#فوبيا_الحب ❤
الحلقة [68 تابع ]
انس فتح تلفون دز مسج للااء : " مشي جو طبيعي وما تخافيش نحبك " وقفل الفون
الاء كانت مش فاطنه تغسل وسرحانه وخايفه في نفس وقت
..........
عمر خش : هنيده هنيده
هنيده صبت : نعم
عمر : مازالتي تبي تقعدي
هنيده : انت تبي حاجه
عمر : نبيك تحديديلي دبش نبي نطلع
هنيده ما تبيش تقلل من قيمته جنب عايله مهما كان صاير بينهم لازم تحترمه قدام هله : باه توا نركب نحدد نستاذن منكم
صبايا : اذنك معاك
ماما : حديدي وانزلي كسدي معانا عنك عليش قاعده بروحك
هنيده : حاضر توا ننزل
ركبت
عمر : كيف حالك يا هاجر
هاجر : الحمدلله
عمر : منذر كويس
هاجر : في تحسن الحمدلله
ماما : انس كنه ما فطر هنا
عمر : معزوم
ماما : ما قالش ، هبببه خوك قالك فاطر برا
هبه : لالااا
عمر صبي : معزوم عند صاحبه شكله عزمه قبل مغرب بشويا ؛ تبو حاجه
ماما وصبايا عمامي : سلامتك
عمر ركب للشقه فتحها خش لقاه هنيده سلحه بلوزه ومحرمه مرفعه شعرها فوق وفاتحه مكيف وتحدد
عمر : احم
هنيده برمت بحتت فيه بعدها ردت للقميص قعدت تحدد
عمر : تبي تنزلي
هنيده : اها نحدد وننزل
عمر جاها من لاوراء وحظنها : مازالتي زعلانه
هنيده : لا عادي صح انا مش شوري هذوما عويل خوتك
عمر : هما غلطانين انس كان دوالي راه صبيت معاه بعدين هذوما صغار هو 94 وهيا 96
هنيده برمت عليه : عادي ماه انا هدرزت مع ايلاف طلعت مواليد 96 وفاتحه حوش وحامل
عمر : بس باسم 91 مش ولد عمها معاها في نفس حوش
هنيده : علي فكره ما دخلش العمر بكل عشان في اللي مواليد سبعينات الله يكون في عون عقله وعويل عم يصون أكثر من براني انت مش واثق في ولد خوك ولا كيف
عمر : لا انا واثق فيه وعارفه راجل وقدها وحياخذها بس هما مش للبعضهم
هنيده : نفس ما قالولي هلي عليك مش للبعضكم وتوا مع بعضنا
عمر : نحن مش نفسهم
هنيده : لا نحن نفسهم بضبط
عمر : تي شن جابهم لنا
هنيده : نحن وهما واحد هما يحبو بعضهم نفس نحن نحبو بعضنا وانا راجيتك وااجد وبنت راضيه ترجاه ولو سمحت كان تبي توقف معاهم اوقف كان ما تبيش ما تخشش وتخربها وع فكره الاء خايفه منك وانا طمنتها ان شاء الله ما طلعنيش ان رأي ما يهمكش او ما عنديش خاطر عندك
عمر تنهد
هنيده : خلاص فهمت شكرا
برمت قعدت تحدد
عمر : اووف خلاص مش جاي شورها
هنيده ابتسم برمت حضناته : حبيبي اصلك
عمر : توا حبيبك ماه امبدري رافعه خشمك عليا
هنيده وخرت ودارت وجهه زعلان : ماه انت زعلتني
عمر غمزلها : توا نراضيك
هنيده : نبي نحدد وننزل
عمر : معش نبيك تحددي تعالي بس
فك حداده رفعها من ايديها وحطها ع سرير وراحو في خبر كان......
.......
انا : بشويش كنك تسرع
باسم : ما نبيش نسمع صوت
انا سكتت وباسم كملها اتصالات كل مره في حد متصل بيه لين وصلنا للفيلا قعد يبيب معش حول يده من بيابه بكل لين فتح بواب
نزل باسم فتح باب حوش وانا وراء خشينا أول ما خش برم عليا طول
باسم : ما شاء الله عليك والله اول ما جوزنا منفختيلي راسي يا باسم قول الحق يا باسم ما نحبش كذب يا باسم خليك صريح انا بعد نحب نتعلق تي وين ماشيه بالكذب انت وين انا تضحكي عليا [علاه صوته ] انا يا ايلاف انااا
انا استكيت قعدت نبحت فيه منظر هو متعصب يخوف نحس في روحي شوي ونبي نطيح كرعيا معش شالني
باسم : ندوي انا ما تخليش امي نسب [ عزق تلفوناته الاثنين ع طول يده في ساس ]
انا وخرت : عليش هذا كله شن فيه
باسم : كيف شن فيه تبي تضربي عليا حوله توا وانا واثق فيك وعارف من واخذ بنت من طلعت ما شاء الله ع مدام واخذه غيتها مع ولد عمها كل ما نرن لالا خليني نبات كلهم قاعدين
انا انصدمت من كلامه يعني هذا عاب فيا وفي تربيتي و في هلي حسيت زي غصه في قلبي
باسم : توا وين لسانك كنننننك ما تدوي ولا ما يطلع الا بعد تجي رانيا و ### يقول محفور واقسم بالله ورب جلاله كان مش في حوش وباتك قاعد راه قتلته ### هذا يبي ذبح
انا دموعي نزلن بطني توجع فيا حطيت يدي عليها : قصدك انت توا تعيب فيا وفي هلي توا مش عاجبتك تربيتهم توا انا اعععع توا انا كذابه انت هك تفكر
باسم قعد يمسح في وجهه
انا : تمام بكل ردني من وين ما جيتني
باسم تعرفي كان ما تسكتي ورب جلاله نتفاهم معاك بطريقه اخري
انا حطيت عيني في عينه ودمعتي نزلت طول
باسم : ادوي قصته ولد عمك هذا
انا قعدت نتلوه في مكاني : توا كان في حاجه نبي اندسه عليك
باسم : شن رايك تي سمعته يقول محفوره في قلبي حتي كان اجوزت وجابت 10 عويل تقهري فيا انت تبي طربقي فيا عرق [ قعد يخبط ع رأسه ] في دمنقلي ولا كيف
انا : هو قال انه يبيني لكن انا لا
باسم عض لسانه وخر وعطاني بظهره
انا : انا بعد حبيت انا اا [ حطيت يدي ع بطني ] ااااه باسم بطني [ ركعت ]
باسم برم جاء يجري مسكني : كنك
انا نبكي حاطه يد ع بطني ويد آخر نهايته ظهري : بطني تقطع فيا ليه ااااااه
باسم : شن اندير كيف بطنك
انا : بيبي يا باسم البيبي
باسم رفعني وطلع بيا : اميييي اميييي
بواب طلع : خير استاذ
باسم حطني في السياره رقد كرسي : اسكتي خلاص
انا نبكي ونتلوه
باسم سكر باب ويجري للمكان سواق : قول للهلي ماشي للمستشفي افتح بوابه
بواب فتح وباسم ركب قعد يجري
باسم : اصبري قريب نوصل
وانا نبكي : بطني بطني
.........
الاء كملت حوسه خذت تلفونها ركبت فوق فتحت فون قرت مسج رنت علي انس لقاته مقفل خذا دبش وخشت للحمام ادوش وتبكي كملت توضت للصلاه لبست وطلعت صلت قرات القرآن شويا بعدها صبت وفتحت فونها قعدت تقرا في مسجات انس
هبه ركبت للااء تبيها تنزل تهدرز قالتلها لا تعبانه
........
انس أول ما طلع من حوشنا درس ع بحر رن ع احمد قاله معزوم اذن مغرب فطر ع دخان كمل قرطاس ونص فتح تلفونه دز مسج وقفله
.......
بواب : اسمع يا حاجه قال استاذ باسم انه راح مستشفي مع مدام ومدام تبكي
عميمه : حي عليا انظر شن صار في مراه
سناء : كنها كانت فاطره عند هلها
حنين : رني ع باسم
سناء ترن : مقفل تلفوناته الاثنين
عميمه : يا نعلي شن اندير رني ع مخويك آخر
حنين : محمود محمود رني علي محمود
سناء رنت عليه : ايوه
محمود : نعم في حاجه
سناء : باسم في للعياده هو مراته مش عارفين كنهم نقاله مقفل
محمود : انا في قريبه من فيلا كان حاجه طارئه ي
يسعفها هنا طول
سناء : طمنه
محمود : إن شاء الله خير اوكي
........
باسم نزل جاب كروسه معه ممرضات قمعزني فيها وخش للعياده
باسم : اسمعي استدعي الدكتوره عزيزه ### هذه مراتي مريضه عندها
ممرضه تمشي بيا : نحن ما نقدروش نخشوها الا بعد تدفع
انا في كروسه مش قادره نطلع حتي صوت نتلوه
ممرضه : مش وقت استدعاء اي دكتور او دكتوره انت ادفع بس
باسم : دكتوررر لااا كان ع فلوس توا ندفع اللي تبوه خشوها بس
محمود جاء : باسم
باسم مسك ايديه محمود : قوللهم يخشوها نجيب فلوس ونجي
محمود : خشوهاا بسرعه
دكتوره جت : خير يا دكتور
ممرضه : دكتوره في حاله جوا طارئه نزيف شوفيها
باسم يبحت فيهن وخلاص
خشت دكتوره تجري مع خشت دكتورتي
دكتوره عزيزه كبيره في العمر لبسه نظارات طبيه
باسم جاها : دكتوره
دكتوره : اهلين كيف حالك خير دكتور محمود
محمود : اهلين دكتوره كيف حالك
دكتوره : حمدلله
باسم : لو سمحتي مراتي جوا تعبانه خشيلها
دكتوره خشت للغرفه باسم طلع للسياره خذا منها فلوس ورد دفعهن لقاه محمود مقمعز
محمود : شن صارللها
باسم : مش عارف كنت ندوي معاها قعدت تعيط وتقول بطني
محمود : إن شاء الله خير ما تخافش
باسم : كنهم طولو ازف
محمود : في احتمال تخسر الجنين كان صار نزيف
باسم شاف نزيف خاف : وين نندري انا وين نندري يارب يارب
قعد ماشي جاي ماشي جاي
..........
ابراهيم : اصلك فرخ وربي كعبه شكله سمع وكان صار مع بنت عمك حاجه انت سبب
ايوب : شن يبي يدير يعني والله كان يمد يده عليها نكسر يده ونعلقها في رقبته تحكي انت
ابراهيم : شكل اللي شفته ع سفره فطور يقولك اطلعلي برا ويبي يقتل تحسه وانت عيل من آخر مفروض ما تحسبها كيف اختك يا ذكر
ايوب : منور ع نصائح حسك نفختهن رن ع ### آخر شوفه وين كذاب اين فطور هذا لعند توا ترويح قريب ينكملن
ابراهيم رن ع انس لقاه مقفل : صبي هذا مقفل عارفه وين
ايوب صبي طلعو سيب معرض فيه عمو علي و منتصر وعبدالله
..........
دكتوره عزيزه طلعت
باسم جاها طمنيني
دكتوره : دكتوره عطتها ابره تثبيت وانا من بدايه عارفه ان مدام حامل بتؤام
باسم فتح عيونه : تؤام
محمود ابتسم : مبروك مبروك
دكتوره : قبل ما نبيش نقول لا انهم تؤام ولا ع جنسهم بس هكي إهمال مريضه صارللها هبوط ضغط وسكر درتلها تغذيه ولازم من دخول نعدل عشان نعدل ضغط وسكر اليوم لازم تبقي معانا
باسم معش تحرك ويبحت في دكتوره
محمود : شن حاله الأطفال كويسين
دكتوره : لا تمام بس مريضه شكلها زعلانه حمدلله دكتوره اللي قبلي عطتها ابره تثبيت حالهم كويس بس راحه تامه
باسم : باه نقدر نخشلها
دكتوره : خلوها تريح خير
باسم بحت في محمود
ممرضه : معلش استاذ تفضل معايا انديرو إجراءات دخول مدام عدا محمود وباسم دار إجراءات بسرعه ودفع فلوس ورد ومحمود خلاه يخش عليا ورن ع سناء وطمنها وقاللها وتوتيلي دبش عشان يجي ياخذهن مع وعميمه
باسم خش بحت فيا وانا راقده قرب مني سقملي وشاح وطلع خشو طلعوني في غرفه بروحي
...........
ايمان : ايوه
اسامه : قريب نجيك
ايمان : خالتي وبناتها مازالن قاعدات كيف نروح قبلهن
اسامه : كيف يعني نرد ولا نرجاك
ايمان : تعال خوذ حمادي تعبني
اسامه : خليه يلعب عشان يروح يرقد
ايمان : مش انت اللي تتعب وراءه وتجري
اسامه : هههه تي خلاه يلعب من امبدري هما يعلقو عليه لقبوه عصبان مشكله يضحك مضغوط الفرخ
ايمان : ههههه
اسامه : وصلت للشارع توا نهدرز ع شيخ صاحبي في شارع اللي وراكم ونجيك
ايمان : تمام سلام
.........
عمر : ايوه
ابراهيم : الوووو عريس
عمر : انس معاكم نرن عليه مقفل
ابراهيم : انا متوقعه ع بحر قريب نصلو
عمر : تمام شوي ونجيكم ما تحركوش دزلي وين قاعدين في مسج قبل
ابراهيم : تمام اوكي
عمر سكر مشط شعره وبخ عطر : تبي حاجه من برا
هنيده : سلامتك راك تنسي اللي ع مرمر
عمر باسها وخذا تبسي وطلع
......
انس : كان هلكم جاين
ايوب : كنك يا امسخ ما تبينش توا نردو
انس #### عندي راه ما عنديش نيه للروحي
ابراهيم : كنك يا راجل
انس : لا تمام
عمر درس نزل بتبسي : سلام عليكم
شباب : عليكم سلام
عمر قمعز : شن جو
ايوب : جاي من حد دنيا
ابراهيم رن تلفونه صبي
عمر بحت في ايوب : جيب اميه من محل
صبي ايوب
عمر : كنك قالب وجك يا رغوه
انس : لا جو تمام
عمر : انا معاك يا حمار لكن اللي درته خطأ ولا مش خطأ
انس ساكت ومرفع حاجبه
عمر : مازالت هادي معاك
انس : مش فرخ انا نقدر نتحمل مسؤولين عايله بكاملها مش عايله نفرين
عمر : زيزه مش ساهلة
انس : إن شاء الله خير
عمر : انا توا نصبي معاك بس بشرط
انس : شنو
عمر : توعدني يتنفذ
انس : نسمع قبل
عمر : انا مش جاي نشاور فيك يا استاذ
انس صبي ورفع حاجبه
عمر : اكيده تكلم فيها في تلفون معش تكملها
انس : ما نكلمش فيها
عمر بحت فيه جو عليا
انس : تي كنك ازف
عمر : انا قلت بس
انس : حتي انا قلت بعد عيد تبقي مراتي
عمر : إن شاء الله جبتلك فطور افطر
انس : ما عنديش نيه
عمر قعد يزر ع انس سكر رأسه ما بش يفطر الا اميه
........
محمود جاب عميمه حطها مع باسم جابله فلوس
شافتني وروح بيها واسامه روح بايمان شالها للجنينه تغير جو وهاجر باتت عند هلي وباسم قعد فم باب عياده
.....
احمد : الو
سناء : اهلا
احمد : شن جو
سناء : تمام
احمد : حبيبي كلمي باسم قوليله قاعد في محل ### نرن عليه مقفل
سناء : احمد باسم مستشفي معه و ايلاف
احمد انفجع : كيف مستشفي عدو جوهم تمام
سناء :
.......
يتبع .....
Fafy faa
