#فوبيا_الحب ❤
الحلقة [89]
انس كاين في صاله مع هلي كلهم و هنيده و سناء يلبس في كويش رن عليه ابراهيم رد عليه
انس قمعز يربط في كويش حاط تلفون ع وذن و ماسكه بكتفه : تي باهي في طريق توا نفصل عليك
ابراهيم صوته متغير : مش ع عمر و لا تمسك عليه
انس صبي : كنك شن فيه
ابراهيم : عظم الله اجرك ان شاء الله
انس قعد يبرم ويبحت : في من ازف
ابراهيم : ام عبدو عطاتك عمرها
انس انصدم : شنووو
ابراهيم : عمتي خديجة ام عبد الرحمن توفت
انس طلع وتلفون في وذنه وصل للباب سيارة سكر تلفون وركب سيارته و ولعها طلع يجري
......
منذر : انا مش فاضي نطلعها للسوق يا امي
ام منذر : الله يربحك سلم وليدي من يبي يشيلها خيتك تكمل هالحاجتين بس ع فرحها
منذر : استغفر الله وين مالك
ام منذر : هذا نقولو عليه الحمدلله قعد يشتغل و ربي هديه
منذر : باهي ننهي كم موضوع و نرد عليها ان شاء الله مش حنطول
ام منذر : الله يربحك يا باتي يا الله يفتحها في وجك
منذر ابتسم و طلع
حنان جت للامها : يبي يشيلني
ام منذر هزت رأسها وخشت للدار
هويدا : كنها ماما
حنان : مش عارفه تعالي نشوفوها
هويدا : لا خليها شوي بروحها بعدين نشوفوها
.....
انس نزل من سيارة ما سكرهش خش يجري للمستشفي من ممر للممر و داهش قابله بات عبدو و خواته ولية كبيره شوي وقف قعد يبحت في بنات كيف يبكن مع خشت ولد عمهم الي هو خطيب احلام يجري تلمدو عايله كلها في مستشفي شباب روحو بصبايا بس احلام طاحت عليهم خششها خطيبها للغرفة عشان يشوفها انس عزاء شباب و بات عبد الرحمن غصة في قلبه قعد يواسي فيهم هو بروحه حاس بذنب روح مع شباب يسمع في صوت عياط الصبايا شوي و روحو باحلام و تقلب الخيمه عياط و تعديد علي خوتها و امها انس يسمع فيها اذكر عبد الرحمن بعد وصاه ع هله خش باتها خششها في مربوعه قعد يدويلها وقرا عليها قرآن
......
هنيدة : كنه ما قالش
هبه : رني ع عمو عمر
سناء كرعيها رقدن قعدت ماسكه بطنها
ماما : لا لله الا الله لا لله الا الله
هنيده : ايوه
عمر : نعم
هنيده : عمر انس كاين هنا مش عارف من الي رن عليه شن قاله طلع يجري
عمر : لا ما في شي غير أم صاحبة توفت اطمنو
هنيده : نعلي فجعنا كيف طلع يجري
عمر : عشان صاحبه يعز عليه بس الله يرحمه قوليها للفوزية تعرفها ام عبد الرحمن
هنيده : تمام تبي حاجه
عمر : لا سلامتك اوكي
سكرت هنيده و قلتها للماما بدأت تبكي هيا و هبه وهنيده و سناء يسكتن فيهن
......
مشن الايام و انس كل يوم في عزاء ما يروحش الا كان يبي يدوش و عدينا كلنا عزينا قعد يطقس يبي يعرف أخبار خطيب احلام سأل عليه لقاه متحسن و قعد يصلي و خايف ربي فيها اطمن نوع ما عليها عدا زار عبدو قعد يحكيلا طمنه ع خواته قعد يحكي معاه شوي روح
بدا فرح حنان و هاجر تحشمت من خالتي هدي ما بتش تحضره مع انه موعد الفرح سابق بس عشان ام هدي مازال ما فكت الرباط
بدأ فرح رانيا كان مش كبير عشان هل العريس صارتلهم حالة وفاة
طلع فرح اخت أسامة بس ايمان ما قدرتش تفوت الفرح عشان صبياتها ما خلنهش كبرن الموضوع كالعادة و قالتها الايام و اسمع يا لي ما تسمع واسامة قاللها الحزن حرام وحزن في قلب لازم تحضري تاسفت من خالتي هدي قالتلها الي صار معاها وخالتي عذرتها و قالتلها مش طالبه من حد يحزن معايا هو باتي وانا الي نبي نحزن عليه
انا ما حضرتش و لا فرح و عميمة واسماء ونجاه عدن للفرح رانيا
انا حسيت بالاعرض غريبة عديت للمستشفي كشفت بيما اني في سادس فاقلتي قللي الحركة
عمر قعد 3 أسابيع بسيف في مستشفي داروله خروج بس وصوه ع دواء و علاج طبيعي عشان ترد كراعه كيف ما كانت
.....
هبه : يعني ما تبيش اديري جو عمو في طريق
هنيدة تمشط في شعرها : لالا
رن تلفون هنيده ردت
بشري : هنيده شفتي ريم شن قايله
هنيده : غير قولي خير كنك
بشري : مش وقت كلامك
هنيده باستغراب : كنها شن قايله
بشري : مش عارفة كيف عرفت مشكلة الي صايرة بينك وبين عمر
هنيده صبت : كيف
بشري : و قيلتها للصبايا عمامي كلهن ببناتهن و عماتي
هنيده : تي من وين سمعت وإنت كيف عرفتي
بشري : رنت عليا سمية بنت عمك قالتها ليا و قالتلي اصلا يوم الي جينا فيه نحمدو ع سلامت هنيده تذكري النقاش الي صار بينا في دارنا
هنيده حطت يدها ع رأسها و قمعزت قعدت تذكر : اها
بشري : قالتلي لحقتكن ريم اصلا انا طالعه جت عيني في عينها ضحكتلي
هنيده عيونها غرغرن : يعني كلهن عرفنها
بشري : عندي الحل بس لازم تساعديني
هنيده : شنو و كيف تي قالتلك عرفن
بشري : باه إنت اثبتي العكس خليها تموت قهر
هنيده مسكت عيونها : كيف
بشري : ما تجينش خليك في شقتك ماه هيا قايلة توا راجلها يطلع من مستشفي ترد للحوش هلها
هنيده : نقدر نرد حتي قبل ما عمر يرد للشقة
بشري بملل : ترا احلفي بيش نصدق انك مش خايفة عليه ترجي فيه بالدقيقة بيش يروح
هنيده سكتت
بشري : معناها نتوكل ع الله و نفذ الخطة من عندي
هنيده : و انا شن اندير
بشري : ما عليك الا حاجة وحده ارتزعي مع راجلك عانيه لين نربي الكلبة الي عندي
هنيده : اسمعي معايا هبه شوريها بالك عندها رأي و تفيدك
بشري : انا نفيد الناس مش الناس تفيدني بس عطيها ليا اهو زيادة خير خيرين
هنيده عطت هبه الفون و فهمتها بشري الخطة
بشري : فاتحه المايك
هبه : لالا هنيده طلعت تشوف في عشاء عمو عمر دايرته من توا
بشري : ميه ميه ، نبي نقولك إنت دفي من عندك عشان يردو للبعضهم و انا توا نماطل في موضوع من عندي عشان تقعد فترة أطول
هبه : ههههه شكلك داهية يا فرخه صدقو الي قولو اصغر وحده ديما لسانها طويل و تأخذ في حقها و حق خواتها
بشري ضحكت : هاا امالا شن اندير
هنيده خشت
هبه : ايوه صدقتي بذات بعد تحطيها من لوطه وتقمعزي ع نت تشيط طول
بشري : زرقت عليك
هنيده تمسح في ايدها : شن صار شنو خطتها
هبه : مش إنت خايفة ع سمعتك و سمعة عمو عمر
هنيده هزت رأسها باها
هبه : معناها اسمعي كلام اختك هذه جواهر كلامها
بشري بفخر : احم معلش خلاص ورايا شغل اوكي اه سلملي ع عمر قوليله حمدلله على السلامتك يا كاظم الساهر
هبه : ههههه عليش كاظم
بشري : تحسيه بكبره بس رومنسي العطيب
هبه ضحكت : معناها يوصل سلامك
بشري : ما عندكمش منه نسخه مصغره نتبناه
هبه اطربق ضحك
بشري ضحكت : قولي يا بتي مش خسارة فيا
هبه : ههههه عندنا الاثنين
بشري رفعت صوتها شوي : صلي ع رسول الله اللهم زيد و بارك
هبه تضحك : اختك هذه عسسل
هنيده : فضايحيه هذه خليني ساكته
بشري : مش مرة قبل فرح هنيده و عمر قبل نبي نطيح صاحب المحل الملابس
هبه : خويا احمد ههههه
بشري : اقسم بالله طرف خوك غير ابلة الي جنبك قالتلي خاطب
هبه : اها كاين خاطب قبل فرح عمو عمر
بشري : خلاص فهمنا كنكن كثرتن ربي يخليه للمراته توا نشوف الاثنين بالك نطيح واحد منهم
هبه ضحكت : توا نساعدك
هنيده : تي فيش تبي تساعديها قوليلي
بشري : فوتيها ما تقوليش توا تخرب عليا ، باي
هبه تضحك بدموعها : باي
سكرت هدت من نوبة ضحك و قالت للهنيده انها تدوي ع موقف احمد الي في محل وحطت الفون قربت من هنيده قمعزتها ع زيانه
هبه : و لا كلمة بعد اذنك
هنيده سكتت قعدت تبحت في المرايا و سارحة في كلام بشري ع ريم عشان ريم معروفة في عايلتهم نقالة كلام و تزيد و تلفق من عندها في كلام يوصل للجارات هل هنيده ريم ما في وحده ما وأخذه رقمها
هنيده تدوي بينها وبين روحها معش عندي حل الا اني نمشي وراء كلام بشري و هبه
كملتها هبه استشوار بس مكياج لا هنيده ما بتش نزلت هبه و هنيده غيرت دبشها و لحقتها طلعت فراش احمد للعمر و طرحاته له في مربوعه امخاذ و ورغان و قعدو يرجو فيه شوي و الباب دق فتحت هبه
هبه : اهلين و مرحبتين بنور العين الحمدلله علي سلامتك
قدمت سلمت عليه بالخذ
عمر يعكز بقيلا وحده ضحك : الله يسلمك منور والله ع استقبال
ايوب : هذينا حركات نعلي يا عمي بس من نوع الراقي توا تجي الدكتورة تحمد بس بالانجليزي انظر كيف يصير
ابراهيم : و انواع فاخره الي مختارته
جت ماما وهدي سلمن علي عمر حمدتله ع سلامه و قمعزو في صاله عشان عمو عمر ياخذ تفس طلعت هنيده و الاء من دار
ايوب قرب من ابراهيم : اهي مراته نعلي يا بيبي أفخر نوع
ابراهيم مسك ضحكته وصبو للمربوعه
الاء سلمت بالخذ : الحمد ع سلامتك يا عمو
عمر يبحت في هنيده : الله يسلمك
هنيده قدمت عمر صبي مسك في قيلا كانت في صاله ماما و خالتي هدي و الاء و هبه
هنيده تبحت في كراع عمر : الحمدلله ع سلامتك
عمر قدم مسك رأسها و قربه منه باس عليه و وخر : الله يسلمك
هنيده انحرجت بكل بكل بذات قدام ماما و خالتي معش عرفت تحرك
عمر : شن جو
هنيده هزت رأسها
ماما و خالتي خشن للمطبخ لحقننهن هبه و هنيده
عمر قرب منها و هو ينط حط يده ع خدها : جوك تمام
هنيده رفعت رأسها و وخرت بحتت يمين و بسار و مرتبكة : تمام ، خش تريح
عمر تنهد و خش للمربوعه شوي دق الباب خش بابا و عمو محمد و عمو علي اطمنو ع عمر و عمو علي روح و تغذو كلهم و عقبوه للانس قعدو يهدرزو بس هبه و هنيده و الاء في مطبخ ما طلعنش بكل
.....
احمد : في طريق قريب نوصل
سناء : مش لازم غير كنت مش فاطنه
احمد : لالا اني جي حتي صوتك تعبان قريب نخش اوكي
سناء سكرت فتحت ع تقويم فنصت عيونها : هييي يارب يارب
قعدت مركزه مع تاريخ و تحسب حطت تلفون جنبها و ردت رقدت شوي و احمد خش
احمد : حبيبي
سناء سمعت صوت الباب بس مش قادره ترفع رأسها من مخده : اممم
احمد خش للدار نوم لقها راقده جاء جنبها يوخر في شعرها : هيا صبي
سناء بصوت واطي مش قادره نرفع راسي
احمد قرب من وجهاا : كنك يا روحي
سناء ساكته هافته
احمد صبي طلع بنطلون و عبايه رفعها و لبسها بشويش لفلها شعرها مدلها وشاح صبيها طلع بيها مدلها كندره طلع ركبها من قدام برم ركب طلع بيها للعيادة
احمد درس برم عليها : هيا سنو انزلي ايديرولك تغذية حتي اوكال ما تاكلي كويس شكلك هبوط
سناء متكية ع مسند و رفعت عيونها في احمد : مادو
احمد : كنك يا سناء
سناء : نبي اندير تحليل حمل
احمد ابتسم ملامح وجهاا فرح مسك ايديها : كيف توا
سناء غمضت عيونها : اها هيا
احمد مازال مبتسم : هيا هي حاضر ما تحركيش
نزل برم فتحلها الباب ونزلها قعد يمشي هو وسناء ماسكها خشو للعيادة احمد دواء مع ريسبشن حجزلها و حطها في مكان للصبايا و احمد قعد مقابلها قعدو لعند بعد العصر بيش جاء دورهم خشت سناء و احمد برا قالت سناء ع أعراض لي جنها تبتلها ع تحليل وطلعت
احمد : شن صار
سناء : قالتلي ديري تحليل هذا
مدت ورقة
احمد خذها : خليك هنا توا نجي
سناء : باه
احمد عدا للرسبشن وقاله كيف و وين الشاب قاله احمد خذا سناء و عدو لوطي دارلها تحليل قالوله يطلع بعد المغرب طلعو ركبو في سيارة
احمد : نجيبلك حاجة تاكليها
سناء : تؤتؤ فكني ما نبيش ، كان نروحو نرقد
احمد : تي إنت مكملتيها نوم ارجي يطلعن التحليل بس
سناء هزت رأسها
احمد : اسمعي ننزل نجيبلك شورما سريع ونجيك
سناء بحتت في مطعم : لالا معفن المطعم
احمد : تي كيف معفن نظيف المطعم نعرفه
سناء : كنه مش لابس قفزات ما نبيش ناكل كول بروحك
احمد : توا نجيك
نزل وسكر عليها السيارة خش سوبر ماركت جنب المطعم خذا فازو كبير جبنة بوك و زيتون مفصص و خبزة فينو و كيس كواشيك بلاستك و 4 بكوات عصير عنب و شوكولاطات مناديل معطرة طول ما جاء فيه دور عشان يسلك دفع و طلع فتح سيارة و ركب
احمد : عنجد رقدت سناء اووي
سناء ناضت : اممم
احمد فتح أكياس نوضي جبتلك غذاء نظيف ما نحكيلك عليه
سناء تبحت فيه : شنو هذا
احمد فتح فاصو الزيتون فتح السياره كب المية الي فيه وسكر سيارة و حط الفاصو بين كرعيه و فتح الخبزة بيده و حطها ع كتره و فتح الجبنة وحطها جنب المارشة و فتح الكيس كواشيك خذا كشيك خذا فاصو جبنه قعد يغرف ويحط في جبنة و حط زيتون وسناء تبحت و مبتسمه
احمد : قبل نبي نجيب تن بس زفره و سيارة قصة جبت جبنة بيش تاكلي
" مد سندوتش بحت فيها لقها مبتسمه "
احمد هز رأسه يعني كنك
سناء مسكت سندوتش بيده : ربي يخليك ليا
احمد غمزلها : نعليا نا كولي كولي
سناء ضحكت وقعدت تاكل احمد مدلها عصير و دار للروحه سندوتش و قعدو ياكلو و يهدرزو لين رن تلفون احمد لقاه عياده نزلو خذا تحليل و رددت للدكتوره
سناء : سلام عليكم
دكتورة و مساعدة الدكتورة : عليكم سلام تفضلي
سناء خشت : درت تحليل دكتورة
دكتورة : تعالي قمعزي
سناء قمعزت و دكتورة قعدت تقرا في تحليل
دكتورة: الف مبروك حامل قريب يا تسكري شهر
سناء فرحت و مبتسمه : الله يبارك فيك شكرا
دكتورة : العفو واجبي تبي تابعي معايا
سناء : اكيدة وجك خير عليا
دكتورة ابتسمت : تمام نعطيك شوي ادويا لازم تاخذيهن كل شهر لازم تزوريني كان حسيتي بأي أعراض تعالي طول ان شاء الله ربي يكمل عليك بالخير
سناء : إن شاء الله يارب
مساعدة دكتورة : شكلك يدل انك مازالتي عروس
سناء بحتت فيها : ليا شهرين بس ما سكرتهنش
مساعدة دكتورة : ما شاء الله ربي يهنيك ان شاء الله
سناء : تسلمي
دكتورة مدت للسناء الورقة : هذينا ادويا
سناء خذتهن و صبت : تمام بارك الله فيك
دكتورة : فيك بارك الله
طلعت سناء للاحمد و وجها مقلوب لقاته يكلم صبت جنبه
احمد يبحت في ملامح سناء : تمام ، توا نشوف باسم و نرد عليك يا انا يا هو نطلعو تركيا ، تمام تبي حاجة اخري ، لا والله احتمال مش راد للمحل عندي موضوع ، تسلم منور ديما طيب ان شاء الله اوكي
سكر تلفون و حطه في جيبه
احمد: شن صار
سناء طلعت و هيا ساكتة
احمد لحقاها ما دوش ركبو في سيارة : شنو حبيبي كنك
سناء بحتت فيه : حامل قريب نسكر الشهر أول
احمد فرح مسك ايديها قعد يبوس فيهن : حبيبي يا عمري اقسم بجلاله نحبك احلي خبر نسمع في حياتي
كل ما يدوي كلمة يطبس ع ايدها و يبوس فيهن
سناء تضحك : خلينا نروحو خلاص
احمد مبتسم : نعدو للهلي قبل
سناء : ناخذو معانا حلو يا مادو
احمد : من عيوني يا عيوني
طلق يد سناء ولع سيارة و رد مسكها تكا ع حلواني خذا تورته كبيرة وطلع ع حوشنا
.....
الاء كملت مواعين و ركبت و هنيدة دارت غسلت طواسي الشاهي الي جابتهن لها هبه وطلعتهن و هبه سيقت وطلعت عمر رن ع انس قاله تعال جاهم بعد ساعتين تغذا و هدرزو عادي كانت المربوعه عمر و انس و ابراهيم و ايوب و ماما و هبه و هنيده
عمر قرب من انس : اسمع
انس : نعم
ايوب دك رأسه : شنو قالك
عمر ضربه بقيلا وضحك : اسمعو نبي نركب للشقة
ابراهيم قرب : شنو
عمر بحت في هنيده و ردلهم : قلت نبي نركب فكوني من جو قوبعة
انس فهم عليه : تمام بجوك توا نركبوك
ابراهيم : تي شنو بجوه يقعد مندلش هنا لين يكمل تصح كراعة ويكمل العلاج الطبيعي
عمر : تعال اندلش مكاني يا كلب بعدين انا ما نشورش فيكم و لا قلتلكم ركبوني نركب بروحي انا قلت عشان ما ديروش بودعه و تلعلعو و يسمع الحاج و قصة
ايوب غمز للابراهيم بصوت واطي : تي خلوه يركب ال ### كنكم معاك " بحت في عمر " اركب حبي اركب ربي معاك ان شاء الله
عمر ضربه بقيلا بالقوه لين ايوب تنطر من مكانه طب جنب عدالة الشاهي
ماما : بسم الله يا ليد راه ينكب عليك براد الشاهي
و انس و ابراهيم اطربقو ضحك
و هبه و هنيدة قعدن يضحكن و هنا مش فهمات شي
عمر شاف هنيده تضحك ابتسم
ايوب وخر : و الله منور يا طيري
منتصر خش : سلام عليكم
عايلة : عليكم سلام
انس : تعال هنا وين كنت
منتصر : مع اصحابي ما ليش واجد كيف طالع كسددت اذن مغرب خشيت
انس : امشي توضي للصلاة تعالي صلي قدام وجهي
منتصر طلع توضي صلي في صالة مقابل انس خش هو متخزرط من انس قمعز بيعد شوي منهم
عمر قمعز : هي تبو شي
ماما : والله مانك راكب اقعد مازال بدري اهو انديرو في لوز و كاكاويا
عمر تنحنح رد تكي شوي وخشيت انا وباسم و طلع ايوب
وطلعن هبه و هنيده انا هدرزت مع عمو عمر شويا و اطمنت عليه طلعت انا و ماما بعدها خش منذر و هاجر و اسامه و ايمان بس ما طولش قعدو نص ساعة و روحو
....
احمد : هيا انزلي
سناء : مادو سيارة باسم صح
احمد : اها شفتها هيا
نزلو و احمد خذا التورته كنت انا خاشة للمطبخ سمعت الباب فتحت
احمد مبتسم : سلام عليكم يا جماعه
انا : اهلين
احمد : من فيه
انا : عمو عمر و هله و نحن خشي يا سناء
سناء وخرت احمد و خشت : اهلا شن جوك
انا سلمت : تمام الحمدلله
سناء قعدت تسلح في كندرتها خش احمد للمطبخ حط تورته و خش للمربوعه
انا بحتت في سناء بصوت واطي : وين مكياج
سناء ابتسمت : طلعنا من قايله انا و احمد
انا : اها تعالي هنا
خشينا للدار الضيوف
