#فوبيا_الحب ❤
الحلقة [55]
باسم : اوفي
انا : نعم ياروحي
باسم : هيا ساعه 7
انا نلبس في وشاح اطلع انت توا نلحقك
باسم : باهي خذيت معايا حفاظه راه
انا : تمام
باسم طلع شاف رانيا قدام سياره جنب زرع بضبط تسقي
رانيا : اهلا وينك اليوم
باسم فتح سياره حط حفاظه من لاوراء : هذه ترويحه من عمل طالع اخري
رانيا : اها يعطيك صحه
باسم ابتسم جاء يبي يركب في سياره رانيا تعكفت في زرع وكان في شوك هي حطت كف يدها ع اساس تبي اتكي روحها جت يدها ع شوك عيطت باسم برم
رانيا قعدت تبكي : اااه يدي دم
باسم جاها يجري صباها : بسم الله كنك
رانيا شيرت ع كرعيها : حتي من هنا
باسم صباها : من قالك اسقي انتي بواب بس يسقي
رانيا تبكي وبحت في يدها : دم شوف يدي دم
باسم مسكها من ايديها وسطها : تعالي قمعزي ع كرسي ساهله
شالها جيهه طاوله وكراسي جنبه شلال تحت في انجيله خضراء
انا طلعت لقيتها يمشي فيها زي عويله صغار ويده ع وسطها انصدمت صبيت قعدت نبحت وخلاص
باسم قمعزها : خليك هنا توا نجيبلك معقم وشاش ساهله راه تخافيش
رانيا تمسح في دموعها : لالا واعره شوف شوف
"قعدت توري فيه ايديها ورفعت كمام بجامتها "
باسم : باهي توا نجيك
انا مازلت مصبيه مع طلعت رحاب ومحمود من حوشهم
جو جيهه رانيا وباسم
محمود ورحاب : سلام عليكم
باسم : عليكم سلام
محمود : كنكم
باسم : توا نجيك خليك
عدا يجري للحوشهم جاب علبه إسعافات اوليه وانا كنت مصبيه جنب سيارته وزرع خش حوش ما شافنيش عشان وخرت شويه
رانيا : طحت
رحاب نعنك ما تردي : ساهله كنك تبكي
محمود : ترا وريني
باسم جاء جايب معه علبه إسعافات
رحاب رفعت رأسها : اووفي تعالي
انا فطنت شيرتلها بيدي لالا وخشيت للحوش
محمود بحت في باسم ورحاب كشخت ع رانيا
باسم : شوفها يا محمود توا نجي
محمود طبس علي رانيا وقعد يحول في شوك وينظف في جرح ولف بشاش شاف كدمه في ساقها مادوش
وباسم رد للحوش
رحاب : والله شورخ مافيها شي "ابتسمت"
رانيا : لالا لف شاش اخري
محمود بحت فيها : عليش
رانيا : عشان دم انا ما نحبش منظر دم بكل ندوخ
رحاب اووف
محمود قعد يلف ورانيا مره مره دمعتها تنزل هي ديما خايفه ع روحها واجد تحبش جسمها يتعلم وكدمه وجعتها عشان كراعها جت ع حوض امتاع زرع بعد طاحت طاحت بالقوه بعدها خشت للفيلا ومحمود ورحاب طلعو من فيلا
......
منذر يلبس بدله عمل : توا نخلي حنان ولا هويدا يركبلك
هاجر : انت مطول
منذر : لالا ساعه ولا ساعتين طاق مشوار عند صاحبي ماشي للعمل ونجيبلك حاجاتك و نروح
هاجر : دير بالك علي روحك يا روحي
منذر يأخذ في سلاحه ودخان وتلفونه : حاضر كان جت في خاطرك حاجه رني عليا
هاجر : جيب جبنه بوك و فيلادلفيا بيكملن وجيب شياش اميه صغار عشان اميه هذه اععي
منذر طبس عليها باسها ع رأسها : حاضر يا فأر كمليها ليا جبنه باهي
هاجر : هههههه
منذر طلع وهاجر لحقاته يلبس في كندره حط سلاحه ف جيب مكان سلاح
هاجر : استودعك الله الذي لا تضيع ودائعه
منذر ابتسم : سلام
هاجر : باي
نزل وكلم حنان ركبت للهاجر وهويدا في حمام وطلع للعمل
......
احمد يرن علي سناء ما تردش رن كم مره ماردتش
معاذ مقمعز : احمد شوف زبائن
احمد صبي جيهه زبائن وعيونه ع تلفونه
زبونه : بكم بلوزه
احمد مابش يبحت : 40
زبونه استغربت في سعر خذتها
بنت اللي معاها بصوت واطي : شكله تخفيضات تعالي ناخذو حاجه اخري بيش نفتكو من هالسريب
قعدن يبرمن في محل كله واحمد مازال نفس مكان ماتحركش وما بش يبحت فيهن
زبونه جاته : وهذا
احمد مابحتش : 50
خش راجل ومعه مراته وعويله
وعويل قعدو يزلحقو في محل معاذ صبي بشويه وقعد يبحت في عويل ياخذو في بضاعه فركسوها ويردو فيها و ساكت
راجل : تعالو هنا انا قلت
مراته : جيبهم
زبونه خذت بلوزتين وبنطولنين جت تبي تسلك كلمت معاذ عشان شافت احمد حاط فون ع وذنه
زبونه طلعت فلوس
معاذ حط دبش في كيس : 360
زبونه : لالا حساب 180
معاذ ابتسم : من قالها لك يا اختي
زبونه شيرت ع احمد : اهو شاب هذا
معاذ استغرب : احمد يااحمد
احمد برم عليه : نعم
معاذ : بضاعه جديده كنك منزل حقها
احمد : من قالها دافع فيها دم قلبي
زبونه : انت قلتها كل ما نرفع حاجه تقولي 40ولا 50
احمد : اه سامحيني متلخبط وين اللي خذيتيه
معاذ طلع بضاعه واحمد بحت فيها
احمد : 360 مع بعضهن هذينا
زبونه : خلاص معناها عطيني بلوزه بس
البنت اللي معها : انا تعبت من برم وعربك بكرا جاين بابا توا يهزب
احمد بحت في معاذ
زبونه بصوت واطي : تي اسكتي توا نلبس اي حاجه
احمد قرب : شن رايك تركبي بلوزه هذه مع بنطلون هذا تجي سمحه
زبونه : مع بعضهن بكم
احمد : اللي تحطيه عادي
معاذ فنص فيه
زبونه ابتسمت : شكرا بجد
احمد وخر : عفوا مبروك عليك
زبونه : يبارك فيك
معاذ طلع دبش وعطها بلوزه وبنطلون سلكت 180 وطلعت
احمد بحت في عويل ورد بحت في معاذ : هذا شنو
معاذ : انت كنك
احمد : كني
معاذ : منور ع تخفيضات
احمد : يا الله دير خير تلقي قدامك يا معفن
معاذ : باهي سكر فمك
احمد : طالع عند كافي انا نبي نسكافي نجيبلك
معاذ : باه
احمد طلع ومعاذ قعد يفنص في عويل ويخوف فيهم لعند امهم شرت وطلعو طابور واحد في جرت باتهم
احمد جاء حط نسكافي ع طاوله : عدو فروخ
معاذ يرد ف دبش : قلبو محل عويل كلب يجيبو ما يربوش فروخوهم
احمد ضحك رن فونه طلع وركب في سيارته
........
سناء كانت مقمعزه سرحانه وبعدها نطت تجري ركبت دارها مع خشت رانيا لكن مابحتتش فيها
عميمه : يا نا عليا بنيتي كنك
رانيا : طحت ياعميمه
حنين تضحك : طيح سعدك تعرفيش تمشي
رانيا قمعزت : مبردك
اسماء : حي شوفي كدمه توا تعلم
رانيا تجعون : تي هذا اللي خايفه منه انا نحبش جسمي يعلم
عميمه : معلش معلش ساهله
رانيا : والله توجع فيا يا عميمه
عميمه اضبح : ماريا ماريا
ماريا جت تجري : نعم ماما
عميمه : جيبي ثلج للروينا تحطها ع كرعها بيش ماتعلمش في اجسيمها
ماريا عدت جبت ثلج وحطتلها حنين مكان كدمه وهي تالم مش قادره وحنين واسماء يضحكن
...........
احمد : الو
سناء : ايوه كيف حالك
احمد : الحمدلله انتي وينك، عاش من سمع صوتك، قلت هربت بعد مكالمه امس
سناء سكتت
احمد : سنيوه وينك
سناء : معاك بس امس مارقدتش كويس
احمد : لنقاني طخيتها نومه صح احلي نومه امس
سناء : نوم عوافي
احمد : الله يعافيك، باهي كنك
سناء : شي
احمد : كيف شي ، من امبدري نرن ماترديش مسج صبح دزيتش انا دزيت
سناء : امس مابيتش نكسر بخاطرك بس والله تحشمت بكل
احمد : انا مادويت شي راه و انتي هذا عليش تبيش تردي
سناء : حاجه نفس هك
احمد ابتسم : باهي اسف يا عيوني اسف شن تبي اخري
سناء : عادي نطلب منك طلب
احمد استغرب عشان أول مره تبي تطلب : عيوني لك
سناء بصوت هادي : معش تحرجني والله ننحرج بكل
احمد تنهد : ادوي هكي بعدين قولي معش تحرجني
"سكت شويه " كيف معش تبيني نتغزل في قمر اللي عندي
سناء : لا قصدي ع حركات امس انت فاهمني
احمد ابتسم : لا مش فاهم ادوي
سناء بصوت هادي : حمادي
احمد ابتسم : عيونه وروحه
سناء تنهدت
احمد : باهي معش داوي غير ردي مره اخري تحرقيش دمي
سناء : باه حاضر
احمد : يحضرلك الخير
سناء ابتسمت : نجك ليا
احمد : حتي نجك ليا معش تقوليها
سناء : لالا مش هكي قصدي
احمد قعد يضحك سناء تلخبطت
سناء : نحبك بكل والله
احمد : نعليا نا نعليا نعليا "قعد يعيط في سياره " نعللللليا
سناء انحرجت : باهي خلاص اسكت
احمد : وربي ماني ساكت توا نوريك ، تي منك نا ندوي من صوتك من دلعك من حركاتك من طبعك من شكلك يا عنشكك بكل يا فرخه ملخبطه امي
سناء ضحكت : حبي في طلب اخري
احمد : تامري شنو اخري
سناء بصوت هادي : الغي رهان امس
احمد بصوت عالي : لاااا وراس امك وامي ماهو ملتغي مش دايره روحك قدها عليش طروح توا
سناء : ماه عشان موقف سامط
احمد : ما تخافيش توا نزيدله ملح وانا جاي توا نجيبلك شكاير ملح بعدين انا عارفه امتي ناخذها وين ناخذها تي نعليا انا تخافيش حبي
سناء انطمست بكل وسكرت في وجهه احمد قعد يضحك رن عليها مابتش ترد دزلها مسج
"والله تردي حبيبي مازالت ما شبعت من صوتك اسف معش ندوي غير ردي يا همي نبيك في حاجه "
سناء قرتها قعدت تضحك وتنش ع وجهه ودق باب
سناء : خشي
ماريا : ماما كبير تريد انت تحت
سناء : تمام شويه وننزل
ماريا طلعت وسكرت دار وسناء دزت للاحمد
" شويه اخري نرد عليك ماما تبيني"
صبت تبي تطلع سمعت مسج ردت
" ونا نرجاك ع ناار بس بسرعه "
ضحكت وطلعت
.....
ايمان : طولت يا روحي انشغلت عليك
اسامه : سكرت المكتب قريب نوصل
ايمان : حبيبي جبت اللي قتلك عليهن
اسامه بتعب : شنو اللي قلتي عليهن نسيتهن
ايمان بهزوه : نسيتهن
اسامه : اها شنو هنا بيش نرد نجيبهن
ايمان : خلاص معش نبيهن دابينك نسيتهن
اسامه : غير اصبري بس قوليلي شنو تبي
ايمان : وانا قلت معش نبي شي
اسامه : كنك مارنيتي وذكرتيني حتي خواتي رنن
ايمان : جبتلهن حاجتهن خواتك
اسامه : احم اها ، قوليلي انتي شنو تبي
ايمان رقالها : سلامتك ، سلام
اسامه بحت في فون لقاها مسكره خط قعد يذكر في حاجات مذكرش الا قطن حمادي عشان هو اللي مد شكاره قطن امس لقاها مازل كم طرف بس من كثر ما عنده عمل باع اراضي ومشاوير وكاين طالع من ساعه 7 صبح توا ساعه قريب 7 ونص مغرب ف نسى شن قالتله جيب وإيمان داويه من امس نوعها تحبش تكرر طلبها كم مره عشان هي اصلا من حوش هلي ماتحبش تطلب نهائي اللي يجيبوه لها تأخذها وتسكت ، عدا جاب قطن للحمادي وروح.
..........
انا اول ما خشيت للحوش كسرت أول فازه قدامي وخشيت للحمام نبكي من منظر باسم بين عيوني هو ماسكها من وسطها ويدودش فيها قريب ننحرق قلبي نار نلوم في روحي عشان حبيته ياريتني ما حبيته كان عارفه قريبته تبيه راه ما وفقتش بكل اذكرت نظرات ايوب كأنه يحسبن عليا اذكرت بعد نا ماحبيتش هو قالي نحبك اذكرت كيف واحد يحب ويقعد حبيبه بين ايديه لكن مع غيره اذكرت خيانه احمد للموني صاحبتي كيف كان يكلم فيها طريق كلها بعد وصل عند عيت عمه معش رن ولا رد عليها بعد روح بنغازي روح عريس ، اذكرت محمود كيف مشاته امه وخذاه بنت خاله وسيب جمانه صاحبتي كيف انقهرت وتلعن في قلبها وتقوللنا راكن تحبن شخص خطا اختارن بعقلكن قبل قلبكن خوذن اللي يحب قلبك قبل شكلك خوذن اللي واثق فيك واثقه في حبه ليك خوذي اللي يحترمك ويهتم بيك واللي يحرق دنيا عشان زعلاك خوذي راجل يكون قد كلمته يكون سندك ،، اذكرت بعد كنت في حالي مانحبش سيره شباب اذكرت باسم كيف قبل مايطلع قالي روحي وحبييي بعد طلعت لقيته ماسك رانيا اذكرت كيف فرحت بعد خطبني ع اساس نبي نطيره وانا كنت قريب نضبط احمد من فرحه اذكرت ايامنا في تركيا وكيف مركز معايا وكيف قالي نحبك و اذكرت كيف وعدني مايكسرني ولا يخذلاني عشان هو اول حب ليا وفرحه كانت في عيونه و اذكرت واذكرت واذكرت ونبكي في حمام نبكي معش قدرت نمسك روحي عشان مواقفها كثرن رانيا وانا متحشمه نعدي نقوللها سيبي باسم في حاله عشان حترد تقولي هو ياللي ماسكني و فعلا هو اللي كان ماسكها من وسطها شنو اندير ياريتني ما حبيته ولا عشقته درجه هذه قعد عندي هوس يغيب عليا ساعتين نرن عليه ولا هو يرن عليا ،، شويه ونسمع باسم يدق ع باب حمام
باسم يدق : ايلاف ايلاف
انا صبيت مسحت دموعي فتحت باب بالقوه بحتت فيه
باسم انصدم من شكلي : كنك تبكي
انا عليت صوتي : دابيك خايف عليها وتحبها عليش خذيتني عليش اه عليش شن انا لعبه بين ايديك ولا عشان لقيني هاديه ونزمط في قهاير واهانات بنت خالك ولا قلت هذه خوافه مش حتدوي
باسم قرن حواجبه : شن تقولي انتي علي من خايف و من نحب انا
انا : استاذه رانيا من خاطيها اللي قاعده بايته علي شان خاطرك
باسم علاه صوته : توا انا بحتت فيها عبرتها
انا نبكي : لااااا حشاك انا اللي ماسكتها من وسطها انا اللي كنت نجري عشان نجيب علبه إسعافات
باسم مسح ع وجه يبحت في عيوني : استغفر الله تي طاحت ع شوك ويدها وكرعها دم وانا كنت نبي نركب للسياره نرجى فيك
انا عيطت : وكان طاحت وكااااان انا اللي حماره انا طيبه فوق لزوم انا اللي ينضحك عليا بكلمتين "قعدت نخبط ع باب حمام " انا انا غبيه الي نصدق
باسم قرب مني مسك ايديا وثبتنهن
انا : حووووول حوول
باسم نزل ايديا ومسك وجهي وباسني ع .... ودموعي ينزلن ونوخر فيه مابش يوخر انا فشلت قريب طحت هو مسكني من وسطي وحضني معش عرفت نوخر عشان مكان الوحيد مكان هذا راحتي وخرت وقعدت ناخذ في نفس ونبكي حطيت يدي ع قلبي نمسح بالقوه مكان بوسته
انا : معش تقرب مني فااااااهم ، عاد انت البطل الجميع منقض ناس كلها إلا اناااا مانبيكش ومعش نبيك
باسم يبحت فيا تعصب : ايلاااف فيش تخرفي انتي
انا : انا مانخرفش انا نبي حوش هلي وخليك مع بنت خالك خوذو راحتكم "دموعي ينزلن " حسبي الله ونعم الوكيل فيكم
باسم فنص : حوش هلك شنو اللي تبي تردي بعد 3 شهور
انا : هااا تبيني نقعد معاك راك تحساب روحك مش حنرد عشان احمد وسناء لااا حولها من دماغك هذه انا الا كرامتي ساد وافقت عليك عشان صاحب احمد و سكتت بما فيه كفايه معش حد يدير حاجه ع حساب مصلحتي وانت قلت ناخذ فسخه هذه حتي كان كشفتنا ما حتي نفصلو عشان خوها لالالا انا مش هكي بكل
باسم قرب مني وضغط ع سنونه : ايلاف اسكتي قعدتي تغلطي مش عارفه شن تقولي راك
أنا قعدت نبكي : لا عااارفه وعارفه انك وعدتني وخذلتني انا اللي عارفه اناااا
طلعت وسيبته في حمام نسمع في قزاز انكسر وشيشمه انفتحت شويه وطلع
انا رقدت بدبشي ع سرير سمعت تلفوني يرن بحتت فيه لقيته هبه دزيتلها مسج
"نقدرش نجي باسم مازال في عمل" سكرت فون خشيت للحمام لقيت مرايا الحمام مكسوره لكن فيش دم خذيت دوش وانا نبكي ونظفت حمام وطلعت رقدت بعرض بالديشمبر
..........
انس : ايوه شنو جو
احمد : تمام شنو جو عندك
انس : ميه ميه هذه خشتي للفندق انا وشباب
احمد : عديت للمستشفي
انس : اها بس شكلي مطول
احمد : كنك عليش
انس : مش عارف بس دكتور قال شضايا ما شضايا
احمد : باهي خليك مهم صحتك
انس : نبي نروح معش امدايرها بكل
احمد : تروح امك مش تروح خليك توا اندزلك ايوب ولا ابراهيم انا شغل مانقدرش نجيك
انس : لالا مادزش حد تي كان يوصل واحد منهم هنا والله ماعاد يروح
احمد ضحك : عليش
انس : مفتوحه ع بحري يا طيري مش نفسنا بكل
احمد ضحك : خلاص توا نجي انا
انس : هههه اه انت تعال
احمد : امتي عمليتك وانت تعزم
انس : كان صار منها بعد بكرا
احمد : تمام ان شاء الله تطلع طيب
انس : إن شاء الله، قتلك
احمد : نعم
انس : كيف حالك هلي وعمامي
احمد : كلهم كويسين
انس : اها باه سلملي عليهم
احمد : يوصل تبي حاجه
انس : لالا سلامتك ، سلام
احمد : سلام
انس سكر وقعد يرن ع الاء مقفل : تي كيف صار شن فيه بلكي عشان مارنيش في صبح عليك قصه فرخه هذه تبي تهبل هلي فتح نت ودزها كم مسج خله عام ورقد
..........
منذر ماسك شكاير : سلام عليكم يا عرب حوش
هاجر كانت مع حنان في دار نوم وحنان بارمه عليها مكياج استشوار
حنان : حي ياريتني نزلت قبل ما يجي
هاجر تضحك : تي كنك
حنان : عليك حشمه وحق الله
منذر حط شكاير وخشلهن يكح بحت في هاجر بعدها لف عيونه في حنان دغري : شن جو
هاجر : الحمدلله على سلامتك
منذر مابش يبحت فيها حط سلاحه ودخان وولاعه تلفون ع كومديني : الله يسلمك
حنان متحشمه بكل : هيا سلام
هاجر : خليك تعشي معانا
حنان تفنص في هاجر : لالا صحه نبي ننزل للماما وهويدا بروحهن
منذر : قوليلهم يركبو خلينا نتعشوا مع بعضنا
حنان : لالا مره اخري "وطلعت تجري"
هاجر لحقتها : استني
حنان برمت عليها لقتها تعبي في شكاره شوكولاطات وعصاير وفواكه
هاجر : خوذي كسدي عليها انتي وهويدا
حنان ضحكت : تمام تصبحي ع خير
منذر طالع بكنتيرا يبي يخش للحمام : اسمعي حنان كان مالك لوطي قوليله يركب نبيه انا كنت عند امي مالقيتش
حنان بحتت في هاجر : حاضر بعد يجي توا يركب
منذر خش للحمام وهاجر قعدت تستف في مصروف وحنان نزلت لقت منذر جيبلها هي هويدا شوكولاطات وعصاير وبرونقز جيب دواء امه وباته شويا وخش مالك خوها قالتله تعشي واركب للمنذر يبيك
........
باسم قمعز في فيلا من لاوراء ع كرسي وحاط كرعيه ع طاوله ويده ع عيونه ولخري ع بطنه مع تدريست محمد
محمد نزل وجاء للباسم : كنك قاعد مش قلتلي نبي نشيل هلي للهلهم
باسم قمعز نزل رأسه وحط ايده ع ركبه : ما صار شي ايلاف تعبت قتلها توا نشيلك مره اخري
محمد يبحت في حوض سباحه : تعرف انا داير مشروع في راسي
باسم بحت في محمد : شنو
محمد : نبي نطلع علي يقرأ برا لكن زينب عارفها توا تسكر رأسها
باسم : وين برا
محمد : علي ذكي نبيه يأخذ شهاده كبيره نبيه يقرأ هندسه نفطيه
باسم : طلعه اهم حاجه مستقبله مشكله مش في مراتك في امي انت عارفه كيف غالي عليها عليوه
محمد : قصه والله
باسم : اوووف ان شاء الله خير وخلاص
محمد : تي كنك انت
مع خشت محمود
محمود : اجتماع من ورايا
محمد بحت في محمود شيرله ع باسم صبي : نا نبي نشوف امي ونخش نتريح تبو حاجه
محمود : لا سلامتك
محمد عدا ومحمود قعد يبحت في باسم
باسم : كنك تبحت فيا قمعز
محمود قمعز : شن صار معاك
باسم : جو تمام
محمود : رحاب قالتلي في سياره ع رانيا
باسم : يا عليك قصه هيا
محمود : اللي انت مش عارفه يا استاذ رانيا دايره طروح في ايلاف وبنت تزمط وتسكت ماشكتش للحد
باسم : اسمع انا دواوي صبايا مانحبش ### ### بكل
محمود : بس رانيا مكثره وانت راقد ع وذانك
باسم : شن مدايره بعدين رحاب شن عرفها ايلاف ما تدويش
محمود : في موقف في مزرعه رحاب سمعتهن قالتي كانت مخطمه لقيت ايلاف راكبه ع دروج و رانيا قالتلها باسم مازال راقد وبنت تنرفز يا راجل مهما كان كيف تدوي ع راجلها في نهايه فيا بنت خالك في موقف في اسبوع وموقف في لمه خالاتي يعني داويه في نص صبايا وبنت منحرجه وتسكت
باسم انصدم قعد يذكر كيف سألته ع فون يوم مزرعه لكن باقي مواقف مايعرفهنش : امتي كلام هذا
محمود : مش قتلك راقد ع وذانك
باسم : ما تدويش هيا ازف ماتدويش
محمود : قتلك بنت ماتدويش ماعندهش في نكد تبيش ادير طروح نفس بنت خالك
باسم تنهد حط ايديه ع رأسه : متعاركين توا قالتلي شيلني للهلي
محمود : ماتشيلهش خليها تهدا بعدها تفاهم معاها
باسم بحت في محمود : ### يوم اللي كلمت فيه رانيا
محمود : قتلك من بدايه صارحها عديت قلتلها داير علاقتين وفشلن توا رانيا تعتبر فيها تجربه يا حمار عليش تحسب فيها علاقه اوله بس علاقه عشان طولت معاها
باسم : مضغوط بكل وراسي يبي ينفجر
محمود : وسع بالك توا تنحل كان هضا شيلها للهلها تريح انت وهيا بعدين هكي ولا هكي فرح عمر يبي يبدا
باسم نط صبي : لا حوش هلها لا
محمود ابتسم : شكلك طايح يا فرخ
باسم قمعز : تي من قبل ما ناخذها فيها برائه وحق ربي ما شفتها في بنت ماعندهش في جو علاقات خشت دماغي وقلبي تقول سحر وحق ربي
محمود طبطب ع كتف باسم : توا تنحل تعال نعدو للحوشي رحاب بايته عند هلها
باسم : ساعه كم توا
محمود : 9 ونص
باسم : توا نلحقك عدي
محمود ضحك وعدا
باسم رد للحوشنا
......
اسامه فتح باب وخش : سلام عليكم
ايمان وعطيته بظهرها : وعليكم
خش اسامه حط حاجات في مطبخ مايشوفش في شي تعبان علق في زحمه ماوصلش الا توا خذا منشف وخش للحمام دار دوش وطلع لابس وعزق روحه ع سرير وإيمان تبحت فيه هو رقد طفت ع عشاء وحطاته في ثلاجه وخذت حمادي وطلعت في صاله قعدت ترضع فيه وتبكي وحمادي معش سكت رفعاته وتبرم به مابش يسكت خشت للدار تبي تأخذ اميه غريب اسامه ناض بحت فيها
اسامه : كنه محمد يبكي
ايمان : مش عارفه
خذت اميه وطلعت شويه واسامه لحقها لقاها تشرب فيه في اميه
اسامه قرب منهم : عدي تريحي توا نرقده انا
ايمان : لا لا توا نرقده بروحي
صبت بحمادي مازال يبكي جاء اسامه خذه منها وهي خشت للحمام خذت اله اللي تسحب في حليب بزعاته برا عشان بكت وحليب رعاش مش كويس للحمادي وطلعت خذاته ترضع فيه اسامه ع صالون ويبحت فيها وهيا مابتش تعبره
اسامه : حبيبي
اسامه : حبيبي
ايمان مسكت حمادي و صبت : تصبح على خير
اسامه : يارب صبر
خش دار لحقها لقاها تحط في حمادي في سريره وطلعت وهو رقد ع سرير يرجى فيها لعند خذاه نوم بس ايمان ماخشتش عشان غفت ع TV رقدت ع صالون .
.......
مالك : انا مالك
هاجر لابسه بدله صلاه : اهلا خش تفضل
مالك عطيها بظهرها : لا حتي هنا تمام منذر يبيني قوليله انا ع دروج
منذر : تعاااال يا فرخ
هاجر خشت : تي خش كنك
منذر جاء : هيا خش داير كبده تعشاء معايا
هاجر خشت للدار
مالك خش وعيونه في وطي وراء منذر قمعزو ف صاله
خشو للمطبخ حطو عشاء وقمعزو ع طاوله يهدرزو وياكلو
مالك : باهي
منذر : نبيك تقعد في ظهرهم ودير بالك عليهم عشان انت عارف مشاكل في عمل فوق راسي
مالك : قدم استقالتك تريح
منذر : مانبقش راجل مش فرخ انا بيش نوخر موت وحده وربي اللي كاتبه ليا يصيرلي حتي وانا راقد في فراشي
مالك : بس تهديد قعد علني يومها شفت ورقه ع سيارتك مكتوب فيها شيل روحك خوذ كلامي فوتهم
منذر : في رب مش خايف من حد انا مكلمك عشان تحط كلمتين هذينا في وذنك دير بالك عليهم وليدي في طريق كان صارتلي حاجه ماتسيبش بروحه خليك باته وعمه
مالك قعد يبحت في منذر
منذر : تمام ولا مش مركز امبلم
مالك حك وجه : باهي معش تطلع
منذر صبي : ان شاء الله خير بس حاول ما تخلي حد يحس ولا يسمع مشي أمور عاديه
مالك صبي : ان شاء الله انا نازل تبي حاجه
منذر : لا منور
مالك طلع و منذر لم مواعين وخش للدار شاف هاجر متمدده ع سرير جاها
منذر : نعليا نا شن سماحه هذه
هاجر : هههههه
منذر : مروقه ولا كيف
هاجر رقصت حواجبها بمعني اها
منذر جوا شين لكن مابش يبين للهاجر ابتسم : وانا رايق شنو يعني "غمزلها"
هاجر ابتسمت : يعني شي طفي ضي ونرقدو بكرا ماشيه للهلي من صبح
منذر : وعليش دايره وجك وشعرك عشان ترقدي
هاجر تضحك : عشان نفسيتي بس
منذر قرب منها : وانا تعبان نفسيتي مدمره
هاجر حطت يدها ع وجهه : سلامتك من تعب يا روحي
منذر يبوس فيها : تبيني نتريح
هاجر : اها شن تبي
منذر : نبيك
هاجر قمعزت بساته : وانا لك
منذر نزل عليها يبوس فيها : نحبك يا جوري
هاجر : وانا نموت فيك ياروح جوري
منذر وخر وقعد يبحت فيها : وشن اخري
هاجر ابتسمت : شن تبي تسمع
منذر : اي حاجه منك عسل
هاجر : حبيبي انت روحي انا اللي مانقدرش نعيش بلاه ولا يوم نصفي ثاني بات وليدي "دمعتها نزلت " نحبك يا مينو وحق ربي ، ربي يخليك ليا مايحرمنيش منك
منذر مسحلها دمعتها حضنها زين : انتي انا انتي حياتي وعمري وروحي وكلي ع بعضي انتي تبي تجيبيلي مينو صغير ربي يخليك ليا يا قلبي
هاجر باسته و منذر وخرها باسها وراحو في خبر كان....
.........
الاء فتحت فونها فتحت نت لقت انس متصل كاتبلها
انس : " حبيبي" ، " وينك" ،" كنك مقفل من عشيه " بعد تفتحي ردي عليا طمنيني " "خليت نت مفتوح دزيلي رسائل ولا رني عليا بيش نوض"
الاء كتبتلك : " نحبك يا طويلي ☹نموت فيك ومرايفتلك بكل ربي ينوضك بخير وتردلي وتقعد جنبي ، خليك متريح توا تهدرزو بكرا ياروحي "
انس ماردش كاين راقد
..........
باسم خش لقاني راقده ع بطني بعرض بديشمبر جاء جنبي قعد يبحت فيا
انا حسيت به لكن درت روحي راقده ماتحركتش تقول ميته
باسم حول شعري بصوت واطي : وربي كان يوم ما نشوفك فيه نموت انتي سحر بذاته مش سحرتيني
يا فكرونتي
انا بعد سمعته دمعتي نزلت تقول نار ع خشمي مسحها ليا
باسم : نموت في عيونك نعشقهن كيف هاين عليك تنزلي دمعتهن
انا انعصرت معش قدرت قبل نبي نصبي ونسيبله دار بس
باسم ناض خش غير دبشه وجاني يهز في كتفي : حبيبي اوفي ايلاف ايلاف
انا كنت نسمع فيه مابيتش نتحرك لين بعد قال ايلاف وخرت وعدلت نومتي وتغطيت
باسم : انا طالع
انا ماعبرتش ولا كانه
باسم : ماشي للمحمود في حوشه
انا اول ماسمعته محمود يعني مش بسياره : ماشي تبي تطمن ع استاذه كان عديت بدون ما تقول
باسم : مش ماشيلها انا قلت ماشي للمحمود خويا
انا رقدت وعطيته بظهري هو طلع لكن ماسمعتش باب حوش صبيت غيرت ورقدت ساعه خش رقد جنبي انا كنت راقده وعازقه شعري وصل عند مخذه امتاعه قعد ماسكه ويشم فيه قدم عليا شويه و رقد
.........
احمد : بدري ساعه 12
سناء : هذا وين فضيت بنت خالي طاحت ودايره فيلم هندي
احمد : اها باهي قوليلي عليش تسكيره
سناء : خلاص فوت موضوع شن رايك في صالون اللي دزيته لك واتس
احمد : سمح
سناء : اها ، كيف حال انس
احمد : كويس
سناء ضحكت : كنك
احمد : توا مش قلتي تحرجنيش قلت نجاوب ع قد سؤال خير مانكملوها واتس كان نرن تسكري ف وجهي
سناء جتها نوبه ضحك واحمد يسمع فيها وساكت كاين مبتسم
سناء هدت : حبيبي
احمد تنهد : عيونه
سناء : بكرا طالعه للسوق نبي نشري شويه حاجات انا واسماء
احمد : شنو ناقصك نجيبه لك انا
سناء : لالا لازم انا نختار
احمد : اها، باهي من شايلكم
سناء : محمود يا باسم
احمد : باهي بالطو حبيبي مكياج لا فون معاك أول مانرن تردي طول
سناء : حاضر حاضر حاجه اخري
احمد : لا تمام تبي حاجه ناقصك فلوس
سناء : لالا معايا يا روحي
احمد يتاوب : تمام يكملن قوليلي
سناء : حاضر، حبيبي نعسان
احمد : بكرا عندي نوضه بدري نبي نشيل امي سوق تبي تشري حاجات عشان فرح عمر
سناء : اها ربي يعاونكم خلاص تريح
احمد : تببي حاجه قوليلي باهي تصبحي علي خير يا قلبي
سناء بصوت هادي : وانت بخير ياروحي نحبك
احمد تنهد : وانا نحبك
سناء ابتسمت : سلام
سكرو رقدو
.........
دكتور : تفضل
انس : صباح خير
دكتور : صباح النور كيفك
انس : الحمدلله ، جنك تحليل وصور
دكتور : خلاص اليوم راح تنام بالمستشفي بكرا عمليه شفت تحاليل بس راح تضال معانا أكثر من اسبوعين
انس بصوت واطي : في عرسك ان شاء الله ، احم ان شاء الله نرد نجيب دبشي ونجيك
طلع انس رن ع الاء
الاء : ايوه
انس : وينك يا نقطه
الاء : قاعده
انس : كنك جوك شين
الاء : لا عادي كنت نرجى في اتصالك لقيتك دازلي ع نت نمشي للعياده ونرن عليك
انس : تي نعليا من مركز ومستحمل عشان حبيبه تي غير نروح بس ناكلك وكال
الاء ضحكت : شنو صار معاك
انس : راد للفندق نبي ناخذ دبش وراد للمستشفي راقد اليوم فيها بكرا عمليتي زي هالوقت ف الصبح
الاء : ياروحي انا
انس : ههههه كنك
الاء : ياريتني معاك يا نوسي وحق ربي
انس : كنه جوك شين يا نقطه
الاء قبل تبي تقوله ع عرب بس سكتت عشان عمليته تبيش تشغله : شي مرايفتلك بس
انس : تي نعليا انا
الاء : نبي نطلع سوق اليوم
انس : مع من
الاء : بابا طبعا
انس : تمام عبايه اه
الاء : حاضر
انس : نحبك يا نقطه
الاء : نجك لي يا طويلي
انس : تعرفي امس انا مروح نشوفلك حتته قفطان حي ع جدك كيف يجي عليك
الاء : تشريشي خليك في عمليتك مصروفك
انس : تي شريته وفضت نعليا كان تلبسيه عذااب
الاء : هههه باهي معش تشري
انس : والله في حاجات اخري غير قلت سامطه عندي وين اندسهن
الاء : احم تمام دير بالك على روحك باهي اتصل بيا اخري اليوم قبل عمليه و رن بعد عمليه رن و
انس : نحبك
الاء سكتت شويه بعدها ردت : وانا نحبك ربي يخليك ليا وينوضك ليا بخير ياروحي
انس : نعليا ، مهم شريت واحد لونه أسود واحد لونه ابيض دسيتهن ومعش تغيري موضوع وتوا نرن عليك بعدين وقبل عمليه وبعد عمليه ، توا وصلت للفندق خلاص سلام
الاء : تمام رن عليا راكك تنسي
انس : وانتي عبايه راك تنسي
الاء : حاضر ياروحي
انس : سلام حبيبي
سكر انس ورن ع بابا كاين في محل ورن ع احمد و عطاه ماما عشان كاينه معه هيا وعميمه وقالهم ع عمليه ماما قعدت تبكي وتدعيله بعدها وخش للدار في فندق خذا دبش وطلع لقاه شباب يرجو فيه طلعو به للمستشفي ودارلوله دخول
..........
فرح عمر يبي يبدا رسمي بنات قعدن يوتن وهاجر جابها منذر من صبح وايمان قالتلهن في عشيه توا نجيكن وبايته
انا طلعت من دار صليت لبست بنطلون أسود وقميص أسود وجاكه رسميه بطاطيه كويش أبيض لكن مش دايره مكياج رنن عليا صحباتي عشان تجديد قيد قلتلهن شويه وجايا وقمعزت ع صالون ناض باسم غسل وطلع لابس ع اساس ماشي للعمل شافني لابسه
باسم : ايوه أيوه .. راحت عليا نومه اني جاي.. اوكي "يبحت فيا "
باسم : صباح خير
انا : صباح النور عندي جامعه
باسم : حاضر هيا
انا خذيت شنطه كبيره وتيتها بعد نضت : من جامعه للحوش هلي
باسم قرب مني يبحت في عيوني كاين يبحت متلخبط مش عارف كيف يوقفني : ايلاف افهمي مني قبل عليش تكسري فيها
انا : نحن متأخرين وراك شغل
باسم : خليها شنطه توا نشيلها عدي البسي بالطو
انا : لبستي مستوره
باسم : ايلااااااف انتي عارفه شن فيه في جامعه
انا اذكرت رامي خشيت لبست بالطو وطلعت مالقيتش الشنطه ولا باسم طلعت لقيته يهدرز مع عميمه في جنان
انا قربت منهم وحبيت ع رأسها : صباح الخير عميمه
عميمه : صباح النور كيف حالك بنيتي
انا : الحمدلله
باسم كاين يبحت فيا
عميمه : تعالي تغدي معانا باهي اقعدي خير من راجلك اللي رن عليا قالي اطلعي يا امي نبي نصبح عليك قبل ما نعدي
انا بحتت في باسم وكشخت : معلش توا يكمل شغله ويجي يكسد معاهم كلهم انا ماشيه للهلي
عميمه : براحتكم بس اليوم جايا خدوج مكسده عندنا
انا فرحت : صح يعوينكم
باسم ابتسم وماسك فون ويدز في مسجات ما عرفتش للمن
عميمه ضحكت : توا نمسكها ع عشاء انتي تعالي بدري
انا : اصلا يا عميمه
باسم : إن شاء الله ان شاء الله هي خلاص تأخرنا
انا ركبت في سياره وطلعنا وتكي ع كافي
باسم : شنو تبي تفطري
انا : شي
باسم : فطرتي
انا : لا
باسم نزل جاب الاثنين نسكافيه واحد بريوش بشوكولاطه حطهن في وسط هو يشرب انا لا
عدينا للجامعه في طريق كاين فاتح اغنيه
" انا عاشق لعينيك ❤"
انا قعدت نحك في ايديا كلمات اغنيه يدقن في قلبي نحس فيه يبي يدوي لكن يبحت فيا وسااااااكت ومركزين مع اغنيه
انا العاشق لعينيك.... برب العشق فرحمني
وخذ بي بين يديك...نبض القلب اسمعني
وضمد جرحي الدامي...مني اليك فأخذني
وشافي مر علقمك...حيث الشؤم يحملني
انا العاشق لعينيك....برب العشق فرحمني
وخذ بي بين يديك...نبض القلب اسمعني
وضمد جرحي الدامي...ومني اليك فأخذني
وشافي مر علقمك...حيث الشؤم يحملني
وداويني ببعض الحب...طمني وصبرني
وخذ مني ياروح القلب...صدق ليس يشغلني
او حتى فخذ بالروح....حطمني واخبرني
بأن القلب منك مللك...لغير عنك ابعدني❤❤
وخذ كل قسوتك...بكره منك و اتركني
فلا أدري مابال القلب...مني اليك يهجرني.
وخيار روحي صار انت...آراها روحي ترمقني
تقول بكل قسوتها...لغيرك سوف تقتلني
أراني أذوب يا عمري....ولا ادري ما يجبرني
نيران فتشعلني....ودمع الذات يعرقني
وانت اراك تأسرني....مني اليك تسرقني
أراني أذوب يا عمري....وليس سواك ينقذني
ودمع الذات يعرفني....وأنت اراك تأسرني
مني اليك تسرقني..أراني اذوب ياعمري..وليس سوك ينقذني... #معشوقتي
باسم كاين لابس سماعه كل ما يرن تلفونه يسكره بحت في ايديا تنهد درس قعد يأخذ في تلفوناته و مفاتيح انا نزلت نزل معايا
انا برمت عليه : عدي شغلك مش متأخر
باسم ابتسم : لا عادي نبي ننزل معاك
انا نزلت جاني مسج من ملاك " خلي باسم في سياره ولا يعدي رامي مصبيلك في نص الكليه ويبحت فينا " وقفت جاء باسم مسك يدي
باسم : تبي طولي
انا : لالا نجدد ونطلعو حول يدك شنو يقولو علينا الناس
باسم ابتسم : يقولو اللي يقولوه
خشينا من باب جامعه كانت زحمه مش طبيعيه بذات شباب وباسم كل مره جيبني من جيها مره يمين مره يسار ماسك يدي زين أول ما خشينا لقيت رامي في نص
رامي فتح ايديه : يا مرحبا يا مرحبا بالغوالي الحمدلله على السلامة
صحباتي جن يجرن
باسم
..........
يتبع....
رايكن 😉
بنات😁
ع قد ما نقدر نرد تقريبا اعتذرت ع تأخير كم مره وقلت إمتحانات وان شاء الله خميس آخر امتحان ونكمل معاكن 😘
Fafy faa
