#فوبيا الحب❤
الحلقة [66]
انس : هيا يا نقطه نرجاك
الاء : تعبانه يا طويلي والله
انس : عشان خاطري قبل ما يروح عمر معش نحصلك
الاء : باهي ارجاني عشان مازالت في مرقدي
انس : عمري كله نرجاك
الاء : ههههه
انس : جيبي معاك سلسله طيرتلك ابراهيم للمعرض
الاء : حاضر
انس : ما طوليش نبي نطلع عندي سبوبه
الاء : باهي خلاص
انس : طيري يا نقطه
الاء : سلام
سكرت صبت من سرير خشت للحمام غسلت وطلعت مشطت شعرها لبست بنطلون أمريكي وقميص ابيض وشاح دمي وبخت عطر ورنت علي انس
انس : ايوه
الاء : وينك فوق
انس : اها هيا لك ساعه
الاء : تمام هيا
سكرت وسقمت وشاح دارت روج خفيف وخذت سلسله وطلعت
هدي : وين يا حنه
الاء : نازله للبنات
هدي : انا ماشيه حوش جدك
الاء : شنو خوالي حنو ع جديده ولا مازال
هدي : بكرا طيرتها ان شاء الله
الاء : اها تمام سلميلي عليهم
هدي : كيف مش ماشيه امالا عليش لبسه
الاء : كان بابا خلني توا نعدي معاك
هدي : خلاص شوفي بنات عمك واركبي توا ندويله انا
الاء : تمام باي
ركبت الاء لقت انس يدخن وعطيها بظهر
الاء بصوت واطي : طويلي
انس برم : نعليا نا تعالي
الاء عدت قمعزت ع كرسي : تعال انت هنا بسرعه نبي ننزل
انس قمعز ع كرسي اللي جنبها : شن جو
الاء : تمام
انس : في موضوع لازم نتفاهمو فيه
الاء : شنو
انس : كنك ما قلتيش جوك عرب وانا في الأردن
الاء ارتبكت : من اللي قالها لك
انس : ابراهيم
الاء : قلتلكش عشان خايفه تقولي شوفي نصيبك هو واتي عديت رفضت دغري والله
انس : انتي كنك مش واثقه فيا
الاء : والله واثقه فيك عارفتك راجل وناوي تخطبني عمليه مسألة وقت بس
انس : باهي كنك ما قلتي دابينك واثقه فيا
الاء : هو جاء في وقت مش مناسب اني نقولك بكل بعدين انت عصبي يا انس والله لعند نخاف منك بعد تنفصل انت كان تراجع روحك بس كيف يقعد شكلك بعد تنفصل
انس ابتسم : عليك تشويه سمعه ازف مهم ما تخافيش مني وانا ديما نقول فيها لك أنا نبي نقعد في حياتك كل شي اولهن امان نفديك بروحي ولا واحد يلمسك يا نقطتي انتي
الاء ابتسم : خلاص ننزل
انس : لا ارجي وين سلسله
الاء مدتها له : جبتها بس كيف نبي نخليها كاتب عليها اسمك دلاله
انس خذها حط سبسي في فمه ويدوي : غير ابرمي بس بعدين دسيها في دبشك
الاء برمت في مسافه بينهم لبسها لها وبرمت بحتت في سلسله وبحتت فيه
الاء : تهبل بكل
انس حول سبسي نفخ في وجها : سمحه عليك ياروحي
الاء تحشمت قعدت تكح وترفع في وشاح وتخشش فيها : شكرا
انس رفع حاجبه وابتسم
الاء : خطرها توا ماشيه مع ماما للجدودي
انس : امتي مروح جدك
الاء : ماشيه جديده بكرا عشان كيماوي وخوالي قالولها تعالي
انس : عارف
الاء : انت عارف ان جدي فيه سرطان " عفانه وعفاكم الله "
انس : اها عارف قبل ما يسافر
الاء : كنك ما قلتلي
انس : شن جو صبايا هذا اللي نسمعها نجي نقولها لك وبعدين خوالك ما يبوش يقولو شن دخلني نفجعكم انا ولا كيف وانت اصل طواطي عارفهن صبايا حنه
الاء : اصلا جدي وجعني
انس : ان شاء الله يتعالج ويروح طيب
الاء : ان شاء الله
انس : خلاص انزلي ومعش ادسي عليا شي حظك سمح جوي فوق ريح كان هذا راه صار فيها كلام آخر
الاء ابتسمت : ان شاء الله جوك ديما هك
انس يضحك ويدويلهاع انها بيبي : امشي انزلي حبيبي امشي بسرعه يا بابا انزلي
الاء تنزل من دروج وتدوي : عليك حناطه يا ربي
انس : اووي
الاء برمت
انس : عبايه طبعا
الاء برمت ابتسمت مجامله : حاضر
انس عض ع فمه وهز رأسه يمين ويسار ومبتسم : توا نوريك
الاء نزلت بشويش ما خشتش للحوشهم نزلت للحوشنا وانس لحقها لكن طلع من حوش
..........
مالك : ايوه يا امي
عمت هاجر : هو يشوف فيا خوكن
حنان : اها يا ماما يشوف فيك هذا برنامج اسمه اسكيب
مالك ابتسم : شن جو
عمت هاجر : كويسن حمدلله كيف حال خوك
مالك : اليوم حرك يده يسار واقسم بالله دكتور قال في امل انه ينوض قريب
عمت هاجر وبنات فرحن
هويدا : مالك حط عليه كاميرا خلينا نشوفو
مالك : انا برا
حنان : عادي حتي من قزاز راضين
مالك : توا سكري نسال دكتور ونرد نتصل بيكم
بات هاجر : عطينا خالك وانت أسأل الدكتور
مالك مد لابتوب الخاله عدا يسأل دكتور قاله تمام خليه يسمع صوت أقاربه خش لبس وعقم روحه عشان غرفه العنايه وخذا لاب وخش كلهم تعرمو ع لابتوب وهاجر بعيد شويه متحشمه من عمها
مالك : اهو منذر
عمت هاجر : نعليا اوليدي كيف راقد حسبي الله ونعم الوكيل فيه اللي خلك هكي حسبي الله ونعم الوكيل
حنان : كنه مش واعي
مالك : ادعوله بس دكتور قالك ان شاء الله حيكون كويس
هويدا اذكرت سند قعدت دموعها ينزلن بدون ما تحس بحتت في هاجر لقتها تبكي حظنت هاجر وقربتها من كاميرا مالك حط كاميرا ع منذر بس وقعدت هاجر تبحت فيه ودموعها تقول شلال كتمه شهقتها ودموعها ينزلن
ابتسام : ان شاء الله تنوضلنا طيب يا موني
مالك : ادوله كلكم خلوه يسمع صوتكم
حنان : هيا يا منذر نوض نرجو فيك
بات منذر : إن شاء الله تنوض طيب
هويدا : هيا يا مينو روح من يبي يشيلني للسوق من اللي يبي يدافع عليا من اللي يبي يقولي هذه فرصتك معايا فلوس اطلبي اللي تبيه
مالك جاب كاميرا عليه وطلع : هيا خلاص نبي نسكر
عمت هاجر : دير بالك علي روحك وع خوك
مالك : ان شاء الله
ابتسام : ارجي هاجر تبي تدوي
مالك رد كاميرا وبات منذر طلع
هاجر : ربي ينوضك طيب للولدنا يا منذر وتردلنا بخير
بنات : إن شاء الله
مالك : خلاص اوكي
سكر نت وطلع وقمعز جنب خاله وسرحان ما دوش شي
.........
باسم : هيا حبيبي
انا : شويا بس
باسم : تي كنك مسكره بالمفتاح باهي
انا : هك حره امشي للحمام آخر
باسم : توا نوريك عليها كلمه حره
انا ضحكت : حره حره حره
باسم : ايلاف خيرلك
انا : حتي انت حر عادي راه
باسم : انا حر انتي لا
انا : والله عليك شاطر
باسم : عنديش وليه حره انتي تحت تقيد
انا ابتسمت وفتحت باب واتكيت عليه : ترا احلف
باسم ابتسم : والله
انا : لا انا حره
باسم قرب مني وحط رأسه ع راسي : لا حره بجوك انتي
انا ابتسمت : كيف صار
باسم ضحك : شن اندير يا همي اللي تبيها حاضر مش قلتي حره قلتلك حره
انا : نجك ليا يا روحي
باسم : ناعليا نا
انا وخرت : خلاص عاد خلينا نبدلو نعدو
باسم باسني ع خدي : هيا اطلعي
انا طلعت قعدت نلبس كملت رنيت ع هلي ورنيت ع هاجر وطمنتني ع منذر وباسم دار دوش وطلع لبس وطلعنا للفيلا
باسم : سلام عليكم
بنات : عليكم سلام
باسم : وين امي وشباب
حنين : ماما فوق في دارها ومحمود شال مراته للهلها ومحمد خذا عويله وعدا للمحلات
باسم : انا ماشي تبو حاجه
بنات : سلامتك
باسم بحت فيا : تبي حاجه من برا
انا : لا سلامتك
باسم : تمام اوكي
انا طلعت في جرته : دير بالك علي روحك
باسم برم : نعليا نا حاضر يا روحي
انا ضحكت : محنطك خلاص عدي
باسم طلع يضحك وانا خشيت
سناء : بدري يا روحي
انا انحرجت وابتسمت : لا كنت نوتيله في دبش
بنات ضحكن
انا : عليك حناطه يا خيا فيكن
سناء : غير تعالي نبي نسالك
انا قمعزت : نعم
سناء : انتي نص رمضان خذيتيه عند هلك وهاجر معش حصلتك بكل شن صار بينك وبين رانيا اول يوم رمضان
انا : والله بعد طلعت من حمام سمعتها تدوي هي وخالتها وقالت..... حكيتلهن كل شي
انا ما نبيش اندير مشاكل في نهايه هذه بنت خاللكن الوحيد يعني خو عميمه هو ع عيني وراسي لكن بنته لا
حنين : لا معاك حق نحن معاك وهكي تبي تمس خويا وباسم فطني راه
انا : انا اهم حاجه ما نبيش مشاكل بس كلا هي مش شيلتها من الأرض عشان باسم وضحلي كل شي الا نقطه وحده بس توا نحلها بروحي
اسماء : بس دابلك تخافي نحن معاك حتي كان موضوع كبر نحن حنفهمو ماما
انا : انا والله ساكته متحشمه من عميمه وخالي
سناء : لا ما تحشمش رانيا تلقاك ساكته ادير روحها بطله وتمرد أكثر
حنين : فتشي فونه فايبر واتساب اي برنامج شوفيها
انا كنت واثقه في باسم بس بعد حنين قالت هكي سكتت
سناء : باسم مش هكي يا حنين
حنين : بس بنت خالك هكي يا روحي
ماريا جت في يدها كستارده : تفضل مدام
انا : شكرا ما نحبهش وكيف وخذذه دواء
بنات خذن مشي يوم ضحك وهدرزه مع بنات قلتلهن ع منذر وسناء فرحت واجد حتي بنات نزلت عميمه قعدت تسبح حذانا ونحن نهدرزو
.........
اسامه : محمد لهلهله يا حبيب بابا كنه منفصل ماما في حمام توا تجيك
ايمان طلعت عزقت روحها ع سرير : نعليا عليك تعب
اسامه حط لاهايه للحمادي ويهز بيه : والله كان مش امي قالت رمضان لوطي راه ما نزلت
ايمان : الله غالب بس لنقاني تعبانه نبي نرقد
اسامه حط حمادي في سرير قرب من ايمان قعد يمرس في اكتوفها : هكي كويس
ايمان : ااااه عليك راحه ايوه
اسامه : تحملي قريب يكمل رمضان
ايمان : لا عادي حبيبي توا نتحملوهن في هالشهر وخلاص
اسامه : ربي يخليك ليا
ايمان : ويخليك ليا حنوني
اسامه نزل باسها
ايمان : توا ساعه كم
اسامه : 12 ونص
ايمان : استغفر الله مازالت ماصليت العشاء
اسامه : عدي صلي وتعالي
ايمان صبت صلت وبخرت الحوش ودرت رضاعه للحمادي ورقدت جنب اسامه : حبيبي كان ناض عطيها له شوي هك ونوضني
اسامه يمرس فيها : تبي ترقدي ف اليوم اللي انا قاعد فيه
ايمان تنهدت قمعزت
اسامه قرب منها
راحو ف خير كان.....
.........
ايوب : نبي نفوت امها غرباويه تبيني نخطب
ابراهيم : اصلك عيل انت خزي عليك يا راجل صون بنات الناس عشان ربي يطيح اختك في راجل يصونها
انس خش وإتكي ع باب
ايوب : تي اختي صقع عليهن كلهن حتي تلفون خذينه منها
ابراهيم : تمرجل تمرجل
انس متكي ع باب : كنكم شن في
ايوب : خش تعال امتي جيت
انس : والله من صون بنات ناس اختي خذيت تلفونها شن صاير
ابراهيم : وانت في الأردن تعرف فرخ #### هذا شن دار
ايوب : اسكت يا لقاق توا ندوي بروحي
انس قمعز : ادوي يا شجاع
ايوب : رن عليا رقم غريب رديت عادي شوي لقيتها بنت غرباويه عمك ايوب ما صدق فرخه صوت بس نعليا امالا ش
ابراهيم قص عليه : ادوي من آخر عطيه زبده ما قلنالكش اوصف البنت
ايوب : عندي رب بدال زبده تبي يا ###
انس : تبي تدوي ولا نصبي مش فاضيلكم
ايوب : خليه يسكت بيش ندوي
انس بحت في ابراهيم
ايوب : رنيت ع بنت سكنتلها رن مسجات حطتني ف حظر رنيت بشفره اخري قعدت سكنان لعند مسكت في صناره بعدها قعدت هيا اللي ترن وقعدنا هدرزه كل يوم وضحك اول امس نهدرزو في نص كلام قالتلي بعد تجي تخطبني اندزلك نفس ما صاحبتي ادز للخطيبها وانا ما دويتش ع ارتباط رسمي بكل من امس مسكر شفره
انس : وانت تبي تفلسع يعني
ايوب : اها من آخر هك
انس : عشان انت عيل وحركات عيال هذينا
ابراهيم : صدق فيك
ايوب : ها تبوني نخطيها تي غير خلوني ننسي موالي أول بس عليش نظلم ف بنت معايا
انس : انت اللي فسختها خطبتك محد قالك أخطب ولا افسخ سريب ادير فيه للروحك مش وقته بكل
ايوب : من قالك ندوي علي دنيا
ابراهيم فنص فيه : خلاص مهم فوت خلاص
انس : شن يفوت انت تبي وحده اخري عليش تلعب بالباقي
ايوب صبي : ما فيش نصيب
انس : باهي ارتزع وين ماشي توا نقولك شن ادير
ايوب قمعز : هاا
انس : تقول نادي في حمار معش تقول هااا
ايوب : تبي تقول ولا نطلع
انس : انت خليك معاها راجل
ابراهيم : خلاص قوللها امي تبي تخطبلي بنت خالتي
ايوب : لا باتي يبي يخطبلي بنت عمي تي شن جو الفروخ هذا
ابراهيم : اوكي يا ذكر
انس : سكرو ### انتم الاثنين انت اللي حديره هو اللي في قلبك كله قوللها و بصراحه قول انا كلمتك بالجو كساد يعني كان ع قلب اللي في قلب في قلب وانا نبي بنت اخري صح ما صارش بينا نصيب ما قدرتش ننسها وانا مسكر ع موضوع خطبه عشان خطبت وفسخت
ماصارش نصيب وياريت تسامحيني وانهي مكالمه تأسف وقوللها هذه آخر مكالمه بينا وسكر وتم فرح زلام فهمت يا ثور
ايوب : وكان زعلت
ابراهيم : تطربق
انس : تزعل توا خير ما تبكي بعدين
ابراهيم بحت في انس : رايح رومانسي يا فرخ
ايوب : حتي انا حسيت قبل أيام محور نص كلام يسب حسيته هادي ويدوي بهدوء شكله يحب
انس صبي : قتلي حساسيه وين جياتك
ايوب وابراهيم : ههههههه
انس : هيا سلام يا كلاب عندي مشوار
ايوب : خليك بدري
انس : عندي كم موضوع نبي ننهيهن نتلاقو في كافي المزنح اوكي
ابراهيم : تم اوكي
انس طلع وابراهيم نزل هزايب في ايوب عشان كلمته "غير خلوني ننسه موالي أول"
.........
هبه : هذا اللي صار
عصام : إن شاء الله ينوض طيب والله كم مره مشيتله في جلاء خوه منتهي ع آخر
هبه : حي كان تشوف هاجر وامه وخواته نعلي قريب يطرشن ع قطعت يده
عصام : حمد لله ع كل حال مهم كويس
هبه : حمد لله رنيت عليها امبدري وطمنتنا عليه
عصام : باه حمد لله
هبه : عصومي وين قاعد انت
عصام : في كافي
هبه : غريبه رديت عليا
عصام : مش مني مرايف عليك
هبه ابتسم : نجك ليا حبيبي
عصام : نعليا نا قتلك
هبه : نعم
صاحبه يضبحله : عصااااام تعال
عصام بصوت عالي : لا والله ما نقدر مدام ع خط
هبه تضحك
صاحبه : طحت من عيني يا قدر مخوفتك
عصام : كلنا لها مرحله هذه صعبه عقبالك
صاحبه : هههههه ان شاء الله مانوصلها مرحله معيله هذه لك ساعه تهدرز تعال ازف
هبه تضحك
عصام : تضحكي تمام هكي جبتيلي كلام من كلاب
هبه : هههه شن دخلني انا
عصام : كيف شن دخلك شفت رقمك نطيت من كرسي قدامهم
هبه بصوت واطي : ربي يخليك ليا يا عويناتي انت
عصام : حي عليا انا
صاحبه : تي يا عصاااااام خلاص ازف جفاف رانا طحنها انا تعال واسيني
هبه : ههههههه يا روحي
عصام : هببببببه
هبه : احم تمام فهمت
عصام : سكري نقعد معاهم شويا عارفهم يبو يمعيلو بيا توا نرن عليك شويا اخري
هبه : تمام دير بالك على روحك
عصام : حاضر اوكي
............
احمد : ايوه
سناء بصوت هادي : شن جوك
احمد : تمام حمادي شن جوك انت
سناء : حمدلله مشغول
احمد : اها و الله تبي حاجه انت
سناء : مرايفه عليك ونبي نسمع كلمة نحبك
احمد ضحك : اها صعبه والله لازم توا هذه
سناء : توا اها
احمد : وكان قتلك مش فاضي
سناء : ساهله تفضي روحك
احمد : مش امبدري كلمتك
سناء : مادخلنيش
زبونه : معلش بكم هذه
احمد : 100
زبونه : وهذه
احمد : 120
سناء : وبعدها
احمد : مش فاضي وحق الله
زبونه بحتت فيه وابتسمت
زبائن : سلام عليكم
احمد صبي من ع كاسه : عليكم سلام
سناء : كم بنت خشت توا
احمد ابتسم : بنتين وامهن
سناء : سمحات
احمد : ما بحتش
سناء : ضحكتني
معاذ : سلام عليكم
احمد سكر فون طول : كنك طولت
معاذ : هدرزت ف كافي شوي
احمد : اقعد مع زبائن توا نجي "نقص صوته " ما تنقصش ولا جنيه "
معاذ : تم اطلع
احمد طلع وركب في سياره رن عليها مرتين ماردتش ردت ع مكالمه ثالثه
سناء دارت روحها تبكي : نععم
احمد : تبكي يا عبيطه
سناء رشفت خشمها : تؤ تؤ ما نبكيش
احمد : نحبك و مرايف عليك يا هبله والله امبدري كانت زبونه كان هذا راه قلتها وسكرت عشان صاحبي خش حيفهمها طول اني ندوي معاك وانا نبيش حد يعرف اني نكلمك
سناء : وليش
احمد : هك نغار
سناء : حسيت قلن مكالمات بكل
احمد : تحمليني فتره رمضان بس والله بعدين سكنان رن لعند تملي من صوتي
سناء بصوت هادي : ما نملش انا بكل
احمد : تي نعليا نا من اللي يحبني وخلاص "باسها في فون " شن تبي اخري بيش ترضي
سناء ابتسمت : شي خلاص
احمد : انتي ااااه منك يا ملخبطه كياني ع قول هذاك راجل
سناء : هههههه
احمد : تم هكي
سناء : تمام باي
احمد : سلام يا روحي
سناء سكرت شوي هك دزتله مسج
احمد خش للمحل قمعز ع كاسه وجاء مسج طول فتحه وقرا " انحبك ونحب غيرتك عليا وأنحب ناشبك مو بيديا يا دنيتي و يا كل من ليا ❤"
احمد ابتسم دزلها " نحبك يا روحي نحبك"
..........
بعد اسبوع ...
بابا قبل يبي يجيب هاجر تغير جو عندهم عمها حلف قال ماتطلع لين يروح راجلها
احمد من عمل للاصحابه يحاول يفضي روحه ويكلم في سناء
انس يمشي بعد مغرب للاصحابه امتاعين محور قعد يقلل هدرزته حتي مع ايوب و ابراهيم وعدا طبرق عزاء وروح
وانا عديت للمستشفي اطمنت ع بيبي
باسم مشغول معش يقعد في حوش واااجد يادوبك فطور كان قعد نص ساعه يرقد فيهن ويبدو يرنو عليه يطلع هو محمد
وانا معش طلعت بكل ياراقده يا ف فيلا مع عميمه وبنات
.......
وانا روحت للحوش بعد مغرب طول شويه ورنت عليا سناء قالتلي خالاتي جايات نضت درت دوش ولبست وطلعت هدرزت معاهن وضحك وجو سمح عشان عيت خالي فتح الله ماجوش قعدن لعند 2 وروحو انا طلعت للحوشي 3 فتحت نت هدرزت مع صاحبتي واخر اخبارهن منال جوها عرب ورفضهم وملاك تحدد فرحها بعد عيد الاضحي بعشر أيام وبيلسان بعد عيد الميلود يوسف يبي ينزل بنغازي للخالته و بعدها بجيب هله وريم في شخص خش ع خط جديد ❤ وهيا متقبله موضوع تبي تفتح صفحة جديدة
روح باسم بعد فجر وانا كنت نقرا في القرآن ولا كاني شفته
باسم : شن جوك
انا كملت ايه وسكرت المصحف : حمدلله
باسم : كيف حال حبيب باته
انا : تمام
باسم ابتسم : امتي نبو نعرفو بيبي شن جنسه
انا : دكتور قالت مازال
باسم : كنك وجك هكي
انا : كنت نرجع قبل فجر
باسم : خذيتي دواءك
انا هزيت راسي
باسم : جبت نواقص كوجينه
انا : تمام
باسم : قويه هذه
انا رفعت حاجبي : شنو القويه
باسم مبتسم : رفعت الحاجب يا واعر انت يا قطاعهم
انا : اها باه
باسم : شن تبي ديري بكرا
انا : كالعاده فطور عند عميمه نروح نكلم هلي وهاجر ونرقد نوض نصلي نقرأ القرآن ونرد نرقد
باسم : شكلك هك زعلانه
انا : لالا عااادي
باسم ابتسم : تمام طمنتيني بكرا عندي شغل بدري ماشيه للبيضاء تصبحي ع خير
انا فنصت عيوني : قدامك الخير
باسم خش دار ورقد انا كملت قرآن وصليت ركعتين قمعزت ع صلايه قعدت ندعي صبيت وخشيت رقدت
............
عمر : شن اديري
هنيده فاتحه ع طنجره : نشوف ف محشي
عمر قمعز قعد يبحت فيها : راك اذوقي
هنيده سكرتها : ههههههه
عمر : تعالي قمعزي
هنيده وقمعزت ع طاوله : كنك نضت بدري
عمر : خلاص شبعت نوم كل شوي نرقد ونوض نصلي ونرد نرقد اخري
هنيده : نوم عافيه
عمر ابتسم : نساعدك
هنيده ابتسمت : تعرف تقرض
عمر : والله ماني عارف هاتي نجرب
هنيده : معناها خليك متريح
هنيده طلعت بطنجال غسلته وقعدت تقشر فيه
عمر : درتي كيمياء
هنيده : اكيده ودرت شربه وبطاطا مخلطه ومحشي وهذه سلاطه بابا غنوج
عمر : يعطيك صحه
هنيده : سلمك ، عمر دابينك نضت جيب موز وفروله عشان اندير عصير طبيعي
عمر صبي : شن تبي اخري
هنيده : كسبر للشربه
عمر : تمام
خش لبس ونزل
هنيده كملت سلاطه وبدات في كيكه
عمر : سلام عليكم
هنيده برمت : وعليكم
عمر حط حاجات
هنيده : يا ماما شنو هذا كله
عمر ابتسم : حضرت بالمره
هنيده تنهدت : باهي يعطيك صحه
عمر : انتي كملي فطور وانا نرتب اللي جبته
هنيده : نجك ليا ههههه
عمر برم وجه للثلاجه : اللهم اني صايم
هنيده : ههههه تي شن قلت
عمر : اللهم اني صايم وخلاص
هنيده : باهي حول نبي كوشه يا صايم هههه
عمر وخر بكل وهنيده تضحك حطت كيكه في كوشه وعدت تقرض ف كسبر
هنيده : عمر امتي نبو نروحو
عمر : انا حالف لعند انتي تقولي نروحو نبيش نروح بيك وانتي مازالتي خاطرك تقعدي
هنيده ابتسمت : خلاص معناها بكرا نروحو
عمر : خلاص بعد مغرب نطلعو نحجز وشروللهم حاجات ونروحو
هنيده : تمام باه
.........
حنان : هاجر هاجر افتحي هاجر يا هويدا جيبي مفتاح احتياط
هويدا جبته وركبت تجري : افتحي
حنان فتحت ولقت هاجر دايخه : حي علينا جيبي عطر بسرعه
هويدا جباته قعدت تبخ وهاجر بدت تصحصح
حنان : هاجر تسمعي فينا
هويدا : ارفعي معايا نرقدوها ع سرير
رفعتها شافن سرير لقتن الالبوم صورها هي منذر في زفه
هاجر فتحت عيونها : راسي
حنان ضغطت على روحها : حرام عليك روحك وبيبي انتي معش تاكلي كيف قبل والله منذر يزعل منك ومعش ينوضلنا
هاجر بحت في حنان وحطت يدها ع بطنها اللي بدت تبان حضنتها
هويدا نزلت وهيا تبكي
حنان : خلاص اسكتي نحن نحمدو ربي انه كويس معش نبو نبكو بكل نبو ندعو عشان يجينا طيب
هاجر تمسح في دموعها : ان شاء الله
حنان : خليك متريحه هنا وخلي باب مفتوح توا نحن نركبولك نفطرو معاك
هاجر : تمام باه
........
ايمان : باهي شويا بس
اخت اسامه : كيف شويا تبيش اديرها
ايمان : نكمل اللي في يدي وندير حلو
ام اسامه : ديري الله يربحك فكينا منهن
ايمان : ما قلت شي يا عميمه قلتلها نكمل بطاطا امبطنه اسامه يبيها ونرضع حمادي ونديرلك شيز كيك للصحباتك
اخت اسامه : لا دوري في حس شكلك
ايمان بصوت واطي : اللهم طولك يا روح
يقين : توا انديرها انا بدالها
اخت اسامه : خليك في روحك انتي ماندويش معاك
ايمان قعدت ادير بسرعه كملت بطاطا امبطنه ودارت بدت في شيز كيك وحمادي يبكي في عيطه وحده خش اسامه للحوش قبل يبي يركب سمع صوت حمادي خش يجري
اسامه خذه من امه : كنه العيل وين ايمان
اخت اسامه تبري في أظافرها : في مطبخ
اسامه خش للمطبخ تقرض في سلاطه وقريب تبكي وسرحانه وتستغفر في سرها
اسامه : ايمان
ايمان نطت انفجعت انفتح صبعها : ااااه
اسامه عطه حمادي لليقين : تي كنك "حط صبع ايمان تحت شيشمه
ايمان دموعها ينزلن : فتحه كبيره ولا شنو معش باه يكف الدم
يقين قربت وتهز بحمادي : عشان غاز وكوشه ساخنه من ساعه 2 ونحن في مطبخ
اسامه كر مناديل ولاف يدها كلها : هيا اطلعي خلاص مغرب قريب يرفع عشان ادويها فوق وننزلو
ايمان مسكت يدها ركبت
اسامه خذا حمادي
يقين : اسامه طلعها اليوم خليها تغير جو
اسامه : عليش هي قالت في صبايا جايات
يقين : سامحني بس نحن شن دخلنا راه حتي انا نبي نطلع
اسامه : إن شاء الله
اخت اسامه شافته ركب : طبعا امشيته ع عجين ما يلخبطوش قالتله اركب ركب وراها طول
يقين : صبعها انفتح ماشيه ادوي فيه
ام اسامه : لا حول لله
يقين خشت للمطبخ قعدت توتي قعدت اخت اسامه تحط معاها ام اسامه عديت تنوض في بنتها اخري مازالت راقده
.........
ايمان خشت للحمام تغسل اذن مغرب وهيا جوا حمام اسامه حط حليب وتمر وفي يده حمادي يهز بيه طلعت ايمان عطها اسامه حليب وتمر ما بتش تفطر وقمعزت ترضع في حمادي
اسامه : كنك شن صاير معاك
ايمان : تعبت بكل اليوم اختك تأمر عليا وانا ساكته عشان امك في نصنا وبيش مايقولش مراه اسامه جالطه لكن اختك كثرت ع ما وصوها انا كان نحسابهن هكي راه والله ما وقفت عليك " دموعها ينزلن " وقعدت في حوش هلي ارحم شنو هذا ليش حقد هذا كله يخلن فينا من صبح للبعد مغرب في مطبخ كان يبن حاجه انديروها يا اما يلبزنها بروحهن ويقبلن مطبخ فوقي لوطي ويطلعن مشكله كان يعاملن فينا كويس راه عااادي والله نظم وانا ساكته عشان من يوم يومي واخذه ع حوسه لكن اهانات قدام خالاتك وعماتك وصبايا عمامك حتي خالاتك هزيات عليهن يومها خالك سعاد قالتلهن هذينا كناين مش خدامات نا تعبت خلاص شيلني للهلي يا اسامه نبي هلي نبي نتريح خلاص
اسامه صبي : صبي لمي دبشك
ايمان :
..........
يتبع.....
كل عام وانتن بخير ❤
Fafy faa
