#فوبيا_الحب ❤
الحلقة [98]
انس : ايوه
الاء منصدمه : وينك انس وينك
انس ابتسم : في حوش ناكل كنك
الاء : تعرف عمو شن قال للبابا، تي لا استنا في اي حوش انت كنت لوطي انا
انس : في حوش امتاع المزرعه مع شباب مش في حوشنا
الاء: اها تمام تعرف عمو شن قال للبابا
انس يستعبط : من قصدك باتي
الاء : تي اها عمو صلاح قاعدين عندنا كلهم
انس أبتسم : كنهم
الاء : يحكي للبابا علي فرحنا سمعتهم والله
انس ابتسم ووخر السفرة : صح
الاء : علي اساس عندكش علم
انس ضحك
الاء : تي كنك تضحك كيف نبو نطلعو الفرح وجديده مالهش شهرين
انس : كيف تبو تحزنو سنة
الاء : مش سنه قصدي
انس : هاا امالا لعند امتي نبي نرجا
الاء : تي حتي قريتي مازال
انس : لا كان نبي نقعد ع قريا يكمل عمري وانا نرجا
الاء بصوت هادي ضحكت : يا سامط وبعدين كنك مستعجل
انس تنحنح وغلظ صوته : والله حبيبي ماتجي وتي وربى قعدت كل ما نشوفك كان نلقي ناكلك لعند امتي تبيني نتحمل معش نقدر نصبر عليك خلاص منتهي ازح راه خلاص افهمي
الاء مبتسمه قلبها قريب يطلع ساكته
انس : امس بعد بكيتي قدامي كان بروحنه راه كريت اصلك للمربوعه نهيت قصة كلها إنت حتي نفسك في تلفون يتعب فيا لا بال امس بكيتي قدامي
الاء من حشم قلبها حساته بيوقف كل ما له يزيدن دقاته وتسمع في انس فرحانه علي خايفه
انس : نقطتي وينك
الاء زمطت ريقها صوتها فيها رجفه : معاك
انس تنهد : معش تقوليها ليا كلمه معاك تنرفز في امي كلمة هذه
الاء ابتسمت بصوت هادي : عليش
انس : ماه كان معايا راه مادارت فيك خير
الاء ساكته مبتسمه
انس : أنا حكيت للعمر قتله احكي للباتي كلام هذا
الاء : امتي حكيت قلتليش
انس : قبل ما تجيب حتي ايلاف غير باتي كيف حكي
الاء : اها
انس : باهي شنو تبيني معاك ولا مازال بدري
الاء ساكته
انس سكت يرجا في ردها
الاء مابتش تحكي
انس : شنو كنك رحتي ردي علي سؤالي
الاء بصوت هادي : نبيك
انس ابتسم : تي نعليا نا منك وخلاص تعرفي يافرخه غير نحصلك بس وجلاله نشلك من أول يوم
الاء خافت وساكتت
انس حسها تحشمت : تروح امي من إيلاف نتمم في موضوع رسمي
الاء : باه بس نبي وقت نشري حاجاتي مش شارية شي
انس : شلبكي امهن في كم يوم ما تكثريش من طلوع
الاء : لا نبي نطلع نشري كل شي
انس : باهي اشري غير ما طوليلش امال ام الموضوع
الاء ضحكت : لالا مش حنطول
انس يسمع في ضحك : اصبري خليك معايا ع خط
ابراهيم فتح الباب ايوب خش في يده نعناع كاين لابس جلابية قهوية تحتها شرت بحر ماسك الجلابية زي مسكت البنات للفساتين بطروف صوابعه
بس رافعها لعند شرت باين ويقلد علي صوت بنات ومشيتهن كيف يتمايلن يمين ويسار وادير روحه يمضغ في مستكه " علكه" حط النعناع للابراهيم وشابين اصحابه الي في مطبخ ميتين ضحك ويخبطو ويجرو فيها للبعضهم
ايوب يمضغ زي بنات : خزي عليك يا حيوان انت وياه ابراهيم يضحك : انت من كثر ما كلمت بنات اثرن عليك
ايوب رفع حاجبه : اثرن ع امهن بس في بنات تمشلط ديرن في اروحن هاي هاي بالسيف نوعية هذه جربت منها الاثنين عليك نوع مقرف يا شباب
شباب يضحكو
ايوب خش للانس في دار بروحه
انس قلب تلفون ع وجهه وحطه ع كراعه ويسقم في تقمعيزته
ايوب مازال يقلد ع بنات : نوسسسسي ياعيوني هيا روحي ورنا كم مشوار لازم نكملوهن
الاء سمعاته انصدمت : انننس وين قاعد انت
انس يبحت في ايوب كيف تمشلط كيف بنات مشيته ومضغته صوته فتح عيونه زين : يا ### هلك
الاء : تي نحكي معاك انا
انس قلب التلفون وقربه من ع وذنه يبي يحكي قص عليه ايوب
ايوب يطلقها ضحكه تقول قاعد في بار : كنك يا نوسي
الاء صبت انقهرت بكل قلبها قريب يوقف بصوت محروق : انت هذا عليش تستعجل ع فرح صح وقاعد في مزرعه اكيده جايبين بنات مش كويسات داير روحك تحبني " قعدت تبكي " معش نبيك باهي لا فرح لا أفراح
انس كاين يسمع دار حركة للايوب عشان يسكت
الاء تبكي : خليك معاها المش متربية الي جايبها توا تنفعك الله لا يسامحك يا انس والله ماني مسامحتك
وسكرت في وجهه
انس انزل تلفون لقاها مسكرة : اطلع برا
ايوب : كنك
انس يرن ع الاء : ايوووب حل من حذا وجهي خير
ابراهيم يضبح : ايوب تعال بسرعه شوف من جاء
ايوب : توا نرد عليك انتن بيش نتفاهم معاك
طلع انس رن مرتين علي الاء ماردتش رن اخري لقاها مقفل
...........
الحوش مليان علينا عمات باسم وصبايا عمامه وخلاته جن اخري مع بناتهن كيف جن يهدرزن ويضحكن وانا مره مره نشارك حسيت روحي تعبانه شوي
رحاب تمد عليا : اوفي هي
انا : شن هذا
رحاب : اميه زهر وزبيب
انا : لا مانحبش زبيب
رحاب : عارفه هذا عليش حطيت اميه زهر
عميمه : لا كولي كويس عشان يزيد حليبك ساد حلوه معجونه ماكليتيها
انتصار : جبيولها بالمكسرات
رحاب : والله فيه بس هيا ما تحبهش
انتصار غمزتلي : دلع هذا
انا ابتسمت : لا والله ما دلع توا ناكل زبيب بس حلوه معجونه مستحيل
رحاب عطاته ليا : احكي كلمة يا عميمه فوزية
ماما : هي كولي سلم بنتي عشان عويل
رحاب مدتلي انا خذيته قمعزت كويس وقعدت ناكل
مرات عم باسم : طعمتهم يا عويشه تطعيمه حديثه الولادة
عميمه : طعمناهم قبل مايطلعو من مستشفي انا ومحمود
مراه عم باسم : باهي يتربو في عزكم ويحفظهم
عميمه : ان شاء الله
انا كملت كنت نزرط في زبيب مانحبش بس كليته عشان علي روفان ما يشبعوش مني سلحت الوشاح قعدت نسقم في شعري
نسرين : تي كنك لابسه رشقه "خلال امتاع الوشاح" في شعرك
انا ضحكت : هما قالولي البسيه
رحاب : ادير في حاجات وحاجات لا ههههه
رن تلفوني بحتت لقيته باسم رديت : ايوه
باسم : شن جو
انا : تمام وانت
باسم : ميه ميه شن جو عويل
انا بحتت في روفان تنهدت : الحمدلله كويسين
باسم : تعالي في حوش بسرعه عندي شغل
انا ابتسمت : اصبر شوي عشان للمربوعه مليانه
باسم : تمام نرجاك
انا : باي
سكرت كملت وصبيت خذيت تبسي
سناء : هاتي خليك متريحه
انا : لا نبي نصبي شويا قمعزت واجد
طلعت وانا سناء خشينا للمطبخ
نجاة تعصد : كنكن
سناء : شي كنا يعني
انا : ربي يعطيك الصحة
نجاة : الله يسلمك
سناء قعدت تبحت : نساعدك
نجاة : لا شكرا بارك الله فيك تبي احمد يذبحني
انا ضحكت : شن داير فيك
سناء : مهبلني خوك اقسم بالله نظم في حوش من وراه وكان جاء لقاء نظيف يقعد يعيط يقولي تحركتي نقعد نقوله كان حملت نرقد ع سرير ولا كيف شن هذا يقعد يفترم يفترم بعدها يهدأ
انا قعدت نضحك : نذكر مرة لقاء قميصه بس مش محدد قلب الحوش كاين عنده موعد ضروري كنت انا مريضه نسيت نحدد بعد ماما قالتله اختك مريضه راقده في فراش قاللها باه عطيني اي حاجة ماتبيش تحديد نلبسها ونطلع، احمد صح دقيق في دبشه منظره بس كان الي يهتم بيه يمرض يقعد يلغي في طلباته عادي جدا ولا بعد خش شافني قعد يقولي غير نوضي يابطيطه فكيني من طروحك انا كنت مريضه من هذك هههههه تعرفي بعد خش عليا راه من فم الباب أنا في سريري بس حتي نفسي حسيته انقطع
سناء ونجاة يضحكن
نجاة : صار صاحبنا متعصب
سناء : لا مش عصبي باسم هو الي نار
انا ضحكت : باسم نار حرام عليك
سيلا : لا استاذ باسم واعر كثير
انا : حتي إنت ع باسم ياسيلا هههه
نجاة صبت تحط في عصيده : لا يا حناني ياواعر في امه وخواته يازين الحلوه الي جاته هما يقعدو هك بعد يجوزه سبحان من غير أحوال
سناء ضحكت : بس بعد يتعصب والله لين نخاف
انا تلفوني رن بحتت لقيته باسم : تعرفي ناس كلها تغير بعد زواج الا انس توا تشوفي قدام
نجاه : غير تقولي هذا من أول يوم تلقيه نعم وحاضر
انا فتحت الخط وانا نضحك : ايوه
باسم : وين وين ضحك وانا نرجا
انا : هي اني طالعه باي
سناء : باسم
انا : اها
سناء غمزتلي : عيد زواجكم اليوم
انا ابتسمت
سناء : عدي بسرعة
نجاة لهت في عصيده وانا طلعت سقمت الوشاح وعديت نمشي وحده وحده لين وصلت دقيت فتح طول
باسم : طولتي
انا ابتسمت : كنت نقرم فيك انت واحمد
خشينا قمعزنا في صالة
باسم : صار تقرمي
انا : اها خطرها نبي نسالك شن تبي ادير انت يوم الاسبوع
باسم : عازم الشباب العشاء كنك
انا : انا نبي نعزم صحباتي ماتجيش يوم الاسبوع
باسم : كان تبي تعزميهن اعزميهن كان تبيهن يوم بروحهن عادي شدي حيلك شوي واعزمي
انا : معناها توا نعزمهن بروحهن
باسم : تمام شن جو العويل
انا زمطت ريقي : كويسين نبي نحق الدار النوم امتاعهم
باسم صبي وصباني عديت نتفرج عليها كانن سريرين ودولاب بالفرش ستاير
انا عجبتني بكل : تجنن بكل حبيبي
باسم مسك يدي وساكت
انا : ربي يخليك لنا
باسم غمزلي : تعالي نقصو تورته
طلعنا صبينا جنب طاوله الاكل فتحها باسم لقيته كاتب عليها " كل عام وإنت معايا يافوبيا " ضحكت وباسم خش يجب في الموس يضحك حط شمعه ولعها طفي ضي وجاني من لاوراء مسكني من وسطي
باسم مسك الموس : هي نطفو
انا : نتمونو أمنية قبل
باسم : تي طفي وخلاص
انا طبست غمضت عيوني قعدت ندعي في سري شوي وصبيت
باسم : كملتي
طبسنا نحن الاثنين نفخنا الشمعة قصينها
انا برمت عليه حطيت ايديا ع صدره : كل عام ونحن بخير وعمر كله مع بعضنا
باسم باسني : ان شاء الله ياعيوني
انا : قصلي منها جت في خاطري
باسم : اووو غريبة
انا ابتسمت : نبي كلمة فوبيا ههههه
باسم يضحك قص يجيهه كلمة فوبيا جاب تبسي قعدت ناكل انا و ياه نفس تبسي نفس شوكه
باسم تلفونه رن طلعه : اوووه شغل هذا
انا : حتي انا نبي نرد مشغوله ع عويل
باسم حط تبسي عطاني مفتاح الحوش : خلي هذا معاك بعد تفضي عندكم خلي حنين تجي تأخذ تورته ياكلوها غادي
انا : وكلام الي عليها
باسم صبي خذا موس قعد يحول في كلام ويأكل فيه
انا نضحك باسم ياكل ويضحك : خربت شكلها
باسم : عادي هيا
غسلنا خذا الي فيه نصيب وطلعنا
.......
هنيده : عمر عمر نوض مغرب إذن خلاص
عمر هز رأسه
هنيده طلعت توتي في قهوه
عمر كيف ماهو ماتحركش
هنيده جابت القهوه حطتها جنبه وطلعت اتكت ع كنبه في غرفة الضيوف
عمر صبي خش للحمام وطلع شرب القهوه لبس خذا سفرة يبي يشيلها للمطبخ خش لقاه غذاء كيف ماهو عرف ان هنيده ماتغذتش عشان هو تغذي مع عمو محمد حط السفره وطلع يدور في هنيده لقاها في غرفه متكيا مغطيه رأسها بايديها
عمر : نازل تبي حاجة
هنيده ماردتش
عمر قرب منها : نحكي انا تبي حاجة للحوش
هنيده عطتي بظهر : تؤ تؤ
عمر ضغط ع سنونه وطلع
........
انس طلع ينط بالقيلات قارن حواجبه لقاهم ايديرو في بو مردم قمعز وساكت يسمع فيهم يهدرزو
ايوب : اووي كنك
انس : معش اديراه ليا جو بنات هذا ازف
ايوب يضحك بصوت واطي : إن شاء الله كنت تكلم في بنت العم
انس فنص : سكرلي فسختك خير
ابراهيم جاءهم : كنكم طحنتوها
انس : لا جو تمام
ابراهيم قمعز يكبرو في نار بحت في ايوب بصوت عالي : وانت كنك تسهوك كيف صبايا
ايوب : جوي فايح ازف كنكم امكم النكد
انس : نحن النكد ولا انت تنكد علينا و " سكت " خليني ساكت خير
ابراهيم بحت في ايوب : راك تبقي ذلذول مواطي روسنا يا هبلة
انس : تي فوته هذا ابو بدر
ايوب : تي حلو من سماء وجهي
رن تلفونه بحت مابش يرد
انس : عليا طلاق ترد عليهااااااا توا
ابراهيم عيط : الله اكبر
ايوب : سكرو ### راه يسمعونا شباب
انس : افتح الخط توا حلفت
ايوب بحت في تلفون : هاا سكرت
انس : رن انت
ايوب : ماعنديش رصيد
ابراهيم طلع تلفونه ضحك : اندزلك عادي
ايوب تلفونه رن تخري بحت لقاها ابتهال : احم
انس : رد يا ### امك رد
ايوب : سكرو افومكم بس " رد " احم الو ، اممم ، اممم . تمام .تم . باه .ان شاء الله . قلت باه تقريبا . اوكي
ابراهيم ضحك : لا مسيطر
انس : حسيت حتي انا
ايوب : هو اسمعو مني صبايا كان فتحتلهن معناها رحت فيها خوذلك طلبات خوذلك زنين ونحن ما نتحملوش في الي فيها جو وفي الي اثقل من امها ما تلقي فأنت خليك ذكر من أول يوم قبل كل شي " بحت في انس غمزله" قبل حتي ما تقطن امورك المهمه اقطن الاهم
ابراهيم قعد يضحك لين قعد يخبط علي وطي وانس مبتسم ويهز في رأسه يمين ويسار
ايوب : عليش تضحكو يا كلاب لازم تقطنو اموركم خير ما تقعدو من رجاله الي تعال يجي عدي يعدي
ابراهيم يضحك ويخبط علي وطي : اوكي يا مفتاح عشره يا مقنط ههههههه
انس انفجر ضحك وايوب ضحك
ابراهيم يضحك : انتم اقنطو بس مش شوري تقنيط انا
انس : انت كريك انفخ باتك بيش يعطيك فلوس
ايوب اطربق ضحك
ابراهيم ضحك : منوره يا بو نسيب
ايوب : تقوللنا مفتاح عشره حرجتي ع كريك ياسمحه
شباب يعطو : بالكي تحشمو ع وجوكم وتجو تساعدو وانتم تضحكو
ايوب : اذلو فينا عشان جبتولنا غذاء
شاب : نحن الي رنين فكني من طواطي يا عبدالعاطي
ابراهيم جاهم : والله كنا نحكو ع تقنيط مفتاح عشره ما مفتاح عشره
ايوب حط ايده في جيوبه : كريك نا كريك
شباب يضحكو ايوب وابراهيم قعدو يعاودولهم في موضوع زادو شباب في كلام انقلبت مزرعه ضحك بصاره قعدو يحكو ع فرح انس ورنو ع باقي شباب تلمو كلهم غيرو جو انس مع هذا كله كل مرة يرن ع الاء يلقي فيها مقفل
ايوب كان يضحك عشان ينسي ان انا قعد عندي عويل كان له يومين يدهور يمشي للاصحابه ليل كله مع ابتهال صح هوويحب ابتهال بس قعدت زي نقطة في قلبه ....
........
محمد : وين كنت
ابراهيم : كنت مع شباب
محمد : وين لعند ساعه 2 شن هيدقه
ابراهيم قرن حواجبه ويضغط على سنونه : كنك يا باتي مش صغير انا
الاء طلعت صبت جنب خالتي هدي
محمد : مع من كنت تلفون كنه بداية مقفل بعدها ولعته
ابراهيم : انس وايوب وشباب اصحابنا في مزرعة عمي علي وتلفون طفي شحن شحنته توا انا مروح في سياره
محمد : مره اخري قبل ما تطلع تقولي مانبقش نرجاك وانا نوض من صبح نشتغل
ابراهيم خش مربوعه هو راقيله من معاملة عمو محمد كان من دون بابا وعمو علي
خشت الاء للدار وعمو محمد وخالتي هدي للدارهم
