#فوبيا_الحب
الحلقة [18]
نا جاء في بالي باسم شوي ابتسمت: احمد مطولين
احمد بحت فيا : قربنا كنك تضحكي يا حاله
نا : ههههه فرحانه
احمد أبتسم : باهي خلاص اسكتي
احمد : اهو وصلنا ما تنزليش لعند انجيك
نا شفته قدام فيلا ويضحك في فون قرنت حواجبي : باهي ما طولش
نزل ونا قعدت نبحت فيهم
............
احمد : السلام عليكم
شباب : و عليكم سلام
باسم : شن جو خش تفضل
احمد : معايا هلي توا نجيك
باسم : تمام نرجاك
جار باسم : هيا شباب نتلاقو ي باسم
باسم : سلام ان شاء الله
خش وبعدها طلع
........
احمد فتح عليا الباب : انزلي
نا : جيبلي تورته وانت خوذ باقه
احمد : تي كيف ناخذ باقه حدا خوها
نا نزلت وبحتت لقيتا يبحت فينا جت عيني في عينه: وكان هيا خلينا نخشو
قعدنا نمشو نا كرست وراء احمد تحشمت بكل لين خطمنا من جنبه
باسم منزل رأسه : تفضلو
نا رفعت راسي شفته وخشيت
عميمه عائشه : يا مرحبا خشي تفضلي
اخته : اهلين تفضلي
نا ابتسمت وسلمت عليها وعطيت تورته للاخته : خير يا عميمه كيف حالك
عميمه عايشه : سلم حالك تفضلي حوش حوشك
اسماء : نا اسماء اخت باسم
نا : تشرفنا
خشينا في فيلا ونا مرتبكه بكل قمعزت
اسماء : انتي اخت احمد
نا : اها نا ايلاف
عميمه عايشه : اسلحي عبايه ي بنيتي ما في حد
نا : لا عادي متريحه
اسماء : شني متريحه غير اسلحي
نا سلحت العبايه والوشاح وطلقت شعري علي طوله وايديا يرعشن متحشمه بكل قمعزت خشت سناء ارقيقه شوي
سناء : سلام عليكم
نحن : عليكم سلام
عميمه عايشه : خشي يا سنيوه
جت تسلم عليا
نا : اهلين كيف حالك
سناء : الحمدالله كيف حالك انتي
قمعزت جنبي
نا : الحمدلله نا ايلاف اخت احمد
سناء ابتسمت : تشرفنا
قعدنا ساكتين خشت أختها تقدم علينا
حنين : زيدي
نا : لا تمام شكرا
عميمه عايشه : غير زيدي يا بنيتي
نا ابتسمت : لا عميمه خلاص
............
باسم : جايتك توصيات من ناس الي غادي
احمد : اكيده فارس وحسن
باسم : هههه اها
احمد : فوتهم
باسم رن تلفونه : توا نجيك
احمد : خوذ راحتك
محمود : شن جو محل
احمد : تمام سيبت فيه معاذ
محمود : هذا اللي يشتغل عندك
احمد : اها وانت عندكش عمل
محمود : لا نا ماسك ماشي مع 9
........
باسم : هاا كنك ترني
حنين : اخته جوا شكلها تبي تطلع مع سناء
باسم : عنجد هذه
حنين : فكنا من تسكير الرأس مش وقتك
باسم : باهي هيا وقوليلها مستور و تطلع بوشاااااحها اهاا كلمه وقلتها ما نبيش نعاود
حنين : باهي نقص صوتك
باسم : قوليلها انتي بس نا نرجاك في كوجينه جعان
حنين مشت وخلاته
.........
نا : اقتصاد
اسماء : ماشاء الله إن شاء الله بنجاح
نا ابتسمت : إن شاء الله قالولنا إنجليزي يا سنيوه
سناء : اها انجليزي كملت انقري في مدرسه خاصه
نا : صح بس تعب مدرسه خاصه
سناء : ما لقيتش تعيين
عميمه عايشه : هما ما يبوهش تقري لكن اهو بزر الخاصه
حنين : سناء قالك باسم هيا
اسماء : تبي تخشي انتي ولا نكلم واحد من خوتي
سناء : لا تعالي انتي نتحشم علي اقل بنت معايا
نا : تمام هيا
خذيت وشاحي وحطيته علي شعري ونزلتا علي كتوفي طلعنا هنا قدامي ونا وراهن
حنين بصوت واطي : خوذي وشاحك قالك باسم
سناء : عارفه جيبيه ليا
نا وعاطيه بظهري للمطبخ نسقم في شعري ورديت وشاح بعدها جت جنبي حنين وتلف في وشاحها قعدت نبحت فيها
باسم سمع خواته يهدرزن جاء يبي يطلع اسماء تشيرله يخش قعد يبحت فيا بعدها رد للمطبخ
نا : هيا نخشو كان ما في حد
سناء : شوفي باسم يا سوما
نا : معليش بعد تفضي جو خليك هنا بيش نا نطلع ونخليهم بروحهم شويا
حنين واسماء : تمام تلقينا هنا
اسماء خشت للمطبخ لقت باسم يشرب في ميه ومقمعز علي كرسي
اسماء تصب في عصير : كيف تطلع مش قالولك أخته هنا
باسم : وين نندري عليها تبي تطلع معاكم
اسماء : رن علي محمود خليه يطلع يبن يخشن
طلع تلفونه ورن علي محمود خشينا نا وسناء وفي يدها سفره العصير
...........
