#فوبيا الحب❤
الحلقة[5]
إيمان:منظري كويس
هبه:اها تمام غير فكيني من مرعشه
نا:اسمعن وتيت كل حاجه بس نبي نسأل تقدم عصير ولا قهوه
هاجر:كلمي عميمه فاطمه توا تقوللنا
آلاء:نا سيقت الفرندا نبي نركب نغسل وبعدها ننزل نساعدكن
نا :يعطيك الصحه يامرات خويا😉
آلاء:😳عطك محماط الغوالي ياايلاف
هاجر:كيف مرات خويا
نا:اسكتن عميمه جايا
آلاء:نا راكبه نبدل وننزل باهي
عميمه:ها شن صار معاكن مشالله مشالله عيني ماضرك ياخيا هي خلاص تعالن نوتو
نا: عميمه قهوه اهلا وسهلا ولا عصير بسلامه
عميمه نفنص:قهوه قبل وهي تطلع تقدم وفكني من عزومت بسرعه بسرعه
هاجر: تمام حاظر
طلعنا وقعدنا نوتو شويا جو عرب مع سته
نا: نعليا من الإتيكيت جين ساعه سته
إيمان:اسكتي نا متوتره بروحي
هاجر:سيكاها سيكاها سيكا لما ربيعه حنه فكينا من مرعشه
هبه:بنات عميمه تشير تبي مني تخش
الاء:هيا قهوه واتيه هبه شيلي معاها حلوه
نا:اطلعي سلمي بعدها قدمي
ايمان:لا نسلم لاسو فكيني نقدم دغري
طلعت قدمت ونعجبو بيها والي جايات عمته وخالته وامه وجدته واخته كبيره وقالو انه مدين مايبيش وجيج تلفون وتكلم توا يدير مقابله بعد فاتحه و بيان ولمحو علي هبه علي ولدهم اخر وقالو اسألوا عليه محل العقارات عشان هو ميشتغلش مع باته وروها صورته وطلع عريس صاحب عمو عمر نفس شغل كملنا عزومتنا وروحو
ايمان: نا نبي نصلي قبل يابنات قالت فيش مقابله
ماما: مش شفتي صورته
هبه:شن شكله
نا: مدين اكيده لحيه لعند بطنه
هاجر: بس لزم من رؤية شرعية
إيمان:اها لزم بس هو طووويل وعريض ولحيته مش واااجد ولابس بدله عربيه وابيض شويه
نا: عليا من وصف شوفي عيونها وهي توصف هههه٠
هبه:تعالن نلمو مطبخ ونديرو عشاء بعدها نقرمو علي عريس
لمينا مطبخ ودرنا عشاء جاء أحمد وبابا و منتصر مع 10
احمد: ايلاف وتيلي دبش كوره وفي جيب جاكه فاتوره بيش تسجيلها
نا:باهي نحل باب بس يدق
بابا و منتصر:سلام عليكم
نا:وعليكم السلام
منتصر: جعااان متعقب شي من ناس الي جووه
هبه:عطك شر عقبتلك تلقه في كوشه
نا:قرعه احمد راك تكلها
منتصر:مش واكلها يالقاقه 😏
نا:يا حيوان والله كلكم نفس بعضكم
منتصر:اها صدقتك
نا:نعنك ماصدقت
بابا:حطو العشاء واسكتو وانتم ديمه ناقر وانقير
وتيت حاجات احمد وتعشووقمعزو علي تلفزيون
نا في مربوعه نسجل في كراسه فاتوره و معايا هبه مع ساعه 12رن عليا رقم
نا:حي عنما وحي من هذا
هبه:كنك
نا:رقم
هبه: ردي باهي شكله واحد بالك تزبط
نا: في عينك منردش علي ارقام نا توا نقفل بكل
هبه:كم نهايته
نا: 124 سكر خلاص توا نقفله بعدين خلاص كملنا هيا نخشو نرقدو افتحي المكيف صاله بيش يخش علي دار
فتحنه مكيف ورتبت حاجات أحمد
ثاني يوم ناضو صلو جمعه وبابا عزم عمو عمر علي غذاء لان كل مره ياكل في مكان مره مره ياكل من مطاعم
