#فوبيا_الحب❤
الحلقة [81]
لبسنا وطلعنا وانا نسيت نبدل كعب عشان سكنو هيا هيا طلعت ورايا بنات سكنن حتي هنا انا كعب كراعي الالتوت حسيت بحد مسكني مسكت فيه سمعت صوت باسم يعيط معش عرفت حولت يدي من الي مسكني طول حسيت صوت باسم يقرب وخرت
باسم قدم قعد يسرع في مشيته بعدها جري : اوووووووووي اووووووووووي
ابراهيم عاله صوته : هلك هذوما
باسم : اها اهاااا
انا : إبراهيم كلمه
باسم مسكني من ايديا خلاني نحط ثقلي كله عليه : اهو جيتك ليش طالعه بيه هذا
انا : باسم كراعي بروحها خلاص
باسم متعصب ويدوي هو راقيله : تي شن خلاص من قالك تلبسي امه هذا وإنت مش ع حايلك كنك اه كنك
انا : قدر الله ما شاء فعل الحمد لله ماصارلي شي
ركبني في سياره رفعت خماري
انا : اسلحه اسلحه
باسم سلح كعب قعد يسمع في تبيب سياره شبه مسكره شارع
باسم : افرديهن توا نشوفها لك نحول سياره بس
انا مديتها عادي باسم سكر باب وعدا جاب عميمه وقدم سياره
عميمه : بسم الله عليك كنك
انا : لا ساهله الحمدلله
عميمه : عطنها لك قبل ماتطلعي نسمع فيهن ما يحسابنيش عمتك طح سعد عيونهن
باسم ساكت ونزل يشوف في شباب
احمد يضبح : باسم باااسم
باسم عداله : ايوه
احمد عطي شكاره : هذه كندره إيلاف وهذه قالولي عطيها للايلاف
باسم خذاها : تمام ، خلاص كلهم ركبو
احمد : اها خلاص غير نرجو في عمتي انتم اطلعو
باسم : تم هيا اوكي
ركبو طلعو طابور واحد بسيارتهم وقلبوها تبيب وصلو هلي وباسم وراهم بس ما نزلتش باسم كلم انس دزيتله صور وعطيته هديه من الاء احمد وباسم قعدو يشفطوه عليه لين ازلط بعدها روحنا انا نزلت وباسم عطاني كندره واطيه مسك الكندره كعب وخشت عميمه ونحن خشينا سلحت عبايه وخمار طول قمعزت
باسم ابتسم : ساهله
انا كشخت مسكت في ساس قعدت رفعت كراعي بحتت فيها : باه
باسم قرب مني : مش كنتي تهدرزي في سياره جوك عسل
انا : عندي انفصام عادي تصير
باسم قعد يضحك
انا قمعزت : انت مش كاين راقيلك
باسم : ماه شفت وجهك تعدل مزاجي " غمزلي "
انا : ع فكره امبدري فجعتني وانت تعيط
باسم : عرفتك إنت من عبايتك كان ما عيطتش راه جيتني طراطيش بس عجبتني كرت يدك
" مسك يدي وباسها "
انا : خفت قالت انظر في من شديت
باسم يفك في ساعه بحت فيا بنص عين : لا الي ع باب ابراهيم بس
انا : اهاا
" بعدها درت صوت بيبي يلفت النظر كنه بيبي بجد و بيبي الاقرج " باه تعال صبيني حبيبي
باسم ابتسم مسكني من يدي : نزليها ع وطي اعفسي ترا
انا نزلت راسي شعري طاح حط ايديا ع كتوفه ولملي شعري عفست عادي بس حسيتها توجع رفعتها
انا درت نفس صوت : توجع والله
باسم عضني
انا وخرت : تي لااا ليش
باسم مسكني : بيش تثبتي
انا : باه حول هي
باسم : انا نحول
انا : اها لو سمحت يعني
باسم : فوقها لو سمحت
انا رفعت حاجبي
باسم : شن معناها هذه
الباب دق
انا : معناها حل الباب
باسم : ههههه خشي باهي
انا : لا نقدرش حطني انت
باسم شالني ورد فتح الباب لقاها سناء جيبتله عشاء خذا وحده في مطبخ جاب امتاع ثلج وامتاعه وجاء
باسم : اوفي وينك
انا : في حمام نغسل في جلدي
باسم : كيف خشيت
انا : نعجز شوي بس توا تمام
باسم : باهي طوليش
انا : تمام
باسم رد ثلج غير دبشه ورقد ع سرير طلعت لابسه ديشمبر وطالقه شعري لقيت باسم حاط يد ع عيونه واخري ع بطنه طلعت بجامه لابستها وانا مقمعزه ودهنت كريماتي بحتت نحسابه راقد عديت وانا نعرج طفيت ضي خليت ضي امتاع وناسه وجيت للسرير قربت منه بسته و وخرت
باسم حول ايده ومسكني مبتسم : فيش اديري
انا : هههههه شي نانه خلاص
باسم : ههههه ارقدي إنت بيش نحطلك ثلج
انا : توجعني تحولها بس
باسم غمزلي وابتسم
انا اتكيت طلع باسم جاب ثلج وجاء حطها عيطت قمعزت
باسم : اسسسس شوي وتبرد عليك
انا : لالا حولها توجع ومسقعه
باسم كر المنشف وحط ثلج في المنشف ولفه ع كراعي جاء جنبي : خلاص ارقدي شويا ونحولها
انا رقدت باسم قعد شوي وحولها ورد كل شي في مكانه ورقد مشي وقت نضت انا بحتت فيه لقيته غاطس في نوم قربت منه رفعت يده ناض
باسم : كنك
انا : شي نبي نرقد هنا " شيرت ع حضنه "
باسم شدني ورقدني في حضنه لف ايديه الاثنين عليا ورقدنا
..........
ايمان : معقوله هكي
اسامه : توا انظموها بكرا
ايمان : لا ما تجيش شوف كيف قالب المطبخ شكلك تاكل هنا
اسامه : ها وين ناكل
ايمان : عند هلك
اسامه : ما كلمونيش وما نزلتش
ايمان تفاجاة
اسامه : خلاص فوتيها كوجينه
ايمان : غير حول حمادي من صالون راقده في سريره بس توا نلم بسرعه بسرعه
اسامه : عليك عناد فيك
ايمان ضحكت
اسامه عدا شال حمادي وخش للحمام ايمان رتبت المطبخ كملته طلع اسامه خشت هيا طول دوشت وطلعت لابسه عزقت روحها ع سرير
ايمان : ااااه عليك يوم متعب
اسامه جاء رقد جنبها متكي يده بجنب متكي : شن تعبتي واجد
ايمان مغمضه عيونها : بكل والله تعرف امبدري في مزينه قريب ما نعست والله
اسامه نزل ع وذنها : توا نعسانه
ايمان ابتسمت : معش توشوشلي ادغدغ فيا
اسامه مسك ايدها نزل جنب وذنها : هكي ادغدغ
ايمان : اسامه هههههه حول
اسامه : رايفت عليكم
ايمان : عليكم اه باه عدي ارقد جنب حمادي
اسامه : هههه بكرا حمادي توا امه قبل
ايمان : امه مريضه
اسامه وخر : كيف هذه
ايمان : شنو الي كيف مريضه " ماسكه ضحكتها "
اسامه : ديما هيا استغفر الله باهي خلاص قدر الله ما شاء فعل
ايمان تطربق ضحك
اسامه وخر : تمام بكل
ايمان قمعزت : نبصر معاك كنك
اسامه مابش يرد
ايمان : شيخي حبيبي
اسامه ما ردش
ايمان صبت ع زيانه مشطتت شعرها وتعطرت بخت عطر واجد بالعاني برمت من جيهه اخري للسرير قمعزت دهنت بالكريمه رقدت جاء اسامه
ايمان ابتسمت
اسامه : انا مجنونك نحبك يا قلبي
ايمان حطت ايديها وراء رقبته ابتسمت
اسامه نزل عليها وراحو في خبر كان.....
........
انس : ايوه
الاء : اهلين
انس من صوته فرحان : شن جو
الاء مبتسمه : تمام
انس : شنو صور الي يقتلن هذينا
الاء ضحكت بشويش : في وحدات صورتهن بروحي ودزيتهن للاوفي
انس : كلهن سمحات نعلي نا نجك ليا وخلاص
الاء : يعني طلعت سمحه
انس : قمر قمر اين سمحه بس
الاء : ههههه شكرا
انس : ههههه عفوا بس كنك مرفعه شعرك
الاء : استايل فستان لازم نرفع شعري
انس : باهي مازالتو تبوش تروحو ساعه 12
الاء : لا شوي مروحين نرجو في ابراهيم قال للماما نوصل صاحبي ونجيكم
انس : تمام انا قدام الحوش بجو هك نبي نشوفك
الاء : لالا تحرجني قدام ابراهيم خش يوم ثاني نشوفك
انس : باه
الاء : تمام اهو صوته جاء نتلاقو
انس : باه
الاء : كنك كملتها باه في حد جاك
انس : اها
الاء : من
انس سكت شويا : باتي كاين في سيارته انا مصبي جنب سياره
الاء : ههههه عليك تزليطه
انس : ركبت سيارتي مالي ومال زرقاتهم
الاء : شفت صور
انس : لالا إيلاف روحت طول
الاء بصوت هادي : حسيتك حتي انا ما شفتهنش
انس : نعليا طالعه طرف
الاء بدلع : شن رايك
هدي فتحت ع الاء باب : تي هيا مش تبي تروحي
الاء انفجعت : يا مامي
انس : كنك
الاء : هيا شوي بس يا ماما
هدي قربت : مع من تدوي في هالساعه
انس : قولي ما تخافيش
الاء : هذه قصدي هذا
هدي : انس
الاء هزت رأسها
انس عاله صوته : خير يا خالتي
الاء فنصت ونزلت الفون
هدي ابتسمت : هيا خوك برا
الاء : نلبس بس
طلعت هدي وسكرت الباب
الاء : الو
انس : ايوه
الاء : حبيبي نبي نلبس نروح نرن عليك
انس : تمام
الاء : خش انت
انس : نطلع نجيب دخان بس
الاء : تمام باي
انس : اوكي
الاء صبت تلبس وانس نزل جاب دخان من نهاية الشارع رد رقد الكرسي واتكي
............
احمد : لا ما نبيش
سناء : لا ونبي حبيبي وافق
احمد : شن منظري وانا نرقص قدام صبايا
سناء : ما فيها شي يقولو عليك رومانسي ويحب مراته
احمد : كيف كيف يعني كان ما رقصتش معناها ما نحبكش ولا شنو
سناء سكتت
احمد : ندوي انا
سناء : مش هكي قصدي
احمد : هاااا شن قصدك
سناء : عارفتك تحبني بس انا
احمد قص عليها : خلاص دابينك تعرفي اني نحبك معناها سكري ع موضوع
سناء : باه
سكتو هما الأثنين
احمد : سناء
سناء بصوت زعلان : نعم
احمد : تؤ اوووف
سناء : خلاص خلاص معش نبي
احمد تنهد
سناء سكتت
احمد : انا تعبان راه نايض من صبح
سناء : باه ارقد تريح تصبح على خير
سكرت في وجهي رن عليها فتحت طول
احمد : كنك تسكري إنت
سناء : مش تعبان نايض بدري
احمد : ما نبيش نرقد
سناء سكتت
احمد : خلي الخارب مفتوح ما تسكريش
سناء رقدت وحطت فون تحت وذنها احمد رقد كرسي سياره سكتو مده ربع ساعه
احمد : حبيبي واعيه
سناء : اها
احمد : توا بالله عليك شن منظري وانا نتلصق فيك ونرقصو بين صبايا حنه توا ترضيها ليا
سناء : ماه نحن نبقو كانه بروحنه القاعه كبيره مسرح كبير توا يظلمو القاعة والله لقطه سمحه بس كان انت ما تبيش خلاص مش لازم
احمد : مش تبي تورته قتلك حاضر فوتي رقص هذه
سناء : باهي خلاص فتت
احمد : ايوه هكي ميه ميه
سناء : نعست تبي حاجه
احمد : نبي بوسه
سناء سكتت
احمد : معناها مازالتي زعلانه ع رقصه
سناء : تؤتؤ عادي
احمد : إنت اقتنعتي
سناء : لا لا ؛ عشان في وحدين داروها
احمد : انا ما نبيش انديرها يا سي
سناء قمعزت نزلت الفون بصوت واطي : عليك عناد فيك عليك عنااااد وووه منك وووه
احمد : الووو
سناء ردت الفون بصوت هادي : ايوه معاك
احمد : اهااا معايا
سناء : خلاص توا نلغيها رقصه
احمد : وأخيرا احسن حاجه
سناء : ع فكره قعدت تعصب ع اتفه الأسباب
احمد : نحبك
سناء بصوت تجعوين : انا نموت فيك
قعدو هدرزو شوي لكن سناء في نهايه مكالمة لمحتله انها مازالت زعلانه
.........
انس شاف سياره ابراهيم من بدايه شارع نزل من سيارته ابراهيم درس
ابراهيم : انزلن توا انزل الحاجات بروحي
نزلو كلهم من سياره
ابراهيم : خير يا طير
انس انحرج : خير يا خالتي
هدي مدت يدها ومبتسمه : مبروك عليكم ان شاء الله بهناكم
انس سلم عليها : الله يبارك فيك يا خالتي ان شاء الله
هدي : سلمي يا الاء
الاء ابتسمت سلمت
انس تنحنح : شن جو
ابراهيم : لااا
الاء كرت يدها وخشت انس فنص في ابراهيم
هدي : تصبح على خير يا اوليدي
انس : وإنت من اهله
خشت
ابراهيم : تعال يا بو نسيب نزل معايا
انس : سكر فمك يا #### نزل بروحك
ابراهيم عدا للسياره ويضحك وانس ركب سيارته وفاته خاله ينزل بروحه
انس دز مسج للااء : " وين ع قونتيات مشيات مع ايدياتك سمحات وجهه رايح ناير نعلي منك وخلاص أول ما تمي مواضيعك رني عليا قاعد نرجا فيك نحبك "
..........
نضت ثاني يوم فطرت باسم وعدا للعمل رنت عليا سناء قالتلي تعالي لبست وعديتلها هدرزنا وفي عشية جاء انس هذا صور
