#فوبيا_الحب ❤
الحلقة [71]
مالك : الف حمد لك وشكر يارب الف حمد وشكر لك يارب
دكتور : حمدلله ع سلامته
مالك : نخشوله عادي صح خلاص ناض
دكتور : بدنا نطلعو للغرفه يرتح بعدها ادخولو عليه
مالك : بارك الله فيك يا دكتور
دكتور : فيك بارك الله يا اخي عن اذنك
عدا دكتور و مالك حضن خاله وقعد يبكي من فرحه
خاله : اسكت يا هبل هههههه معقوله تبكي
مالك شد روحه وخر : لالا عنجد نبكي شنو فرخ انا
.........
احمد درس قدام حوشنا ونزلت جاء مسكني قربت من باب رفعت عيوني شفت سياره باسم
باسم نزل قزاز بحت فيا وكمل طريقه وانا خشيت سلمت عليهم طول للدار رقدت دمعتي ع خذي
احمد طلع
..............
باسم : سلام عليكم
عميمه وحنين : عليكم سلام
باسم : نبي نركب نرقد محد ينوضني
عميمه : وين مراتك
باسم ضغط ع سنونه : عند هلها لازم تريح فتره هذه
حنين : كان جبتها راه حتي نحن راعينها
باسم ركب ماردش عليها خش سلح تيشرت قفل فونه عزق روحه ع سرير يبي يرقد ما قدرش قعد يتقلب قريب نص ساعه خذا تيشرت وفون ونزل
عميمه : كنك ما رقدتش
باسم : ما تريحتش نبي نرقد في حوش آخر
طلع فتح حوش لقاه شنطتي جنب مطبخ خذاها وخش بيها للدار نوم حطها قمعز ع سرير شوي هك تكي ورقد
.........
عمو علي : قولي كان داير عركه يا راجل راه يخشو علينا
ايوب : تي قتلك واحد يبي يأخذ سيارتي بعد بوابه ### وانا ماشي للمزرعه بعد مغرب جاني ابراهيم
عمر : متاكد ولا نرن ع ابراهيم
ايوب صبي : كيف تكذبو فيا ولا شنو
علي : مش نكذبو فيك بس انت عارف دنيا متسبله يخشو علينا فروخ حرام ويحرقو حواشين
ايوب : هذا عليش ما روحتش برمت برمتين في منطقه غادي بعدين عديت للمزرعه
عمر : باهي خلاص سكر ع موضوع وشوف يدك بعد فطور امشي للمستشفي
ايوب : ان شاء الله خير
عمر صبي : سلام عليكم توصو بشي حاجه
علي : لا سلامتك توا نلحقوك
عمر : تمام
طلع عمر
ايوب : باتي وين هلي
علي : عند عيت جدك تبي تمشي تفطر معايا عند عمامك ولا جدودك
ايوب : لا ماشي للجدودي
علي : تبيش تفطر مع عويل عمامك
ايوب : امس مسحر معاهم
علي صبي : باهي ع راحتك انا طالع
ايوب : باه
...........
انا راقده لعند قبل مغرب بشويه نوضوني فطرنا وغسلت مواعين هبه وقعدت توتي في روحها وجت ايمان تبي تمشي معاهم
هبه : تبيش تمشي معانا
انا : انا جايا نبي نتريح كان نبي راه روحت معه
ماما : خليها ع راحتها
هبه : انا عليها بس عيت عمي محمد عدو للعيت جدهم وعمو عمر طلع يدهور هو هنيده في حوش بروحك تبي تقعدي
ايمان : خلاص صبي البسي
انا : لالا عدي راحه
ماما : باهي ما تفتحي للحد
انا : نبي نرقد اصلا
هبه : خطرها امبدري رنت علينا هاجر منذر ناض
انا : باهي الحمد لله ع سلامته
ماما وهبه وايمان بحتن فيا
انا : بابا طلع
ماما : اها كنك تبي حاجه خاطرك في حاجه
انا تحشمت : لالا ما خاطريش
هبه : قولي كنك من امتي جو
انا : ماما خاطري في بحر
ماما : توا نشيلوك بس ما فيش عوامه
انا : نحط كرعيا بس ما تقوليش للبابا ايلاف تبيه عيب
ماما : باهي
هبه قمعزت قدامي : ديرلي شعري
ايمان : خليها تعالي انديرلك
انا : لا نبي لفه امتاعي توا انديرها
ماما : رنيتي ع خطيبك قلتيله طالعه
هبه : دزيت مسج وعليك ضمير فيك يا ماما يملح
احمد : هااا وتيتو
هبه صبت : خش تعال
احمد خش : كنك مش لابسه
انا : تعبانه مش ماشيه
احمد : باه تريحي هيا انتم وقت ع محل سيبت راجل بروحه
هبه : طلع حاجات
احمد : غير هيا بس
لابسن واحمد قعد يطلع في دبش وطلعو وقعدت في حوش بروحي
..............
اسامه : كويس سعرها
انس : امس شفت كم وحده ما عجبنيش لا منطقه ولا شقه وانا نبي بيع مش ايجار
اسامه : هذه كبيره شوي وسعرها سمح
انس : نتوكل ع الله
اسامه : توكل وكل شي ع بركه
انس سلم ع اسامه : الله يبارك فيك
اسامه : هيا نردو للمكتب ونرنو ع شايب صاحب شقه نثبتو ع سعر بكرا تقعد لك
انس : تمام
..........
حنين : فكينا منه دقيت عليه ع فطور مابش يحل مش نقوله جيب ايلاف
سناء : هالحصله هذ
اسماء : غير هيا انزلي حسهم جو
رن تلفون سناء
سناء : شويا انزلن توا نلحقكن
نزلن حنين واسماء
احمد : ايوه
سناء : اهلين
احمد : حبيبي نفس ما قتلك امبدري قيسي وصوري
سناء : غير قول خير
احمد : ههههه مش قلنا امبدري خير وصحه فطورك وجو كله
سناء : باهي باه خلاص نبي ننزل
احمد : سنو شن لبستي
سناء : فستان تركي قصير
احمد : نعليا نا بس هانت خلاص
سناء : هههههه طمن روحك طمن
احمد : حتي انا مطمن تبي حاجه
سناء : سلامتك يا روحي
احمد : اوكي
