#فوبيا_الحب ❤
الحلقة [72]
انس : شنو كويسه
بابا : تمام كويسه سعرها سمح اشري نقصن عليك نزيدك
انس : اللي عندي كله حطيته فيها حولت تفتوفه هك بي اندير بيها خطوه
بابا : شن خطوه خش في موضوع كنك تبي حاجه
رن تلفون انس
انس : ايوه
احمد : باتي معاك
انس : اها
احمد : باهي قوله باسم في طريق جاي للحوشنا يرن عليك مايحصلش فيه
انس : هيا شوي مروحين
احمد : تمام اوكي
انس : هذا احمد قال باسم في طريق حينا
بابا : ساهل انت قول
انس : باتي نبي نخطب ونقرأ فاتحه
بابا : مازالت صغير كنك فاتحه مره وحده
انس قعد يكح
بابا : كيف انت البنت تعرفها
انس سكت
بابا : ادوي كنك تبكشت
انس : لا مش تبكشت البنت نعرفوها كلنا
بابا : ومن هذه
انس : نبي ناسب عمي محمد ونخطب الاء
بابا : انت قدها نسبت أقارب واعره راه
انس : الحمد لله انا مش ناقصني شي بإذن لله قدها ما هناك الا كل خير
بابا : انا معتمد عليك راجل وعارفك بس موضوع خليه بينا لين نشوف اميت عمك وين تصب مهما كان هذه بنته الوحيده ونشوفوها هيا بالك عندها رأي ثاني
انس : يعني انت راضي
بابا : وانا نلقي خير من نسبت خويا ان شاء الله ربي يكتب اللي فيه خير
انس : ان شاء الله
بابا : هيا نروحو مغرب قريب يرفع راجل اختك جاي في طريق
انس : هيا
طلعو تكو ع محل مواد غذائية و شرو حليب وتمر وعصير وروحو
...........
انا : هبه نساعدك
هبه برمت عليا : لالا عدي تريحي
انا : مليت من فراش
هبه : قمعزي ع كرسي هدرزي كملت نوتي انا
انا : قتلك امس حلمت حلمه فسريها ليا
هبه : حتي ماما حلمت بيك قولي انت بيش حلمتي
انا : حلمت لاوينا كنت في حوش بروحي بعدها دق باب طلع باسم جاي يتاسف مني وانا ننهي في موضوع مهم قعدت ندويله ونهزب ونبكي ونقوله ما نبيكش هو يضبط فيا وفكلي قبصه امتاع شعري طاح ع طوله و يفرد فيه اخر ويضبط فيا
هبه : في تاتش بينكم صح
انا : باهي
هبه : شن باهي قولي شكلكم طحنينها اصلا مستغربه كيف ماخليك بايته
انا : غير قولي تفسير الحلم توا
هبه : انا ما نبيش نعرف سبب بس واضح انك إنت الي زعلانه هو يحاول يراضيك عشان إنت قلتي ما نبيكش هو يضبط فيك يبيك معاه إنت بكيتي معناها حتفرحي فرحه كبيره بسببه هو او هو يقولها لك او توصلك عن طريقه او تصالحو مهم فرحه فيها باسم و طلقت شعر في حلم ستره للبنت والله أعلم
انا تنهدت : إن شاء الله خير
باب دق
انا : شوفي كوشه توا نفتح انا
هبه : كلمي منتصر يفتح
منتصر طلع من مربوعه : خليك توا نفتح
طلع منتصر فتح باب : اوو باسم تفضل خش
باسم : يزيد فضلك شن جوك
منتصر : تمام
باسم : عمي جاء
منتصر : بعد عصر طلع هو انس ع خشتهم خش
باسم : اها باهي خوذلي طريق توا انزل الحاجات ونخش
منتصر : تمام
خش منتصر : ايلاف باسم جاء
انا كنت نكور في تمر ونحط فيه في جوز الهند بعد سمعت اسمه جسمي رعش مع بعضه : احم كنه
منتصر : يبي يخش وين نندري عليه كنه ؛ هبه راك تطلعي من كوجينه
منتصر طلع قعد يخشش مع باسم كل مره خاش بشاكير ويحط في مطبخ
ماما : شن هذا كله
هبه : هذا باسم يا ماما جايبه
ماما بحتت فيا لقتني مازالت نكور في تمر : صبي للراجلك
انا : مش فاضيه يا ماما يبي يخش اهيا مربوعه قدامه
ماما : كنك يا فرخه تدوي هكي
انا صبيت وعديت ع حوض نغسل في ايديا : تعبانه يا ماما خليني براحتي
هبه : خليها يا ماما براحتها
منتصر : هي تفضل
باسم يكح
انا مسكت في حوض
خشو للمربوعه
