#فوبيا_الحب❤
الحلقة [95]
هنيده نزلت رأسها : هو من من حققك يعني
عمر رفع رأسها : و انا عويل الي مش منك ما نبيهمش
هنيده ابتسمت
عمر لصقها فيه : نعليا انا هنيوه قتلك
هنيده مبتسمه تبحت فيه : شنو
عمر : شن رايك نحتفلوه
هنيده : شنو مناسبة ههههههه
عمر نزل يبوس فيها : عشان حلفتي بطلت نعليا نا يا بوي
هنيده اطربق ضحك
عمر رفعها حطها ع سرير وراحو في خبر كان......
.......
هاجر تبكي : لعند امبدري رن عليا
ماما : انا قتله يرن عليك بيش تطمني و الله ما في حاجة سلم بنتي اسكتي وخليك في روحك إنت نافس مش كويس تبكي ترضعي وليدك حليب ارعاش
ام منذر : خلاص قالتلك كويس بلاش اهبال
هاجر تمسك في دموعها مطبسه رأسها مع طلعت الاء من دار
ماما : الااااء
الاء برمت : نعم " جت " اهلين
سلمت ع هاجر و ام منذر قمعزت جنب هاجر خالتي هدي و ماما و ام منذر يهدرزن ع موت الي تكر في كبير وصغير
هاجر : شن جوك توا قالولي امس في مستشفي
الاء قمعزت : الحمدلله، شن جو إنت
هاجر : الحمدلله ، شفتي انس
الاء : اها " فطنت للروحها هزت راسها يمين ويسار بسرعه " قصدي كلمته كويس
هاجر سكتت
الاء : اطمني والله كويس إيلاف قالتلي دازلهم حتي فيديو عند منتصر
هاجر استغربت : وإنت اطمنتي من فيديو
الاء : هو انا ما شفتش الفيديو
هاجر : اخري ما شفتيش
الاء : بس قالولي عليه وكلمني قالي كويس
هاجر : حتي انا كلمني بس ما نحسابش مضروب صح صوته تاعب بس قلت اكيده عشان مع ابراهيم حوسه عزاء ما يرقدش كويس
الاء عيونها يدعمن : الحمدلله علي كل حال المهم عايش بس راضية بكل شي فيه المهم يتنفس و معايا
هاجر مسكت يدها : ياروحي انا ان شاء الله ديما معانا ويطول في عمره ويخليه لنا ونفرحو بيكم وبعيالكم
الاء : يارب ان شاء الله
هاجر تلفونها رن : هذا منذر ، الو ، تمام اني طالعه ، سلام
الاء مسحت دموعها : بتروحي
هاجر صبت : اها هذاك هو محويتك خلاني نطلع استاذ
الاء صبت : باهي كيف حال سنودي
هاجر : تمام الحمد الله سيبته مع بنات راقد
الاء : تمام افطنيله حتي وإنت راقده باهي
هاجر : ان شاء الله ديري بالك على روحك وعلي خالتي خليها تاكل وتشرب ريتي خيالها كيف راح
الاء : والله نزر عليها زر ما تبيش
هاجر : لا حول لله ربي يصبركم ويقويكم
الاء : ان شاء الله
هاجر : توا نبقي نرن عليك طمنيني عليك وعلي خالتي
الاء : باهي، بوسيلي سنودي
هاجر ابتسمت : من عيوني، " برمت علي ماما وخالتي و عمتها " هيا عميمه منذر برا
صبن كلهن
هاجر سلمت ع خالتي هدي : ربي يصبرك يا خالتي ان شاء الله آخر الاحزان
هدي : ان شاء الله ديري بالك على روحك سلم بنتي إنت نافس مش كويس عليك حاجات واجد ديري بالك من اوليدك
هاجر : حاضر ان شاء الله
ام منذر سلمت وطلعت هي و هاجر وراهن هدي و الاء لعند خيمه ودعنهن وردن شوي وجينا انا وسناء و هبه وهنيده كل وحده جايبة معاها حاجات انا صناديق حليب خششهن ابراهيم معاها سطلين كعك وهبه دايره خبزة خضره و فتات و هنيده دارت سفنز واااجد ساعدتها هبه و سناء جابت بريوش و فطيرة حطهن ابراهيم جوا ونحن قعدنا مع الاء حسينها خير من امس بدت الخيمه تعبا ونحن مقمعزين لعند ساعه 5 ونص سناء خذها احمد وعدت للهلها عشان عرب اسماء جاين يحدود فرح بعدها ايمان جابت معاها الخلية و عمتها جت شوي وروحت جت ام عصام شوي وروحت هل هنيده جو اخري شوية روحو طبعا عميمه تجي معايا يوميا روحت مع سناء
........
تحدد فرح اسماء وفرحنالها كلنا عشان فترة خطوبة طولت فيها بعد 3 شهور بعد سالنها ليش قالت نبي نجهز نفسي نفسيا وجسديا
.......
