راجل ف تركيا
عميمه : رني خلاص يروح
اسماء جت : هيا محمود جا
عميمه صبت ترعش : بسرعه سلم وليدي
محمود : هيا بسرعه ياامي
طلعت عميمه وحنين ومحمود
رحاب : نعلي عليك فجعه ع صبح
زينب : محمد طلع يجري
اسماء : محمود شن قالولا يا حوبا
رحاب خشت للحمام تجري
اسماء : تي كنكم يابتي
رحاب طلعت : لا عادي بس شاكه في روحي حامل
قعدن يبركالها وقمعزناها وقعدن يرجن في محمود
.........
هاجر : صباح خير
منذر يلبس : صباح نور
هاجر : وين ماشي مازال بدري
منذر : عندي عمل ضروري مش مطول ردي ارقدي
هاجر : باهي افطر
منذر يأخذ في سلاحه ودخانه : لالا تريحي توا ناخذ قهوه من كافي
هاجر : دير بالك علي روحك حبيبي
منذر باس رأسها : حاضر يا روحي سلام
طلع منذر وهاجر ردت رقدت
.......
محمود : شن صار في خالي
محمد : في عنايه حادث قوي شويه
محمود : توا نشوف دكاتره عينك ع امي قاعده مع خالاتي
محمد : عليش جبتها
محمود : تي تبكي وقلبت فيلا
محمد : عدي بس توا شوف دكاتره
محمود : نرن ع باسم ولا نفوت
محمد : لالا ما حد يرن
محمود : حتي نا نقول هكي توا نجي عينك ع امي
محمود عدا يطمن ع خاله ومحمد قعد مع رجاله خالاته وعويلهن
..........
نا نضت خشيت للحمام درت دوش وكديت سنوني وطلعت صليت صبح بحتت ف باسم لقيته مازال راقد مشطت شعري ودرته بماسح ومكيجت ولبست بنطلون وبلوزه وبخيت عطري Si قمعزت ع سرير نبحت فيه
نا غرست يدي في شعره 😍 بعدها خفت حي عليا راه ينوض ينفصل جيت نبي نصبي مسك يدي
نا برمت : صباح خير
باسم ابتسم : صباح عسل وين ماشيه
نا رديت قمعزت : نبيش نوعيك
باسم قمعز يحك في عيونه
نا 😍
باسم : باهي قولي كنك لابسه
نا : نبي نطلع لنا ثلاث ايام في فندق والله
باسم : هههه حاضر نخش للحمام بس ونطلعو
قدم باسني ع .....
باسم : مكثره منه قلت نحوله خير
نا : ههههه
باسم خش للحمام و لبست وكملت وحطيت فونه في شحن وقعدت نرجى فيه طلع من حمام لاف منشف ع وسطه
نا عطيته بظهري وهو قعد يلبس وبعدها خذا فونه مسك يدي وطلعنا قمعزنا في مطعم تابع للفندق فطرنا طلعنا ادهورنا صورنا عند واحد يصور تطلع صوره وقتي وهدرزنا كل واحد شن يحب وشن يكره وباسم ماطلقش يدي بكل نا فرحانه بكل كل شويه يقعد يقول في كلام يهبل ونا ننحمر مع بعضي هو يقعد يضحك تغدينا وركبنا في يخت بعدها مع مغرب ردينا للفندق
باسم يفتح في فونه : ها شن جو عام توا
نا سلحت وشاحي ابتسمت : يهبل بكل
باسم حط فون ع طاوله قرب مني ماسكني من خصري : تي انتي اللي تهبلي اوفي قولي كلام سمح ورب العزه خاطري نسمعه من فمك وانتي تستقبلي وما ترسلي ف شي
نا : ههههه مسكرين عليا اتصالات
باسم فنص عض فمه
نا بتجعوين : حبيبي و اوحي وانتاعي نا بس
باسم يبوس فيا يحكي بشويش : نعليا نا منك تي شن هذا بس قوليلي
نا سكتت
باسم جاء حدا وذني : انسيتي حاجه
نا قلبي يدق بسرعه : شن
باسم : حبي الاول
نا : اها صح اغنيه
باسم رفع رأسه: شكلك بعد تنزري تدوي نكملها تهديد نا ولا شنو
نا : ههههه
باسم غمزلي : اي اغنيه
نا : في عمي قوقل نلقوها
باسم : ههههه صار عمك قوقل
نا : اها غير ابحث عليها
كرني من يدي وقمعزنا ع سرير وبحث ع اغنيه طلعتله
نا : هيت نا نزر
باسم : خوذي زري
نا فتح اغنيه قمعزت مقابلته وقعدنا نسمعو فيها وباسم ماسك ايديا
حُبِي الأوُل أنْتْ يَا دقتْ القَلّبْ لخَاطْرّكْ أدخُلّ حُرّبْ
وعَادِي وسطْ النَار أطبْ وأجِيبِكْ أجِيبِكْ
حُبِي الأوُلْ مَا حدْ يشَاركْنِي بهَوَاكْ ترِيدْ رُوحِي فدَوُه هَاكْ
ودَاعْتْ الخَالقْ سَمَاكْ أجِيبكْ أجِيبكْ
حُبكْ غَزانِي بدَمِي يمْشِي قطْره قطْره ورَبِي أشكُره حبِيتْ واحدْ
چنُه ورّدْه وع الفطْره علّى الفطْره وربِي أشكُره
حُبِي الأوُل أنْتْ أبُو الحُبْ الحَلاّلْ خُذنِي بحُضْاَنْك مَجَالّ
فُوكْ أهْلّكْ بَالدَلاّلْ أزِيدْكْ حِيل أزِيدَكْ
أنْت الأوُلْ مُشتِري قَلّبِي شَرُه أليَاخذَكْ منِي أكْسرُه
بَاخْر أنْفَاسِي تَره أرِيدَك يَمِي أر
حُسْنَك عَمَانِي ويَاكْ أنْه أمْشِي خُطْوه خُطْوه هِيه قوُه
مَا حدْ عَجبْنِي غِيركْ أنتْ فَدوُه
باسم قدم قعد يبوس فيا بالقوه
انا ارتبكت من ردة فعله : باسم شويه بس نغير ونصلي
باسم وخر 😍 : تصلي
نا طبست راسي وسكتت
باسم قعد يصبي فيا : هيا اوفي
نا ابتسمت وصبيت طلعلي روب اللي شراء ليا نحن هنا ابيض خشيت للحمام تقريبا قعدت ساعه علي ما وتيت روحي وطلعت
باسم : 😍😍😍
.......
يتبع... 🙈
رايكن 😉
شكرا علي كومنتات الحلقه اللي فاتت والله ماقدرت نرد ع كل 😍😍 دعمك ليا فوق خيال سواء في خاص ولا في تعليقات اسفه كان في اخطاء
#Fafy fa
