#فوبيا_الحب❤
الحلقة[63]
انا : ما شاء الله توا اندير في حوش نوع
اسماء نطت : لا انتي وتي روحك بس نبوك تجي ع سنقت 10 بعد مغرب خوات مراه خالي يبن يجن
حنين : إن شاء الله اللي ما تسمه ما تجي
انا كنهن يخوفن فيا ناقصه نا : من اللي ان شاء الله ما تجي
حنين : اخت مراه خالي سوسه بارده ما نحبوهش
عميمه : عيب عليك شن هالدوه
حنين : تقريبا ما جبتش حاجه من عندي اختها سحاره حسبي الله ونعمه الوكيل في كل شخص يسحر سوا بنت ولا شاب ويهلكم ويحرم فيهم من حاجه يبوها وانتي فاهمتيني يا ماما
عميمه هزت رأسها وسكتت
انا قعدت نبحت فيهن ساكته
اسماء : نفس ما قلتلك يا اوفي خليك في روحك والبسي اي حاجه من دبشك اللي من تركيا
انا : تمام توا نقول للباسم يجيب نوع حلو من حلواني
عميمه : اللي يريحك ديريه
انا : تمام وين سناء خطرها
رحاب خشت : سلام عليكم رمضان كريم يا صبايا معش تقرمن
بنات ضحكن
انا صبيت بسرعه حسيت راسي برم مسكت في كرسي بعدها رفعت عيوني لقيتهن كلهن قدامي بعدها معش نندري ع شي
عميمه : بسم ياامي كنك شن جاك
انا ابتسمت ع خفيف : كويسه يا عميمه ما تخافيش
اسماء : رنيت ع باسم ما درش عليا
انا : ما تشغلش خليه في عمله كويسه غير شكلي هبطت بس توا كويسه
حنين : والله فجعتينا
انا : سامحني
بنات وعميمه : مهم صحتك خليك متريحه
انا كان خاطري نعدي للهلي لكن خايفه يقولو عليا اني خايفه من نواجهها بذات اسماء ونسرين شبه كلام قعد ع بحري وبنات كلهن عرفات انها تبي باسم كنت في وقت هذا مانبيش الا حضن ماما وخواتي كنت محتاجتلهن بكل مع انه عميمه وبنات وااضح انهن خايفات عليا بس نا نبي هلي صبيت قربت من عميمه وحضنتها وقعدت نبكي مش عارفه ليش بس حسيتها ماما
عميمه انفجعت قعدت تمشي ع ضهري : كنك يا بنيتي شن فيك باسم قايلك حاجه مضايقك في حد موجعك تبي حاجه
انا نبكي : لالا
بنات يبحتن وخلاص
عميمه : كنك باهي شغلتيني
انا وخرت مسحت دموعي : لا شي والله بس توا حسيت روحي كويسه
عميمه : خلاص تريحي قبل مغرب وتي روحك وتعالي انتي وسناء نحن توا محمد يبي يوصلنا
انا قعدت ناخذ في نفس شكلهن كبات عليا نص شيشه عطر شميته كبدي زعمت نبي نصبي مسكتني حنين وطول للحمام وهناك رجعته سكرت باب حمام غسلت وطلعت
رحاب : خليك هك نضربلك عصير طبيعي في حوشي ونجي نفطرك
انا : لالا مانبيش ناكل امس باسم زر عليا واجد لعند اضايقت من ماكله نبي نعدي للحوشي
خذني البنات وعديت للحوش
عميمه : عدن ديرن اللي عليكن وتن اروحكن توا نقعد معاها نا
انا اتيكت ع سرير وبنات طلعن وشوي وجت رحاب بعصير طبيعي شربت جغمه وحده بس اتكيت جن بنات عطن للعميمه جلباب وقاللي سناء توا تجيك سيبن باب مردود وعدن نص ساعه وجت سناء وكانن عيونها منفوخات
انا : كنك يا خيا
سناء : شي تعالي نبرم عليك قبل ما يجي باسم ع خشته
انا ما بيتش نكثر عليها عشان نا بروحي ما عنديش حيل للنقاش استشورتلي شعري وانا نفكر كيف نبي نخش حوش هل رانيا ودرت ميك اب بسيط وجميل جدا قمعزت وخليتها توتي في روحها خذيت فوني
........
احمد خش : سلام
ماما : عليكم سلام
احمد : وين هاجر
ماما : شالها باتك للعربها
احمد : باهي ما تنوضونيش الا ع فطور عطشان ع آخر استغفر الله العظيم
هبه : وين انس
احمد : روحت انا وايوب ابراهيم وانس في مستشفي خطرها رنيتو ع ايمان و ايلاف
ماما : لالا هنا رنن لكن ما ردينش
احمد : ما تقولش خلو رجالاتهن يدولهم بذات ايلاف فهمتي يا هبه ما تدويش انس رن ع اسامه قاله جانا غادي وباسم محمود قالي توا نروح نقوله
هبه تلفونها رن : هذه اوفي
احمد : ردي وما تدويش
هبه فتحت خط : اللو
انا : ايوه وينكم من امس نرن كنكم ما تردو عليا عليش تخلو فيا مشغوله عليكم
هبه : وسعي بالك نحن كويسين غير امس
احمد فنص فيها
غير امس ناس مازالت تجينا قبل نبو نجو للسناء ماما شريتلها سله رمضان لازم منها قبل نبو نجو بعد مغرب لكن شي مافضينش واحمد ماجشش
انا : باهي طمني وين احمد وبابا
هبه : كويس اهو احمد جنبي وبابا راقد حي انس روح امس
انا : هييي احلفي نجك ليا والله مرايفه عليه وينه
هبه : راقد حتي هو
انا : باهي عطيني احمد
سناء بحتت فيا
هبه : هكي
احمد : ايو يا اوفي
انا : وينك معش تسأل عليا تقول مش اختك
احمد : والله ما فاضي عمل فوق راسي تلفوني طافي شحن بعدين انتي تعالي باهي
انا : توا نجي في ليل خليني نشوفك
احمد : ان شاء الله خير تبي حاجه نقصتك حاجه
انا : لا سلامتك سلملي ع ماما
احمد : يوصل هيا سلام
انا سكرت لقيت سناء مازالت تبحت فيا : قالي تلفوني طافي شحن
سناء : اها عارفه ، هيا خلينا نتمو ونطلعو دبش ساعه 6
.........
معاذ : ايو
باسم : وين احمد مقفل
معاذ : كيف ما عندكش علم
باسم : لالا شنو فيه
معاذ : امس قبل فجر منذر عديلك انضرب ونحن عدينا بعد فجر رن علينا احمد عشان نتبرعو بدم وصاحب منذر استشهد منذر بتروله يده
باسم انصدم : تي كيف وامتي كلام هذا
معاذ : جينا نا وحسن وفارس جاء عشان كان معانا وعيسي حتي هو جاء
باسم : كنكم ما ترنو ازف معقوله
معاذ : احمد مابش قال محمود يبي يقولها لك
باسم : ##$##$ معقوله ازف هكي
معاذ : كنك تفلم عليا ازف
باسم : باهي اوكي خلاص
معاذ : اوكي
.........
احمد أول ما حط تلفون في شحن وفتحه بدن مسجات يجن جاء يبي يرن ع سناء باسم رن
باسم : ايوه
احمد : خير يا معلم
باسم : شن جو
احمد : تعبان والله هذه خشتي للحوش قالك محمود
باسم : انا مازالت برا محمود مايروحش توا
احمد : قالي توا نرن
باسم : وين منذر شن صار معاه
احمد صبي سكر مربوعه ورد قعد يدويله من اول ما رن عليه انس لعند روح وقاله حتي بعد رنيت انا ع هبه وباسم قاله ع نطتي امس في ليل
احمد : قولها لها بشويش وبعدين جيبها للهلي
باسم : إن شاء الله خليها في ليل نجيبها توا نمشي للمستشفي
احمد : تمام توا تلقي انس غادي
باسم : تمام سلام
سكر احمد قعد يقرأ في مسجات سناء
" حبيبي رد مشغوله عليك "
" يعني فاطن للمكالمات قاعد انتظار"
" تهنى يا استاذ بانتظار"
" مش قلتلي توا نرن عليك وينك لعند توا هذا كله شغل حتي باسم مروح من امبدري وانت كملها حسابات ومع صاحبك "
" بكرا ماشيه عند خالي تصبح على خير "
احمد : عليك اللي مفسره بجوها تسأل وترد ع روحها ومرقدتني اخري
رن عليها لقاها مقفل
احمد : ايوووووه نبو نبدو في حركات ليبيات جو عاد لازم منهن
" حبيبي امس ما رنيتش عشان صار معايا موضوع وانتظار كنت نرن ع شباب نبيهم عشان موضوع وما رقدتش بكل ومش راقد لعند تردي عليا واقسم بالله تعبان مش راقد قاعد لعند توا من طاسه نسكافي من امس رني عليا نقولك موضوع نحبك "
حط فون جنبه وإتكي ع صالون غمض عيونه وحط يده ع عيونه قعد يرجى في رساله تم تسليم لعند غفي من تعب
.........
حنان : تبي حاجه نجيبلك حاجه
هاجر : لالا
عمت هاجر : خلاص تريحي يا امي كنك مازالتي نايضه
هاجر عيونها غرغرن : كنت نصلي يا عميمه نبي نقرأ قرآن
عمت هاجر : ادعي واقري ادعي الله يربحك يردلنا يضوي حوش علينا هو اللي منوره بحسه بعد باته
هاجر حطت يدها ع بطنها : إن شاء الله يا عميمه
حنان : انا نمشي نطل ع هويدا في دار ونساعد بنات عمامي ع فطور راك تحركي يا هاجر
هاجر هزت رأسها
..........
باسم عدا للمستشفي شاف شباب قعد معاهم قبل مغرب رنيت عليه
انا : ايوه
باسم بصوت واطي : نعم
انا : هيا نبو نتكو ع حلواني
باسم : حاضر شوي ونجي قريب منك
انا : تمام
سكرت بحتت في سناء : ما تقوليلش اني دخت باهي ما يخلينش نعدي للهلي
سناء ابتسمت : باهي تعالي نسقملك شعرك
انا : نشرب اميه بس
سناء : فطاره
عديت شربت وجيت وتيت روحي ولبست وباسم رن قال اطلعن انا ركبت وسناء عدت تكلم في رحاب ماشيه معانا بس زينب ماشيه من عشيه وعويل مع محمد
انا ركبت : سلام عليكم
باسم : عليكم سلام شن جو
انا رفعت خماري بحتت فيه : تمام وانت
باسم ابتسم قعد يبحت في عيوني
انا : باسم بعدين نبي هلي
باسم : حاضر شن تبي اخري
انا : شي
باسم : نجيك ساعه 10 ونص نحل محلات نطمن ع كم حاجه ونجيك ونروح بيك 1
انا : تبيش تفطر
باسم : لالا معزوم جبتلك بكلاوه خوذيها معاك
انا : ماقلتليش معزوم
باسم : توا رن عليا صاحبي
انا : تمام ع راحتك
رحاب : سلام عليكم
نحن : عليكم سلام
باسم : وين سناء
رحاب : تجيب في فونها ، ها اوفي شن تحسي توا كويسه
انا فنصت عيوني الله يربحك اسكتي يا رحاب
باسم : كيف شن تحسي كنها
رحاب : داخت امبدري فجعتنا
باسم بحت فيا : كيف دختي ما قلتيهش ليا
انا : طبيعي كنك
باسم ضغط ع سنونه وسكت خبط ع دومان بعصبيه يعصر عليه وركبت سناء وتلفونه رن : هاا كنكم
حنين : قالتلك ماما وينك مغرب اذن
باسم : باهي في طريق
حنين : قالتلك بيش تعطي فلوس للاوفي أول مره تخش للحوش خالي
باسم : باهي
سكر وعزق فون جنبه سكتنا لين وصلنا جيت نبي ننزل مسك يدي
باسم : انتي ارجي سناء خوذي معاك حلو
رحاب وسناء نزلن وخذت معاها حلو
انا : نعم
باسم : جبتي معاك دواك
انا : اها
باسم : نجيك قبل 10 تروحي تريحي في حوش وبعدين نشيلك
انا : ما تجيش نكمل يومي في طريق
باسم : تعرفي فوق تحركي واقسم بالله ماني مسامحك كشيك ماترفعيش
انا ابتسمت : حاضر
باسم رفع روحه وحط يده في جيبه وطلع فلوس : خوذي هذينا 100 جنيه امي قالت عشان أول مره تخشي للحوش خالي
انا خذيتهن : تمام باه
محمد درس معه عويل
باسم نزل وجاء فتحلي باب ونزلني : توا نكلم خالي خليك
محمد : رنيت عليه
باسم : تمام نركب هلي ونجيك نبيك
خشينا من باب عماره وركبنا ع دروج
باسم : بعدين تخففي من اللي في وجك
انا : حاضر
باسم دق باب وفتح خاله
فتح الله : هيا تفضلو
انا سلمت عليه وخشيت
باسم من فم باب شقه : لا والله اعفيني يا خالي بعدين توا نجي
فتح الله : كيف معش تبي تخش حوشي
ام رانيا ورانيا طلعن
ام رانيا : مرحبتين شرفتينا تفضلي
انا سلمت عليها : زيد فضلك
رانيا : خشي تفضلي
انا بعد شفتها اضيقت بكككل مش عارفه ليش معش نحب حتي نسمع منها حرف أول مره تصيرلي نقعد مش متقبله شخص اللي قدامي برمت ع باسم طول
باسم : سامحني يا خالي والله
فتح الله طلع : شن في حاجه
باسم : والله عديلي في مستشفي مضروب من امس مازالت ماقلتها للهلي نبي نقوللهم لقيتهم موتين اروحهم بعدين نبي ناخذهم كلهم معايا للحوش هلها
فتح الله : لا حول لله باهي كويس
باسم : والله في عنايه ان شاء الله خير
محمد ركب : سلام عليكم
باسم دواله قصه قاله نفطرو ونطلعو باسم سكر رأسه وعدا وخشو محمد وعويل فتح الله ورجاله خالات باسم وعويلهم
.........
اول ما خشيت بديت نسلم وعميمه تعرف فيهن عليا ع خوات مراه خالي فتح الله ويبحت في لبستي
كنت لبسه بنطلون واسع احمر وقميص ابيض فوقه بشت احمر وايده دانتيل ابيض لابسه كعب ابيض لكن سلحته برا وطبعا فوق هذا كله عباية نحبش نلبس خمار ع ملابس كجول ولا رسمي لازم خمار مع عباية مهم أول ما سلحت عبايتي قعدن يبحتن فيا قمعزت شويا هدرزن وبنات يوتن لدالسفر للرجاله بعدها حطن للصبايا
فطرنا وبنات شالن سفر وانا ماكليتش الا سلاطه وطرف بطاطا بسيف عشان عميمه حلفت مادويتش ولا كلمه اللي تسأل عليا نجاوب بس وعميمه حسيتها فرحانه بيا واجد اما رحاب تهدرز مع بنات بعدها قدمن قهوه وكابتشينو للصبايا مع حلو خذيت حلو بس سناء جبتلي عصير شربت وشوي ورن فوني لقيته باسم رديت وانا مقمعزه
انا : الو
باسم : شن جو حبيبي فطرتي كويس
انا : اها تمام
باسم : وتي روحك في طريق
انا : حاضر
باسم : قتلك تبي حاجه من محل
انا : جيب حلوه بس
باسم : تمام حاجه اخري
انا : لالا
باسم : خوذي دواك
انا : تمام
باسم : سلام
انا سكرت نحس في روحي خلاص خلطت عندي مع بنة البخور خذيت دواء قعدت شويا
.....
سناء : ايوه
احمد : وينك كنك مقفل
سناء : طافي شحن
احمد : شن جو جديد هذا وانا مشغول عليك
سناء : بجد كان طافي شحن توا عند عيت خالي علقته في شحن
احمد : قتلك عدي انا
سناء : انت مقفل وانا هلي ماشين كلهم ها نقعد مع بواب في فيلا بروحي
احمد : باهي باه انا توا مش فاضي بعدين نتفاهمو
سناء : حتي بعدين مش حتفضي بعد يكمل شهر رمضان ساهل
احمد : نبي ناخذ هلي للهاجر راجلها مضروب من امس وانا في مستشفي بعد لقيتيني انتظار كنت نكلم في شباب نبو دم بعد روحت علقت نقال ورنيت عليك شن تبي تعرفي اخري يا استاذه
سناء : كيف مضروب راجل اوفي ما تعلم بشي
احمد : عشان انا قلت هك مانبيهش تنفجع توا باسم يقوللها لكن بشويش انتي ما تدويش
سناء : باهي كيف شن صار فيه
احمد : في عنايه مازال
سناء : يا روحي ع جوري
احمد : مافيش كلمه سمحه للبهيم اللي ران قلبه نار عليك
سناء ابتسمت : حشاك
احمد : تعبتك والله
سناء : اقسم بالله مرايفه عليك وعلي صوتك
احمد : تي نعليا انا وخلاص
سناء ضحكت مع طلعه ولد خالتها خشت تجري
احمد : اووي وينك
سناء : معاك بس بعد نروح نكلمك توا زحمه بكل
احمد : تمام ومعش تزعلي والله اول ما نفضي من قصص نرن عليك طول لكن الله غالب شن اندير
سناء : تمام حبيبي فهمتك والله بس كنت مرايفه
احمد : ما حسيتش روحك كثرتي من مرايفه راه نفهمها صح
سناء : وانا نبيك تفهمها صح شن يعني
احمد : تبي تجيبي اخرتي انتي
سناء : ع ايديا اخرتك امالا ع يد من
احمد : وانا راااضي
سناء : نجك لي حبيبي انت
احمد : تمام سكري عشان وفود قعدو يوصلو اهي ايمان جت
سناء: ربي يطمنكم عليه
احمد : لا أمور تمام ان شاء الله يطلع منها
سناء: ان شاء الله سلام حبيبي
احمد : اوكي
سناء سكرت وجت جنبي
انا : سنو نبي حمام خلاص
سناء صبت وخذت شنطي بيش ناخذها معايا للحمام : تعالي هيا
مشينا خشيت للحمام استفرغت ابرستيج كله راح ميك اب شعري انبل اميه وحالتي حاله قعدت نسقم في روحي بعدها طلعت مشيت شويا وسمعت رانيا تهدرز مع خالتها
رانيا شافت ظلي فنصت في خالتها : مازال يا خالتي يحبني واقسم بالله عارفته من حركاته
خالتها غمزتلها : حتي نا حسيته
رانيا : تذكري ايام بحر كيف كان يعوم فيا وانا نخاف يقولي ما تخافيش انا معاك هذه قبل ما يجوز ولا بعد طحت عندهم يا خالتي كيف خاف عليا نعليا نا لين نسيت اني طحت كيف يجري عشان يجيب علبه إسعافات
خالتها : صح صدقتي لنقانى مدلعك ولا فستان ازرق ملكي اللي جابه لك تذكري
رانيا : اها مازال قاعد لعند توا صح معش يجي عليا لكن مخليته يهبل ذوقه سمح في دبش
خالتها : هو سبحان الله كيف باتك
رانيا : هذا عليش مكبده فيه حتي طبعه في من بابا وتفاحه آدم نفس بابا وبابا بروحه ديما يدوي عليه يقول صغير لكن دماغه نظيف قال للماما كان يطلب وحده من بنات نعطيه ونا مطمن بشنطه دبشها اقسم بالله كان توصل للسحر نسحره وناخذه راضيه نقعد ثانيه مهم ناخذه
انا معش قدرت مسكت في كرسي وقمعزت قعدت ناخذ في نفس ونش ع روحي وذكرت كلام نسمه اخري بعد قالت عليها مش ساهله وانا حتاخذه مني حتاخذه
خالتها : باهي زبده شن تبي اديريلك
رانيا :
........
رايكن ...
يتبع ...
Fafy faa
