#فوبيا_الحب❤
الحلقة [62]
الاء طلعت من دار بنات لقت انس وايوب وابراهيم في مربوعه كل حد ع تلفونه
الاء : احم شباب
بحتو فيها
الاء : نبي شحن
ابراهيم : ما فيش طيري
انس فك تلفونه من شحن : تعالي اهو
ايوب طلع من باب خارجي وابراهيم رد ع تلفونه
الاء قدمت خذت شحن : شكرا "بصوت واطي " فوني في شحن لكن رصيدي كمل
انس : باهي
هاجر : انس انس
انس صبي : كنك
هاجر تبكي : منذر يا انس منذر ومالك مالك
ابراهيم سكر تلفون قعد هو والاء يبحتو في هاجر وايوب خش قعد مصبي مستك في هاجر
هاجر تبكي وتشهق وتلكلك : رنيت ع منذر عطاني ممقفل رن عليااا مالك قاااللي عطيني و وواحد من خوتك الله يرببحك شوفه يا انس شوفه ما بش يقولي شي قالي قولي للخوتك يرنو عليا
هبه طلعت من حمام ع صوت عياط وماما وبابا جو يجارو
انس حك رأسه قرن حواجبه : باهي باهي اسكتي
طلع وابراهيم وايوب طلعو لحقوه
بابا : كنكم
الاء مسكت هاجر وترعش : تعالي قمعزي بس ان شاء الله خير
هبه وماما قربن من هاجر
الاء : شوف انس يا عمو هاجر قالت مالك خوه منذر قاللها عطيني واحد من خوتك ع اساس يوم يروح بها لكن ما جشش
بابا بحت ف هاجر كيف تبكي ومنهاره وطلع
ماما تبكي : غير اصبري يا بنيتي ان شاء الله خير
هبه والاء قعدن يبكن
هاجر تبكي : نعلي مينو يا ماما حبيبي هذا حبيبي نعلي يارب ما تكسرني فيه يارب خليه ليا ياااااررربي "وتبكي"
تلفونها رن
هاجر توخر في ماما وبنات : هذا منذر حولن هذا منذر
هبه قمعزتها : غير قمعزي توا نجيبو لك
الاء عدت جابت فون : هذه حنان صبيتك
هاجر تبكي : الو وين منذر وراس عميمه تقولي قاعد قوليله يجي يأخذني نرجى فيه
حنان تبكي : تعالي تعالي يا هاجر ماما تبكي ومنهاره تشرط في دبشها مالك ما بش يدوي رن ع بابا قاله تعال نحن مش فاهمين شي
هاجر : كيف ما يبيش يدوي كيف
سمعت صوت عمتها تعيط ويسكتن فيها جارات : نعليا وليدي نعلي خذوه مني كبيري نعلي خذوه مني بكري نعلي قهروني الله يقهرهم
هاجر قعدت تعيط وعزقت فون : وووه عليا وووه عليااا "عيطت بصوت عالي " جيبولي منذذذذذر نبي حبييييبي نا نبي منذر
حنان تبكي في فون : وسعي بالك تعالي يا هاجر نبوك تجي جنب ماما الله يربحك تعالي بالك تصبريها
الاء ردت عليها : ان شاء الله خير وسعو بالكم ادعو بس ادعو كنكم ياخيا تفاولو ع راجل
حنان : هبه ديري بالك عليها هي وبيبي الله يربحك
وسكرت قعدت يسكتن في هاجر ما بت تسكت والعه فيها نار تبكي وتعيط تهاتي بإسم منذر وأنها وعدها ما يسيبهش وخاطره يشوف بيبي
........
انس : ما عنديش رقمه مالك هذا ترا يرد واحد منكم يجيبه رقم
ايوب : عندي نا مره شروه مني سياره خذيت رقمه
انس : مل عليا باهي
ايوب : 092...........
ابراهيم : عمي جاء
بابا : شن في كنكم
ايوب : شويا عمي توا نعرفو
انس رن : ايوه انا انس فلاني نسيب منذر معايا مالك
مالك صوته كان يبكي : اها مالك
انس : كيف صار وين منذر
مالك : انت عسكري ولا تاجر
انس : لا نا عسكري انس
مالك بالهفه : انس تعال في جلاء جيب معاك جماعتك
انس رد للمربوعه يأخذ في مفتاح سياره : باهي منذر كويس
هاجر سمعت كلمه سكتت تبحت في انس هو يدف في صالون باليده وكرعيه يدور ع مفتاح
مالك : تعال توا تفهم
انس طلع يجري : باه تمام
هاجر : اننننس "ردت تبكي " ضبحوله قولوله يجي يقولي وين منذر يا ماما كلميييييييه
ماما تبكي وحضنت هاجر : بسم الله ع بنيتي وسعي بالك يا امي مش كويس ع اللي في بطنك
هاجر تبكي وخلاص هنا قاعدات جنبها يهدن فيها وهنا برواحهن يبكن
.........
معاذ : أحمد هذا رقم انس
احمد : كيف انس رد ترا
معاذ : الو
انس : ايوه احمد جنبك
معاذ : اها امتي روحت انت حمد لله على السلامتك
انس : الله يسلمك عطيني احمد نرن عليه مقفل
معاذ مد فون للاحمد : يبيك
احمد : ايوه
انس : اسمع رد للحوش جيب كلاش امتاعي تلقاه في دولاب باتي واخر تحت سرير ايلاف وتعال في جلاء
احمد انفجع : تي كنكم ازف وانت امتي وصلت
انس : منذر مضروب في مستشفي
احمد : كيف كيف
انس : كاين مروح هو وأصحابه الاثنين شكله لحقينهم بسيارات كلاب واحد من شباب استشهد و منذر وشاب الآخر في مستشفي
احمد من صدمه خبر لعند صبي : كيف وين اختك باهي
انس : مازالت في حوشنا قالبتها عياط ما تقوللهمش شي قول كويس وخلاص
احمد : باهي باه
انس : سرع بس انا و باتي وايوب وابراهيم قريب نوصلو للجلاء
احمد سكر مد فون للمعاذ : منذر في مستشفي
معاذ صبي : كيف مستشفي كنه
احمد عدا جيهه فونه فكه من شحن وقعد يفتح في فونه : جلاء مضروب سكر احسابات انت وخلي مفتاح معاك
طلع يجري ركب سيارته وعدا للحوش
.........
خشيت للحوش سلحت دبشي وكلام نسمه في راسي ونبرم في حوش كلام يدور في راسي وصراحه كذبتها بس حسيتها تدوي بثقه خشيت خذيت دوش طلعت درت دلكه مغريبه لبست بدله شرت كامله لونها بودري جففت شعري لبست قوس ابيض يجنن ع شكل تاج بحتت في فوني لقيت باسم دازلي كروت رصيد و داز مسج " مش مطول حبيبي ترقديش"
رنيت ع الاء ماردتش وهبه خارج نطاق تغطية
انا : زعما نرن ع هاجر لالا اكيده روحت مع راجلها سامطه نرن شن يقول عليا باهي نبي نطمن كني ما حصلت حد عليك يوم شكله
رن تلفوني بحتت لقيتها سناء رديت
سناء : اوفي افتحي جاياتك
انا : هيا هي
سكرت وحطيت فون ع زيانه لبست طرفي وربطت ربطه ع شكل فيونكه لبست شبشبي ابيض وطلعت فتحت الباب
انا : اهلا خشي
سناء خشت بسفره : فيش كنتي ديري
انا : دوشت، شن هذا عليش متعبه روحك
سناء : قالتلك ماما امبدري ما كليتش كويس اسحري كويس عشان بكرا صيام بيبي بكرا مش حياكل
انا ابتسمت : سامحني متعبتكن معايا
سناء حطت سفره ع طاوله الاكل : تعبك راحه انتي جيبي بنوته سمحه بس واللي تبيه يصير
انا : ههههههه صار تبو بنت
سناء : رحاب وليد ومحمد عنده 3 فروخ نبو فرخه بيش بعد تكبر يقولولها طالعه للعماتها
انا : هههههه ان شاء الله تطلع كيف عماتها
سناء : نعليا نا ع قول حمادي
انا : خطرها نرن عليهم مابوش يردو عليا انشغلت عليهم
سناء : كنت نكلم في احمد قالي مارديتش للحوش بكل عمل فوق راسي كويسين ما فيهم شي عندك عليش تنشغلي
انا : ان شاء الله ، احمد مايفضش بكل في رمضان بذات آخر أيام نعليا لعند نخاف ونسهر لعند يخش هو وانس
سناء : امالا باسم في رمضان ما عمره اسحر معانا يروح صبح ديما
انا ابتسمت : تعالي قمعزي
سناء : لالا نبي نكلم قبل فجر ههه سلام
انا : عيشي حياتك شلطي
سناء طلعت وهيا تضحك سكرت باب وراها
انا بحتت في سفره انقرفت حشاك نعمه مع انها سفره تفتح نفس ما ودك غير تربع عليها خشيت للداري ورقدت ع سرير عشان معدتي قعدت تلعب فتحت نت عشان نكلم الاء كان فاتحه ولا لا
منال : وهذا اللي صار شفته وحق ربي وجت عيني في عينه
انا : اهلين بنات كنكن شن في
جمانه : اهلا وسهلا وينك
منال : مرحبتين بالغوالي
ملاك : اوفي كيف حالك
انا : الحمدلله كويسه كيف حالكن انتن
ملاك : كويسات شفتي يوسف
انا : شن صار
جمانه : يبي ينزل بنغازي اخري
ملاك : قاللها نبيك حلالي
انا : تي نعليا نا واخيرا الحمدلله طلع راجل
منال : مش غير راجل قد كلمته كبرت في عينه بعد قالتله صورتي لا حتي بعد شافها
انا : نجيها يا خيا تصون في روحها تمام بكل به وبعدها
ملاك : شكله هو عجبه موقف قاللها كل ما لك تكبري في عيني مع ان ززززن فوق رأسها واجد لعند رقتلها وزعلت منه شكله خاف عطاها كلمت امه واخته كبيره وقالتلها ان شاء الله نزوروكم قريب
انا : ما شاء الله تبارك الرحمن وحق الله فرحتلها بكل
منال : والله كلنا فرحنا وهي مش مصدقه
انا : وينها هيا فاتحه
جمانه : لالا تكلم في جوو
انا : ما شاء الله ربي يكمل عليها وعقبالكن يا جوجو و موني
منال : ههههه انا حرمت خلاص قلبي مش لعبه
انا : تقوليش هكي ربي كريم ما تندري ع دنيا شن دستلك
جمانه : ما دستلنا خاطي نكد استغفر الله هههه
ملاك : فيش تحسن مش آخر وحدين هذوما بعدين هذوما فروخ عويل مش رجاله
انا : فعلا مش اي واحد تستندي عليه في اللي يكسرك
منال : انا انكسرت مش قادره ننسي كل يوم نشوف فيه قلبي يوجع فيا يا بنات يوجع وحق ربي
انا رنيت ع منال خاص فتحت وقعدت تبكي
منال : قلبي يا اوفي قلبي
انا : معلش يا روحي تحملي ربي يعوضك ويجي من يجبر بخاطرك صدقيني انتي خساره فيه
منال تبكي : ربي يسامحه باتي ربي يسامحه
انا : قولي حمدلله
منال تنهدت : حمدلله ؛ خلاص نبي نسكر نشوف خوتي نسحرهم
انا : سلام ديري بالك على روحك معش تفكري هكي
منال : ان شاء الله
دويت مع بنات شويا وقلتلهن اني حامل وقريب طارن من فرحه قعدن يسمن في بيبي وكل وحده تقول انه هيا خالته ونا نضحك غيرت جو معاهن فرحاني بكل بعدها سكرت ما نندري ع روحي الا ونا راقده
............
مالك يبكي : يارب يارب
بات منذر خذوه خوته برا مستشفي
عويل عم منذر وعويل خوالا وعويل خالاته يبكو قالبين مستشفي خش انس معه شباب من كتيبه اصحابه معاهم اسلاح بجميع انواعه وبابا لقاه بات منذر برا قعد معه
ايوب : انس شوف مالك يبكي
انس برم وعدالا : مالك
مالك مسح دموعه وبحت فيه
انس : أنا انس
مالك صبي : جابك ربي
انس : شن صار
مالك : واحد رصاصه واحده واخر 3 رصاصات وصاحبهم اخر جاته في راسه مات وقتي منذر مش معروف وين جايته
انس قرن حواجبه : ان شاء الله خير ما تخافش منذر راجل
مالك : ان شاء الله وزعت شباب هما حطين منذر في راسهم قبل قصه هذه يهدودو فيه يبو يغتالو
انس : طلع موضوع هذا من راسك محد يقدر يخش للمستشفي الا باذن الله اتفقت مع رئيس مستشفي ورئيس قسم ودكتور اللي يدير في عمليه مضمون يقعد خوه مناسبنا
ابراهيم وايوب : ان شاء الله ينوض طيب
مالك : منورين والله
انس بحت في أقارب منذر كيف متأثرين ويبكو اذكر عبد الرحمن رفع حاجبه ماسك روحه مايبيش دمعته تنزل بببكل طلع للاصحابه لقاهم موزعين أرواحهم وجوهم صح بكل
انس عيطلهم : رجاله وحق ربي
شباب : منور يا فندي
انس شيرلهم بيده هك👍خش للمستشفي
