فوبيا الحب ❤(منقوله )

الحلقه 100 والاخيره الجزء الاول

#فوييا الحب❤
الحلقة الاخيرة [100]
جزء الأول..

انا : ولعتنها
مريم : اها ولعتها عطيتها عميمه فوزية
ايمان : قولي للسماني تقول للفرقة الحنايات بسرعة
هاجر : شيرتلها
ماما وخالاتي وعميمه فاطمه كانن أول طابور وانا وخواتي وبنات خالاتي ومعانا مريم وخوات باسم كلهن ماعاد اسماء ماسكه روفي وعليوه معانا وخوات منذر واخت عصام خشينا وراء بعضنا فرقة تغني علينا ركبنا ع مسرح ماما وعميمه وخالتي هدي معاهن مصوراتية
هاجر راكبه بدربوكه قمعزت ع كرسي حطاته لها ياسمين وبدأت
ايمان : حنه في قدمك يا لولي حنه قدمك
بنات : حنه في قدمك
ايمان : الخير وراءك وقدم لولي حنه وخير قدامك
ماما حطت الحنه في منديل معاها خاتم كبير ذهب خذت يد الاء حطت المنديل في يدها وهيا تزغرت
عميمه تزغرت
الفرقة : يامبروك عليك الحنه
بنات : درتي حوش تجينا منا يا مبروك عليك الحنه
خالتها : حوش العز طلعتي منه ديري كيفه واحسن
بنت خالتها جت ترقص
هاجر : خلفتنا ما تزعل والي خلفتنا
بنات : ما تزعل والي
هاجر : رجاله بو كتوف عوالي خلفتنا ما تزعل والي
مريم : ووووي ووي ووووي
نجاح : في فرحك يا سمح السيرة ملتمين اتقول مسيرة
هبه : رجالة بو كتوف عوالي رجاله
بنات : بو كتوف عوالي
هبه : رجاله
بنات : بو كتوف عوالي
هبه بحتت في خالته الاء : مايكره نسبتنا والي مايكره
بنات : نسبتنا والي
ياسمين : رأس بنية تقول غزالة
بنات : ياتقول غزالة
ياسمين : مربية سيد الرجاله
بنت خالتها تهز بكتوفها مبتسمه : رأس بنيه تقول غزالة مدلعها خوها بدلاله
ماما لبستها طاقم الذهب الكامل بروحه صورتهم مصوراتية
ماما قربت ترقص جت معاها عميمه خذن معاهن خالتي هدي ونجاح
عميمه فاطمه ترقص : ياسلم الشايب وولاده يحادو فيه تقول انداده
خالتي : يا سلم ماجاب حزمك رجاله يمشو قدامك
يرقصن ويخمسن
هدي : حتي الي جاورنا كاسب يا بال الي جانا ناسب
هاجر : وووي وي وي
ماما : انا عيني سلم رجالها خلوها رايق حالها
هاجر : سلم رجااالها خلوها رايق حالها
هبه : أربع بنات وامهن ما يقدر والي يذمهن
انا قربت من الاء صبيتها نرقص فيها شيرت للسناء جت
خالتها : عروسنا زين ع زين يحفظها ربي من عين عروسنا عروسنا زين ع زين يحفظها ربي من عين
بنت خالتها تزغرت
انا : هيا ليه وهو ليها
بنات : هو ليها
انا : هو ليها
بنات : قصه حب ونجحو فيها
الاء وسناء مسكن في ايدين بعضهن ويرقصن مبتسمات
هبه : هن الاثنين تقول غزله ماخلن في خاطر باله
قعدنا نصفقو بالقوه وبنات يعيطن
هاجر تخبط ع دربوكه بالقوه : جبنالكن يا نور العين الي كيف خواتهم في الزين
عميمه فاطمه تزغرت
مريم : الي يأخذ يأخذ دكتورة سمحت صيت وسمحت الصورة
سناء ترقص وتبحت فيا : واعر برا مش علينا واعر برا
بنات : موش علينا
انا : واعر برا
بنات : موش علينا
سناء : انا والعين يدلع فينا انا والعين يدلع فينا
انا ضحكت : وووووي وووي وي
ماما قمعزت الاء وسناء دهشت وخرت جت معايا هبه ترقص
نجاح : فرحانات اليوم ايغنن سمح الزول عليه تهنن
ايمان وهاجر : وووي وي وووي
انا نرقص بحتت في هاجر : عندي خوت تقول حكومه
بنات : لباسين الغالي سومه
هبه ترقص : عندي خوت تقول كواسر مايخشوش السوق الخاسر
عميمه فاطمه : يا هن الاثنين خوات يا حوت يا حوات
خواتي : ياحوت يا حوات يا هن الاثنين خوات
الفرقة : يا خمسو بيديكم يارهي العين عليكم يا خمسو بيديكم يارهي العين عليكم
نحن : خمسه خمسه خمسه في عين حاسد خمسه يا خمسه خمسه خمسه في عين حاسد خمسه
جارتنا مدت البخور للايمان
الفرقة : نطلق في فسوخ الليله خايف من العين ع عايلة
انا : ونطلق في فاسوخ بروحي خايف ع عين ع روحي
ايمان : الف صلاه والسلام عليك يا حبيب الله محمد الف صلاه والسلام عليك يا حبيب الله محمد الف صلاه سلام عليك يا حبييب الله محمد
بنات كلهن زغرتن
هبه : ووووي وووي ووووي
قعدنا بشويش ننزلو هاجر نزلت الدربوكه وبندير
خالتي هدي حولت الطاقم حطاته لها في باكو قعدت جنبها شوي ونزلت
..........
باسم درس أول واحد : مكاليب اهم ورايا طول انزل توا ندبرو قرواطه
احمد وباسم نزلو
انس طلع تلفون قرا المسج ابتسم كان فرحان بالاء بكل
عمر فتلحله الباب السياره نزل وخر عمر : شوي يا عيني
انس عدا يجري للايوب قبل ما ينزل من سيارته خشله من روشن مسكه من قميصه
انس : مد القرواطه يا ###
ايوب في يده تلفونات دخان : يا ### هلك فجعتني
انس : مد خيرلك
ايوب يضحك يفك في مفتاح السيارة : اقسم بالله مره هذه ما انا قرواطه في سياره عسكرية
انس وخر بحت يمين لقاهم جاين بالقرواطه ويرقصو : تهزي في وسطك يا مرزوقه
صاحبه عبدالرازق يهز في وسطه ماسك القرواطه : يا يلاااا يا لالا لا يا الالا ع خوانات يافندي قول حي عليا نا
انس ضحك : امسك زرك ياكلب
جنقلة : هههه عارفه انت شن يبي يسكته
احمد يضحك : #### امه تقول زر الليمبي
باسم ضحك
منتصر : عبدالله شوف صاحب انس كيف يرقص كيف ايوب خوك ههههه
عبد الله : ههههه صح والله
عبدالرزاق يرقص ويلبس في القرواطه للانس قرب من وذن انس : مبروووك يا طيري نبو ذرية كلها ذكور وحوووش يا باااشا
انس يضحك خذا عطر بخه سقموله شكله وسلم ع عبدالله ومنتصر شباب بدو يسلمو بالخد منتصر خذا عطر حطه في سيارة انس الي يبي ينزف بيها
باسم نزل الباقة : انس هيا
انس جاء سلم ع احمد وباسم ومنذر واسامه عمر وفارس وحسن وابراهيم وايوب
وخرو شباب كلهم مجموعات مجموعات يهدرزو
احمد : منتصر
منتصر جاء يجري : نعم
احمد مسكه من كتفه : خش من باب كوجينه قول للوحده من بنات يوتو عشاء شباب وصلو
منتصر : باه
احمد حرك شعره
منتصر عدا يجري
انس خش للاستقبال عمر واحمد وراء
انس في يده الباقة : حويجه
ماما جاته حضناته : مبروك عليك يا اوليدي ربي يكمل عليك ان شاء الله بهناك يارب نفرح بالعويلك
انس مبتسم باس رأسها : يبارك فيك ان شاء الله
هدي سلمت عليه : الف مبروك
انس : يبارك فيك ياخالتي
انا جيت : مرحبتين بالنور العين تبارك الرحمن الله اكبر ع خيي " زغرتت "
انس عطي الباقة للاحمد : بطه ههههه
عمر طبس ع احمد : لعلوعه قتلك مانحكيلك
احمد ضحك
انا سلمت عليه ايمان وهاجر وهبه ورايا قربن سلمن عليه كنا فرحانات بكل بانس
احمد : هاك نحن نبو نطلعو
ياسمين لاطه وشاح عليها جنب الباب الوسطي للقاعة مطلعة يدها بس : اوفي هاكي ولعتلك الفحم حطيت البخور
انس شاف بخور قرن حواجبه : فكني من ### امه مانحباش
ياسمين تشير بيدها : انس مبروووك
انس : اووي يبارك فيك " بحت فيا" من هذه
انا : ياسمين ههههه
هبه جابت بخور ايمان تبخر وتقرأ في قرآن انس يوخر في بخور
ماما : عشان العين سلم اوليدي خلي خيتك تبخرك
انس : باه من بعيد ازف تقول جاي للاقواس
احمد وعمر وانا وخواتي اطربقنا ضحك
" الأقواس هذا سوق في بنغازي يبيعو فيه بخور ولوبان"
انس : والله كيف باخ عطر حقه 500 جنيه بعدين يجن يبخرنك بخور عيت اقواس بجنيه
نحن نضحكو
عمر يوشوش للانس : خلاص هفتت ع روحك خش للبنت نطلعو نحن ايوب قعد يعدي فيهم بالحناطه
انس : مربوحه ياباتي
عمر ضحك وطلع هو احمد عطي الباقة
انس خذا نفس
انا : يخش بروحه اه ماما وخالتي فكني من دموع
انس يبحت وساكت
انا بحتت فيه ابتسمت : هيا
فتحت البنت الي تشتغل في قاعة الباب وانس كان مقابل الباب خش مبتسم بدأت الأغنية كانت مختارتها الاء " هلا هلا"
الاء كانت منزلتلها الطرحه مقمعزه ماسكه الباقه عيونها ع الباب...