#فوبيا_الحب
الحلقة[8]
أيوب:ايلاف
نا: نعم
ايوب: تعالي شويا
نا:هيا هي نجيبلكم فطور بس
عديت خذيت سفره فطور دايرين شرموله وتن ودحي مطبوخ وجبنه
نا:آلاء لحقي عصير وخبزه
آلاء: به
وحطيت ماكله وعديت نا والاء علي كراسي مابينش نفطرو
آلاء: اوفي غريبه مش جعانه
نا: 😒شن دخلك
الاء: شكلك تفكري في حاجه الي ماكليتيش نعرفك اصلا بس مازالتي ما حرقتي دمك عليها كان هذ راه كليتي خضر ويابس😅
نا: آلاء بللله عليك خليني في همي نفكر ف نتيجه وخايفه ع أنس ف موضوع مشوشني ف اسكتي نبي ننسجم مع بحر
الاء: إن شاء الله بنجاح كنك مركبه انتي حتي نا خايفه عليه أنس لكن مالنا غير ندعوله خوكي رأسه مسكر
نا: خلاص به سكفمك منسجمتش بكل عدي ردي اقعدي معاهم حمو وانتي واااجد
آلاء:باهي شن موضوع الي شااغل بالك
ابراهيم جاء مقابلنا وعطه للبحر بظهره : ياااعيني من اللي قاللكن تعالن قمعزن بروحكن
نا: عقولنا 😊
ابراهيم : اها لا تمام نحسابه واحد آخر
نحن: ههههه
ابراهيم: ههه غير شوفن ايوب يشلط ف سياره
نا برمت دغري وقعدت نبحت فيه هو فطنلي ابتسم
الاء: فرخ هذا خاطري نعرف امتا يبي يثبت علي وحده بكككل والله
نا: الي نفسه تبيله بنت امها تربيه ومهزبه عشان اكيده حيخونها
ابراهيم: اللله اكبر ع دلاله صبن عطكن تل علي ظهورهن مع بنات
نا: تي فكنا منهن خيفات علي بشرتهن هذينا قمعز انت معانا
ابراهيم قمعز : ايوب جاء
ايوب كرني من ع لكرسي من لوراء
نا : اوووي عليا تي كنك
ابراهيم : صوتك يااختي
ايوب: كنكم مقمعزين بروحن
الاء: كملت تشليط
إبراهيم: الاءء فكيني من دلاله نا قلت
ايوب: كنت نكلم في صاااحبي ياقصقصه
نا نبحت في بحر سرحانه نفكر في كم حاجه بعدها خطر علي بالي موقف باسم صاحب احمد ابتسمت
ايوب: عققل كنك تضحكي للبحر
نا: يعاكس فيا هههه هيا يالولي
ايوب يبحت فيا وخلاص: قمعزي ياايلاف نبيك في حاجه
ابراهيم: اوو كيف اللي صبو
ايوب: سلم فمك
عده ابراهيم والاء ونا قمعزت
ايوب: احم اسمعي
نا: نعم
ايوب: من اخير معرفتش كيف نجيبها لكي هاكي منديل هذا لكن متقريش توا خليني لعند نصبي بعدها اقريه من آخر نبي رد في اقرب فرصه عشان نعرف كيف نصرف عارفك امبدري تهربي لكن نا هك صريح نحبش لف ودوران اكيده هبه قالتلك لانه عارفها مستحيل ادس حاجه نفس ماقتلك وياريت موضوع يقعد بينتنا هيا سلام
صبي ونا 😳:تي هذا كنه بس سمحه لقطه ☺
ودسيت منديل ونبي نصبي
جت الاء: اوفي كنك صبيتي خليك
نا: لالا جو تمام هيا نصبو ناكلو
الاء: تي ف حد سألك ع جوك كنك مرتبكه وبعدين شن قالك ايوب
نا: شي موضوع صاير معاه
وردينا ناكلو وهو يبحت فيا ويبتسم وقت كلله ونا نفس جو وهبه تعبي ف راسي عشان هي وحيده اللي فطنت جو وتقولي شوفيه كيف مهتم بيك والله يحبك وانتي تحبي من يهتم بيك وكلام من هلكلام
مشينا جو كله ضحك وجو سمح بكل ونا كان خاطري نقرأ المنديل لكن مخلنيش بروحي بكل بنات تغذينا وعامو وشباب وبنات بس الا نا حطينا عصريتنا ع طاوله والاء قعدت تصور طلعو شباب قمعزو ع رمله هدرزنا وشوينا وبرمنا في مصيف شويا واتفقنا بعد رمضان نعدو للبحر اخري روحنا لكن تغيرت تشكيله ونا ركبت مع آلاء😁
ومن تعب كل حد خذا دوش ورقد
...........................
احمد: كل شي تمام وكنك ماعزمت عيسي
باسم: تي فوت امه كان ع حاجات والله ماجبتلكم حاجه كله جابه محمود خويا خليته يطلع من مستشفي ويشري نا مش متعود ع جو خضراء و مواد غذائية بركه في محمد ومحمود
محمود: والله الا ### خلاني نسيب مرضه قالي تعال في طوارئ نحساب هلي فيهم حاجه
فارس: خايف ع مدام 😉
محمود: مدام زايره عند هلها قصدي ع هلي ي راه امي وخواتي محمد كاين ف تركيا يجيب ف بضاعه للمحلاته امبدري كيف روحه
احمد: ديمه وجه فلايط فرخ ###
حسن: احمد من آخر عمك كنه يتخنس عنده كبيده
احمد: هههه اها نفسكم نا وباسم بس عوانز شله
فارس: اوووي شباب نا هلي عدو ان شاء الله جمعه جايه دفع
شباب: ووووووه مشاللله
باسم: قبل رمضان يعني كان قاعد عيسي راه قالك خليها بعد عيد بيش متشيلش شي لا ع رمضان ولا ع عيد
شباب: ههههههه
وجا عمر: كنكم تضحكو ضحكونا معاكم
فارس: هذا باسم يقرم ع عيسي
عمر: جمعت اليوم بسبب اكيده شااايل عليه
حسن: فارس دفعه جمعه جايا وانت امتا
عمر ابتسم: نا 27رمضان صبايا خوتي يمشن يشوفنها ودفع وبيان بعد العيد
باسم: مشالله شباب قعدو يرددحو ويغلطو والله ياخوفي تندمو وتجو تباكو عندنا
محمودضربه: كان نا بكيت عندك يا فاشل
احمد: هههه عليك اهانه يا حوده
فارس: باهي توا فهمنا نا وعمر نبو نخطبو ف رمضان وحسن بعدنا ان شاء الله ومحمود يعتبر عريس لكن انتم امتا
باسم: ههه ف ساعه سعيده تي من قاللكم نبو نتنحرو
فارس: والله الا ### انتم الاثنين اتفه من بعضكم كملوها تركيا لبنان وصين باهي
احمد: به كملت انت صبي جيب حولي خلينا نذبحو بيش تحط مكرونه وحسن يدير بومردم فز تل ع ظهرك
عمر: طبعا انت جيبو موضوع جواز تسكره طول
باسم😎: احمد تعال نكرو الحولي اسمعو نحطو عشاء علي بعضا ونلعبو كوره وفيها تحدي
فارس: مشطر امكم في تغير موضوع
باسم يمشي : متدوش عليا نا مازال بدري مواليد 90غير اشتغلت مع محمد وعرفني عليكم ويارتني ما تعرفت وبعدين هو شايب 84 تقريبا
بعد كمل كلامه وقف
احمد بصوت عالي: تفووو ياكلب بعتني بعدين مابينتنا شي راه تقريبا 6سنين
باسم: هههه شن نديرلك زرونا
محمود: خلاص هذا سن جواز لكي يا استاذ انت وهو متخذونش قدوه نا وعمر تأخرنا عشان هذا وين كون روحه وتأخذ نقاوت عينك وبعدين اصغر منكم خطبو
حسن: محمود يعني جواز سمح😍
شباب: هههههه
فارس: والله شكله صاحبنا عايش في عسل عقبالنا زف
احمد: ان شاء الله خير خلاص سكنتو شن تحدي يا باسم
فارس استغل فرصه عارفهم هم الاثنين ديمه عناد وينفذو حتي ع قطع رقبيهم يقولو كلمه رجاله متنزلش للوطاء: لا نا نقرر عليش تعاندو عشان تلعبو ننقسمو فريقين الاول باسم وعمر وحسن وثاني احمد ومحمود نا
احمد: باهي علي شن عناد
باسم: ههههه خليها ع محلات ولا بضاعه جديده يدفع حقها هو
فارس: هههههه لا لا عناد مش قايله بس كان فاز باسم احمد حينفذ تحدي وعكس صحيح طبعا
عمر: وكان تعادل يافالح
حسن: هما الاثنين ينفذو لعناد ياغالي
فارس: تم كلمه رجاله
احمد: تم
باسم: تم حتي نا
فارس: بس تطلعو قدها ورجاله ويتنفذ عناد
شباب: تي كيف يا رجل قلنالك تتم
وعدو شباب جابو حولي وذبحه محمود وقطع ودارو عشاء وبدو يلعبو في كوره طبعا باسم عنده كلاب حراسه عطوهم من لحم
...................
انس: كيف يعني اليوم مافيش اقتحام
صاحبه: لالا احتمال معش في اقتيحامات الا بعد رمضان
انس: بس هذوما لا يعرفو لا رمضان ولا عيد
صاحبه: يدقونا اندقوهم ولا يهمك ههههه
انس: ههههه نبو نصيدو يا راجل اللهم ارزقنا شهاده يارب
صاحبه: يا رب أنس نا خايف ع هلي من بعدي كان صارتلي حاجه
انس: انسحب يا راجل انت خوك استشهد معش عندهم خطيك ثار خوك وجميع شهداء في رقبتنا
صاحبه: مستحيل يا راجل فيش تهدرز انت كان ع قطع رقبتي ما تنسحب
انس: وامك يادمنقل
صاحبه : له اللله ع اساس وانت امك
انس: نا قاعدلها احمد ومنتصر ما حتي تاثرو فيا
صاحبه: غير تدوي يا راجل نا خويا علي بعد استشهد تقول طلعت قلبي من صدري وقاعد تقطع فيه بين عيوني لقاااني ظهري انكسر وقعد يبكي
انس: صلي علي نبي يا راجل قول لا إله إلا الله ربي يرحمه ويغفر له عاش راجل ومات راجل
صاحبه يمسح ف دموعه: لا إله إلا الله محمد رسول الله
................
احمد: مد مد يا حوده
محمود: طيري شوووطها
احمد: فارس شوط
احمد : ووووووه قوووول
فارس: هههههه واحد شي يانصي
باسم: مازلنا في بدايه كنكم مستعجلين نلعبو لين يطيب بومردم
احمد: ههه العب العب شكلك خاسر نفس مره الي فاتت
باسم: والله عناد فيك يا احمد توا نشوفو من خاسر
عمر: اكح اكح غير هيا دهشتو امي نا ومحمود مش نفسكم كبار وندخنو انتم رياضه وصاله حديد وجو
حسن: معانا شيب ميعرف يلعب كيف نبو نفوزو
فارس: حطو حارس عليك ثقه حتي انتم حطينا هجوم
باسم: ههه عمر من آخر رد حارس نفس محمود
عمر: تفو #### نحن كلاب نلعبو معاكم كان ما فيها عناد بس
ردو للمبارة من جديد وكملت مباره وفاز باسم 2\1
باسم😌: احم خلاص فزت نخشو نديرو حمامات وتولنا عشاء جعانين وانت يابارد علي شن عناد بيما ان انا فزت فبشر احمد😁😅
فارس: خش دير حمامك بعدين ساهل
هي مزرعة باسم وفيها 4حمامات فوق لان كبيرررر كل غرفه فيها حمام لكن شباب ميركبوش فوق في حمامين في دور الارضي خش احمد وباسم وفارس كلم باقي شباب قاللهم تعالو نقوللكم ع عناد قبل مايطلعو من حماماتهم وقالللهم ع عناد
عمر: ياااملعوون حي عليك منهم
محمود: بس هذي حاجه متخصنش
فارس: سكرو فمكم نا نعيط ونقوللكم خليهم يتعدلو لكن شوف احمد يبي ينفذ لكن باسم شن نديرو فيه
حسن: واللله توا ينفصلو
عمر: بس والله أحمد عصبي يا راجل فكنا منا
محمود: تي كيف منعجبوش ولا كيف يا عمر
عمر: لا يا راجل معقوله احسن ناس
فارس:غير وسعو بالكم يا جماعه مش قايلين توا بعد العيد بيش نفاجوهم شن رايكم😉😁
حسن: شباب عظم الله اجركم في فارس
شباب : ههههههه
احمد يمسح في رأسه بلمنشف: ضحكونا معاكم
عمر: تعال قمعز نعليا يا ولد خويا
فارس: نا قلتلهم نكته تعال توا نقولك نصها
احمد قمعز: كيف نضحك نا بنصها
باسم طلع: وين عشاء يابقر
ناضو شباب
فارس: نحن نبو نديرو حمامات وتولنا انتم
دارو حمامات بعدها تعشو ولعبو كارطه وضحك وهدرزه للصبح بعدها رقدو باسم واحمد نسو تحدي مسالوش ع عناد
........................
ايمان راقده تلفونها يرن
ايمان: الو
أسامة: ايوو
ايمان: اهلين
اسامه : وين راقده املا
ايمان بصوت هاااادي : اها تعبانه نهدرزو بكرا
أسامة : ههه تمام تصبحي ع خير
...................
ماما: خلاص نوضن كنك طولت في نومكن اليوم
نا: علي اساس متريحات فيها نوم صبح راه
ماما: نوضي عطك مرقد خواتك من امبدري نيضات وضمن وحطن حتي غذاء ع نار
نا: مه استاذه راقده حتي هيا
ماما: هبه نوضي خلاص نوم ظهر إذن
نا نضت وغامه عندي ع آخر مش عارفه ليش تغدو ونا ركبت للالاء هدرزت معاها وتغيرت جوي ونزلت نسمع في اغاني في دار في العشيه
هبه: ايوب برا يبيك
نا: شن يبي في وجي كنه سكن هو
هبه : اطلعي شوفي
نا: باهي اطلعي نغير دبشي
هبه: ولمي شفشيفك وهنا ديمه طلقتيهن
نا: اطلعي وشن دخلك كان عاجبك
طلعت ونا غيرت دبشي لبست بجامه طويله شويه
ايوب: اووووو وينك لزم نسألو عليك
نا ابتسمت: مبردك والله ماهو جوك
ماما: نديرولك قهوء يا ايوب
ايوب: لالا يا خالتي جاي نحمدع سلامه بس
نا: عليش من منا صيرتله حاجه
ايوب: انتي حمدلله على سلامتك
نا: ههههه كني
هبه: عشان امس روحتي مع ابراهيم قالك سوقته بلهون
ايوب: باهي اللي ماقلبها بيكم
نا: ههه لا تخافش بس ي سيدي الله يسلمك هو طحنها في سياره لكن ي الله
ايوب:كنكم طحنتوها
نا: ع اغاني نحن متحشمين من عمو محمد ونقرصو فيه ف سيارة لكن هو ولاكئنا هنا مش مفهومات لكن الي يركز يفهم
ايوب: هو هكي ذوقه راب تونسي معندش ف ليبي واجد
نا: اها قرفنا
ايوب: كان روحتي معايا لكن مره جايا ان شاء الله خير
هاجر: خوذ قهوه يا ان شاء الله خير
ايوب: واحد يقول تفضل ياغجريه
ماما صبت: ههه عليك عويل
ايوب: وين يا خالتي بدري اقعدي للعشاء
ماما: ههه نبي نصلي مغرب ياغضيب
أيوب يبحت فيا وابتسم: به ادعيلي يصير اللي ف بالي ونسمعه
ماما: ان شاء الله ان شاء الله
نا اذكرت المنديل الي مازلت ماقريته اصلا
ايوب: املا وين سناكيح خوتكم
هبه: احمد مع صحابه وهو عمو عمر واكيد منهم غادي للمحلاتهم و منتصر مع بابا في محل وانس معش جانا
نا: من فاتحه مني 😔
ايوب: امس رنيت عليه قرد راقيله عشان معش ف اقتيحامات
هاجر: ربي يحجب عليهم والله خويا هذا يشري في موووت شراء
نا: اسكتي انتي ان شاء الله بعد عمر طويل تي كان تصيرلهم حاجه واحد منهم تقريبا نموت نا
هاجر: ربي يحفظهم لنا
ايوب: اوكي يانكد اقعدن فيها جاي نحمد ع سلامه نكدتو عليا
نا: انت مكبر شورخ ما فيا سو
ايوب: صح نا فاضي هيا سلام
إيمان: خليك تعشاء معانا
ايوب: باهي اللي سمعنا صوتك بدله صلاه احديا وجو
ايمان: ههه لنقانك الا بارد
ايوب: وأخذ وضعه الشيخ أسامة
نا: مانحكيلك مش غير جينا رمضان احسن حاجه مكالمات ممنوع ف نهار
ايمان: كني نكلم حداك
هبه: تي فوتيها هذي #فوبيا
نا: هيييي طاح سعدك من فوبيا ياقرده
ايوب: قصدك خوافه
نا: مش قصه خوف بس نا هكي طبعي نتحشم ومنحبش كذب بكل وليبين معروفين في كذب ع بنات ناس ونسمع في قصص البنات في جامعه مش صغيره نفهم راه
ايوب: عارفينك تفهمي بس حتي بنات كذبات
نا: عارفه انهن كذبات وعارفه انهن خوانات نفس ما انتم عندكم فصيله حقيره هذي حشاك حتي نحن بنات في منا نفس فصيله ونا فصيله هذي منحبهش ونحس فيها كثره بس ربي يهديهم لان يشوهه في حاجه في ناس غيرهم خاطرهم يحسو بيها لكن بلحلال طبعا
ايوب: تفكير سليم بس احسن حاجه انك تحبيش علاقات اصلا وجيجهن واااجد
نا: هو صراحه نا نخذش في رايك بس يقولك المثل اسئل المجرب ولا تسأل طبيب هههه
ايوب ع اساس يبي يقهرني: والله صدقتي إسألي مجرب بس كم بنت دزتلي حتي صورتها قعدات محتفظ بيهن
ايمان: هيييي ادباالك يا ايوب عنك اخت وهذينا بنات ناس
ايوب: أولا نا مش دير بصورهن شي بس والله مسحتهن بس كان بنات ناس راه مدزنش صورهن
نا: لا بنات ناس بس اكيده انت معشمهن بحاجه ومعلومه ضيفها في راسك إن بنات يفكرن بقلب وعاطفه مش نفسكم اسوس
تلفون ايمان رن وصبت شالت معاها تلفون ماما رن
ايوب: هههههه كنك ناقمه عليا بعدين نا ثبت علي وحده خلاص اكبر مني لكن نبيها
نا: ههه مش ناقمه بس تفكيرك سطحي بكل فعلا انتم اسوس وربي يهنيك معاها هي قبلت بيك كيف اصغر منها
ايوب: عادي حتي رسول حب سيده خديجه اكبر منه
هاجر:ههههه انت غير اثبت في صلاتك وبعدها دير دزي رسول
ايوب: توا ثبتني هيا غير اطلعي منها انتي بس ولا شن رايك ياايلاف
نا: والله شن نقولك يا ولد عمي الصلاه عمود دين كان ع زواج براحتك نا شن دخني
ايوب: رايك يابقره لو انتي مكانها
نا: لا طبعا كيف ناخذ واحد أصغر مني بعدين نا نقعد عجوز هو ف عز شبابه وصيع
هبه: غير سرع روحك راه طير منك
ايوب: بعد تبقا حاجه مللللكي اللي يجي شورها نرشه ياشاطره فش حد يأخذ حاجتي
بابا: سلام عليكم
نحن: عليكم سلام
ايوب صبا يسلم ع بابا: كيف حالك ياعمي
بابا مد يده: حمدلله كيف حالك انت وهلك بعد طريحت امس
ايوب: كويسين حتي هم بطلاله من طريق تلفانين
هاجر: نحن امس حمامات ونوووم دغري
ايوب: هي تستأذن تصبحو ع خير
بابا: خليك تعشاء معانا
ايوب: لا وين من عشيه هنا هيا سلام
وجاء ليل ونا اذكرت المنديل خذيته وخشيت به للحمام حشاكم
نا: 😧😳
..................
نبي رايكم وتوقعاتكن شن عناد اللي حاطه فارس وشن ردت فعل احمد وباسم وشن اللي كاتبه ايوب ف منديل وبعد اهتمام هذا كله ايلاف تلين وتحب ؟
شكرا لكن بنت تسأل ع رواية يوميا وتعليقاتك حلوه نصور فيهن محتفظه بيهن ف فوني😍🙈
#نتيجتي الاحد ادعو لي نصفي😥
#كاتبة Fafy fa
