#فوبيا_الحب ❤
الحلقة [86]
انا " باسم بعد تخف عليك الزحمه وتقمعز ع كراسي عقلك شوف انا كيف عانيت معاك كيف صابره و ساكته بس انك مش دايرلي قيمه هذه واعره عليا تعبت بعد تفضي روحك كلمني انا في حوش هلي "
دزيتها للباسم قفلت تلفوني رفعت معايا شنطه صغيره فيها دبشي طلعت للانس
أول ما ركبت قعد يسحب مني في كلام لكن قعدت عادية حطني وطلع ركب سيارته طلع رن عليه رقم رد
انس : الو
صوت البنت مش غريب : اهلين كيف حالك
انس ركز : الاء معايا
الاء : عرفتني مع اني صوتي مبحوح شويا
انس فرح لكن رقيتلا : نغلط في دنيا كلها إنت ما نغلط فيك عظم الله اجرك يا حبيبي
الاء : اجرنا واجرك ع الله كيف حالك
انس : توا كيف قعدت تمام بعد سمعت صوتك وينك وين تلفون قعدت نطمن عليك من خواتي
الاء : في حوش تلفون
انس : باه سكري توا نرن عليك
الاء : تمام
سكرو رن انس
انس : عليش تلفونك مش معاك
الاء : هك دهابة شيرة
انس : باهي إنت كويسه طمنيني عليك
الاء : تمام رنيت عليك عشان خالتي فوزية تبي تروح
انس : يعني كان مش امي تبيش ترني
الاء : لا نبي نرن عشان نبي نتريح قلبي يوجع فيا بعد سمعت صوتك تريحت ليا ستة أيام ما نرقدش تعبانة
بكل
انس انشغل عليها اخري : سلامتك يا نقطي كنك ياروحي انا
الاء حطت يدها ع رأسها : مش عارفه نحس في صداع بكل ما نرقدش
انس : روحي تريحي في حوش حتي ساعتين
الاء : الناس مازال يجو وين نروح
انس : وكان حبيبي هنا ساعتين بس بعدين حتي انا مرايف راه ، حرام عليك لا صوتك ولا وجيهك مش حرام عليك حبيبك
الاء بصوت هادي : انس مرايفه عليك ياريتك جنبي
انس : ونجيك يا عيوني
الاء تغير صوتها تبي تبكي : ياريت يا انس
انس درس ع يمين : باهي عليش بكاء توا نجيك خلاص وانا والله يوميا نجي اصلا
الاء دموعها ينزلن عبرتها الي من كثر ما تكتم فيها لين قعدتلها زي بو فهاق بعد تبكي : انا نبيك
انس علق وضغط ع سياره وطلع : ربع ساعه ونكون عندك اسكتي خلاص
الاء مسحت دموعها : تمام نرجاك جيب اي حاجه بيش نطلع ناخذها منك ع اساس جايبها للخالتي نعطيها لها
انس : حاضر إنت تبي حاجه نجيبلك
الاء : لا ما نبي شي سلامتك ماطولش
انس زاد سرعه : تمام
الاء : توا نبي نسكر عشان نشوف جو و انت بعد توصل رن ع نفس رقم هذا تمام
انس : تم اوكي
سكر رن ع صاحبه قاله نبي نتاخر ع غذاء تكي ع سوبر ماركت خذا شوكولاطات وكيكات وعصاير دفع وطلع ركب سيارته حطهن جنبه علق وطلع شوي وصل رن ع نفس رقم ردت الاء
انس : الو
الاء : وصلت
انس : اها نقعد شوي مع ابراهيم شافني نرن اطلعي جنب الخيمه
الاء : توا نطلعلك في خيمه صغيره خوالي ياخذو منها في قصاعي
انس : مسكره ولا مفتوحه
الاء : اها مسكره فاصله ع خيمه صبايا وشارع
انس : تم حبيبي اوكي
الاء : باي
انس سكر وعدا قمعز مع ابراهيم وهو ع نار مرايف ع الاء يبي يشوفها ويطمن عليها قعد معاه نص ساعه وصبي رن ع الاء ردت طول ، طلعت
انس رد للسياره خذا شكاير وقرب من خيمه بحت في الاء انصدم كانت لابسه بنطلون اسود قميص اسود وعازقه الوشاح ع شعرها
انس : وين وين كنك دايره في روحك هذا كله
الاء خذت منه شكاير وحطتهن ع وطي بدون ما تبحت فيهن وحضت انس وتبكي
انس لف ايديه عليها ورفعها : اسسسس كنك قولي الله يرحمه ادعيله حبيبي
الاء تبكي وتشهق غارسه رأسها في صدر انس وشاحها طاح انس قعد يمشي في يده ع شعرها
انس : خلاص حبيبي مش كويس عليك بكاء هكي
الاء بدأت تهدأ وتنظم في نفسها وخرت
انس يمسح في دموعها : ماعش تبكي هكي
الاء حطت ايديها ع ايدين انس : هكي تريحت
انس باس ايديها : باهي روحي خلاص اسبوع لكم
الاء ساكته ومطبسه رأسها تمسح في خشمها وعيونها
انس قرب منها بصوت هادي : مرايف عليك ومرايف ع صوتك مرايف ع هرجتك في حوش
الاء رفعت رأسها ركزت في عيونه
أنس يبحت في عيونها : نحبك
الاء ابتسمت ع خفيف وطبست رأسها سحبت يدها وخششت خصلتها وراء وذنها رفعت وشاحها
الاء : خلاص نبي نخش
انس : نبي نكلمك انا راه لنا وين معش دوينا نبي نرقد ع صوتك نبي نصبح عليه
الاء : توا نصرف يا نروح يا نكلمك من فون بنت خالتي
انس : لا روحي خير
الاء : إن شاء الله نبي ناخذ دبش خلاص
انس رفع يدها يمين وباسها قنط ع يده : ديري بالك على روحي الي عندك
الاء ابتسمت هزت رأسها بمعني باه
انس وخر حك جبهته شير ع شكاير : اه هذينا لك
الاء : شنو هذينا
انس : حاجات خفيفه
الاء قدمت ع شكاير تفتش فيهن وهيا راكعه وانس وراها : تي واجد هذينا
انس حط يده ع جبهته حكها نزلها ع وجه ولحيته بعدها ع رقبته حكها من لاوراء وبعدها كر تيشرن لوطه قدم قعد مقابلها طلع دخان خذا سبسي طلع ولعته خشش قرطاسه ولع سبسي جبذ جبذا قوية عشان يهدأ
الاء مازالت تدوي وانس سرحان فيها كاين مرايف عليها بعد حضناته وحركات العفويه الي ادير فيهن انس تلخبط قعد يدخن ويبحت فيها وساكت
الاء : تي امتي يبن يكملن هذينا واجد يا نوسي والله
" رفعت رأسها لقته قدامها فردت ظهرها "
تعبت روحك
انس نفخ دخان : تعبك راحه هيا خوذيهن وخشي كلميلي امي عندي موضوع
الاء تأخذ في شكاير : شنو موضوع
انس يجبد في سبسي بحرقه : متغذي برا معزم عند وليد صاحب
" ورد سبسي في فمه "
الاء خلت شكاير في يد وحده وقدمت ع انس صبت ع روس صوابعها خذت سبسي من فمه وعزقاته : معش ادخن عشان تغدي
انس رفع حاجبه : معش تعاوديها هذه وخشي
الاء رقصت حواجبها : شكرا ع حاجات سمحه
وخشت
انس ابتسم عفس ع سبسي وطلع ركب في سياره يرجا في ماما لين طلعت ركبت قعد يسأل فيها ع حال خالتي هدي ماما قعدت تدويله حتي ع الاء حطها في حوش عدا للصاحبه
........
هبه : اقسم بالله عليك ليلة والله ما توقعتش عمو عمر عمر ايدير تلفون سري يكلم هنيده قالتلي حسيت بيه متغير لكن قلت بالك نتخايل كان شفتيها كيف تدوي منهاره يا ناري قطعتلي قلبي
انا منصدمه من الي سمعته من هبه لين استكيت
هبه : كنك إنت
انا : مستحيل نصدق عنجد عمو عمر يكلم وهنيده حرام البنت تحبه كان تشوفيها كيف تبكي عشان مازال ما حملت مقهوره تقول لها سنين تقولي نبي نفرح عمر بأي شكل من أشكال ليش هكي كنهم هكي هما ليش يلعبو ما يحسوس بحد ليش مش اديرلنا قيمه ولا قدر ولا يخافو ع مشاعرنا ولا يخافو ربي فينا ليش بس تي هذه تلقيها قريب تموت من بكاء " دموعي قعدن ينزلن عشان جاء في بالي باسم طول " عارفه شن معني تمسكي راجججججلك يكلم ولا حتي شاكه تي الي تشك بس تقلب في دنيا لا بال شافت لا وتلفون سري اخري معقوله هكي عمي عمر يدير هكي تي شن مهزله هذه عيب والله عيييب
حطيت يدي ع وجهي وقعدت نبكي لقيتها فرصه حوش فاضي انا وهبه بس قعدت نبكي خلاص معش تحملت
هبه : تي اسكتي إنت شن مالك بيه توا يصالحو مش كويس عليك بكاء راك حامل
انا نبكي خليتها تدوي
هبه : حتي هو ما طلعش من حوش لعند توا شالها للهلها ساعه 3 في ليل
انا مسحت دموعي : عنجد هذه
هبه : تي قتلك مابتش تسكت البنت تقوللهم نبي هلي
انا صبيت
هبه : وين
انا شيرت ع حمام " حشاكم " خشيت غسلت وجهي كم مره قعدت نبحت في مرايا مش فاهمه موقف باسم الي لخبطني اكثر ماردش عليا ولا انا معطيتش فرصه ولا انا متسرعه في قراراتي بس مش مني والله ما مني من قهرتي من نار الي ولعت فيا من غيرتي العمياء يارب خليك معايا ويطلعن ضنوني كلهن خطأ " حطيت ايديا ع وجهي مسحته "
توضيت للصلاة الظهر وطلعت لقيت عمو عمر مقمعز في صالة سرحان ويدخن هبة طلعت من المطبخ بمق قهوه عطاته له
هبة : عمو بست
عمر فطن مسح ع وجه خذا المق : منوره
انا حطيت المنشف : اهلين
عمر بحت فيا : اهلا شن جو
انا قدم سلمت عليه : تمام وأنت
عمر : ماشية ولله الحمد
انا سكتت
عمر : غريبة جايا ظهر
الباب دق هبة فتحت
ماما : سلام عليكم
نحن : عليكم السلام
انا صبيت نسلم عليها
ماما : يا اهلين زارتنا البركه
انا ابتسمت
ماما : انس قالها ليا في طريق
انا : اها
ماما : كيف حالك يا عمر
عمر : كويس كيف حالك إنت
ماما : الحمدلله بس والله واحد ما يتريح الا في حوشه
هبه : عارفتك غادي ما ترقديش لكن إنت سكرتي راسك تباتي
ماما : عيب عشان خاطر هدي
عمر : فوزية نبيك في موضوع
ماما استغربته : قول خير ان شاء الله
جت قمعزت جنبه
عمر تنحنح وحط القهوه وطفي سبسي : امس صار بيني وبين هنيده مشكلة بسيطه وشلتها للهلها
ماما : هيييييي ليش هلها يا باتي مازالت اعريس
عمر : هيا سكنت هلي هلي لبست وشلتها
ماما صبت : هي صبي نجيبوها
عمر رفع رأسه في ماما : ماه موضوع مش ساهل
ماما : مش قلت بسيط
عمر : بسيط قبل ما تمشي لكن هيا شالتها ساعه 3 في ليل
ماما : شكلك غالط فيها
عمر نفخ
ماما : استغفر ربك سلم خييي ان شاء الله كل مشكلة لها حل توا نرن عليها نطمن نشوفها رايقه ولا لا بعدين نعدولها
عمر : تلفونها مقفل
هبه : عندي رقم اختها
عمر : حتي انا عندي بس ما قدرتش نرن
ماما : امشي جيبي تلفونك وجربي رني ترا
هبه عدت جابت تلفونها وخشينا كلنا للمربوعه عشان تغطية ورنت بس ما فيش رد
عمر قمعز ع صالون : استغفر الله
ماما تبي تسأل ع سبب لكن متحشمه : باهي بالك تصلي يتغذو ولا يحوسن وسع بالك سلم خييي
عمر صبي : إن شاء الله خير
انا واجعني عمو عمر كيف كان متلهف ع تلفون وكيف كان هامه امر حسيت بيه مازال يبيها صبيت خشيت للدارنا صليت رقدت ع سرير قعدت نفكر مقهوره من باسم
عمر خذا المق طلع للشقته
هبه ردت للحوسه الغذاء
ماما غيرت وصلت واتكت
بابا خش معاه منتصر حطو غذاء تغذو وانا كليت شوي عشان دواء خشيت للدار نحس في قلبي مغموم عليا مش متريحه حتي في تقمعيزتي مش قادره نغمض عيوني كل ما نغمض نتخايل في باسم
..........
سناء طلعت من حمام لابسه ديشمبر الحمام قمعزت ع زيانه تمشط في شعرها دهنت جسمها بالوشن
احمد راقد ع سرير حاط يده تحت رأسه ماسك بيها تلفون يكلم في خدمه تابع الفندق ع غذاء " بالعوج " ويد اخري ع بطنه
سناء مره مره تبحت في احمد من مرايا ومبتسمه
احمد سكر تلفون مازال ع سرير وبحت في سناء : نعيما ياروحي
سناء برمت عليه فتحت شوكولاطه تاكل : سلمك حبيبي هيا خش عشان يجي غذاء نتغدو طول جعانه بكل
احمد غمز : باهي تعالي نقولك
سناء : قول نسمع فيك
احمد : تعالي هنا قصدي
سناء قربت جنب سرير تاكل : نعم
احمد : طبسي نقولك كلمة
سناء تاكل : نسمع حتي هك ما في حد معانا في غرفه
احمد : لالا يسمعو فينا غير طبسي بس شن خاسرة توا إنت
سناء طبست عليه حطت اخر طرف شوكولاطه في فمه و حطت وذنها عند فم احمد وشعرها حطاته ع جنب نفس الجنب جاء ع عيون احمد و بصوت واطي : شنو احكي قبل ما يسمعونا ع قولك
احمد تحرك وحول يده من وراء رقبته زمط طرف شوكولاطه بدون مضغ قعد استنشق شعرها وطلع زفير في وذنها مسك بيده خصلات من شعرها حولهن من عيونه
سناء حست بنفس احمد جسمها رعش بصوت هادي : هيا ممادو قول
احمد يوشوش : نحبك يا فرخه
سناء ابتسمت قلبها قريب يطلع من فرحه جسمها سخن زمطت ريقها ساكته
احمد مسكها من ايديها : مازالت نبيك
سناء ساكته
احمد كرها طاحت عليه : تي نعليا نا وخلاص
سناء رفعت رأسها : مادو خلاص غذاء
احمد طبس عليها : لا غذاء لا عشاء فوتي نبيك اخري
سناء غمضت عيونها
وراحو في خبر كان .....
............
محمود : ايوه من
شاب : الو محمود معايا
محمود : تفضل خويا محمود ال ###
شاب : والله يا خيي نبي نقولك خوك باسم دار حادث ع طريق سريع
محمود صبي من كرسي : كيف وينه
شاب : كويس ما في شي ماشين شور الجلاء قريب نوصلو
محمود يلم في دخان ومفتاح سياره : كيف الجلاء وكويس اني جايكم
شاب : تمام وصلنا راه
سكر
نزلو جت سياره إسعاف فيها الباقي الي مع حادث باسم لابس قميص سمائي في دم
وصلو طلع دكتور طوراي خشش باسم 3 شباب يفحص فيهم وراجل مراته جيهه اخري
...........
هنيده : قتلك مش عارفه بروحي هك
اختها : كيف بروحك بابا يسأل راه
هنيده عيطت : قوليلها راكبها جن جتنا ساعه 3
امها : بسم الله كنك يا فرخه شن هالكلام
هنيده : خلوني بروحي راه مريضه نبي نرقد
امها و اختها طلعن وهنيده أول ما سكر الباب وضي انهارت بكاء
.........
محمود أول ما خش عرفوه سأل ع باسم طمنو قالوله وين وخشله غرفة الطواري
باسم : خير يا طير تعال هنا
محمود عداله سلم عليه : شن صار معاك
باسم : حادث ع سريع 5 أقوال وراء بعضنا
محمود : باهي كويس انت كنك مقمعز ع كرسي
باسم : عشان ما فيا شي نرجو في راجل ومراته نطمنو عليهم ويبو يكشفو عليا قالو
محمود تلفونه رن يطلع فيه من جيبه : باه خليك توا نجي اكيده عياده طلعت وسيبت الحالات
باسم : تم
محمود طلع يبي يرفع التلفون ويفتح خطم دكتور
دكتور : منور يا دكتور
محمود فتح الخط ومش فاطن : تسلم يا فروجه
دكتور : تبي حاجه
محمود : لا والله تسلم غير خويا باسم داير حادث
دكتور : حمدلله على سلامته كيف حالته توا
محمود : والله ماني عارف
دكتور : تبي اي حاجه دورني ي حاجه دورني تلقاني
محمود : ان شاء الله
دكتور : هيا اوكي
فصل الخط
رحاب انفجعت : الو ايوه كيف حادث محمود الو
محمود بحت في تلفون : عليك قصه توا وقته يفصل شحن
عدا للاستقبال
شاب : تفضل دكتور
محمود : معليش حمادي حط هذا في شحن ولا تصغر توا نرد عليك
شاب : تم ولا يهمك
محمود رد للباسم
.......
رحاب : نعليا شن اندير هذا مقفل وووه عليا يارب زعما نقولها للبنات ولا شن اندير عليك كاينه
صبت لابسه ملاية الصلاة خذت علي وطلعت شور فيلا لقت حنين واسماء في مطبخ عميمه تصلي حطت علي جنبها خشت للبنات في مطبخ
رحاب : بنات
حنين واسماء برمن عليها : كنك
رحاب : نبي نقوللكن كنت نرن ع محمود
اسماء : باهي
رحاب بصوت واطي : سمعته يقول للدكتور باسم داير حادث
حنين واسماء فنصن : شنووووو
رحاب : اسسس كنكن عميمه تسمعنا
حنين تبرم ادور في فونها : خلينا نرنو وين بلاء التلفون
اسماء خذت تلفونها كان قريب وهيا ترعش رنت ع محمود مقفل باسم مقفل
حنين : كيف مقفل حي علينا نعلي شن صاير فيهم
رحاب : تعالن نعدو للايلاف بدون ما تفطن عميمه
بنات طلعن يجرن دقن لين بطلن
اسماء : راه تبقي معاه نحن ما نعلمو
رحاب عدت للبواب كلمته جاها
البواب : لا طلع بروح المدام ما طلعت معاه بس اخذها اخوها
رحاب : شكرا
البواب : عفوا مدام
رد جنب الباب
حنين : حي علينا نحن رقدين ع وذانا ما نعلمو ع حاجه
اسماء طلعت تلفون وترن عليا عطها مقفل رنت ع هبه
هبه : اهلين
اسماء بصوت خايف : هبه ايلاف عندكم
هبه استغربتها : اها كنكم خير ان شاء الله
اسماء قعدت تبكي : باسم داير حادث ما نعرفو عليه شي
هبه شهقت لين انا وماما صبينا
انا : كنك شن فيه
هبه قعدت تلكلك : اها باه كيف اندير انا
اسماء قعدت تبكي : والله ماني عارفه
وفصل الخط
هبه : الو الو اسماء
انا : أسماء اخت باسم هذه
هبه ارتبكت : اها اها
انا استغربت وجهه هبه : كنها شن فيه
ماما : ادوي يا بنت
هبه جت مسكتني من عند ذراعي وطلعتني من مطبخ انا نبحت فيها وقلبي مش مطمن
هبه : غير تريحي
انا قرن حواجبي عيطت : شن جو هذا ادوي شن فيه
هبه نطت : ببباسم
انا فنصت وصبيت : كنه
هبه بزعل : داير حادث مش عالمين عليه شي
انا خبطت ع صدري : هيييييييي
ماما : بسم الله كيف مش عالمين عليه شي
هبه : أسماء بروحها مش عارفه شي
انا حطيت يدي ع راسي قعدت مستكه دموعي نزلن
ماما جتني : إيلاف كنك
هبه ترن ع اسماء ردت عليها رحاب : ايوه وينك شن صار في باسم كيف مش عالمين عليه شي
رحاب تبكي : والله ماني عارفه نحن قاعدين بروحنا حتي عميمه ما عرفنا كيف نقولوها لها راك تقوليها إيلاف
هبه : تي قلتها لها عيطت عليا
رحاب تبكي : ربي يلطف بالحال رنينا ع محمد قال قريب من فيلا
هبه : يارب ان شاء الله طمنيني الله يربحك ايلاف حالتها حالة
رحاب : ان شاء الله ان شاء الله سياره اهي سيارة محمد خلينا نعرفو شن صاير
هبه : طمنونا باهي
رحاب مسحت دموعها : ان شاء الله
سكرت
..........
انا نبكي : كلمي بابا يشيلني للفيلا الله يربحك يا ماما قوليله يشيلني عشان خاطري
ماما : استهدي بالله و قولي لا لله الا الله بس توا تمشي
انا نبكي نشهق : لا لا لله الا الله
هبه جاءت ترعش : اصبري اهي رحاب توا طمنا
انا صبيت نبكي : لالا انا ما نرجاء حد ماما ماشية نلبس راه انا نبي نعدي
ماما : حاضر حاضر غير بشويش ساعدي خيتك وانا توا نقول للباتك
خشينا للدار قعدت نلبس ماما نوضت بابا لبسنا وطلعنا
بابا يسمع فيا نبكي :ان شاء الله خير ان شاء الله خير توا نرن ع محمد
انا طلعت تلفوني فتحته رنيت ع باسم مقفل
بابا : سلام عليكم
محمد : عليكم سلام خير يا عمي صلاح كيف حالك
بابا : الحمد لله كيف حالكم انتم وحال شباب
محمد : طيبين في نعمه غير باسم داير حادث بسيط و الحمد لله
بابا : لا حول لله باهي الحمدلله ع سلامته وين قاعد توا
محمد : الله ايسلمك ، في جلاء وشباب كلهم قاعدين
بابا : توا نجيكم
محمد : والله ما تعب روحك
بابا : لا كيف شويا وجاي
محمد : تمام ان شاء الله ناخذ دبش ونرد حتي انا للجلاء
بابا : سلام عليكم
محمد : عليكم السلام
سكر بابا
بابا : كويس ما في شي
انا مسحت دموعي : كنه مازال في مستشفي
بابا : مش عارف توا نشوف ماشيله
انا خاطري نقول للبابا نبي نمشي معاك تحشمت سكتت وقعدن دموعي ينزلن مش مطمنه لين نشوفه قدامي مصبي ع كرعيه
بابا : فوزيه نرد بيك للحوش
ماما : نبي نقعد مع البنت بتقعد وحدها
وصلنا نزلت انا وماما وبابا طلع خشيت للفيلا لقيت عميمه ماسكه السبحه وتستغفر شكلها عارفه بالحادث كانت تبكي معش عرفت من نصدق خايفه نقدم نسمع حاجه اخري قدمت و ماما ورايا
ماما : سلام عليكم
عميمه بحتت صبت : عليكم سلام مرحبتين تفضلي
ماما قدمت تسلم : الحمدلله ع سلامته ان شاء الله هذا حد سو
بنات طلعن من مطبخ
عميمه : الله ايسلمك ان شاء الله
انا سلمت ع عميمه حضنتني قعدت نبكي
عميمه : كويس سمعت صوته الحمدلله خلاص بلاش بكاء
انا حسيت روحي مرتخيه غبشت قدامي كنت مش وأكله كويس من امس نزلت ايديا من ظهر عميمه
بنات فطنن بيا جن بسرعه
اسماء وخرت عميمه و قمعزتني ع صالون تخبط ع وجهي بشويش : إيلاف حنين جيبي اميه وسكر بسرعه
ماما تفك في وشاحي وترعش
حنين جابت عصير وجت رحاب ماسكه علي وتبحت فينا زينب خشت علينا مفجوعه
عميمه تبخ في اميه : بسم الله الرحمن الرحيم نوضي سلم بنتي ما ترعشينا عليك والله ما في حاجه قتلك
حنين ركبت جابت عطر ونزلت
انا واعيه لكن نحس في روحي هابطه مرتخيه
حنين بخت في يدها حطاته ع خشمي فتحت عيوني وسكرتهن فتحتهن اخري زينب جايبه اميه وسكر قعدت تشرب فيا صحصحت
انا بصوت واطي : تمام كويسه
ماما : مش وأكله شي حتي غذاء ما تغذت كويس
عميمه : الله يسامحك ليش هكي عويل الي في بطنك شن ذنبهم
انا نسمع فيهن لكن عقلي مش معاهن نهائي نفكر في باسم وحالته
محمد يضبح : زينب زينب
زينب : إيلاف محمد يبي دبش للباسم
انا صبيت خذيت شنطه فتحتها خذيت منها مفتاح سندتني حنين عديت انا وياها للحوش فتحت الحوش وخشينا للدار النوم قمعزت ع سرير قعدت نذكر في عركتنا امس قعدت نبكي
حنين قمعزت جنبي : كنك يا اوفي كويس والله
انا هزيت راسي معني باه : حنين نبي نسالك
حنين : شنو قولي
انا : رانيا تكلم في باسم
حنين زمطت ريقها : صراحه مش عارفه
انا : في فرح نسرين شن صار
حنين : باسم ما قعدش واجد راه
انا : عارفه يقعد شويا في عزاء ويعدي للعمل بس حتي فرح جاكم
حنين : هما كلموه عشان يشيل معاهم الدبش
انا : مش شوري بهذا كله انا ندوي ع رانيا شن دارت
حنين : شي بس تحسيها وأخذه غايتها في لابس تدوي ع خطبه واجد
انا هزيت راسي وصبيت خشيت للغرفه ملابس طلعت للباسم توته خذيت ورقه وقلم كتبت " باسم رن عليا نبي نطمن عليك " طبقت الورقه و حطيتها في جيب الجاكه وطبقتها وحطيتهن في كيس طلعت عطيتها للحنين عشان محمد يبيب برا عطته وردتلي انا غيرت لابستي و ردينا للفيلا
........
عمر في شقة كل مرة يرن ع هنيده يلقاها مقفل صبي خذا دوش طلع يلبس رن تلفون عدا يجري لقاها نجلاء
عمر رد ساكت
نجلاء : ايوه عموري وينك
عمر انفصل : نجلاء من آخر هك طيري معش ترني ع ### هلي طلعيني من رأس امك
نجلاء تغير صوتها زعلان : تبي ترخي بيا
عمر : إنت الي كنك زقبتيلي من بداية قتلك متجوز و نحب مراتي اهي طفشتيها ليا
نجلاء ابتسمت : باهي توا عليش زعلان طلقها ماه ما حملتش
عمر رفع حاجبه متنرفز : نطلق ضحكتيني لا وناخذ فضلة غيري كنك إنت فيش تحسي
نجلاء فنصت : انا فضلة يا عمر
عمر : تي تنحرقي مش المهمة المهم معش ترني عليا
نجلاء : وانت كان تحبها راء ما طلعتش شفرتك قعدت تدوي معايا وانت عارف شن قلتلك عليا
عمر : وتوا معش يهمني حد لا إنت ولا غيرك انت اصلا كان عندك كرامه راه ما رنيتش عليا إنت عارفه من بداية ما نبيكش لكن تمسكنتي نشكي ما نشكي ظلمني ما ظلمني وانا لعند هنا وقف معش نبي نسمع صوتك ولا مشاكلك خطيني خربتيلي حوشي ازف " عاله صوته " خاطي #####
نجلاء : كنك تسب وتعيط انت قاهرتك درجه هذه عشان حرجانه يعني ع فكرة جو الي ادير فيه دايره عشانها ودايره عشاني ودرت أكثر من هكي مرضت وخشيت مستشفي اسبوووع عشان سيبتك ولا تذكرك توا انا اععع معقوله حبك ليا كذب و وهم ليش باهي شن درت انا في آخر انا بنت ما نقدرش نكسر كلمة هلي بعد رفضوك عرفو بعلاقتنا وضربوني
عمر اذكر غمض عيونه : توا إنت كنك تلكلكي معايا في دواء قتلك حاطيني يا بنت الناس انا رايد مراتي معش ترني
نجلاء قعدت تبكي : حسبي الله ونعم الوكيل فيك يا عمر حسبي الله ونعم الوكيل فيك
عمر : كان انا ظالمك ان شاء الله ربي يستجيب هيا اوكي
وسكر في وجهاا طلع الشفره وكسرها وحطها ع كومديني خذا قرطاس ومفتاح سياره والشقة ونزل
..........
باسم : منور والله اصلي
شاب : واجب يا رجل والله شغلتنا عليك اول ما قالو في سريع
باسم : تسلم يا غالي لا الحمدلله بسيطه
بابا خش : سلام عليكم
شباب : عليكم سلام
باسم يبي صبي : عليكم سلام خير يا عمي
بابا : قمعز تريح
قرب سلم
بابا : حمدلله على سلامتك
باسم : الله يسلم
بابا : كيف حالك توا
ولد عم باسم قدم كرسي للبابا : تفضل يا عمي
بابا قمعز
باسم : لا تمام غير محمود قالي نبي انديرلك فحص بس والله ما فيا حاجه شوي كدمات بس
بابا : باه كويس يعني تبي تطلع اليوم
باسم : اه ان شاء الله
خشو انس وابراهيم قعدو يهدرزو لين محمود تمم ع مواضيع راجل ومراته في عمليات جاء قاللهم ع أول سياره كان فيها شاب و توفي هو سبب حادث لقوه نسبة مخذرات في جسمه انفلتت منه سياره ع سريع قعدت تبرم معش تحكم فيها خطبها كانو وراء راجل ومراته في سيارتهم وشاب في سيارته وبعدها باسم
جو هل الشاب ومستشفى قعدو يبكو بابا روح قعدو شباب مع باسم
محمد عطي باسم الكيس كان دبشه دم بعد سعف معاهم خش للحمام يلبس يسقم في جاكه حط يده في جيب جاكه شاف ورقه طلعها قراها ابتسم ردها في جيبه وطلع هو مبتسم
شباب توزعو كل حد روح باسم ركب مع محمود عشان يرحو
.........
محمود : توا ساهل طلع سياره اخري
باسم ساكت يفتش في سيارته
محمود : فيش ادور
باسم : شفراتي يا راجل
محمود : كيف شفرات
باسم : تلفون انكسر كنت حاط الشفرات بيش هنا جنب المارشه
محمود : هيا نروحو بكرا طلع عليهن يا راجل روح بيش تريح
باسم وخر وسكر الباب شير للصاحب الرافعه عشان يجي يأخذ سياره وطلع مع محمود في سيارته تلفون محمود ما هدش بكل من رن أصحاب باسم و عمامه وخالاته رنت وصلو للفيلا خشو
انا ما نزل جو عويل محمد طول سلمو ع باسم قعدو يضبحو علي عميمه طلعنا كلنا
عميمه حضنتا : الحمدلله ع سلامتك يا باتي تأخذ سوك للسياره
باسم عيونه عليا : الله يسلمك
اسماء وحنين حضننه : حمدلله على السلامتك
باسم يكح : الله يسلمكن
رحاب وزينب مدن يدهن : ان شاء الله هذا حد السو الحديد تعوض
باسم : ان شاء الله
انا قدمت مديت يدي و ساكته نبحت فيه ندور في جرح في دم في كسر قدم عليا يعرج من كراعه شوي
باسم قنط ع يدي : الله يسلمك
عميمه : عمتك كانت هنا تسلم عليك
باسم طلق يدي : اها حتي عمي جاني في مستشفي
محمود : خشو جوا يا جماعه
خشو قعدو يهدرزو كلهم جو عمام باسم وصبايهم وبناتهم وخالاته ورجالتهن وبناتهن في ليل متأخر جو شباب أصحاب باسم وعويل عمامه وخالاته جاء خاله بس دارو عشاء تعشو وروحو
باسم خش علينا في صالة خارجية : إيلاف
انا صبيت : نعم
باسم طلع لحقته
انا : نعم
باسم : شن جو
انا : تمام حمدلله على السلامتك
باسم ابتسم : الله يسلمك نبي نتريح مازالتي تبي تقعدي
انا : لا توا نجي ناخذ تلفوني ومفتاح بس
باسم : توا نرجاك خشي
انا خشيت خذيت مفتاح والفون شكاره دبش باسم الي كاين لابسه : تصبحو ع خير
عميمه وبنات : وإنت بخير
طلعت لقيت باسم حاط يده ع صدره ويكح مش قادر
قربت منه نزل يده وسكت طلعت انا وياه شور حوشنا فتح باسم الباب وخشينا
انا : جعان
باسم : لا تعشيت إنت جعانه
انا : لا لا
دق الباب برم باسم : ايوه
فتح
أسماء : اهلا ههههه معليش بس ايلاف نست دواء
باسم خذا دواء : منوره
اسماء : خليها تاكل امبدري داخت علينا عشاء ما كلتش واجد
باسم بحت فيا رد للاسماء : اه تمام منوره
اسماء : تصبحو ع خير
باسم : وإنت بخير
سكر الباب جاني
باسم : كيف دايخه انت
انا : مش داخت داخت فقدت توازني وراسي برم بس
باسم : دوخه يعني
انا سكتت
باسم : مازالتي زعلانه
انا : شن رايك
باسم ضغط ع سنونه : تعرفي إن حاط رقمها في حظر
انا : باه نسالك سوال وبالله عليك تقول الحق انت كلمتها
باسم : اها كلمتها
انا فنصت : كيف مش في حظر
باسم : حتي خواتها في حظر مراه خالي في حظر بعد الي صار بس هيا رنت برقم خالي رديت قدام الشباب نحسبه خالي لكن طلعت هي تبكبك انا كنت مش متحمل حد ضغط عمل جيتني بضاعه من برا بين عزاء وفرح نسرين قلتلها موضوعك منتهي وخلاص
انا ساكته نسمع فيه
باسم : بعدين في شيل دبش ركبت معايا وانا مش فاطن نحسابها وحده من خواتي طلعن ما يندرنش عليا اني جاي ركبن مع محمود حطيها هيا واحلام وانتصار روحت وسيبتهم لصقن في سيارات اخري بعدها معش مشيت الا في زفة قلتها لك صح ولا لا مع هذا تروحي تعبانه تقولي من تقمعيز ع كرسي في عزاء
انا هزيت راسي
باسم قرب مني : شنو يعني
انا وخرت : يعني انت الي حليت الموضوع
باسم : لا اقسم بالله ماني انا دويت للمحمد عدا للخالي مش شوري
انا : بس هيا تقول انك انت الي حاليتلها موضوعها
باسم : إنت تبي تصدقيني ولا تصدقيها
انا سكتت
باسم : تمام زيدي فكري باهي خليك بجوك تصبحي علي خير
عدا للدار شاف شنطه فوق سرير مع خشتي للدار
باسم يبي يعرف بس ما يبيش يدوي معايا مسك شنطه يبيني ندوي بروحي ما بيتش ندوي خشيت للحمام باسم حول الشنطه سلح الجاكه وقمعز ع سرير انا غسلت وطلعت للدار ملابس طول باسم صبي يأخذ في دوش انا لابست ورقدت وباسم طلع مسح رأسه وصلي ورقد
.........
محمود قمعز ع سرير جنب رحاب : صار إنت الي ع خط
رحاب : تي كرعيا رقدن بعد سمعت نرنو مقفل عليك فجعه حصلنها
محمود ضحك
رحاب : مره اخري تلفون في شحن ديما يا دكتور
محمود : نعلي منك وانت تأمر وانت تهدد يا واعر انت يا عسل
رحاب : هههههه شغلتني اصلا
محمود قرب منها : انشغلتي عليا
رحاب ابتسم : لا
محمود غمزلها : احلفي
رحاب : انشغلت ع باسم بعد لقيتك مقفل انشغلت عليك حتي إنت
محمود نزل يبوس فيها : تي نعليا نا
رحاب : حوده وخر شن اتفقنا
محمود : عارف بس تصبيره
رحاب ابتسمت
محمود رد نزل عليها ...
..........
الاء فتحت الباب ابراهيم وراءها
ابراهيم : نخش نتريح في مربوعه لين ما تميمي مواضيعك
الاء : تمام
ابراهيم خش والاء سلحت وشاح وطول للفون فتحاته وعلقاته في شحن خشت للمطبخ شربت اميه جت رنت ع انس مرتين ما ردش عليها صبت خذت ساكو طلعت دبش ولعت عليه الغسالة قعدت تلم في حوش وخيشاته كله وبرمت ع ثلاجة عزقت الخضرا الي في ثلاجه كلها مسحت الثلاجه سيقت المطبخ تبي تخش للحمام سمعت تلفونها يرن خشت لكن ما وصلتش في رنه فصل الخط بحتت لقت 7 مكالمات من انس رنت درلها مشغول و رن عليها
انس : الو
الاء : اهلا شن جو
انس بفرحه : روحتي صح
الاء ابتسمت : اها ، رنيت من امبدري كنك ما ترد عليا
انس : كنت نوصل في عمال يا روحي حصلت في زحمه، قوليلي من جابك
الاء : جيت انا وابراهيم نبي نظم الحوش نبي نشيل للماما دبش
انس : كيف تبي تردي
الاء : اها بس معش نبي نبات عشان غذاء وعشاء بابا ابراهيم تمرمدو
انس : حتي انا تمرمدت معاهم
الاء بصوت هادي : عليش تمرمدت تاكل وتشرب ونرقد في حوشكم امتي ما تبي
انس : انا متمرمد أكثر منهم
الاء ابتسمت : لااا
انس : ورب الكعبه متمرمد لا نسمع في صوتك ولا نشوف فيك واجد عليا متمرمد ولا مش متمرمد
الاء : ههههه لا متمرمد بكل اخري
امس : الحمد لله اعترفتي
الاء : لا معترفه اه حبيبي شكرا ع شوكولاطات امس نسيت نشكرك ههههه
انس : انا عيوني لك يا نقطه
الاء : نجك ليا ان شاء الله ديما هادي ورايق هك
انس ضحك : عليش شن درتلك
الاء : هههه ماه بعد تنفصل تتعجرف عليا
انس ضحك : تي توا نوريك يا نقطه غير نوصل فيك بس
الاء بدلع : طويلي انا حبيبتك
انس : ريت طروح ريت
الاء : ههههه
انس : لنقاني مرايف عليك و كبدي دايبه
الاء ابتسمت : امس شفتني
انس : حتي كان مازالت مرايف
الاء بصوت هادي : صراحه حتي انا مرايفه عليك
انس بصوت عالي : ارقي يا حراره
الاء : انس
انس : قلبه
الاء تسمع في صوت : شكله ابراهيم ناض سكر بعدين رن عليا
انس : تمام قريب نوصل اصلا
الاء : اوكي
سكرت صبت للابراهيم درت سندوتشات تغذت هيا وياه ابراهيم نزل هيا خشت للمربوعه آخر حاجه اظم فيها
........
هنيده فتحت تلفونها جنها مسجات
"هنو افتحي تلفون نتفاهمو"
"اقسم بالله نفهمك غير ردي بس"
"نحبك وربي العزه نحبك يا هنو"
"عشان خاطري تردي عليا"
عمر وصلنا رسالة تقرير توصيل رن طول
هنيده سكرت في وجهاا قعدت تقرا في مسجات
"باهي اسمعي مني بعدين و احكمي انا مازالت نبيك وشاريك ما نقدرش ع فراقك"
"اسسسف و نحبك"
عمر رن اخري سكرت في وجهها دزتله مسج
"كلام معش ينفع كان دايرلي قدر راء ما هنتش عليك تخوني انت رديت للحبيبتك اوله معناها خنت غلط جاء منك معناها انا خلاص انتهت حياتي معاااك كان نموت يا عمر ما نردلك كااان نموت عارفها نموت ما نردلك ربي يسامح ع قد حرقت قلبي وكسرتي ربي يسامحك"
دزت مسج قفلت تلفون طول قعدت تبكي
عمر وصله مسج هو في مكتب يقرأ حس روحه ضاقت بيه معش عرف يصرف يبيها ترد لكن طريقته ما جبتش نتيجة خايف عليها من كلام الناس عروس وحرجانه خبط المكتب ودف كرسي الي مقمعز عليه صبي طلع قدام الباب المكتب واضح راقيلا
.............
اسامه : اها اليوم جاينها
ايمان : لا والله ما سمعتها
اسامه : العيت ### وشاب خلوق محترم
ايمان : الله يربحك وافق خليها تهج بالك امك تحن علينا
اسامه بحت فيها
ايمان : مش قصدي بس والله تعبت حتي بعد قلتلها اسامه قال كذا وكذا قالتلي اين اسامه هذا انا هنا الي نحكم
اسامه : استغفر الله العظيم
ايمان : باهي شن وافقتو انت خوتك
اسامه : تي غير خليهم يشوفوها انا مش مطمن
ايمان : عليش
اسامه : قالو من طرف ابله معاها
ايمان : حتي كان علاقة الله يربحك وافق يا اسامه والله كان ترفض تجي فوق راسي انا هزايب و دهك مواعين
اسامه : لا حتي انا موافق
ايمان ابتسم : بس ما قالولنش لا انا لا يقين اصلا كان هذا راه قالتلي
اسامه صبي : معناها ما تنزليش
ايمان صبت معه : مش نازاله اصلا
اسامه : خلاص تبي حاجه طالع للعمر
ايمان : لا سلامتك استودعك الله
اسامه : سلام
طلع اسامه ايمان خشت تجري رنت ع يقين قالتها لها
يقين : توا قالها ليا المرزي آخر بس قالي نبو نعطوها
ايمان : احسن حاجه خلي الالفاعي يجوزن يالله يعيشن نفسنا واشر
يقين : ايوه الله ان شاء الله اطيح في عمه اشر من اومايتها سحيقة ان شاء الله لهن
ايمان : هههههه قريب نطلع نزغرت ونقوللهم دفع وبيان شوري غير طلعو الفرح
يقين : ههه والله صدقتي ، قمعز يا توتو عطك داء يا رحومه وانت مكري في خوك طالع للعماتك
ايمان : ههههه عطك الخير راه يسمعنك
يقين : يضرب في خوه قريب يسحنه من ضرب
ايمان : خلاص معناها نتلاقو امشي حزي بينهم
يقين : تمام باي
..........
انا نضت بحتت في باسم لقيته سالح الجاكه وتيشرت راقد واضح فيه تاعب لقيت الكدمات زرق في جسمه قربت منه قعد ندور في باقي كدمات طبست عليه شعري طاح عليه جسمه رفعته ناض
باسم حك رقبته تحرك : اااه
انا : باسم كنك
باسم فتح عيونه يا دوبك يدوي : صباح الخير
انا.: صباح النور ، احم في حاجه توجع فيك
باسم هز رأسه بلا غمض عيونه
انا نزلت من سرير وخشيت للحمام غسلت توضيت للصلاه طلعت لقيته حاط ايديه ع عيونه محول الورغان من عليه
طلعت من دار خشيت للمطبخ حطيت حليب ع نار نقصت عليه عديت للمربوعه قمعزت ع صالون قعدت نصلي كملت رديت للمطبخ قعدت نوتي في فطور شوي وطلع باسم
باسم : تراء رني ع رحاب قوليلها تقول للمحمود يجيني نبيه
انا هزيت راسي حطيت طاسة النسكافي ع طاولة الأكل نبي نطلع عراضلي ع الباب
باسم : وين
انا : نبي نجيب قبصه
باسم : خليه مطلوق شن مضايقك
انا رفعت راسي بنبره جدية : اها مضايقني دايرلي غمه ع قلبي
باسم وخر انا خشيت للدار خذيت قبصه لميت شعري وطلعت رنيت ع رحاب خشيت مطبخ خذيت حليب وشاهي مصبيه في مطبخ كل مرة انشوف في حاجه باسم كمل فطوره وصبي : نبي ثلج ترا شويا
انا وخرت قعدت نبحت في كدمات واجعني بكل كينات كدمات زررق في جسمه في وحده عند كتفه خذا علبة الثلج هذه امتاعه بعد يلعب كوره ويطيح في عاده يحط فيها بعد يروح من مباره قمعز ع كرسي وقعد حاط الثلج انا نكسر في عيني نشوف فيه
باسم تنحنح بصوت عالي شوي
انا برمت طول قدمت لعنده
باسم : ترا مناديل نمسح اميه
انا كريت مكارة المناديل قعدت نكر ونمسح : هيت ثلج توا اندير انا
باسم ابتسم عطني طول : تعالي في دار كيف تبي تقمعزي هنا
انا نبحت في كدمات : لا عادي
باسم صبي : هيا
طلعنا
انا : خلاص تعال حتي في صاله
باسم مشي شور الكانبه الصاله قمعز وانا جيت قمعزت جنبه أول ما حطيت ثلج بحتت فيه غمض عيونه بالقوه انا حولتها طول
باسم فتح عيونه : خليها يا اوفي
انا : نحسابها توجع فيك
باسم يكابر : لا غير مثلجه
انا هزيت راسي ورديتها بشويا
باسم حط رأسه ع كنبه تنهد الباب دق
انا جيت نبي نصبي
باسم : خشي جيبيلي ماليا هذا محمود البسي حاجه
انا : باه
خشيت جبتله وخشيت باسم فتح الباب
باسم : صباح الخير يا معلم
محمود رفع رأسه : صباح النور يا رأس كنك قالولي تبيني
باسم : خش كنك مصبي
محمود : عندي عمل متأخر بروحي
باسم : باهي قول للبواب جيب سيارة اخري من مزرعه نبي نطلع شفرتي
محمود : تم حاجة اخري ناقصتك حاجه
باسم : لا منور
محمود : اوكي
باسم سكر الباب وجاني لقاني نكلم
انا : حاضر يا عميمه شويا ونجوك
عميمه : الله يربحك ما تعبي روحك غذاء عندنا
انا : إن شاء الله حاضر
عميمه : هيا بسلامه نرجوك
انا : تمام باي
سكرت
باسم : كنها امي
انا عزمتنا ع غذاء
باسم قرب مني مبتسم : باهي شنو إنت
انا رفعت حاجبي : شنو كني
باسم : كنك يا اوفي مش وضحتلك توا
انا : خليني بجوي
باسم رفع حاجبه : تمام بكل بجوك
طلع وسيبني
انا صبيت لبست وطلع وسيبتله حوش مشيت للفيلا
..........
سناء : تعال هنا احمد ما نبيش
احمد : وراس امك تشري سمحات
سناء بصوت واطي : تي اروابي جدد
احمد : باهي اشري اخري شن فيها دلعي حبيبك شن خساره فيا
سناء : لا مش هكي بس نتحشم ادوي انت
احمد ابتسم : غير تعالي بس شوري
خشو للمحل الي في مول احمد قعد يشير بعيونه للسناء وسناء تهز في رأسها قربت منه
احمد : شنو تبي حاجه معينه
سناء بصوت واطي : اها نبي بدلة رقص
احمد ابتسم سنونه كلهن بانن : باه تعالي
سناء : مش ليا راه موصيتني عليها وحده
احمد رفع حاجبه : من هذه
سناء فنصت : كنك
احمد : باهي وإنت
سناء : شريت منها في بنغازي بس نا نعرفش نرقص ماك عارف
احمد : اشريلها الوحده الي من تبيش تقولي اسمها واشري روحك
سناء كلمت البنت الي تشتغل في محل ورتها مكان وقعدت تختار خذت 4 بدالي 2 جلبيه مصرية مفتوحه من اجناب واخري بدلة كاملة بعصا امتاعه تجنننن خذت وحده سوده وحده ملكية لفتهن وعطتهن للبنت خذت روب واحد خيااال لونه دمي مش طويل مش قصير عطتي للبنت قالت للاحمد يسلك عدا دفع خذوهن وطلعو
احمد : شنو تبي حاجه اخري ولا نتغذو
سناء : لا جعت وكرعيا من برم
احمد : ههههه هيا نطلعو باهي
طلعو تغذو برمو شويا وردو للفندق
...........
انس يتغذاء : اها كملت فيها كم شوط
ابراهيم : باه تمام وين ايوب غاطس
انس : توا كلمني شاف سيارتك قدام الحوش قال اني جاي
ابراهيم
.
يتبع ...
Fafy fa
