#فوبيا_الحب ❤
الحلقة [78]
عمر : شن يا محمد قتلك ع انس كل شي يخدم وشري شقه هو بروحه قال هذه بنت عمي و عمي قدره ع راسي مش حيقصر معاها بشي
عمو محمد : امبدري رنيت ع ابراهيم ويسال علينا قلتله ع موضوع الاء
عمر : ها شن رايه
عمو محمد : ماكملتش كلامي له وقالي يبو يروحو بالشايب غلابان
عمر : لا يا راجل
عمو محمد : والله لنقانه عانه لين خلاص وشباب معش عندهم فلوس
عمر : انت مديت
عمو محمد : اها دزيتله و وانس طلع داز مبلغ للابراهيم
عمر ابتسم : باهي شن وضعه شايب
عمو محمد درس : ان شاء الله خير والله ماني عارف قالي نبو نروحو
عمر : باهي انت ماشي للعشاء منذر
عمو محمد : اها بيش نحمدولا ع سلامته
عمر نزل : باهي خلاص نتلاقو
............
باسم : خليهن في حوض تعالي قمعزي معايا
انا : تمام توا نلحقك بسرعه بسرعه
باسم صبي : حولي توا نغسلهن
انا ضحكت : غير حول بلاش حناطه
باسم : قمعزي يا اوفتي قمعزي
انا قمعزت وباسم قعد يغسل في مواعين فطور ويهدرزلي وانا نبحت فيه مبتسمه كمل جاء قمعز جنبي
باسم : ها شن تبي اخري
انا : كيف ما عندكش عمل
باسم : لا اليوم اطياح معاك مرايف عليك ما صدقت قعدنا بروحنا
انا : نبي نعدي نشوف عميمه
باسم : ضروري
انا : باسم
باسم قرب مني قعد خشمه ع شعره و يوشوش : اقسم بالله مازالت مرايف
أنا ندوي فوق النفس معدتي قلبت : بس ما تجيش حبيبي
باسم : مش شوري نحس في روحي ناشط بشكل غريب
انا ابتسمت : شن سبب نشاط وروقان
باسم : فكرونتي معايا
انا ابتسمت صبيت نبي ناخذ منديل قدمت مديت يدي ع باسم مناديل وراءه خذيت و وخرت للمكاني
باسم قرب مني : اوفي شن هالحركات
انا : شي ناخذ في كنيلاكس
باسم مسك يدي وباسها : نحبك
انا صبيت ووخرته وخشيت للحمام طول استفررغت وطلعت لقيت باسم قدام باب حمام خذاني من يدي ورقدني ع سرير وقعد جنبي فتحلي TV
...........
هاجر راكبه داهشه قمعزت ع سرير حطت يدها ع قلبها : منذر منذر
منذر فتح عيونه لقها حطه يدها ع قلبها نط : كنك
هاجر بحتت فيه : كني
منذر قرب منها : كنك حاطه يدك ع قلبك
هاجر : داهشه من دروج بس جيت نوض فيك غذاء واتي
منذر : باهي تريحي شويه
هاجر : لا نبي نحط مع بنات
منذر : انا قلت تريحي ما تنزليش نطلع من حمام ننزلو
هاجر : باه صبي البس هيا
منذر صبي وخش للحمام
هويدا اضبح : جووووري هاجر هاجر
هاجر : نعم
هويدا : تلفونك يرن عميمه فوزيه
هاجر : هيا هي اني نازاله
نزلت هاجر ما قالتش للمنذر
..........
اسامه : هيا كملتي
ايمان : اها شويا بس
اسامه : هيا يا مني نبي نحطك ونرد للمكتب بعد ساعه جايني راجل
ايمان : تبيش تغشذاء عندنا
اسامه : لالا توا بعدين نتعشاء عند منذر رني عليا نشيلك للاختك بس
ايمان عطته ساكو : تمام باه
اسامه خذا : انا نازال
اسامه نزل من باب شارع
ايمان دارت سندوتشات للاسامه حطتهن في شنطتها خذت حمادي طفت ضويا ونزلت من باب الي ينزل ع عربها عشان تسلم ع عمتها وصبياتها ما نزلتش صبح
ايمان : سلام عليكم
عمتها وبنات : عليكم سلام
عمتها : ع وين ان شاء الله قبل غذاء
ايمان : ماشيه للهلي يا عميمه
اخت اسامه : من قوايل حتي غذاء ما غذيتي راجلك
ايمان سكتت
عمتها : معقوله تمشي للهلك ع غذاء كنك يا بتي وراجلك وين ياكل
اخت اسامه : ماه هذينا الي عيشات تالات رجاله في ساس وهما وراهم زي كلاب
ايمان تقزززت من أسلوب دارت حركه بجوها ان كلام مش عاجبها
عمتها : مافيش ماشي لين تغذي راجلك
ايمان : قاعد يرجا فيا برا يا عميمه انا جيت نسلم عليكن ماشيه هلي يرجو فيا ماشين للهاجر اختي راجلها وصل بنغازي
اخت اسامه : تنحرق اختك قدام خيي يا ماما ينوض من صبح ربي ويشتغل من طاسة حليب مش واكل مهم إنت تكملي مشاويرك وراجل مش مهم ولا كيف
ايمان : بس انا
عمتها : تبي تكسري كلمتي ولا كيف قلتلك ديري غذاء للراجل
اخت اسامه : هنا ديريه اصلا نحن مازال ما حطينا طنجره ع نار
اسامه خش : سلام عليكم
هنا : عليكم سلام
ايمان تبحت في اسامه وعيونها يرغرغن
اسامه : هيا طولنا
اخت اسامه بحتت في امها شيرتلها عشان تدوي عارفه اسامه كان دوت هيا ما يعبرهش
عمتها : قلتلها ديرلنا رز امبوخ قبل ما تعدي خاطري فيه منها اير فيه تقول ليش
اسامه : قبل نبي نشيلها هلها
عمتها : لا خليها ادرلنا الغذاء حسني هابطه
ايمان استكت في عمتها
اسامه قعد يتنحنح ماحبش يكسر كلمة امه : تمام باه
ايمان بحتت في اسامه
عمتها : اسلحي عبايتك وخمارك وحطي حمادي انت سلم اوليدي خليك في مربوعه لين يجيك اغديك تريح شويا بعدها تشيلني للعمتك زهوره قالو مريضه
اسامه : حاضر يا امي
ايمان سلحت خمار بس وحطت حمادي ودزت مسج للهبه انها حتاخر مش حتجي ع غذاء وخشت للمطبخ لقت مواعين عشاء امس وفطور اليوم غسلتهن وحطت غذاء ع نار ودارت سلاطه وسيقت المطبخ وقعدت في مطبخ وهيا مغلوله في وذنها كلام ماما " مهما دارو فيك ما عمرك تعلي صوتك ولا تردي عليهم بذات امه عشان بعد يقولو عليك حاجه يقولو ماعمرها ماردت انا مش معودتكن ع رد خليك بنت اصل " قعدت تفكر وتدير وغصه في قلبها
..............
انس : الو
ابراهيم : ايوه قتلك انا طيارتي بعد ساعه تجي للمطار
انس : تم جايك معاك ايوب
ابراهيم : اها معايا
انس : تمام بكل خلاص نتلاقو
ابراهيم : اوكي
........
ام منذر : جبت من وين ما قالولك
مالك : اها الحلو من ### وكعك حتي هو جبت قازوزه وعصير مناديل
ام منذر : الله يربحك هويدا هويدا امل
امل طلعت من مطبخ كانت لابسه بجامه عليها ميكي ماوس هي طشه كل شي فيها طشه شعرها واجد عيونها سود رموشها واجد بيضه شويا كانت مرفعه كمامها طالعه تضحك وعيونها في مطبخ مع بنات : والله ما شوري ساد حرقت امس ههههههه
هويدا : امشي يا خوافه
امل برمت تضحك شافت مالك سكتت نزلت كمامها : نعم يا عميمه
مالك ابتسم
ام منذر : شيلي حاجات جابهن مالك قوليلهن ينقصن حسهن ضحكهن للشارع
مالك : جيبيلي اميه معلش
امل قعدت تلم في شكاير مرتبكه : حاضر
ام منذر صبت : سلم بنتي نا نبي نصلي
امل خشت حطت شكاير عبت كأس اميه وطلعت
امل مدتله : تفضل
مالك لمس يدها امل فنصت فيه ورقالها كرت يدها كشخت عليه وخشت للحمام
مالك بصوت واطي : امل ارجي اووي
