#فوبيا_الحب❤
الحلقة الأخيرة [100]
جزء الثاني...
ماما : عاد لا عشاء ولا فطورهم وغذاهم كيف هذه رني عليه يجي يشيل للخوك
هبه : احمد مقفل وسناء رن مرتين إنتظار
ياسمين توشوش للمريم : كنها منفصلة خالتي هما بعد معانات اجوزه ايدورو الا في اوكال
مريم تضحك : هذا كان عبرونا جونا
ياسمين تضحك
نجاح : عليش تضحكن انتن امشن اضرب الفواكه في خلاط حطنها في فريزات عشان تصقع
مريم مبتسمه : حاضر نكلم عبدالله يجيب خلاطكم
نجاح : عدي ياسمين كلمي هدي تعطيك خلاطها هي خلاط هنيده
ياسمين : تمام باه
طلعن
هبه : سنو ترن ، ايوه ، وين يا حنه ، كنها، اها ، باه طمنيني عليهم ، شالتهم للعميمه عايشة ، باهي توا كويسين ، باهي الحمد لله وينكم انتم توا ، اها ، لا مانبي شي دابينكم في طريق تمام عشان احمد يشيل غذاء للانس ، كيف حاجز ، اها تمام باي
سكرت
ماما : كنهم شن فيه
هبه : قالتلي امس عويل إيلاف مرضو بكل في صبح رقدو شوي ناضو يبكو شالتهم للعميمه عايشة
ماما انفجعت : شن صارلهم بسم الله
هبه : توا كويسين قالتلك انس حاجز غذاء مايبيش هما في طريق وايلاف قالتها شوي تلحقها
نجاح : عوينه عوينه بسم لله الكريم ربي يحفظهم ان شاء الله
ماما : لا حول لله ولا قوه الا بالله قلتلها ماطلعيهمش ما تلبسيهمش فيه الي مايذكر في اسم الله ع ملائكة غير هيا استغفر الله العظيم
هبه : خلاص مشن جو عادي شوي توا تخش علينا هيا وعويل ماتضغطنش عليها قالتلي لا رقدت كويس ولا هدت مفجوعه بروحها تعبت معاهم بكل
ماما هزت رأسها وطلعت
..........
مريم دق ع باب ضبح : منتصر عبدالله
ابراهيم جاها : ايوووه
مريم فتحت الباب عشان يخش : اهلا
ابراهيم : كيف صار
مريم استغربت : في شنو
ابراهيم : امس كنتي مريم اليوم كنك سي منصور
مريم ضحكت جرتها له كانت عفوية معاه بكل : خزي عليك فجعتني بعدين كنه بابا ليا فخر نشبهله
ابراهيم ابتسم : خفي علينا عليك الي رفعت خشمها
مريم : ههههه المهم انا نبي واحد يجيبلي خلاط من حوش عمو علي
ابراهيم : توا نجيبه لك انا تبي حاجة اخري
مريم : لالا بس ماطولش توا نرجاك هنا
ابراهيم : لا خشي توا نرن عليك
مريم ضحكت : ع اساس واخذ رقمي المهم بعد تجيبا ضبح الوحده منا نبو نبدو في عصير نكملو بسرعة
ابراهيم : تمام
مريم خشت تفكير ان كيف شافها وابراهيم طلع رن تلفونه
ابراهيم نلخبط قعد شوي ورد : ايوه
سجي : وينك
ابراهيم : امس من تعب رقدت طول
سجي : باهي توا فاضي ولا لا
ابراهيم : لالا مش فاضي نحكو بعدين
سجي : تمام توا نرجاك سلام
ابراهيم : اوكي
.........
انس كاين راقد ع جنبه مقابل الاء
الاء كانت قريبة من انس راقده ع جنبها طالقة شعرها وراها كانت مدوشة مش ماشطه شعرها بس كان منظره وكأنه مستشورته بدون مبالغة طرف واحد...
انس تحرك كح برم رقد ع ظهره كتم كحته قمعز لين وقفت الكحه لقاه طاسة امية جيبتها الاء امس بعد تعشو عشان انس بعد يرقد لازم تبقي جنبه طاسة امية شرب منها وبرم بحت في الاء لقاها راقده ابتسم رقد مقابلها غمض عيونه ثواني وفتحهن قرب منها قعد يمشي في صوابعه ع كتفها
الاء حست زي ذغذغة فتحت عيونها طول شافت انس قريب منها ركزت شوي استعوبت الي صار ابتسمت
انس رقص حاجبه
الاء مبتسمه بصوت هادي : صباح الخير
انس رقد معاها في نفس مخده خذا يدها حطها ع فمه مبتسم : صباح الورد
الاء بعد رقد معاها في نفس مخده وخرت شوي
انس مسكها يبوس في يدها : خليك هك
الاء تبحت في عيونه مبتسمه
انس غمزلها : ها صدقتي اليوم
الاء ضحكت : كل ما نحس اني مش مصدقة توا نقولك
انس حط خشمه ع خشمها : لا توا نحس بروحي توا حسيتك مش مصدقة
الاء توشوش تبحت في عيونه : لا مصدقة توا
انس قعد يبوس في خدودها وخشمها وعيونها
الاء حطت يدها ع لحيته : نحبك
انس باس فمها الاء استجابت معاه
قعدو شوي والاء وخرت
الاء مبتسمه : نخش حمام ونفطرو
انس : ساعة كم هيا
الاء : مش عارفه بس نذكر رقدنا ساعة 7 تقريبا
انس وخر خذ دخان والولعه وتلفون من كومديني فتحه : ساعة أربعة اوعشره
طلع سبسي ولعه
الاء ابتسمت : تأخرنا بكل مع اني مازالت نعسانه
انس جبذ سبسي جبذه قوية نفخ فوق وبحت فيها
الاء قمعزت رفعت شعرها صبت لبست سباطها تمشي بشويش شور الدولاب : حبيبي تبي تلبس عربي
انس يدخن عيونه عليها : لا لنقاني ما نحبه
الاء : خاطري نشوفك بيه
انس : مرة لبسه
الاء : مرة بس وقديمة نذكرها
انس طفي سبسي : باهي طلعيه
الاء ابتسمت : خاطري نشوفك بيه
انس عيونه علي الاء مبتسم : صار خاطرك
الاء ضحكت طلعت بدلة شرت وكت بيض باقي طاقم روبها الي كان 3 طواقم : مش حنطول شوي ونطلع
خشت للحمام دوشت عطرت جسمها لبست ديشمبر فوق بدلة الشرت وطلعت
الاء قمعزت ع كرسي زيانه ادير في ميك اب : حبيبي انديرلك قهوه
انس صبي من سرير طفي الدخان : ديري اندير حمام نطلع نشربها
وخش للحمام الاء سلحت الديشمبر بخت عطر
كملت ميك اب خفيف طلعت للمطبخ دارت قهوه صبت للروحها عصير وتت سفرة خفيفة ردت للدار سقمت شكلها طلعت بجامه شرت كامله للانس مع خشته كان لف منشف ع خصره يمسح في شعره الاء صبت تبحت فيه انس حط منشف ع رقبته
الاء بدلع : نعيما
انس قرب منها : الله ينعم عليك
الاء شيرت ع دبش : دبشك واتي وفطور واتي
انس حول منشف من رقبته حطه ع رقبة الاء وكرها : نعليا نا من مدلعني
نزل قعد يبوس فيها
الاء تهمس همس : حبيبي
انس باسها بالقوه : عدي توا
الاء ابتسمت خذت تلفونها : نرن ع ماما نطمنها ماطولش متأخرين بروحنا
انس غمزلها : تمام
الاء طلعت وانس لبس شرت لعند ركبة بس بخ عطر جسم مشط شعره وطلع
.............
ابراهيم يضبح : اممممي اممي
ياسمين طلعت : ايوه أيوه
ابراهيم : اووي شن جو
ياسمين : اهلين الحمدلله شن جوك انت
ابراهيم : ميه ميه قتلك كلميلي مريم
ياسمين شافت الخلاط : ع خلاط
ابراهيم ضغط ع سنونه : اها
ياسمين مدت يدها : هيته توا ناخذه انا
ابراهيم عطه لها وطلع للايوب فتح باب سيارته بالقوه قمعز فيها
ايوب : اوووي يا نقش في معاك ثور تقريبا
ابراهيم : سكرلي ### مش جوك
ايوب : اقسم برب العزة نشم فيه شم مواضيع البنات شكلك داير جو ماتبيش تقولي لك فترة تتركن كيف بنات تشلط في سيارة بس ورب الكعبه حتندم
ابراهيم قعد يبحت في ايوب وساكت
ايوب : انا قتلك بس مواضيع هذينا انا نشم فيهن شم
ابراهيم قدم وطلع كرعيه برا سيارة : كلب ما عندي ما انديرلك
ايوب : سوف تندم
سكتو شوية كل حد ع تلفونه
ابراهيم : قتلك
ايوب ابتسم : اطربني يا نصي
ابراهيم : توا انا ليا شهر نحكي مع بنت عادي يعني فوق جو
ايوب عيط : الله أكبر الله أكبر الله أكبر
ابراهيم : سكر فمك يا ###
ايوب سكت : شن اسمها
ابراهيم : مش شورك بيها مش حتي ماتبيش تقول ع اسم قلت قبيلة بس
ايوب : لنقانك ### المهم احكي
ابراهيم : نبي نسالك ع بنت اخري
ايوب قرن حواجبه : بسلامتي نعرفهن كلهن بس ياريت توضح شوية
ابراهيم : ايوب ازف مانبصرش انا نحكي جد
ايوب : باهي احكي
ابراهيم : مريم بنت عمتي فاطمه
ايوب رفع حاجبه : كتها
ابراهيم : شن جوها
ايوب : خش اسألها
ابراهيم : لنقاني فاضي الي نحكي مع أشكال نفسك ايوب : نقولك حاجة
ابراهيم : شنو
ايوب : خذها مني تبي تريح قدام فوتها
ابراهيم قرن حواجبه : كنها مريم
ايوب : ماكنها شي بس فوتها انا نحكي ع اقارب مانحكيش عليها هيا وخليك مع بنت الناس الي تكلم فيها بالك تطلع كويسه وبنت حلال كمل معاها
ابراهيم : بس مريم امس شفتها ازف هذا وين فطنتلها
ايوب صبي حط يده ع كتف ابراهيم : اسمع عندك حاجتين وانت اختار بينهن ياتريث في موضوع مريم شوف اميتها وين تصب وانت عارف انها كانت مخطوبه يا اما كمل مع بنت الناس الي تكلم فيها ركز قبل راه انك تحب من أقارب تصير اي معيله و لا ترتفض بذات كان الرفض جاك منها هيا والله يا ابراهيم يقعدلك زي جرح في قلبك طول عمرك حتي كان حبيت غيرها واجوزت وجوك عويل جرحها هي ورفضها لك زي نار في قلبك ولا فوقها تبقي قدام عيونك فرحانه مع غيرك هذا موس محطوط في قلبك طول عمرك لا ذبحك ولا تقدر تحوله يا خيي أسأل المجرب
ابراهيم : ما قتلك نحبها انا قتلك لفتت نظري بس
ايوب : زيد فكر في موضوع ماوراك شي خوذلك شهرين ثلاثة سته شهور المهم يكون قرارك صائب
ابراهيم هز رأسه
ايوب حط ايديه في جيوبه : احم راد للحوش توا نجيك
ابراهيم عرفه يبي يقعد بروحه : تمام ماطولش بس
ايوب : تم
عدا ايوب وابراهيم نزل من سيارة جو شباب اصحابه
............
هبه : خطرها كنك ماجبتي سنودي
هاجر : لالا مع هويدا توا تجيبه معاهم بعدين
هبه : عليك طير الشر كلا إنت
ايمان راقده : مش فاضيلهم يا ماما نبقو غير نجرو وراهم في صبح جاء اسامه عطيته حمادي شاله لليقين رنيت عليها قالتلي توا نمسكه
هبه : ع اساس ماسكتيه هنا انا الي نعاني يا كذابه
ايمان : نبو نعيشوك دور العروس شويه ههههه بعدين انا ماعاد عندي حيل حتي نغيرله
هاجر : صراحه ربي يخفف عليك والادة مرة هذه وين ثقلتي وانتفختي بكل فوق من هذا كله قريب تكملي شهرك
ايمان : خايفه والله قالتلي موعد قلتلها توا نجيك بعد الفرح حملتي هذه تعبت فيها نذكر في شهر سادس طحت ع ركبيا وانا طالع من حمام خاطي كلام الي نسمع فيه عشان حامل بنت ايييي عليا وع حظي في زيزة العطيبة
هاجر : بس ما تنكريش ان اسامه كويس معاك قولي الحمدلله في الي عطيبة عيشتها من جيهتين وساكته
ايمان : ايوووه لوله اسامه مساعدني ويخفف عليا راه مطلقة من زمان
هبه : الي تسكت هيا معيشتها معفنه بذات كان من راجل هذه عديمة كرامه والي قول بابا الي ما عنده كرامه ان شاء الله يموت
هاجر : بابا يقول الي ما عنده خشم ان شاء الله يموت هيا نفس معني بس إنت تعرفيش معنات صبايا بعويلهن
هبه : لا نعرف عويل لا راجل عند كرامتي شلفاط ع جهه الي جابه يجيب غيره
ايمان : وووه علينا منك لسان اشر من ايلاف
ماما خشت : هيا انتن طباخه جت طلعلها الي تبيه ساعة قريب خمسة وانتن لكن ثلاثة ساعات غير توتن في عزومه قبل العشاء
خواتي : هيا هي
ماما : إنت خليك ما تحركيش
ايمان : لا عادي
ماما : كلمه هيا طلعت
انا خشيت : سلام عليكم
كلهن : عليكم سلام
ماما جتني خذت عليوه : وينك قالولي عويل امرضه
انا سلمت عليها : توا كويسين عميمه شافتهم توا نجي باسم مصبي بروفان برا
طلعت للباسم
انا خذيت روفان : حبيبي جيبلي باقي حاجات في سيارة
باسم : منتصر عطيته مفتاح سيارة ينزل فيهن ديري بالك من روحك وعينك ع عويل لا تلبسيهم ولا طلعيهم ليا للحد خليهم في دار كان أطر أمر تقعدي معاهم اقعدي
انا : حاضر
باسم : خلاص خشي
انا : تمام باي
خشيت قعدو يحوسو انا حكيت مع ماما ع عويل خذت ملح في يدها قعدت تبرم فيه ع راس عليوه تقرا في معوذات حطاته في صونية ع نار ملح قعد يطرشق بالقوه دارته نفس حركه ع روفان رضعتهم رقدتهم في دار ماما طلعت قعدت نحوس معاهم
..........
الاء : الحمدلله كيف حالك إنت
هدي فرحانه : الحمدلله يسلمن عليك خالتك وبناتهن وياسمين ومريم
الاء : الله يسلمك ويسلمهن سلميلي عليهن وين قاعده يا ماما
هدي : فوق بس تغذينا لوطي قاعدين نوتو العشاء عند عيت عمك صلاح
الاء : اها
هدي : طمنيني شن صار معاك
الاء ابتسمت مع طلعت انس جاها باس رأسها عدا للمطبخ : الحمدلله يا ماما تمام
هدي زغرتت
الاء تضحك : ماما خلاص
هدي : مبروك عليك ان شاء الله بالهناك يارب
الاء ابتسمت طبست رأسها : ان شاء الله قتلك يا ماما
هدي : نعم يا امي
الاء : مرات نجي متأخر شوي قوليلهم ع فيلو عشان يأخذوه شوفي اوفي في موضوع هذا غير نرن عليها مقفل عشان موعد هو مفروض ساعة خمسة بس انس قاللهم ساعة سبعة يعني سامطه كان تاخرنا
هدي : توا نقوللها قاعده لوطي
الاء : اها كلهن قاعدات
هدي : اكيده يوتن كلهن قاعدات خلاص عدي للراجلك سلميلي عليه
الاء صبت : يوصل ديري بالك على روحك سلميلي عليهم كلهم
هدي : يوصل بالسلامه
الاء : باي
سكرت وخشت للمطبخ لقت انس يشرب في قهوه
الاء قمعزت : صحه
انس حط الفنجال : طمنتي ع خالتي وطمنتيها عليك
الاء ابتسمت هزت رأسها تاكل
انس يشرب ويبحت فيها
الاء تاكل : جعانه بكل
انس : صحتين كولي قوتي روحك يانقطه
الاء ضحكت : كول أنت
انس : لا انا قهوه كم طرف بكلاوة ساد
الاء : نوسي قلت للماما ع فيلو
انس : عمر جاي يأخذ في فيلو دزيتله رساله
الاء : اهاا حجزتلنا الغذاء
انس قدم عليها قمعز في كرسي الي جنبها : اها حجزت حوت
الاء ابتسمت : تمام حبيبي بس شوي نطلعو للمزين
انس قرب فنجاله : ان شاء الله خير
الاء رفعت حاحبها
انس ابتسم وغمزلها : كنك
الاء حطت التوست نفظت ايديها : حسيت في خونه في الموضوع كيف الي فهمت احلمي هك قصدك صح
انس ضحك : شن تبي إنت
الاء صبت حطت يدها في وسطها مدت شفايفها بدلع : نبي مزين بس
انس وخر كرسي كرها قدمها عليه : ونشيلك وين ماتبي شن تبي اخري
الاء ابتسمت حطت ايديها ع رقبته طبست باسته ع خده بشويش : مش موعدني اطلعني بعد فرحنا وين مانبي
انس مسح جبهته بكف يده ويبحت فيها مركز قمعزها ع كرعيها : انا الي نطلعلك وانا الي نهيجك وانا الي ااه احم ولا لا " غمزلها وضحك"
الاء حطت ايديها ع شعره من لوراء نزلتهن ع ظهره مبتسمه بدلع : نجك ليا هيا تأخرنا
انس رفعها و ناض دف الكرسي بكراعه : صح تأخرنا
طلع بيها من مطبخ يبوس في رقبتها رقدها ع كنبه الصالة
الاء : حبيبي مزين
انس : هيا هي
نزل عليها وراحو في خبر كان......
..........
عمر يلبس في كويش : تبي حاجة قبل ما ننزل
هنيده بشويش تعب : سلامتك يا عيوني
عمر يبحت في مرايا : هيا اوكي
هنيده : سلام
سكرت الباب سمعت تلفونها يرن
