#فوبيا_الحب❤
تابع حلقة [47]
انا : منتصر منتصر
منتصر جاء : نعم
انا : كنه انس
منتصر : كنه
الاء انفجعت : كنهم يجرو
منتصر قرن حواجبه : مافي شي خشن جو
عبدلله جاء : تعال انت
انا : شن في ياعبدو ساعه قريب 10 ليل كنهم طلعو
عبدلله : مافي شي وخشن فكاني من طواطي
ردو جنب بابا وعمامي
انا : حسيتهم يهدرزو عادي بس بابا يرن انظر ع من
الاء : حسني انشغلت راه يبقي جدي صارت فيه حاجه
انا : فكيني من غباء كان هذا باتك بيقعد
الاء : حركة تافه اللي فيهم مايدوش
قعدنا سكتات شويه و خشينا جو نص ساعه وطلعنا اخري جو منتصر وعبدالله حطو لحم اللي شووه
انا مسكت تلفون رنيت ع باسم لكن ع رقم آخر امتاع عمل رن : حي رن رن
الاء : باسم ولا احمد
انا : باسم . مايبيش يرد عليا انا جايا من ساعه 7ونص هو مايردش من امبدري وانا نرن
الاء : دزي مسج
انا : دزيت ع رقم مدار ليبيانا هذا مايستخدمش فيه واجد ديما عازقه في سياره . اهو يرن . فتحت دغري
انا : ايوه
باسم : نا مش فاضي خليك في حوش مره اخري توا نشيلك
انا : رنيت عليك ع مدار ودزيتلك مسج
باسم : تلفون طاح مني و انكسر هذا عليش عطاك مقفل شفتش رناتك كنت جايك بس صارلي موضوع هيا خلاص اوكي
انا : باسم ارجي نا مشيت للمزرعه راه
باسم رقاله و بصوت عالي : شنو شنو كيف مشيتي ومن شالك كيف تطلعي تي انتي ماتمشيش للهلي لعند تقوليلي و ماشيه للمزرعه اخري
انا : غير اصبر انفهمك وانا رنيت عليك
باسم قص عليا بصوت عالي : من شااااالك
انا خفت وصوتي رعش : عويل عمي ابراهيم وايوب
باسم : اخري ياريت غير انس ولا عمي فروخ عمامك وانا مش معتبره امي راجل تطلعي بجوك وتروحي بجوك صح خليك عند هلك توا مش فاضيلك باهي
باسم سكر في وجهي دغري
انا قعدت نرعش : حي عليا يا الاء انفصل بكل قالي خليك عند هلك
الاء : غير اهدي بس وسعي بالك توا يجي هنا ويروح بيك وتفاهمو غير راقيله بس
انا : مش عارفه كنه منفصل هو بروحه
الاء : تعالي نخشو جو خليك عاديه بيش محد يلاحظ واهدي
........
باسم عزق تلفون في سياره نزل شاف سياره انس
انس درس سياره في باركي ونزل يجري : كنكم ازف مافهمت شي ونرن ع عمر مقفل
باسم : تعال خش
ايوب وابراهيم : شن صار
باسم مابش يرد عليهم
خشو يجرو للمستشفي وباسم قعد جنب سياره
انس : وين احمد
عمر : كويس قاعد يخيطو فيه
انس : كنكم شن صار وين جاته
حسن : كملنا جو للفارس وصلنا للقاعه ساعه 9 طلعنا من غادي كل واحد ع محله نبو نسكروهن ونعدو للكافي واحمد طلع قبلنا يبي يفك ع معاذ اسبوع اللي فات ماسكه بروحه وهو اللي مع فارس وصبي معه ونحن مافضينش واجد رن صاحب مول ع باسم قاله تعالو احمد ومعاذ دايرين عركه رن عليا باسم انا رنيت ع باقي وجيت هنا
عمر : كاين جايكم في طريق رن عليا حسن رديت كنت قريب من مول لقيت باسم حزها وخذينا معاذ واحمد للمستشفي بعد خششناهم رنيت عليك
انس مسكر ع سنونه : ### #### #### وينه
عمر : سكر فمك ازف كنك تسب في مستشفي هاديه ناس مرضى
ايوب : مع من تعارك احمد مش متاع مشاكل
عمر : صاحب محلات غادي قالولي اول ما خش احمد في صاحب كشك مقابل محل احمد قعد يعزق في كلام مش تمام ع احمد فرخ ولد حرام معه اصحابه جاينه في كشك 6 ع 2 ضربوه بعدها ### طلع موس بخوصه رقد معاذ فتحله كراعه قدام احمد يبي يفك موس ضربه في يده
انس بصوت عالي : وووووينه ولد حراام وينه
باسم خش راقيله : وسع بالك يا انس توا تنحل
ممرضه : لو سمحتو صوت
ايوب برم عليها : توا انتي شن دخل ### امك خليك في شغلك
ابراهيم كر ايوب : تعال هنااا وين يا باشا وين ماشين انتم سب وكلام بطل
عمر : عن ### انتم بس شن جيبكم بس
انس بعصبيه : باسم من كلب اللي ضرب احمد
باسم : وسع بالك توا تنحل نطمنو ع احمد ومعاذ بعدين ساهل راه معاذ في عمليات وشاب وحيد هله وباته ميت يعني اهدأ بالله خلينا نشوفو جو
انس جاء يبي يدوي فونه رن بحت فيه : عمر هذا باتي
عمر : تلفوني وين انا
باسم : اكيده في سيارتك
عمر خذا فون ورد : ايوه حاج
بابا : سلام عليكم
عمر : عليكم سلام
بابا : ايوه عمر شن في هذا نط بروحه قعد يقول امتي امتي
عمر : اها "سكر تلفون بحت في انس" مادويتش انت
انس : تي انا كنت فاهم بيش ندوي قتله مش عارف وخلاص
عمر : قتلك يا حاج مافي شي جت ساهله غير احمد مهدرز هو واحد كلمه بالكلمه مدو ايديهم ع بعضهم لكن الحمد لله
بابا : كيف كلام هذا من مضروب باهي
عمر : احمد ومعاذ هما الأثنين ساهله ان شاء الله اليوم نبو نطلعو بيهم
بابا : توا نجوكم وين قاعدين
عمر : لالا خلوكم غادي شن جيبكم بعدين قلنالكم توا نجوكم
بابا : توا نمشي جو عندي بعدين في ليل توا نجيكم
عمر : خلوكم يا حاج توا نجوه صبايا اللي معاكم وين تجو
بابا حق ماما : باهي توا نرجوكم ع عشاء ماطولوش بس
عمر : ان شاء الله يا حاج
.......
باسم عدا للاستعلامات عشان يدفع باقي مبلغ لحقه انس
انس : باسم
باسم برم : ايوه
انس : خليك توا نا نطلع نجيب شيك في سياره
باسم : عليا طلاق ماهي صايره بعدين نا معايا فلوس في سياره واسكت خلاص حلفت
انس : استغفر الله وخلاص
باسم رد بحت في امتاع استعلامات : خلي ملفاتهم مفتوحه واي حاجه قولي
ردو وطلع دكتور من عند احمد
صبو شباب قربو
دكتور : سلام شباب
عمر : كيف حالهم توا
دكتور : انا عندي حاله بس حاله اخري في عمليات وشاب اللي في غرفه قمحاوي عيونه ملونات
انس : احمد احمد كنه هذا
دكتور : لا تمام خيطتله توا الحمدلله بس يمشي ع دواء ياريت يا شباب من آخر هك مانبيش وجيج راه يجو امن ويلزوكم يقعد دوشه ومرضى هما بروحهم يعانو يعني مش لازم ارجو صاحبكم لاخر ان شاء الله ينوض بسلامه ومش لازم من عياط
عمر : لا تمام ما يهمك شي بس عادي نخشو للاحمد
دكتور : اها عادي بس مش كلكم بالمجموعة
عمر : خش يا
انس خش قبل مايكمل عمر كلامه
عمر : تعالو يا شباب
حسن : خشو انتم نحن توا نخشو بعدكم مهم توا كويس
خش ابراهيم وايوب وعمر
وباسم وحسن قمعزو ع كراسي شويه وجاهم عيسي
عيسي : شن صار
حسن : كنك طولت
عيسي : سياره وقفت معش بات تولع خذيت تاكسي
باسم صبي وعدا نهايه ممر
عيسي قمعز : ادوي ازف
حسن : معاذ في عمليات واحمد كويس
عيسي : شن قصه من بدايه شن سبب عركه
حسن : شباب اللي معاهم في مول قالو فرخ ### اللي في كشك هو اللي ينابش بالكلام واحمد له كم منفصل بروحه كلب قعد يخبط ع قزاز محل احمد هد عليه و
طلع دكتور جاهم
.......
انس : الحمد لله علي سلامتك
احمد يشير بايده معني تمام
عمر وابراهيم وايوب : الحمدلله على السلامه
احمد شير اخري
عمر : شن جو جاكي شان اللي دايره ليا انت
احمد قمعز : شن صار في معاذ
عمر : في عمليه
احمد هز رأسه : اكيده امه مشغول بالها توا
ابراهيم : ان شاء الله ينوض منها معاذ راجل ويتحمل
احمد : فرخ ###، ارفعو عليه قضيه
ايوب : أين قضيه يا باشا بلادي غابه
عمر : سكر فمك انت اين غابة وربي كعبه يقطن في حبس
انس : افطن باتي توا يخشش امها قبائل غير كان تقولولي من و وين يسكن وربي وربي نجيبه مقطع
عمر : كرندايزر سكرلي فمك انت لاخر
انس : ### ام خوف يا عمر ازف
عمر تنرفز : ### يا ### اللي نخاف عليهم دفنتهم نا خايف انا روحي بايعها من زمان خايف ع هلكم يطيحو بينكم وانتم جو الفروخ اللي ديرو فيه
احمد : باهي وين باتي
ايوب : قاعدين في مزرعه قالتله ما تقول للحد
احمد : تمام ، شن هذا دارلي خروج ولا مازال
عمر : لالا قمعز هنا واسكت انت لاخر
احمد : غير فكوني مش تكبير طواطي فتحت يد هيا
انس : 32 بونتو يا استاذ
دق باب
باسم : سلام عليكم
شباب : عليكم سلام
احمد : شن صار في معاذ انت عارف فيه سكر
باسم : والله ماني عارف يا راجل نحجز ونطلعه برا
احمد صبي وتغذيه في يده انفجع : تي كيف شن صار
باسم قرب : انت قمعز بس توا نصرف بروحي مافي شي كويس
احمد تعصب : تي شن قمعز وخر ازف
احمد كر تغذيه وبيطلع وعمر يكر وانس يكر مع خشت دكتوره : احم
احمد بحت فيها : اهي جت هي اكتبي خروج بسرعه
دكتوره : قمعز ياخويا اين خروج هذا راه قريب ماقطعلك شريان
انس : تي قمعز يا راجل
احمد : تي معاذ في عمليه راجل عنده سكر
باسم تنرفز : باهي نا نقعد بينكم ع اقل انت تريح وانا توا نشوف معاذ ازف
دكتوره : شاب اللي في عملية كويس غير نحن انديرو في احتياط عشان عنده سكر وكنكم كلكم متوترين وعلي فكره كان مش رياضي يدخن وعنده سكر راه مات وقتي قبل ما يوصل حتي للمستشفي
احمد : يعني طلع
دكتوره : اها بس لازم من علاج طبيعي وتوصيات دكتور يتنفذن
عمر : اصلا خشينا بيكم مستشفي انتم الاثنين مش فاقدين واعي
دكتوره إبتسم : تريح يا استاذ والحمدلله علي سلامتكم
ايوب : احم
دكتوره طلعت
باسم : توا نجي
احمد قمعز : كنه تنرفز ## هذا
عمر : والله كان تشوفه شن دار أول ما وصلت لقيته يهزب في امتاعين مول وصاحب محلات عشان ماسعفكمش بعد رن عليه واحد من شباب امتاعين محلات هو اللي قاله تعال قبل ماشي للحوشه اختك سكنت وهي ترن لعند تلفونه طفي شحن رنو عليه ع تلفون اللي دايره للشغل قالوها له رن ع حسن وحسن رن عليا وعلي عيسي وانا رنيت ع انس خشيت لقيت باسم يعيط وقالب مول ويرفع فيكم انتم الاثنين
احمد : اها واعي بى كر من جيبي مفتاح محل
عمر : خلاص هنا انا وصلت ركبناكم سياره وطلع بيكم باسم وانا رديت سكرت محل وجيتكم علقت وراء دغري نزلناكم وقعد يحكيلي قالي تفلوجت ايلاف ترن عليا وعلي احمد سكر تلفونك وتلفونه لاخر انكسر هو يشمر فيكم
احمد : والله نا كنت عادي غير هو ازف كلامه مش تمام ويسب قدام ناس وزبائن معاذ قالي نبي نطلعه قتله فوته هو قرب من محل كلام يا راجل معش فهمته ياقطاعين ارزاق يا سراقه ترخص في بضاعه عشان تسرق زبائن هو عقاب كشك يبيع في دبش عويل صغار ونظارات شمسيه مش واعي فرخ ويسب بعدها قعد يخبط ع قزاز محل طلعتله نبي نوخره دفعني مالقيت روحي الا طايح فيه ابواني رقدته ع وطي ويجو اصحابه عليا وصار اللي صار
انس : كنك مارنيت عليا ازف
احمد : بيش تكبر
انس : وخلي ### ### تكبر ها تنضرب
احمد : انا راجل خذيت حقي بيدي ما قدرش يلمس شعره مني هو فرخ طلع موس
انس : وين موسك
احمد : قاعد لكن ماطلعتش مادام عندي جهد بيد وانا نشلطه خربته خريطه وجهه
عمر : خلاص سكرو ع موضوع توا نحلوها
احمد : لا تحلها لا شي موضوع نحل امه انا
عمر : قوله للباتك كلام هذا
ايوب عدا فتح باب وقعد يبحت : اسمعو من اخر كان فيها مرافق انا نبي نرقد مع ولد عمي
ابراهيم : زنبور ازف فطنتلها
انس : تي واضحه اكبر منكم يا كلاب
احمد : لنقانكم ### من آخر مش وقتها براده
ايوب طبس ع احمد : كنك ياحبي قلب مازال ماعرف حي كان يعرف يقلبها بكاء "قعد يدوي زي بنات" نعليا حمادي كنه نعليا
احمد يلطه بوني : وخر يا ### وانت تقول شك## شي حتي بنات ماهن هكي
عمر وابراهيم وانس قالبوها ضحك خش حسن وعيسي شفطو ومشو وقت جابوه جنبه معاذ خش باسم قعد لكن ما دوش واجد ومعاذ رن علي امه طمنها قاللها بايت عند احمد واحمد كلمها قاللها اطمني ووصاته عليه عشان ماياكلش حلو وردو ايوب وابراهيم للمزرعه قريب مع ساعه واحد
..........
ماما : احمد مايبيش يجي عارفنها لكن وين باقي شباب نبو نحطو عشاء
بابا : حطن منذر يبي يروح عقبيلهم وخلاص
ماما : كيف نعقبلهم كنهم عدو هما مش كاينين هنا
بابا : حطي وخلي ليله تكمل ع خير مش ناقصه
وعدا وسيبها وحطو وتعشو وغسلنا مواعين وانا ماجتنيش نية ناكل بكل صراحه قلبي واكلني وزادني باسم سكر في وجهي معش عرفته يبي يجي ولا لا شويه جاء ابراهيم وايوب طمنو بابا وعمامي وروحو بينا وانا روحت معاهم للحوش وركبت مع بابا رنيت ع باسم كم مره لكن مايبيش يرد عليا طلعت قمعزت معاهم
ماما : فرح صاحبه كمل كنه معش جاء فرخ
بابا : كويس مافي شي غير داير عركه توا في مستشفي مطعون بالموس جت ساهله في يده
انا نطت : هييي حي عليا نا
ماما : وووه عليا اوليدي وووه شن جاء
بابا : قلنا كويس وخشو ارقدو فكوني من عياط في نص ليل
هبه : كيف نرقدو يا بابا انس واحمد عمو عمر برا
انا قعدت نبكي : الله يربحك يا بابا شيلني
ماما تبكي وتخبط : جيبي جلبابي
بابا : مافيش ماشي وخشو ارقدو
ماما بصوتها عالي وتبكي : والله ماني خاشه نبي نشوف وليدي نا وبعدين كيف تبي ترقد وولدك في مستشفي كيف يجيك النوم بس نبي نعرف
منتصر ناض : كنكم كنكم شن صوت
بابا تنرفز : خشي البسي وانت تقعد مع خواتك هنا
منتصر بصوت واطي : عليك قصه ### هيا كنكم ازف
بابا طلع وماما خشت تلبس وتبكي وانا لحقتها
هبه : سكر فمك يا حيوان خوك في مستشفي
منتصر فنص عيونه : كيف من فيهم
هبه : احمد دايره عركه
منتصر : تبصري عنجد احمد كان تقولي انس نصدقك لكن احمد
هبه : مضروب بالموس اخري
منتصر : حي ع جدهم وحي مع من طحنه
هبه : وين نندري نا
.........
انا نلبس في ماما ونبكي : ماما قولي لا اله الا الله وحدي الله قالك كويس
ماما : نعلي وليدي نعلي كبيري نعليا نا أول فرحتي عطه موت اللي ضربه ايوه اجعنها في كبيدته كيف ماطعن كبدي ايوه يا الله يا الله
انا نبكي وخلاص : ماما طمنينا باهي
ماما طلعت ونا خشيت في دار عزقت روحي ع سرير وقعدت نبكي نبي ندوي لكن ماقدرتش وباسم نرن عليه مايبيش يرد وقت متأخر نقدرش نرن ع عميمه وبنات مرات صايره فيه حاجه حتي بعد كلمني صوته مش عارفه حسيته زي مفجوع بعد قعد يعيط ارتبكت وخفت هو ماعطنيش فرصه ندوي نسمع في هبه و منتصر يحكو برا وجاهم عمو محمد ونزلت الاء شويه وبعدها جاهم ايوب يضحك فيهم يغيرلهم في جوهم وانا ماطلعتش للحد نبكي وخلاص
........
احمد : باسم عدي تريح خلاص قريب 3
باسم : لا رنيت ع محمود قتله طمنهم
احمد : اها قلتلهم
باسم : لالا قلت للمحمود ماتقولهش
احمد : تمام
باسم : توا نجي نا ناسي تلفون في سياره
عمر : عدي تريح يا راجل
معاذ : والله تروح تعبت انت من صبح راك
باسم جاء يبي يدوي
احمد : مربوحه يا راجل روح راه نحن رقدنا نضنا حتي كان ساعه بس انت ماتريحتش
باسم : تمام ازف عليك سكنان تصبحو علي خير
شباب : وانت بخير
احمد : قول للانس تعال قاعد برا
باسم : تم سلام " ورد " آه جبتلك تلفونك
احمد خذا : منور
طلع باسم للسياره شاف انس في سيارته ويهدرز في فون شيرله قاله يبوك جو وركب شاف فونه لقى رناتي رن عليا
انا بحت لقيته باسم رديت وانا نبكي : الو
باسم : هاا كنك رانه
انا : نبي نطمن عليك
باسم : كويس شن تبي
انا : سلامتك نبي نقولك نا في حوش بابا
باسم : به خليك غادي
انا : كيف
باسم : كيف الكيف مش ناقصه خليك عند هلك نا بروحي تعبان وراسي مصدع سلام
سكر وانا نزلت فون قعدت نبحت معقوله هذا باسم ولا عشان زعلان ع احمد ولا زعلان مني خشت عليا هبه
هبه : كنك تبكي
انا رقدت وغطيت روحي : طفي ضي نبي نرقد
....... .
انس : خلاص سكري نبي نشوف شباب وهلي اهم جو ازف عليش جايا امي
الاء : كيف من قاللها تبي تشوف احمد ياناري طمني عليه بس
انس : باهي حبيبي معليش سوال
الاء : تفضل
انس : عنجد جفاف ازف ماحسيتش روحك من امبدري وين جاته وكيف جاته مع من مكالمه هذه بعد تصالحنا اسمها برعايه طحنه احمد
الاء : هههههههههه شن انديرلك انت قتلي نبي نسكر
انس : نعليا نا من ضحكه سمحه هذ
الاء : باهي وبعدها
انس : بعدها توا نقوله لكي بعد نجوزو
الاء : باهي خلاص
انس : ههههه حي علما النقطه انفصلت
الاء : انس معش تقولي نقطه خير
انس : باهي تمام نمله عادي
الاء : تي ليش نقطه ونمله
انس : عشان انتي حدايا معش تباني
الاء : لا انت اللي طويل بس
انس : ههههه باهي نا طويل شن تبي اديري
الاء بصوت هادي : ماه نا ليش حبيتك عشان انت طويلي حبيبي انا بس
انس بصوت رجولي : تي نعليااااا نا شن عسل هذا ياربي من وين تتاكلي انتي بس
الاء سكتت
انس بصوت هادي : حبيبي نا اللي مرايف نحبك يا نقطه
الاء : نا نموت فيه ومرايفتك عرم بكل والله
انس حس من صوتها تبكي : ع شن مرايفه
الاء : كل شي نحبك بكل نبيك توعدني ما نكونش للغيرك
انس : لعند آخر نفس فيا وانا نحارب عليك انتي ليا انا بس واللي يجي شورك نذبحه
الاء : ربي يخليك ليا حبيبي
انس : ويخليك ليا ، هي حبيبي تريحي وارقدي نبي نخش لشباب انا
الاء : حاضر حبيبي باي
انس سكر وقعد يبحت في تلفون باس تلفون ونزل خش لقاهم راقدين ماعدا احمد
.......
انس بصوت واطي : كنك واعي
احمد : جت امي وقعدت تبكي يا راجل قصه
انس : شفتها بعد خشت عارفتها فيها دراما مابيتش ننزل ههههه
احمد : جتني ترعش ازف والله خفت عليها
انس : امي ديما خايفه علينا
احمد : غير تعال يا كلب فك شفرتي حطها في تلفونك نبي نكلم المراه
انس خذا تلفونه : كيف تبي تكلم نا مش راقد راه "وابتسم"
احمد : اصلك ### جيب مفتاح سيارتك مش كنت تشلط حتي انت تحسابني صغير نمص في صبعي
انس عطي فونه ومفتاح : خوذ واسكت وانا مانلعبش
احمد طلع وركب سياره انس ورن ع سناء
سناء فتحت وكانت راقده : ايوه
احمد غمض عيونه : شن جو
سناء قمعزت بحتت في فون : الحمدلله
احمد : ها تريحتي ولا مازال ماكره فيا
سناء : انت مش حاس بيا انت عشان تفوز في رهان تبي طلع فرح لكن الحمدلله ربي مصبي معايا وعميمه عارضت بيش تشوف نيتك بس
احمد : واقسم بالله يا بنت ناس انتي فاهمه خطأ حسيتك مازالتي شاكه في حبي لك أنا نحبك وشريك وقصه رهان هذه عشان ربي يحبني ويحبك كتبنا للبعضنا لكن وعد أول ما نطلع من مستشفي نجيك براسي ونوضحك قصه كله غير فوتي مو
سناء انفجعت : شنو شنو مستشفي
احمد ابتسم : اها راقد في مستشفي انا
سناء قعدت تبكي : حي عليا نا كنك شن جاك شن في شن صارلك
احمد فرح : اهدي مافي شي والله ساهله
سناء : كيف ساهله لا لا لا توا تجيني توا
احمد : وين نجيك في ليل صباح رباح
سناء تبكي : نبي نشوفك بيش نطمن
احمد ابتسم : خفتي عليا
سناء : وين جاتك
احمد : خفتي عليا
سناء : واعره ولا ساهله
احمد : خفتي عليا ولا لا
سناء : اها اها وتعال نبي نشوفك نا خفت وقلبي قلبي تعال توا نبيك نبي نشوفك تعا
احمد قص عليها بصوت هادي : نحبك نحبك وربي نحبك مستحيل نخليك انتي ليا نا والله كان نجيك توا ماندير خير خليها بكرا حبيبي
سناء هدت وسكتت بكل
احمد : شن نجي تحملي ما يجيك
سناء ساكته
احمد : حبيبي معايا
سناء : اها معاك نسمعك فيك
احمد : ااااه ع عذاب اللي عذبتيه ليا يافرخه
سناء : احم
احمد : توا نجيك ونفهمك
سناء : باهي انت كويس
احمد : كان نحسابك تبي تليني معايا راه فتحتها يدي بروحي من أول يوم
سناء : في يدك يا عيوني
احمد : في يدي واللي توا خشت في قليبي
سناء : بعيد سوء عليك وين قاعد
احمد : في سياره انس معايا مرافق ع اساس
سناء : لالا خلاص خش تريح ع سرير
احمد : لالا نا ماصدقت رديتي عليا خليك معايا مرايف عليك بكل
سناء بصوت هادي : نبيك تريح توا نكلمك بكرا
احمد : صوتك راحتي خليك معايا بس
سناء : حاضر
قعدو يهدرزو ليل كله لعند جاء انس عشان موعد مضاد
.......
باسم خش للحوشنا خش للدار خذا دبش دار دوش وجاء ع سرير ماجشش نوم طلع ع صالون فتح تي في تقلب ماجشش نوم خذا مفتاح وتلفون وطلع برم برم أول ما جت ساعه تسعه باب حوشنا يدق بالقوه نضنا مفجوعين
.......
يتبع...
رايكن😉
#Fafy fa
