#فوبيا_الحب ❤
الحلقة الاخيرة [100]
جزء الرابع والأخير
انا نفس الحاله وباسم مايبيش يحكي معايا بكل ولا يناقش سكرنا اسبوعين كاملات بدون مبالغة انا نكابر وهو مسكر راسه ثاني يوم الصبح مرضت بكل معش قدرت من اعصاب كنت مش متريحه حتي في نومي
قعدت نستفرغ باسم ناض حط عويل عند عميمه وسعفني للعيادة كان يبحت فيا وانا نتالم وقارن حواجبه ما حكش معايت وصلنا حجزلي طول خشيت ع دكتورة ضربت اباري وروحت كنت مش قادرة حتي نفتح عيوني باسم يومها ماطلعش من حوش بكل الي كاين اسبوعين مايقعدش فيه بكل كان روح بدري يلعب مع روفي عليوه برا في جنان
هلي أول ما سمعو بمرضتي جوني طول جت معاهم الاء قعدن اسماء وحنين يحوسن وانا راقده في حضن ماما نجامل في كل كنت مرة مرة نغمض في عيوني نتخايل في باسم وكانه يضبحلي صبيت وشيرت للااء خشينا للداري الاء قعدت تحكيلي ع انس وعركتهم كيف حلت موضوع بدون ما يوصل للحد
الاء : عذبته خمسه ايام قريب مات من قهره
انا : شن مسج المدزوز
الاء : طبعا رمز تلفونه ع شكل نمط وانس داير حرف A رنت مرتين ودزت مسج وانس كان في حمام وانا نوتي في روحي قبل نبي نجي شوي دزت مسج كتبتله وينك اجوزت نسيتنا بابا يسأل عليك فقدناك وانا هنا نولع طلعته من حمام يجري تعركنا وخشيت حمام نسمع فيه يرن عليها
انا : لا حول لله و الله كويسات انا نعرف حوبه أكثر راه انتصار عشان صغيره تحسيها هادية ماتعرفش
الاء : فكيني من اشكال تخلينيش ندعي عليها بالله وقبل قلت نقلبها فوق راسه اخري نشفعه اندير روحي نمرض واندير الي ما يندار هو بيني وبيك لنقانها وجعتني منه بكل بس خوك مرابط مرضت جد قهرني طويل هذا ما نقدرش نسيبه حني بعد نبيه يحكي معايا نقهره عشان يحكي نقوله شيلني للهلي هو متحمل
انا ابتسمت : ربي ما يفرقكم
الاء : إن شاء الله وإنت كنك وجك اصفر ناقصه اخري شن صاير معاك
انا قعدت نحكيلها شن صار
الاء : هييييي يانعليا عليك موقف كنك ما حكيتيلي في تلفون
انا قعدت نبكي : مش قادرة والله ومقهوره بكل قعدت نكتم في قلبي وخلاص ومشكلة كان تشوفيه امبدري كيف يرعش بعد مرضت
الاء : اشر من انس باهي توا شنو درتي من حل
انا : مش عارفه نبي نتاسف كم مرة بس مش قادره خلاص تعبت وتعبني ونفسيتي صفر باسم هك طبعه يا يخليني فوق سماء لعند نبقي مش مصدقه روحي يا يخليني تحت الوطي ويتعبني
الاء : لعبتي ع وتر الحساس ولا لا شوفي انا انس مادرتله شي حطيت راسي ع صدره ديروحه بخطأ وانا قصدتها طول طاح
انا نبكي : حولت بس ماقربتش منه باسم واعر بكل بعد يغار نار والعه ما نعرفش نطفيها انا نحبه وإنت عارفتيني اني هبله ما نعرفش نحبرك المواضيع و لا نكذب ومانحبهش حركات هذينا بذات كذب نكرهه بكل هو اشر مني حتي كان ما شفنيش كنت حنحكيله بس ما توقعتش ردة فعله هكي تمام مرة اولي ضربه بس مرة هذه قلت يفوت طلع مرة هذه فش غلاه كله فيا تعبني انا معديش نياط نتحمل مانشوفش فيه الا وقت نوم يرقد في صالة له ثلاثة أسابيع ما عمره دارها ولا عمرنا بعد زعلنا طولنا درجة هذه في عرس هبه تناقشنا بس صح زعل مني بس ما تبعدش هكي ماطلعش من دارنا يومها لمست يده ونحن رقدينا رضي طول توا مايبيش يبحت حتي في وجهي
الاء حضنتني : خلاص ياروحي توا يراضيك اصبري بس توا تشوفي اليوم يحكي معاك ويراضيك هو يحبك غير يتغلي بس
انا : انظر عاد يبحت فيا ولا لا هذا ما تعرفيش دكتور في عناد
الاء : لا توا يحكي ويتاسف خلاص اسكتي راه تنوض عليك معدتك
انا سكتت قعدت نمسح في دموعي : لا كويسه عطوني إباري تريحت الحمدلله
الاء : صبي نطلعو توا يقولن خشن معش طلعن
انا صبيت : نغسل وجهي بس
غسلت وطلعنا هدرزو كلهم وقبل يبي يروحو باسم حلفلهم يقعدو ع عشاء تعشو وروحو حنين خذت العويل بيتتهم معاها قلتلها لا بس عرضت قالتي تريحو من صبح انتم في عياده قلتلها ع وجباتهم وروحو كلهم وخش باسم انا راقده ع سرير كنت لابسه كت متغطية وماده يدي ونبحت فيها كيف منخضره ع منحمره قعدت نمشي في صبي مكان ابره
باسم صبي جنبي : كويسه توا
انا فتحت عيوني وسكرتهن
باسم طبس عليا قرب وجهه من وجهي : شن حبيبي مازالتي تعبانه
انا هزيت راسي بمعني لا
باسم قعد يبوس في مكان ابره بشويش يبوس ويوخر كم مرة : ساهله فكرونتي
انا دمعتي نزلت فتحت عيوني : آسفة والله
باسم حضني ورفعني وخرني وخش معايا في سرير رقدني في حضنه : خلاص تريحي
انا مسكت في قميص وراسي ع صدره نبكي : كنت ديما في سري نقولك فيها اسفه اسفه نبيك تحس بيا بس انت تبينيش
باسم : خلاص عاد شن كلام الفاضي عنجد مانبيكش
انا دموعي ينزلن نشم في عطره : تصرفاتك هك يوحلي انت مجافيني
باسم ابتسم : تحبيني
انا بحتت فيه : نموت فيك
باسم ابتسم : باهي اسكتي
انا هزيت راسي وسكتت
باسم باس راسي يمشي في يده ع وجهي : انا الي اسف وإنت عارفه اني مانتحملش بعد ترقالي معش نعرف حد وتعبتك ياعيوني مرضتي بسبب عصبيتي زايده
انا خشيت في حضنه اخري مسكت فيه زين : المهم انك معايا نبي نرقد هك انا
باسم رفعني رقدني عليه حضني : ارقدي كيف ما تبي
انا بسته كل شوي نرفع راسي نبوسه ونرد نرقد يرد باسم يبوسني لين نعست باسم سهر يلعب ع شعري شوي ورقد
..............
بعد مرور سنتين ....
انا وابراهيم تخرجنا والاء مازاللها سنة تخرج بس توا قريتها عملي بين مستشفيات في نفس وقت تشتغل عشان تاخذ خبرة ومريم وياسمين خشن جامعه...
باسم في تخرجي دارلي حفلتين كبار وحفلة الي في جامعه جاني هو وعويل لابسين نفس لون وهو وعليوه لبسين رسمي وروفي لابسه فستان بطاقيته كيف أميرات وجو هلي كلهم وعربي بس مش كلهن..
