#فوبيا الحب❤
الحلقة[12]
دكتور ومحمود: شباب
احمد: شن صار
دكتور مبتسم: البطل ناض
صاحب انس عبدالرحمن ناض قعد يضبط في الدكتور
دكتور : هههه الحمدلله علي سلامته
عبدالرحمن وخر
ايوب يضحك: احلف
محمود: هههه والله
أسامه: الحمدالله ع سلامته
احمد فرح قعد يضبط في عمر بقوه: ناض ي عمر
عمر: ههههه الحمدلله الحمدلله
عبدالرحمن : نا ماشي نقول للشباب برا في سيارتهم
احمد: تمام عدي بشرهم
دكتور: بصراحاه نا كنت خايف من حاجه معينه وهو يدخن شكله بشكل غريب نا استغربت حتي كيف خش غيبوبه لكن الحمدلله في بدايه قلت عمليه تنظيف وينوض من بنج بس طلع ناااازف وااجد ركبناله دم من عندنا في عمليه وزدنا منكم حيقعد كم يوم لازم علاج لكن اللي صار صار و الحمدلله علي سلامته مهم ناض
احمد: الله يسلمك
ابراهيم: والله راجل فرخ هذا عارفه نا يطلع منها
باسم وحسن وفارس: الحمدلله علي سلامته ي نصي
احمد فرح: الله يسلمكم هيا طلعوه نعدي نجيب سياره إسعاف عشان ننقله
دكتور: تي خليه هنا والله احسن دكاتره في عام يا راجل
ابراهيم : بس ما فيش عناية بالمريض
عمر: لالا نبو نطلعوه وانت تعال تابعه قوللنا وين تمسك ونحن نشيلوه في عياده اللي تمسك فيها
دكتور: براحتكم نا نمسك ف ####
باسم : خليه يا راجل محمود قاعد
ايوب: ونا قاعد ممرضات كلهن في خدمته
احمد: ههههه توا نشاور باتي
محمود: تخشو تشوفوه مازال ما ناض كويس توا ساعه تسعه عطوه ساعه ولا الاثنين وينوض
احمد: لا عادي نخشو
جاء عبدالرحمن : احمد سلمولي عليه بعد يصحصح نا راد عشان في اقتحام
احمد: اهو خش شوفه معانا
محمود وراهم مكان : نا عندي مرور علي مرضى لكن فكوني من الوجيج
جوا يبو يخشو احمد وعمر واسامه وباسم ايوب وابراهيم وفارس وحسن وعبدالرحمن
ممرضه: لو سمحتو شن فوضي المريض مازال ما صحصح
إبراهيم بصوت واطي: ايوب اصرف
عبدالرحمن : مانتحملش ### امهن بكل صبايا حنه هذينا استغفر الله العظيم
ايوب: ايييييييييي بطني
كلهم بحتو في أيوب
عمر: كنك ي فرخ
ممرضه: بسم الله
احمد: تي كنك
ابراهيم غمز للعمر : ديمه تصيرله خليكم انتم بس معلش يا دكتوره وين نشيله بطنه اكيده توا يدوخ
ممرضه نفخت روحها بعد قاللها دكتورة: تعال تعال اكيده هبوط لازم يفطر
ايوب: لالا نفطر لا آه آه
طلعو ايوب وممرضه وابراهيم
احمد: تي من دكتوره وكنه فرخ شن جاء
عمر: كلاب يلحسو للممرضه عشان تخلينا مع انس
فارس: والله فجعني قلت هذا تسمم من سحور امس
باسم:والله يضحكو عويل عمامك
حسن: اللي يشوفهم امس كيف رازنيت وكيف يقلبو علي أكياس دم ماتقولش عليهم هم هذوما بكل
احمد: ههه تعالو نخشو توا يأخذ رقمها توا يخلينا حتي نباتو معاه
خشو كلهم
احمد قمعز جنب انس وشباب قعدو مصبين
احمد: الحمدلله علي سلامتك يا بطل
عبدالرحمن باس علي رأسه: الحمدلله علي سلامتك والله دمك اللي سال مش حيمشي علي فاضي نصيدهم لكي صيد علي قولك
باسم: شني تصيدو غادي
عبدالرحمن : والله احلي صيد نا وانس والمرحوم خويا
شباب: الله يرحمه بركة فيك
عبدالرحمن: تعيشو وترحمو هيا سلام
احمد: سلام سلملنا علي شباب قوللهم منورين
عبدالرحمن : يوصل سلام
وطلع
انس يفترش في كلام مش واعيلهم وبدا في كلام كبير
فارس: ههههه حي علي جده خوك يفلم هو راقد
حسن: تأثير بنج يا كلب
عمر : استغفر الله العظيم تي هذا كيف يبي يصحصح
حسن: توا ينوض بروحه
احمد قمعز ويبحت فيه وخلاص: رايح ناقص شكله مايكلش صيام وحرق دخان اكيده
خش إبراهيم و ايوب: اوووي شباب براحتكم كان تبو تباتو
ابراهيم: عليك عمايل ازف
ايوب: استغفر الله اللهم اني صائم ربي يسامحك يا انس خليتنا نلحسو حتي للممرضات
احمد: اسكتو اسمعو شن يقول
قرب ايوب قعد يسمع وطلع تلفونه قعد يصور فيديو
حسن: لا يا راجل معقوله تصوره هو يفلم
ايوب: للذكرى يا طيري
شباب: هههههه
احمد: امسحه يا ايوب والله يقتلك كان ينوض ويفطن
قعد يصور في فيديو هو يذكر كيف أصحابه استشهدو ويفلم وخلاص خذا منه احمد نقله في تلفونه وحذفه من ايوب
عمر: نا ماشي نرن علي الحاج
احمد:ماشي معاك نبي نشاوره ف حاجه
طلعو من غرفه احمد وعمر ورنو وجات ممرضه وطلعتهم عشان يبو يجيبو جريح جنب انس
......................
نا : الاء صوت تلفون بابا يرن
الاء: حي عليا اكيده شور انس
نا: الاء والله نا ميته خوف اسكتي
الاء: به خلاص تعالي نردو نحن عمي في داره
نا: هذا عمو عمر تعالي نطلعو به للفرندا
فتحت خط
نا : الو عمو
عمر: صباح خير
نا: صباح نور عمو شن صار في انس
احمد بعصبيه : تي من قالك تقربي تلفون باتك انتي
نا قعدت نبكي: انس صارتله حاجه صح حي عليا نا رد يا احمد
باسم جاء وراهم وقعد يسمع فيا ونا نبكي
احمد: تي سكر مايك فضحت ب #### اصلنا
عمر: ههههههه وسعي بالك يا بكايا انس ناض
نا والاء قعدنا نطو ونعيطو: احلف يا عمو والنبي تحلف
أحمد: والله غير نروحلك يا فرخه علي عياط
نا: هههههه نجك ليا يا عيوني خيتك صغيره نا
عمر: ههههههه غير شوف كيف تلسن فيك
احمد: هههه باهي سكر مايك انت ازف
عمر: محد يسمع فينا برا مستشفي نحن
الاء: اسمعونا وانتم طحنتوها تعالو خوذونا
احمد: ترا احلفي
الاء: 🙄والله
عمر: شكلنا ضحكنالهن سكري سلم بنتي وارقدي
طوط طوط
باسم كرس وراء شجره
احمد وعمر ردو للمستشفي يدورو في سياره إسعاف طولو ما لقوش ردو للممر مع شباب
أسامه: عمر تعال شوية
احمد: شباب وين باسم
فارس: طلع وراك
باسم جاء
احمد: وينك
باسم: آه كنت نكلم في تلفون
فارس : لا ي راجل احلف تكلم في تلفون
حسن: نحسابوك تكلم في هاتف
باسم: نضحك نا توا ولا شن ندير
ايوب: احمد كيف اللي اصحابك فيهم جو
فارس: هههه لالا فينا ريح
ابراهيم: كنكم يا شباب تنفسو
احمد: هههههه كني مصاحب ابناب غاز نا بس منورين علي حناطه
بعدها قعدو يهدرزو علي تقدم الجيش وعلي جرحى وأيوب قعد يوخر لعند طلع برا مستشفي
..............
الاء: خزو سكرو في وجنا
نا: تعالي نوعوهم
خشينا لقينا بابا وماما ومنتصر في صاله
منتصر متعصب: وين كنتن انتن
نا مبتسمه: كنت نكلم في عمو عمر
بابا: عليش
ماما تبكي: كنه خوك في حاجه
نا: ناض يا ماما توا في الصبح
الاء: الحمدلله علي سلامته يا خالتي
ماما تبكي: الله يبشركن بالخير الحمدلله يااااربي الحمدلله
بابا: تعالي حطيلي علي رقم خوك .
