#فوبيا_الحب❤
الحلقة [43]
انس لقى مفتاح معلق فتح وخش للمربوعه طول : نوض ياكلب حتي صلاه مامشيتش
ابراهيم : تي حل نبي نرقد
انس : ساهر امس اه ياتافه
ياسمين : اهلا نبي نوعي الاء
انس : خشي جو اكيده واعيه
ابراهيم قمعز : كان خشت علينا وخلاص شن صبح ### هذا
انس : بنت مابحتتش فيك بكل نوض مرقد جدودي
ياسمين : انننننس ابراهيييييم تعاااااالوووو
ابراهيم نط : كنها هذه
خشو يجرو لقوه الاء طايحه قدام حمام كانت لابسه سترتش وكت وفي يدها منشفها مغطي عليها شويه
انس وخر وعطها بظهره دغري : ارفعها من قدام حمام
ابراهيم رفعها خش بها دار وياسمين لحقاته : لبسيها
ياسمين لبستها وطلع ابراهيم جاب كأس اميه ورد للدار وانس طلع قدام حوش عيت عمو يعني في سقيفه بين دروج عمو محمد وعمو عمر قعد يخبط في ساس كم مره في جرت بعضهن
ابراهيم قعد يبخ فيها ويضرب فيها ع وجهه ع خفيف : الاء الاء
ياسمين تبكي وماسكه العطر : كنها تبيش تنوض
ابراهيم : اسكتي ازف. الاء الاء
الاء بدت تفتح في عيونها : همم
ابراهيم : اهي ناضت
ياسمين قربت منها : خوفتيني عليك ياقرده كنك
هدي اضبح : انسس شن صار كنكم قاعدتو ساعه
انس سمعها خش وجاء حدا روشن : ابراهيم في حمام
هبه : قول لللولي وسماني ينزلن
انس خش وفاتها
الاء اول ما سمعت صوت انس قعدت تبكي
ابراهيم : كنك تحسي في حاجه
الاء تبكي : شي بس نحس في روحي تعبانه نبي نرقد
ياسمين : افطري وارقدي
الاء مسحت دموعها ورقدت ع سرير : عنديش نيه نبي نتريح راسي يوجع فيا
انس دق ع باب : اووي ابراهيم شن صار
ابراهيم : خش تعال
الاء قمعزت وغطت روحها بورغان
انس بحت فيها مصبي فم باب الدار : الحمدلله ع سلامتك
الاء مابتش تبحت فيه : شكرا
انس : البسي نشيلك مستشفي
الاء : لالا مافيا شي
ياسمين : خلاص انزلو توا نقعد معاها انا
ابراهيم قرب من الاء : تبي حاجه قولي شن فيك نشيلك مستشفي
الاء بحتت فيه : لالا نبيش نمشي اسفه فجعتك بس والله راسي برم ودخت ماحسيتش بشي
انس يبحت فيها وخلاص : مش واكله ولا كيف نجيبلك حاجه تاكليها
الاء : لا شكرا
انس حس بها ان تبيش تدوي معه وعرف روحه مكثر عليها وكبر موضوع واجد هو بدايه بصاره لكن كبر بكلمات يجرحن كل حد جرح تاني من دون قصد
ابراهيم : خلي تلاك تلفون اي حاجه رني عليا
الاء رقدت وغطت روحها وهزت رأسها بحتت في ياسمين : عدي تغدي نا عنديش نيه للشي راه
ياسمين : كيف نخليك بروحك
انس : لالا خليها معاك اي حاجه رني عليا يا ياسمين
الاء بتعب : اووف
ابراهيم صبي : رني علينا تم
ياسمين : تمام
طلعو ابراهيم وانس
ياسمين قمعزت جنب الاء : علي اساس عندي ارقامهم
الاء ابتسمت بسيف وغمضت عيونها
انس عقله مع الاء ليش داخت شن جاها كانت كويسه بس وجهه واضح عليه تعب مش نفس امس بكل عليك نهار اسود هو. شن درت في روحي وفي بنت انا
هدي : وين خيتك
ابراهيم : تعبت علينا ورقدت فوق
ماما : كيف تعبت
ابراهيم : لقيناها دايخه
هدي صبت : هييي شن جاها
ركبو كلهم لقوها راقده طلعو في صاله
هبه : كنها ياخالتي
هدي : والله لها ثلاث ايام ماتاكل ماتحط في حاجه في فمها خاطي اميه ونخش عليها ف دار نهزب لكن شي تسكير رأس
ماما : ياناري ع بنيتي هي ضعيفه من غادي
نجاح : حارقه دمها ع هالقريا سوده شن فيها كان سقطت
انس : لبسيها ياخالتي نشيلوها مستشفي
ابراهيم : فكنى منها يا راجل رأسها مسكر هذه تعاند خليها راقده
احمد : بس هذه داخت مرات في حاجه لازم من كشف كامل
عمو محمد : بعد غداء نشيلها انا خلوها توا متريحه راقده
ايوب خش : سلام عليكم يا جماعه
كلهم : عليكم سلام
ايوب: وينكم دقيت لوطي مالقيت حد معش عرف وين غداء نشم لوطي ونسمع فيكم فوق
ياسمين : لولي داخت
ايوب بحت في خالتي هدي : لالا كنها بسم الله
هدي : والله ماني عارفه ياوليدي بس لنقانها ماتاكل
بابا : لا حول لله ان شاء الله هذا حد سوه ياسي
عمو علي : الحمدلله ع سلامتها
عمو محمد وهدي : الله يسلمكم
ماما : هي انزلو تغدو
نزلو تغدو كلهم الا انس ع اساس نزل وركب قعد قدام باب حوش عيت عمو محمد ويرن ع الاء ماتردش عليه نزل قعد في جنان يرن ماتردش قعد يدخن خش خذا قهوه وطلع قمعز في سيارته ويرن ماتردش رن تلفونه
بات عبد الرحمن : سلام عليكم يا اوليدي
انس : عليكم سلام ياباتي كيف حالك كيف حال امي شن دايرين
بات عبد الرحمن : كويسين سامحني ران عليك في هالقايله
انس : لا عادي انت اللي سامحني ليا فتره معش جيتكم
بات عبد الرحمن : لا عاذرك عندك اشغال حتي انت بس نبي منك حاجه كان تقدر وفاضي
انس : تفضل يا باتي حتي كان مانقدر اندبرها
بات عبد الرحمن : تسلم هذا عشمي فيك،، امس خالتك تعبت علينا وانا عيوني بالهون في ليل ع سواقه اليوم ولعت سياره مابتش تولع كان فاضي تشيل خالتك مستشفي
انس : حاضر مسافة طريق خليك متريح سياره توا نصلحها انا
بات عبد الرحمن : لالا نبيش نثقل عليك اخري
انس : هذه وصيه عبد الرحمن الله يرحمه ياباتي قالي هلي في عيونك وانا لازم انفذها
بات عبد الرحمن تغير صوته : الله يرحمه ويخليك لهلك مش مقصر بشي حتي انت
انس : باهي قوللهم يلبسو شوي ونجيكم
بات عبد الرحمن : سامحنا متعبينك معانا
انس : ماتقولش هكي تعبكم راحه هيا سلام
بات عبد الرحمن : سلام
انس سكر تلفون مع طلعت ابراهيم وايوب بطواسي شاهي وايوب يدخن لكن ابراهيم لا
ايوب : فات امك رز بتقليه وعصبان صح بكل
انس : باهي صحه انا ماعنديش نيه ، ابراهيم ام عبدالرحمن مريضه ولازم نشيلها مستشفي شوف اختك بلكي نشيلها حتي هيا
ابراهيم : لا اربح اسعف الوليه هذه توا يشيلها باتي
انس رقاله : تم،، ايوب افتحلي قوراج
ايوب صبي فتح قوراج وانس طلع قعد يرن ع الاء مابتش ترد عليه
ابراهيم : تعال نخشو
ايوب : خش لاحقاك
ابراهيم خش ايوب قعد يبحت في مكان اللي بعد تأخر ع عشاء نا رنيت عليه خشش يده في شعره ونفخ مع طلعت هبه
هبه : نكمل حوسه ونرن عليك .. حاضر .. سلام
ايوب : هبه
هبه برمت : فجعتني نحسابك طلعت
ايوب : شن جو ايلاف
هبه جت جنبه : كويسه شن جو خطيبتك
ايوب : متريحه ايلاف
هبه : فوت خلاص كنك مازالت تفكر فيها
ايوب : غير خليها طير من تفكيري بعدين توا نفوت
هبه : هي اجوزت وانت خاطب كل حد في حاله
ايوب : نبي نسالك آخر سوال عليها
هبه : اوووف شنو
ايوب : ماحبتنيش بكل
هبه : ايلاف نوعيتها ماتدويش بذات مشاعرها حتي كان دوت تدوي للالاء ولا صحباتها اسرارهن عند بعضهن نحن تحشم منا وبعد فتره بيش تعترف وتقول حتي بعد قتلها ايوب يبيك قعدت تلكلك في كلام كل مانفتحو موضوع تقول سكروه
ايوب تنهد : وصلت معلومه
هبه : خليك مع خطيبتك وابني مستقبلك فوت خلاص
ايوب جبد دخان جبده قويه لعند قعد يكح : خلاص خشي جوا قولي للابراهيم ماشي للمعرض خليه يطلع
خشت هبه وكلمت ابراهيم وطلعو للمعرض
..........
انا بحتت لقيت باسم مازال راقد شفت فون لقيتها 12 ونص نطيت خشيت للحمام غسلت وجهي بغسول وكديت سنوني طلعت وتيت لبسه ورديت للحمام غسلت جلدي وتوضيت وطلعت لبست قفطان طويل مخطط وتعطرت وصليت نبي نوعيه لكن مانبيش ندوي معه طلعت وسيبته راقد
اسماء : نوم عوافي ياعروسه
انا ننزل من دروج : الله يعافيك والله مافطنت للساعه
هناء : عادي هذينا ايام دلع
انا ابتسمت قعدت نسلم عليهم كلهم
انا : كيف حال صحتك ياعميمه
عميمه : الحمدلله شن باسم راحت عليه جمعه
انا : احم اها
استأذنت وخشيت للمطبخ
سناء : معبي ثلاجه باسم
انا : امس تعشينا هنا
حنين : عليش مشروب هذا كله هههههه
انا انحرجت : نقرض معاكن حاجه
رانيا خشت : اهلا هذا وين نضتي نحن جاين من 9
انا اول ما سمعت صوتها كان نلقى نبرم عليها نهزبها ماعنديش لها خلوق بكككل وياريتها ماجت عشان باسم اليوم راحته يعني يوم كله قاعد معانا : اهلين
هناء : مطولين امس امالا
سناء : عليك تنقيب وشن دخلكن مازالو عرسان راه
انا حسيتهن كلهن عليا أول مايشوفني يقعدن يدولي غير ع باسم ولا نا غايره من كل حد ولا شن حل قعدت نغسل ونوتي معاهن
عميمه اضبح : نوضي باسم سلم بنيتي
انا : حاضر
عميمه : يحضرلك الخير
انا ركبت ورانيا خشت للحمام سقمت روحها وطلعت سناء تلفونها رن طلعت برا
سناء : ايوه حبيبي
احمد : وين اليوم من رساله صبح معش رنيتي
سناء : هههههه والله مافضيت
احمد : باهي توا فاضيه
سناء : حتي كان مش فاضيه نفضالك
احمد : نعليا نا فيش ديري يافالحه
سناء : غداء ما درتش شي نوتي بس لكن حلو درته نا و اوفي امس
احمد : يعطيكن صحه ياروحي
سناء : سلمك مكسد شكلك
احمد : اها شن تغديتو
سناء : لالا نرجو في باسم ينزل
احمد : راقد امالا
سناء : اها شكلك تعبان من عمل
احمد : لنقانى تعب حتي نا كروني كر من فراش ع صلاه شكلي نبي نرد نرقد
سناء : لالا عدي مع أصحاب كان ترقد يتلخبط روتينك
احمد : توا نشوف ، حبيبي نبي نقولك
سناء : نعم
احمد : شوفي واختاري بسرعه كنك تماطلي معايا
سناء : والله حرت ديار الاثنين حلوات
احمد : شن نشريهن هنا الاثنين
سناء : لا توا نختار خلاص
احمد : بعد اندزلك باقي اثاث معش طولي وانتي تختاري تبيلهن سنه بيش يوصلن وانا وحيد اللي نتمزط في موضوع هذا كله
سناء : ههههه حاضر مره اخري نختار طول بس انت شارك
احمد : لا عادي انا اي حاجه مهم تبقي عندي بس
سناء بصوت هادي : إن شاء الله
احمد : نعليا نا من حبيبي
سناء : اها مازال ما نزل... خلاص شويه وينزل
احمد : مع من تدوي انتي
سناء : حمد ولد عمو
احمد : لا حمد ولا محمد ماترديش عليه
سناء : تي كيف مانردش يسأل فيا
احمد : مافيش الا انتي
سناء : انا برا من بنات وباقي في مطبخ
احمد : عليش برا خشي هيا اسمعي لابسه وشاحك ولبستك طويله
سناء : اها لابسه
احمد : خلاص خشي معش تطلعي
سناء : معش تبي ترن
احمد : بعد تروحي توا نرن
سناء : اها باه اوكي
سكرت وخشت للبنات خلت جوها عادي
......
حنين تقرض في مسير : اسماء حسيتش ماما قعدت كويسه مع ايلاف
اسماء : البنت كويسه وبعدين خالاتي وخدوج شكرنها لها بعد كانن عندنا وانتي شفتيها بروحك امس بعد قعدت توتي معانا في حاجات ماشاء الله عليها حركيه وبعد نقصت جسمها قعد سمح وهي سموحه البنية وسناء تزن ع وذن ماما كملتها لها مانبيش مشاكل البنت اخت احمد تخايلي عميمه تدوي عليا كيف ما انتي تدوي ع ايلاف
حنين : هههه فرخه هذه ملعونه خايفه ع روحها، بس بجد تهبل شفتيها انتي مش حاطه شي في وجها الله اكبر
اسماء : اها تهبل أول مره نشوفها بلا مكياج
نجاه قربت منها : فيش تقرمن
اسماء : ع ايلاف
رانيا خشت سمعت اسمي قربت منهن ع اساس تغسل في طاسه وهيا تسمع فيهن
نجاه : اها ربي يحبه خييه طاح وين استراح شكلها مهتمه به ومنظمة
رانيا : هههههه وين نظام في موضوع واعيه واحد هو فاتت عليه جمعه
اسماء : عادي عرسان
رانيا حطتت طاسه وطلعت
حنين : قصدكن هذه مازالت حاطه باسم في رأسها
اسماء : ربي يشفيها تعالن نطلعو برا في رويحه
نجاه : كنها تبي باسم هيا
اسماء : تعالي نطلعو فوتنها
سناء خشت : تبن تطلعن
بنات : اها
سناء : توا نقعد هنا وخلاص
اسماء : كنك
سناء : احمد قالي معش تطلعي حدا عويل عمامك
بنات : هههههه
سناء : اسمعن يا تسكتن يافصله تجي عليكن اطلعن كلملي احلام تقعد معايا
اسماء : باهي ياخوافه
طلعن وكلملها احلام وانتصار خشن معاها في صاله
..........
انا فتحت باب لقيته مازال راقد قربت منه : باسم باسم
باسم فتح عيونه : ساعه كم
انا برمت ع علاقه : واحد ونص
باسم قمعز : جمعه راحت عليا
انا حطيت جلابيه ع سرير : اها حتي نا نضت متأخر فاتت عليك جمعه وهلك كلهم لوطه
باسم : باهي انزلي ديريلي نسكافيه لعند ناخذ حمام سريع
انا قعدت نطلعله في عطر ساعه ونظارته وسباط
باسم : حوليها جلابيه مانبيهش
انا حولتها وحطيت بنطلون أمريكي وتي شرت وجاكه جلد حولت سباط حطيت كويش ومفتاح سياره : تمام هكي تبي حاجه اخري
باسم كان كل مانتحرك يبحت فيا : لالا خلاص
انا صبيت جنب مرايا وفكيت وشاح وفكيت شعري قعدت نسقم فيه ورديت لميته اخري باسم صبي بحت فيا
باسم : غيري لبستك
انا : عليش
باسم : جسمك مرسوم غيريها البسي حاجه واسعه
وخش للحمام وانا غيرت نزلت نوتي في نسكافي درته ونبي نركب قبلتني رانيا
انا : تبي حاجه
رانيا : باسم رقد ع فجر أمس اللي مازال ماناض
انا انصدمت كيف عرفت نرفزتني : وشن دخلك ع فجر ولا قبل فجر
رانيا ابتسمت : لا عشان مازال ماناض بس
انا مسكت في حديد وركبت : يارب يارب استغفر الله العظيم
خشيت قمعزت ع سرير لين طلع من حمام بحت فيا
باسم : كنك في حاجه
انا صبيت : لالا بس انت امس ساعه كم رقدت
باسم : بعد فجر عليش
انا فتحت باب : شي
باسم : ايلاف صبح ازف كان هلك تخلينش نقلب جد امها عليهم كلكم
انا : بعدين ندو لان عميمه تراجي فيك لوطى
نا نزلت وخنقتني العبره خلاص انخنقت يعني كان يكلم فيها امس ليل كله واليوم ماقاليش حتي صباح الخير غلطان ويلاطع نزلت قمعزت جنب البنات شويه وباسم نزل سلم عليهم كلهم وقمعز مع خاله وعمامه وراجل نجاه وراجل مرعيه ومحمد خوه وعويل عمامه ولد خالته وقالوله كلم مراتك نسلمو عليها وجاني يزن قالي عمي باسم يبيك عديت قالي سلمي سلمت عليهم وعلي عويلهم راجل مرعيه ونجاه صابوه قبل مانجي ورديت قعدو عويل عم باسم يهدرزو معه باسم ماعندش نيه لهم بكل قعدو يركبو عليه كنك راقيلك وباسم ساكت وخلاص صبينا حطينا الغداء وبعدها غسلنا مواعين نا وبنات ورانيا مسيبتنا نحن كل مره ماشيه جيهه رجاله كل مايطلبو حاجه هي اللي تجيب فيها
حمد ولد عم باسم : يا راجل كنها مش راكزه بنت خالك حتي خواتك ماجن هيا كل مره جايه
محمود : عليك سريب توا نصبي ندويلها مشكله كان يفطنلها محمد يفصعلها رقبتلها
وليد ولد عم باسم : تعال ياطيري نبرو في مزرعه
باسم : شويه ونجيكم
حمد : قعد عندنا كبيده نستاذنو قبل
باسم : لا والله ماهي هكي
وليد : لنقانها لكبيده واعره اسالني عليها نا
باسم : صار واعره يا ### كنك ماتجوز
وليد : قولها للعمك ومرات عمك مش ليا لنقاني طايح بوجهي
محمد ولد خالته باسم : انا مش طايح نا سعدي اللي طايح
شباب قعدو يضحكو
حامد خوه حمد : شن صارلكم ياعويل فلان
حمد : طايحين ع وجوكم
باسم : لا نا مش بوجهي مع بعضي طايح
شباب : اووووووو قويه هذه
لعند كلهم بحتو فيهم
باسم صبي : صوتكم ياكلاب
حامد بصوت عالي : غير تعال يا معلم
باسم يمشي : توا نجيكم نشوف تلفون
محمد ولد خالته باسم صبي قمعز مع محمد خوه باسم
وليد : تلفون ولا لكبيده
باسم شيرلهم بيده بمعني للاثنين ✌
.......
محمود : رحاب خذيتي دواك بعد غذا
رحاب : اها خذيته
محمود : باهي تمام رانيا تعالي
رانيا صبت ورحاب قعدت تبحت فيهم
محمود وخر من جنبهم شويه : اسمعي معش تجي جنب رجاله بكل
رانيا : نجيبلكم في حاجات
محمود : كلمي عويل محمد يجوكن لكن انتي تجي غادي احسابي معاك عند خالي عويل عمامي شباب مش صغار
رانيا : باهي كنك انفصلت
محمود رفع صبعه : آخر مره ندوي مش معاود
رانيا : باهي
محمود عدا وخطم من جنبنا وبحت في رحاب ورقص حواجبه رحاب كشخت عليه و صبت جو رنت عليه
رحاب : ايوه
محمود : نعم ياروحي
رحاب : راه نا تعبانه ماعنديش خلوق حتي نتنفس
محمود انفجع : شن في صارتلك حاجه
رحاب : لا مافي شي بس رانيا معش تجي شورها
محمود فاهمها ابتسم : بنت خالي ندوي معاها عادي
رحاب : باهي ادوي براحتك
سكرت في وجهه وسكرت فون بكل وردت قمعزت جنب صبايا جاء محمود بحت فيها ابتسم ورد للرجاله
.......
باسم بعيد علينا : ايلاف تعالي
انا صبيت مشيتله قبل نبيش نصبي غير زلطني حداهن : نعم
باسم : وين تلفوني
انا : اسأل روحك آخر مكالمه مع من كانت توا تذكر وين حطيته
باسم : انتي قتلك هيا اطلعي
انا : امتي هذه
باسم : قبل مانطلعو من فيلا امس
انا : صاااح
باسم : تي شن اللي صاح تلفون في أرقام مهمه وينه
انا : دوره في سياره
باسم : تعالي معايا
انا برمت لقيت كل حد في حاله ما عاده رانيا تبحت فينا قبل مانبيش نمشي معه لكن مكر فيها مشيت : به هيا
باسم طلع قبلي وانا وراء طلع مفتاح سياره زر بطمه سياره طلعت صوت كلاب قعدن ينبحن "حشاكم"
انا مسكت فيه : يامامي
باسم بحت فيا : مسكر عليهن من امس معش تخافي منهن
انا طلقته : اها ماطلعهنش بكل لين نروح
ركبنا سياره ودور تلفوناته ولقاهن مقفلات هنا الاثنين
نزلنا قعدنا نتمشو بحت في جيهه صبايا لقاهن كلهن يبحتن فينا
باسم : كنهن يبحت هذينا
انا : مش عارفه
باسم : خلاص ردي قمعزي معاهن وحطي تلفونات في شحن فوق
انا خذيت تلفونات باسم لمس يدي : مرايف عليك انا
انا سحبت يدي وعديت
باسم : اوووف قريب نذبح ### امها رانيا هذه
ركبت حطيت فون في شحن وصليت العصر ونزلت
.........
هاجر : منذر طلعنا نا وعميمه وبنات كسادنا
حنان : صح نذوري وراس ماما طلعنا
هويدا : خويا عسل توا يوافق
منذر متكي ع كرعين امه وحاط يده ع عيونه : نبي نشرب قهوه وعندي عمل بعد مغرب مش فاضي
عمة هاجر : خلاص مره اخري
حنان تقرص في هاجر : ادوي طلعي قدراتك ومواهبك
هاجر : ههههه شن ندير
هويدا قربت منهن : نحن بنعلموك اركبي فوق وتفاهمو
هاجر : باهي توا نشوف وكان قال لا شن اندير
حنان : قوليله شيلني للهلي
هويدا : اكبرن ياشورخي
هاجر : صح نكسد عند هلي
هويدا : ونحن عند من نكسدو
منذر : هيا قهوه
حنان : قبل نبي نصبي انديرها غير هاجر قالت توا يشربها فوق عندكن عليش تعبن في روحكن
عمة هاجر : توا قهوه تعب ولا عشان قال مش مطلعكن
حنان : مش هكي ياماما
هاجر قربت من حنان : قولي مينو وين مايبي يشرب وتوا انديرها له
حنان : بعدين مينو وين مايبي يشربها انديرها له
منذر قمعز وبحت في هاجر عشان دلع مينو محد يقوله فيه له الا منذر : خلاص توا نشربها فوق ياامي من امبدري وهنا في كوجينه
هاجر ابتسمت
منذر : نغفي شويه بعدين نشيلكن مشوار أكثر من ثلاث ساعات مافيش ماشي
هويدا صبت : تي نعليا نا معناها شيلنا للمول
حنان : لالا شيلنا بوسكو
عمة هاجر : تي قاللكن عندي عمل شن بوسكو مول
هاجر : اي مكان حتي كورنيش
منذر بنت : كورنيش لا اخترن مكان في امن يكون مغلق
هويدا : مول ####
منذر : تمام
عمة هاجر : كلا انا كرعيا مش ماشيه توا نقعد مع باتك هنا
منذر : توا نروح بيهن قبل موعد دواك
هاجر صبت ركبت منذر دخن وركب لحقها
منذر : جوري
هاجر في حمام ماردتش عليه
منذر دق ع حمام : حبيبي هيا
هاجر : ناخذ في دوش
منذر : نرجاك ويش ورايا
هاجر ضحكت بصوت واطي كملت طلعت منذر قعد يدير في حركات
منذر : شن رايك نفوتو مشوار
هاجر : لالا وعدت بنات
منذر يبوس فيها : نا مرايف
هاجر : وانت ديما مرايف
منذر : ههههههه حر حلالي نا
هاجر : اندير قهوه ونطلعو راه يكملن ثلاث ساعات
منذر : باهي باه توا ديري اللي تبيه لكن بعدين في ليل ياويلك
هاجر طلعت تضحك عدتت ادير في قهوه منذر لحقها قعد يساعد فيها غير دبشه وشرب قهوه ودار ثلث جوه ونزلو
منذر : مهم خذيت تصبيره
هاجر تفنص فيه : اسكت راه خواتك يسمعن
منذر طلع صبي ع باب : هههههه بسرعه اطولن نعدي للعمل
هاجر غمزتله : اديرهش
منذر : استغفررر الللله يااااربي
هاجر خشت تضحك منذر طلع يولع في سياره
.......
انس : شن صار
هبه : شالها عمو محمد وخالتي هدي بسيف
ياسمين : حي كان تسمعها اوفي
ماما : ماحد يقولها لها هيا قالت اسبوع هذا جايا
انس : وين شباب
هبه : احمد رقد شويه وطلع مع اصحابه وابراهيم وايوب في معرض
انس : امي راه كنت ساعف عمتي خديجه ام عبد الرحمن مريضه ذكريني شي يوم نشيلك لها
ماما : كنها شن جاها
انس : دكتور قال نفسيتها ماثره ع ضغط وسكر من زعل ديما مرتفعات خذيتلها دواء ضغط وايباري سكر وروحت بيها
ماما : قلبي معاها وجعتني بكل
ياسمين : الله يرحمه شكله معوزهم
ماما : بكل ياناري سندهم
نجاح : كبدها المسكينه
انس : من امتي ماشين هذوما
ياسمين : امبدري شويه
انس طلع قعد يرن ع الاء ماردتش رن ع عمو محمد
عمو محمد : سلام عليكم
انس : عليكم سلام، شن صار معاك يا عمي
عمو محمد : والله قاعد نبرم بها في مستشفيات تبي تحليل كامله
انس : وين قاعد توا نجيك
عمو محمد : لا خليك عمر توا قالي جاي
انس معش عرف شن يقول يبي يجي لكن ما يبيش حد يفطن : احم خلاص تم تبي اي حاجه رن عليا نجيك طول
عمو محمد : تمام هيا سلام
عدا انس للمعرض وخذا نص زبده من ابراهيم عشان كل شويه يرن علي باته وخذاهم وعدا كر سياره بات عبد الرحمن عشان يصلحها
......
هاجر تشير : يهبلن بكل شوفن هذينا
منذر : نقصي صوتك ونزلي يدك
هاجر : حاضر يافندي
منذر ضحك
هويدا : نذوري نبي نشري عادي
منذر : خشن اشرن بس بسرعه ثلاث ساعات قريب يكملن
خشن هويدا وحنان للمحل
منذر وهاجر قعدو يهدرزو
صاحب منذر يعيط : طيري
منذر كر هاجر : خشي للمحل
منذر عداله : شن جو يا كرشه
صاحب منذر : تمام شن جوك انت شن جيبك هنا
منذر : تمام ، جايب هلي وانت
صاحب منذر : جايب هلي حتي نا قصه صبايا هذه يا راجل مايشبعن من سوق بكل
منذر بحت في تلفون هاجر كان معه لقه يرن : والله صدقت اي خدمه يا معلم
صاحب منذر : تسلم يافندي خيرك سابق
منذر سلم عليه : تسلم هيا سلام
خش عليهن في محل لقاهن حنان وهويدا واخذات دبش ويرجن فيه
منذر : شن هذا
حنان ابتسمت : ادفع يامينو
منذر بحت في هاجر وعض فمه : خذيتي حاجه
هاجر ابتسمت : لالا عندي
منذر دفع وطلعن خواته قدام منذر
هاجر : حبيبي ترا فوني
منذر : اه صح رنت عليك هبه اختك
هاجر خذت تلفون قعدت ترن ع هبه
منذر : تبيش تشري روب سمح
هاجر تفنص فيه : لالا شكرا
منذر : غير شوفي اصفر عنجد اصله بكل
هاجر : ايوه
منذر : هههههه
هبه : اهلا وينك ياحنه
هاجر : في مول
هبه : شن جوك
هاجر : تمام الحمدلله كيف حال ماما وبابا
هبه : كويسين قتلك بيش تجينا
هاجر : كنكم
هبه : الاء طاحت علينا قاعده في مستشفي قالو كويسه غير قلت نقولك دابينك برا تكي علينا ايمان عندنا
هاجر انفجعت : شن صارللها
هبه : كويسه غير عمو محمد يبي يطمن اخري
هاجر : لا توا نجي شويه ونكون عندكم سلام
سكرت من هبه
منذر : شن في
هاجر مسكت في منذر : بنت عمو في مستشفي شيلني يامنذر الله يربحك
منذر : باهي هيا غير اسكتي
خذا خواته وشال هاجر عند هلي وحط خواته في حوش وعدا للعمل
...........
كنت نا وسناء نبرو
سناء : طلعتي في رقبتك
انا تنهدت
سناء : ماما قالت احتمال السبت ولا الاحد يشيلوك للهلك زياره
انا كنت سرحانه في باسم كيف يوكل في كلاب "حشاكم"
سناء : اوفي سمعتي
انا : اها ان شاء الله
وليد : مد يا حول
حمد : مش ماد طير
شاط كوره بالقوه وجت فيا
انا مسكت عيطتي بسيف : اممم
حمد جاء يجري : والله ماشفتك
سناء : قمعزي وين جاتك
انا : لا عادي ولا يهمك
جو شباب كلهم عويل محمد ونجاة وعويل مرعيه صغار
وليد : حي ع جدك من باسم
حامد : تي حول هذا
انا مسكت جنبي مع ظهري عشان خبطه جتني من لاوراء : لا ساهله خلاص
وليد يضبح : باااااسم
باسم بحت فيه لقهم دايرين دائره : كنكم
علي ولد نجاة : تعال ياحالو شف نيه انتاعك
وليد : تعال يا راجل
باسم جاء بحت لقاني مقمعزه فنص : كنك
وليد : الحول شاط فيها كوره
حمد : ماشفتهش
باسم طبس عليا ضغط ع سنونه : وين جاتك
شباب كل حد رد مكانه وسناء خذت ولد نجاة وعدتت
انا مسحت دمعتي : جنبي
باسم بحت يمين يسار مالقش حد رفعني وحطني في سياره : نجيب مفتاح ونجيك تحركيش
انا اول ما رفعني مسكت فيه كان نلقي ماوصلنش للسياره
باسم عدا جاب مفتاح وجاء طلعنا من مزرعه
عميمه : كان شرب قهوه قبل ما يطلع
سناء : مايشربش فيها ماااريا عقبي للباسم ومدامته من حلو
كملو شباب لعبهم وعدو دارو حمامات شربو قهوه وبدو في طرحه الشوايات
.......
باسم درس بعيد ع مزرعه برم عليا : شن جابك جنبهم انتي
انا : كنت نتمشي انا وسناء
باسم عاله صوته : دويتي شورتي مش عارفه عويل عمامي قاعدين عليش تحركي
انا قعدت نبكي : ماتهزبش ماتضغطش عليا راه انا مضايقه بروحي شن فيها كان برمت شويه قاعده حداك انا طلعتش من مزرعه
باسم ولع سياره خبط دومان : اوووف اوووف
برم شويه بسياره ونا نبكي بلا صوت بعدها ردينا للمرزعه انا مسحت دموعي
باسم مدلي شيشة اميه : هكي اشربي
انا : مانبيش
باسم عزق شيشيه من روشن ونزل وانا نزلت جتني حنين ركبت انا وياها فوق عميمه صبت شافتني وقالتلي ساهله اركبي غيري دبشك و انزلي بسرعه عشان عشاء قريب يطيب
........
انس في شارع أول ما شاف سياره عمو محمد صبي : وين ياعمي طولتو
عمو محمد نزل : والله تعبتنا فرخه رأسها مسكر
انس يدور ف سياره : وينها هيا
خشو للجنان وانس لحقهم
هدي : عند اختي قالت تعبانه حطوني عند خالتي دكتوره تفهم كان صارتلي حاجه تعرف تصرف
انس قرن حواجبه : كيف تخلوها عند خالتها
عمو محمد : قعدت تبكاء في مستشفي جنب خالتها قلتلها خلاص خليها تكمل تغذيه وتروح معاك
انس رقاله : اها تمام مهم كويسه
عمو محمد : عندها هبوط السكر وضغط ودمها ناقص صرفولها دواء شرالها عمر وروحنا
انس ضغط ع سنونه : تمام الحمدلله على سلامتها خشو جو عند هلي امي وبنات مشغولات عليها حتي هاجر وايمان يرجن فيها
هدي : صح عليش تفجعو فيهن
انس ماردش عليها طلع بسياره رن ع الاء ماردتش دز مسج "انا انس ردي طمنيني" رن اخري ردت
انس : ايوه
الاء : الو
انس : كيف حالك
الاء : تمام
انس : شن قالولك
الاء : اسأل بابا مش عارفه
انس : عليش مشيتي لخالتك
الاء سكتت
انس : ندوي نا
الاء : عشان معش نبي نشوفك كل ما نسمع صوتك و نشوفك نتعب "قعدت تبكي" انت شخص ماتحسس خليني في حالي نقعد مع خالتي خير
انس : نا مانحسسش معش تبي تشوفيني خلاص
الاء تبكي : اها
انس : باهي ردي توا نا نطلع من حوش نرد للمعسكر مش قلتيلي رد توا نرد انتي تعالي للحوش
الاء تبكي : لالا مش راده انا
انس : ابراهيم مازال ماسمع توا يقعد يهزب
الاء : خالتي راجلها مستشهد عندها بنات بس عنده عليش يهزب خلوني في حالي انت وابراهيم معش نبي حد يسأل عليا
انس ضغط ع سنونه ويدوي : خالتك تسكن فوق عربها روحي نا قلت
الاء تبكي : مازال مش مروحه لعند نتريح نفسيا
انس قعد يوشوش بصوت هادي : عشان خاطري ردي انا نعدي للمعسكر لين تطلع تأشيره بدال علاج نهاجر بكل
الاء تبكي بصوت عالي : لالالالا هكي اتعب فيا اخررري معش ترن عليا ياانس فوتني فوتني
سكرت في وجهه وجن بنات خالتها يسكتن فيها
انس دزلها مسج
"نحبببك ومش فايتك انتي ليا انا واسف"
قرأت مسج قعدت تبكي اخري قعدت تدوي للبنات خالتها
الاء : كذاب يقولي اللي يجيبك يجيب غيرك ويدزلي نحبك
......
حنين : خشي اغسلي توا نوتيلك دبش
انا خذيت دبش : لا خذيت اقعدي راجيني بس
خشيت تحت دوش فتحت اميه ساخنه طولت في حمام ركب باسم فتح باب دار
باسم : وينهي هذه
حنين خافت : تاخذ في دوش
باسم : هيا انزلن عشاء قريب يحطوه
حنين : انا ننزل وانت راجيها
حنين طلعت وباسم قمعز ع سرير طلعت انا نبحت في جسمي مرفعه قميصي ونبحت في ضربه
انا : تعرفي يا حنين علمت فيا كوره
باسم بحت فيا صبي : ترا وريني وين جاتك
انا قلبي قعد يدق بسرعه : ججنبي
باسم قرب مني وحط يده ع مكان ضربه : هنا
انا قعدت نرعش : اه اها
باسم : توجع فيك
انا اذكرت كلام الاء بحتت فيه تبحيته لعند تلخبط
باسم حضني طول انا رفعت روحي وحضنته قعدت نبكي
باسم : اسسس خلاص
انا نبكي : تحبهش صح
باسم : وربي نحبك انتي بس وهيا مانفكر فيها بكل
انا نبكي وحضنته زين : معش تدوي معاها باهي
باسم : حاضر
قعد حضني وساكتين
باسم يبي يوخر انا حضنته اخري
باسم : حبيبي يرجو فينا ع عشاء
انا توترت ونحس في روحي مش عارفه كني ونسمع في نبضات قلبه ونفسه وكلامه في وذني قعدت نرعش مع بعضي وهذا كله مازالت حضنته نحس بأمان بعد يلف ايديه عليا ماقدرتش نطلقه كنت محتاجته بكل : ممكن تخليني هك شويه
باسم رفعني ونا مازالت حضنته ويحرك في ايده ع ظهري : كان نلقاك ديما هكي
انا رعشت معش عرفت شن اندير نبكي بلا صوت
باسم : كنك ترعشي باهي
انا وخرت وباسم نزلني نمسح في دموعي مسك ايديا قمعزني ع سرير وقمعز ع كرعيه مقابلني
باسم : خلاص اسكتي نعدي نلزها ولا شن اندير توا
انا : لالا عيب
باسم : باهي اسكتي
انا سكتت باسم قعد يبحت فيا بعدها قرب مني باسني ع ......
باسم : تعرفي من يوم الاربعاء مرايف عليك موت
انا ارتبكت : ععشاء وهلك لوطي
باسم وخرني : فوتيهم
انا قعدت حاطه ايديا ع صدره : لالا ماتجيب عيب
باسم نزل عليا
انا : حبيبي خلاص
باسم : مرايف وربي
انا : باهي بعدين
باسم : معناها انباتو
انا ابتسمت : باهي
باسم مسك يدي وصبي وصباني معه : هي سقمي روحك وخششي شعرك جوه مانبيش ولا شعره برا
انا سقمت روحي خشيت غسلت وجهي مسحت لبست وشاحي : باهي هيا
باسم بحت فيا باسني اخري : توا هيا
انا ضحكت
نزلنا ورانيا قرنت حواجبها بعد شافتنا نازلين مبتسمين
عدا باسم مع رجاله ونا قمعزت جنب عميمه وعمة باسم خديجه يقولولها خدوج كلهم سالو عليا وين جتني ضربه قتلهم ساهله وجاء حمد تأسف وباسم قعد يضرب فيه لكن ببصاره وشباب يضحكو عليه عدو قمعزو ع كراسي
باسم كل ساعه شويه مصبي يبحت فيا ويرد
خدوج : شكله يحبك راه
انا ابتسمت
خدوج : ربي يرعاكم ويرزقكم بذريه صالحه عشان حياتكم تكمل يبعد عليكم عين
انا : إن شاء الله ويرزقك ياعميمه
خدوج ضحكت : إن شاء الله تعرفتي ع شباب
انا : لالا ماعرفتش الا عويل محمد
خدوج قعدت تشيرلي : هذا وليد اللي جنب باسم ع يسار يقعد خوه روعه واماني عويل جمال خويا
انا : اها واخر اللي ضربني بكوره من
خدوج : اللي مصبي ع بومردم حامد واللي يكلم في تلفون حمد خوت مرعيه وانتصار واحلام عويل خويا عادل واللي مع محمود محمد ولد خالتهم خوه نسمه ونسرين بنات فتحيه اخت عايشه
انا : اها ماشاء لله ربي يحفظهم
خدوج : إن شاء الله وخوت اميره وهناء وهدي ماجوش عندهم شغل وراجلي حتي هو حطني وعدا
انا : تمام رانيا دنيا ومروه بنات خالو فتح الله لكن عندهنش خوت صاح
خدوج : ايوه 3 بنات بس
حطو عشاء تعشينا كملنا صبيت معاهم في مطبخ
باسم خش : اووي ماشاءالله البنات "قعد يسمي فيهن" نسمه ونسرين اميره وهناء وهدي وروعه واماني ودنيا ومروه ومرعيه وانتصار واحلام وعمتي خدوج وزينب سناء واسماء وحنين وسيلا وماريا اخري
رانيا : ونا مش محسوبه
باسم مابش يبحت فيها : مافطنتلكش
انا انصدمت
سناء : باهي كنك تحسب فينا
خدوج ضحكت : عارفته رزيل
باسم : خدوج تفهم فيا ع طاير "قرب مني ومسك يدي" مراتي مش لازم تتعب هيا سلام ربي يعطيكن صحه
انا بحتت فيه : باسم نلم بس
خدوج : اطلعو ادهورو غسلتي مواعين غداء خلاص توا الي ماقربتش غداء تغسل عشاء
بنات : ايوووه هذا صح يا خذوج
باسم : ها سمعتي هيا
طلعنا من مطبخ ومجموعه من بنات طلعن خدوج وزينب واماني وهدي دنيا طبعا رحاب ماقربتش شي
......
عميمه : صبي رحاب جيبي عاله شاهي
رحاب جت تبي تصبي مع طلعت محمود من حمام
محمود : خليك توا نجيبها نا
عميمه : اه تحشم ياليد امشي مع رجاله
محمود : امي رحاب مش ع حيلها
خالتي فتحيه : ههههه صدق يابتي وليه مريضه
رحاب صبت : لا عادي ياخويله توا نجيلها
محمود : وانا قلت قمعزي
خش ع بنات في مطبخ
بنات يغنن : تامرني امر اي يا قمر .. مثللك ولا القي.. يحبوك كذب كل هالبشر حبي الك صدقي
محمود : انتن
بنات برمن عليه : فجعتنا
محمود : جيبن عاله شاهي ونقصن صوتكن عمامي وخالي برا ياللي ماتحشمن
رانيا : مش فاضين كلم رحاب تجي تاخذها
محمود : كان نبيها تحرك راه ماجيتش نا
روعه : لااااا عاد كثرتو
محمود : كنك
روعه تحشمت : لا شي مش شورك
مروه قربت من حنين : خوتكن بعد اجوزو قعدو عسل ياريتنا غير طحنا في واحد منهم
حنين : ههههه قصدك قعدو معش يتحشمو
سناء : خوذ عاله ياباتي وقول للرحاب تريحي توا نا نضم عليها انا
محمود : منوره ياسنيوه
طلع محمود
روعه قعدت تخبط بكرعيها : نبي واحد من عويل عمي نا معش دخلني
بنات : هههههههههه
احلام : صح يا بتي طلعو يهبلو بعد يجوزو نحن قلنا باسم وجهه فقر عصبي توا يعذب البنت اللي يجوزها طلع مايبيها حتي تغسل
أنتصار : هيا ايديكن اللي واعر في امه خواته
بنات قعدن يصفقن : امه خواته
انتصار😭 : يعوين فرخه اللي جاته
بنات : ههههههه
روعه : راضيه حتي ضره نا
سناء : وحق الله كان تسمعك رحاب وايلاف يفتفتنك تفتفيت
روعه : حي عليا نبصر ههههه
رانيا : عندك عليش تخافي رجاله عيونهم زايغه صدقيني مايملها الا تراب
روعه : لا يابتي ربي يكمل عليهم ويهنيهم نبصر نا
سناء : عارفينك تبصري ياهبله كنك
........
محمود حط عاله وخذا رحاب وتباعدو قعدو يتمشو
رحاب : انا مش زمطتها بكل
محمود : فوتي جدها
رحاب : شن قتلها امبدري
محمود : معش تجي عويل عمي قعدو يدو عليها قالولي كنها سكنت
رحاب : امتاع طروح فرخه رانيا
محمود : راك تبقي توحميلي عليها مش ناقصه
رحاب : لالا شكلها جايه عليك
محمود : هذا عليش قفلتي تلفون
رحاب : اها وماتزيدهش عليا
محمود مسك يدها : نعليا من واعر ترا تعالي شويه
رحاب : شوف باسم عار خوك هذا
محمود بحت : حقير فرخ مش مريح روحه
رحاب : عرسان ياخيا يهبلو
محمود بحت فيها : باهي تعالي انديرو نفسهم في شي تركينا
رحاب : ههههههه تعال نتبعدو عليهم عندنا حوش ونصبرو هما لا بعدين نحن عاقلين
محمود : لااا حاجات هذينا لا فيها كبار ولا صغار لا عاقل ولا مجانين نبيك توا نا
رحاب : تي شن توا عيب عليك يا حوده
محمود : انا ماسك مع 2 نكون في مستشفي معناها هيا نروحو
رحاب : كيف نروحو يفهموها
محمود : يفهمو ولا ينحرقو عندك اختيارين يا توا يانروحو
رحاب : لالا نبي نقعد جو يهبل
محمود ابتسم : معناها توا
رحاب : كيف توا
محمود : خليك هنا توا نصرف
.......
باسم ماسك ايديا لوطي ويبوس فيا
انا ارتبكت: حبيبي في صوت والله
باسم رافعني ويبوس فيا : اسسس مافي حد
انا مسكت في رقبته : باسم ماتجيش عيب والله
باسم بحت فيا حط رأسه علي راسي : واللي اديري فيه انتي حرام
انا بصوت هادي : شن درتلك
باسم تنهد ويمشي بيا هو رافعني : مازالت تسأل
انا ابتسمت
باسم : مزرعه كبيره ما حتي يجو هنا ظلام
انا نبحت فيه وساكته
باسم : امتي يروحو ازف طولو
انا : ههههه تقول قاعدين ع قلبك
باسم : وقفي معش تلعبي بكرعيك
انا وقفت : باهي نزلني
باسم : توا نزلك عادي "جاء حدا وذني بصوت واطي" بس طلعت كلاب راه
انا خفت حضنته وشبطت فيه : لالا خلاص تنزلنيش
باسم : ههههههههههههه
انا : تكذب عليا صاح
باسم : نبيك تشعبطي فيا هكي بس
انا نبحت فيك . تعالي نقولولهم برا يبو يبدو يقصفو بلكي يروحو
انا : توتو مازال بدري
باسم : اوووف
انا : هيا نزلني نبي نعدي مع بنات
باسم : وانا شن اندير
انا ابتسمت : قمعز مع شباب
باسم : قصدك مع شياب
انا ضحكت عزقت راسي لاوراء وباسم مسكني من ظهري
باسم : تضحكي عليا يافوبيتي
انا ضحكت اخري
باسم نزلني : امشي خير ماناكلك
انا : هههه باهي وين كلاب
باسم : ماطلعتهنش بكل نخوف فيك بس
انا عطيته بظهري نسقم في وشاحي : علي فكره كنتش خايفه عشان كنت حضنتك
باسم جاء مقابلني : خيرلك راه والله انلزهم
انا ضحكت بصوت واطي وعديت وسيبته وهو ركب في سيارته
.........
محمود عدا للباسم في سياره
باسم : خير يا طير
محمود : انت بايت
باسم بحت فيه : اها كنك
محمود انحرج : لالا قبل نبي نقولك روح برحاب عشان نا ماسك
باسم : كيف تبي تعدي مستشفي وبنات من يبي يروح بيهن
محمود : خلاص توا نقعد ازف
باسم : ههههه كنك راقيلك توا قعدت تحب عمل
محمود : باسم خاطه جد اصلي
وليد جاهم : اوي كنكم مقمعزين هنا
باسم : لا نزلين
نزلو شباب وباسم بحت فيا لقاني نلعب مع عويل صغار ضحك وعدا بعدها تلفوني رن صبيت
.......
ابراهيم : كيف تخلوها عند خالتي
هدي : وشن فيها
ابراهيم : وانا قلت لا يعني لا تبي تمرض تبي تموت تقعد في حوش بوها هنا
هدي : الله يرقي ضغطكم انتم ديما متعبيني هذا كله والاثنين
ابراهيم : هيا كلمه تبي تدعي أدعي توا نعدي نجيبها
هدي : ارتزع عطك موت ليل وين تمشي شن يقولو علينا عرب خالتك
عمو محمد فتح باب ويكح : اكح اكح كنكم اصواتكم طالعه
ابراهيم : خير ياباتي
عمو محمد : كنك تعيط
ابراهيم : نبي نعدي نجيب الاء قاعده عند ناس برانيه
عمو محمد
..........
#يتبع...
رايكن 😉
طويله صح 😇 حلقة جايا مش معروفه امتي خلوها برواق نفس هذه😁
#Fafy fa
