#فوبيا_الحب ❤
الحلقة [45]
احمد متعصب : كنك مقفل
سناء بصوت هادي : طفي شحن
احمد : توا كيف فطنتي
سناء : رنيت مارديش امبدري
احمد راقيله ومتعصب بكل : باهي اسمعي كلمتين هذينا وحطيهن في وذنك فرح نبي انطلعه شهرين جايه وكان معش تبي تكملي معايا قولي يعني بدايتها رهان ونهايتها فصخ عادي راه
سناء 😳 : شنو
احمد فطن للروحه : يعني نبي نطلع فرح
سناء : لا شن قصه رهان
احمد سكت
سناء : شنو قصه رهان قلت
احمد : فوتي موضوع خلاص فرح يطلع مع عمر وخلاص
سناء : وانا مش موافقه لعند نفهم قصه رهان
احمد : وانا مش لازم نقول قلت فرح يطلع بعد شهرين مع عمر
سناء : وانا قلت لا يعني لا ولو سمحت معش ترن عليا لعند يصحلك تقول قصه رهان لان نا حافظه باسم ورهاناته وتعرف حاجه واقسم بالله ندعي ما يطلعش "خنقتها العبره " اللي في بالي وكان طلع معناها اعرف ان هذا اخر يوم بيني وبينك وتجي تأخذ ذهب ودبله ودبش بدون اي نقاش بينا
احمد : كنك تكبري في موضوع انتي
سناء : تبي تقول ولا لا
احمد سكت مابش يدوي عشان مايبيش يفصخ
سناء : خلاص اوكي تلفون نخليه مفتوح مش ح نرد عليك الا بعد تبي تقولي قصه رهان بعد تبي تدوي دزلي مسج سلام
سكرت في وجهه احمد قعد يخبط في دومان قعد بروحه يفكر يعني كان قال ان خطبتهم من وراء رهان حتزعل وتفصخ الخطبه عشان هي تحبه قبل مايخطبها يعني توجعها وكان ماقالش مش حترد عليه هو عارفها رأسها مسكر احسن حاجه يخليها تفكر في موضوع كم يوم بروحها قعد لعند ساعه 2 وخش
........
نحن وصلنا لقينا سناء في جنان ومطبسه رأسه ع طاوله
باسم : سناااء
سناء مسحت دموعها رفعت رأسها : نعم
انا وباسم قربنا جنبها
انا : كنك
سناء ابتسمت : لا شي غير قلت نطلع نشم هواء
باسم : كسدتي بروحك
سناء : لا عادي خلاص نبي نخش تصبحو علي خير
انا وباسم : قدامك الخير
سناء خشت وانا وباسم خشينا للحوش
انا سلحت كعب وخمار وقمعزت ع طاوله اكل : ااااه كرعيا
باسم : كان تفوتيه بكل كعب طوله امه 60 متر
انا : توتو ماتجش بعدين حبيبي كنك روحت بيا
باسم : ايلاف نوضي خير
انا : والله كنك
باسم : وانا دير روحي اندير في خير مروح بيك متأخر تقولي كنك روحت بيا شن تبي تباتي
انا ابتسمت : ياريت والله
باسم : نوضي نوضي
انا نضت سلحت عبايه : عطشانه
خشيت للمطبخ نشرب وباسم يبحت فيا ومبتسم
باسم : نقصتي بكل يااوفي
انا بحت فيه : هذا عليش قتلك جيبلي بدله بس نموت ونعرف كيف تعرف في مقاسي
باسم مد يده : تعالي نقولك كيف
انا قربت ونمشي علي روس صوابعي مسكت في يده قمعزني هي كرعيه وحطيت يدي ع لحيته : كيف
باسم يلعب بشعري : عشان نا حافظك كلك ع بعضك وقصه مقاسك هذه اسهل حاجه بنسبه ليا
انا حطيت ايديا ع وجهي : ههههه احرجتني
باسم ماسكني من خصري بيد ويد آخر يحول فيها ايديا من ع وجهي : ههههه تي بحتي فيا يافكرونه مش وقت تقوقعي بكل
انا نزلت ايديا : اثبت ع اسم يا فكرونه يا فوبيتك
باسم باسني في خدودي : الاثنين فكرونه بعد تقوقعي فوبيتي بعد تخافي وتجيني
انا ابتسمت حطيت يدي ع لحيته : باهي نبي نغير دبشي
باسم : ياريت والله اصلا مازال في موضوع نبي نقوله لك
أنا ضحكت حولت شعري ع جنب ومديت وذني : ادوي حبيبي محد يسمع فينا
باسم باسني في رقبتي انا ارتخيت شدني وصباني معه
انا وخرت : شويه حبيبي
باسم باسني : لالا خلاص خليك هك
ورحنا في خبر كان.....
.......
ابراهيم : يا عليك صبح ###
الاء ماسكه شيتها ومازالت تقراء : هيا
ابراهيم : عجل مفشوشات
الاء : تي كيف مفشوشات نا عندي امتحان ساهره من امس ونا نقرا
ابراهيم : الاء تفصلش امي
الاء : مشكله توا محد ينوض ساعه 7
ابراهيم : اركبي جيبي مفتاح باتي
الاء : ونأخذ هزيبه صبح نا ناقصني إحباط تي نا بروحي خاشه للامتحان وخايفه
ابراهيم : معناها اركبي ارقدي احسن حاجه حتي وجهي ماغسلتش مازالت نعسان اصلا نرد نرقد
الاء : تي كنك بارد انت مش عندك جامعه حتي انت
انس طلع ولابس بدله عسكريه كامله وطلع من حوش حط ع ماده اللي في جنان نظارات ودخان ومفتاح سياره وطبس يربط في كندرته : صباح خير
ابراهيم : جابك ربي صباح النور
انس لا انا اللي عازم روحي وجاي : كنكم في حاجه
ابراهيم : كنك لابس عسكري ونايض بدري
انس : ماشي عندي مواضيع
الاء تبحت في لابسته وشكله من فوق لعند لوطه
ابراهيم : تعزق هذه ع طريقك عندها امتحان نا سيارتي مفشوشات عجل الاثنين
انس لابس نظارته ويبحت في لابستها : توا نحطها وانت بعد تنوض كلم ايوب يجيب كمبرسولي من معرض
ابراهيم : لالا توا اندفها انا و منتصر بعد يروح من مدرسه نهايه شارع ونفخهن
انس : تم بجوك هيا الاء
الاء : لا توا نرجاء ابراهيم لين ينفخ عجل سيارته
انس حول نظاراته وبحت فيها
ابراهيم : وامتحان
الاء : امتحان ساعه واحد قبل نبي نراجع مع صحباتي بس
انس بهزوه : متاكده امتحان
وطلع انس يسخن في سياره
ابراهيم : تي منتصر يسرحو فيه واحد ومايوصل للحوش الا 2
الاء : معناها تركب معانا شن منظري وانا راكبه معه
ابراهيم : باهي اطلعي ونا نغير دبشي ويحطني في جامعه خير ما يرد هنا
الاء طلعت وفتحت باب الاوراني وركبت شمت عطر انس قالب سياره طبست ع شيت دغري
انس برم عليها : اركبي قدام يا ابله
الاء : انا دكتوره وابراهيم يغير دبشه وينزل
انس : يعني فشت العجل ع ابيض
الاء فنصت : انت اللي فشيت عجل
انس يبحت فيها من مرايا : اها نا ووراك وراك لين تحني وتجيني وكنك لابسه قصير ان شاء الله
الاء : أستغفر الله ياربي
ابراهيم طلع وركب من قدام يلبس في كويش : حتي نا ماشي للجامعه
انس : يعني توا للجامعه خاصه ولا عامه
ابراهيم : لا عامه نحطوها هيا بعد انا
انس : تم
ابراهيم : نتعبوك يا برو
انس قرن حواجبه : سواق عند بوكم انا عادي
ابراهيم ضحك
والاء ضحكت بصوت واطي
طلعو حطوها في جامعه وحط ابراهيم في جامعه خاصه وطلع للعمل
.......
ايمان : اسامه اساااامه
اسامه نط : كنك
ايمان : خلاص معش نقدر
اسامه : كيف تبي تجيبي
ايمان : تي نقولك معش نقدر
اسامه : بس انتي كيف خشيتي للتاسع
ايمان تعيط : وانا شن دخلني توااا
اسامه ارتبك : باهي اهدي قوليلي شن اندير
ايمان تأخذ في شهيق وزفير : جيبلي عبايتي وشاح
اسامه صبي جاب خمار
ايمان : تي عبااايه ااااه
اسامه جاب عابيه وشاح
ايمان : جيب شنطه البيبي وشنطتي ورن ع هلي
اسامه : ننزل نوعي امي اقرب
ايمان : بسرعه بسرعه
اسامه نزل بشرت وتي شرت دق فتحله باته : باتي قول للامي ايمان مريضه خليها تلبس بسرعه
باته : باهي غير عدي شوف مراه
اسامه ركب يجري : ايمان
ايمان تبكي : خايفه خايفه
اسامه : اقري قرآن كيف مش دوينا نحن بيش ربي يخفف عليك الالم
ايمان : ااااااه شن نقول نسيت نسيت
اسامه لابس جلابيته خذا دبش ومفتاح سياره وفلوس مسك يدها ويدودش فيها : اقري معوذات أدعي اقري سوره مريم وقولي دعاء
اسامه قعد يقرأ وهيا ترد وراه بسيف مش قادره من الالم ركبها في سياره من لاوراء وعطها الخمار وكلم امه اخري وطلعو وايمان تحشمت من عمتها معش طلعت صوت
ايمان ماسكه في كرسي اسامه : اممممم خلاااااص
اسامه توتر : قريب نوصلو اهدي
عمتها : أدعي يا بنيتي أدعي دوعاك مستجاب
ايمان معش قدرت : اااااااااه
اسامه درس وعدا الاستعلامات حجز وعطاهم فلوس ورد عليها نزلها خمار ونزلها قمعزها ع كرسي خشو بيها للغرفه كشف وممرضه قالتلها مازال
اسامه رن ع عمر وقاله جيب ماما نزل عمر قالها للماما بعد طلعت هبه و منتصر للمدرسه رنت ع بابا وعدت مع عمو عمر
ايمان : ياااارب يااارب
عمتها : ادعي سلم بنتي أدعي
ايمان تبكي : يااارب خفف عليا يارب كلمي اسامه توا
عمتها : كيف نكلمه ممنوع
ايمان تبكي : رني عليه ياعميمه نبي ماما
عمتها سكتتها ورنت عليه وعطت الفون للإيمان
اسامه : سلام عليكم
ايمان : اسامه جيب ماما
اسامه : حاضر في طريق عمر جايبها ، انتي شن جوك
ايمان : مره نتألم ومره لا
اسامه : ربي يسهل عليك قاعد برا تبي اي حاجه رني عليا
ايمان : حاضر
اسامه : سلام حبيبي ديري بالك على روحك
ايمان : تمام سلام
.........
ماما : اهو اسامه
عمر : اسامه
اسامه : خير خشي من هنا يا عمتي ترجاء فيك
ماما : ربي ينوضها بالسلامه ياباتي اطمن ساهله
ماما خشت ايمان حظنتها وقعدت تعيط من الالم
عمر : كنك خايف هههه
اسامه : لا عادي غير تعال نقمعزو
قمعزو ع كراسي بعد نص ساعه قعدو يسمعو في صوت ايمان وهي تعيط اسامه نط
عمر : هههههه قمعز كنك
اسامه قعد يستغفر ويقرآ في قرآن ماشي جاي لعند سمعو صوت بيبي
عمر : مبروك ياشيخ
اسامه فرح : الله يبارك فيك الله يبارك فيك
شوي وطلعو ايمان للغرفه خشو بركولها كلهم وقعدو يرنو عليهم كلهم قاللولهم ع ان ايمان جابت
........
انا وباسم مازالنا راقدين نسمع في فون باسم يرن
انا نهز فيه ومغمضه عيوني : حبيبي فونك
باسم برم قفله من دون مايشوف اسم حظني وردينا رقدنا
......
الاء : نجك ليا يامني مبروك
ايمان بصوت تعبان : الله يبارك فيك عقبالك
الاء : هههه ان شاء الله توا كيف طلعت من امتحان اللي يبي يروح بيا كان باء نخليه يتكي ونجيك
ايمان : تمام باهي
الاء : الوليد سمح
ايمان : ههه مازالت ما شفته بس عمو عمر قالي عيونه بقه زي اسامه
الاء : نجك ليا ياروحي تي كان نلقاه نأكله ربي يحفظه لكم ويتربه في عزكم
ايمان : تسلمي إن شاء الله
الاء : خلاص تريحي توا بعدين نجيك
ايمان : سلام
خشن صبايا عمامي وهاجر
ومنذر وايوب قعدو مع اسامه
بعدها روحو واسامه روح بامه عشان تريح وتوتي و رد جايب غذاء للماما وايمان
......
احمد يبي يرن ع سناء ويقول ع رهان خايف تسيبه وهو يبيها وسناء مسكر ع روحها دار من امس ماطلعتش وترجاء في مسج احمد ع نار وايوب رنت عليه خطيبته رد عليها كلمتين وقص وابراهيم حطه صاحبه في حوش ودار سياره وجاب الاء وعدو مستشفي وروحو
.......
انا نضت مالقيتش باسم طلع من حمام وهو لاف منشف ع وسطه
باسم : صباح الورد ياودتي
انا قمعزت : صباح النور ساعه كم
باسم : واحد عندي عمل قعدت نتاخر حبيبي نوضي ديري حمام بيش ديري فطور
انا لابست : حاضر مد يدك صبيني
باسم مد يده وصباني بسته وخشيت للحمام درت دوش توضيت طلعت لقيته يصلي صليت وطلعت المطبخ درت فطور فطرنا وباسم طلع ضميت حوش فتحت فوني لقيت مكالمات واجد رنيت ع الاء
انا : الو
الاء : اهلين
انا : شن جوك اليوم وشن درتي في امتحان
الاء : ماشي حاله بس شكلها مقبول باهي اللي قريتها من قبل كان هذا راه سقطت
انا : باهي مش مشكله
الاء : شالني انس تعرفي من امس نقرأ ونقول كان يشيلني هو
انا : تي ناعليا نا حنيتي
الاء : مرايفه عليه موت لنا قريب اسبوع ومعاها
انا : رديله
الاء : نبيها منا هو ديما نا اللي نتأسف
انا : مش مهم من اللي يبادر مهم يحبك ويبيك
الاء : وانا نبيه يثبت كلام هذا وهو كملها كله نظرات
انا : كيف تبيه يثبت
الاء : اللي يحب يدير اي شي
انا : متاثريش واجد في اتراك
الاء : باهي شكرا ع تحبيط المعنويات مهم قتلك مني جابت
انا : كذابه نجك ليا محد قالي امتي
الاء : اليوم في صبح
انا : امس تعبت واجد ياناري
الاء : بيش تجي في حوشها في عشيه يطلعوها
انا : اكيده بعد مغرب توا نجي يروح باسم بس وتوا نرن عليها سلام
الاء : اوكي
سكرت منها رنيت ع ايمان بركتلها ودرت غذاء وجاء باسم حطيتله غداء وتيت روحي ومكيجت ومشيت نا وعميمه تكينا ع حلواني خذيت حلوه وصندوق راني حطني رد للعمل مع 9 ومازالن ماجن البنات وهبه قعدت نا وهاجر وماما وصبايا عمامي وخوات اسامه
انا بصوت واطي : كنهن طوالن
هاجر : ايدير في حاجات ماما قالتلهن ماتجنش فاضيات جابت فجأه مني
انا قربت من ايمان : شن تبو تسموه عسل هذا
ايمان تألم : محمد ع اسم عمي بات اسامه
صبايا : عليه افضل الصلاة والسلام
انا : كنك واعره قصدك
هاجر : حي علينا
ايمان ضحكت وبعدها نطت : ااااه
ماما وعمتها : بشويه عليك
هاجر : حي عليا يااوفي
انا : لا نا مانبيش عيال مازالت صغيره
اخت اسامه كبيره بس مش واجد : هبا عليكن صغار ع حاجات وحاجات لا
انا انصدمت صبيت وعميمه بحتت فيها بنص عين لاحقتني ايمان
ايمان : اوفي امسحيها في وجهي
انا : لا عادي غير نبي نرن ع بنات طولن عدي قمعزي تريحي تحطيش في بالك انتي نافس
ايمان ردت قمعزت ورنيت ع الاء قالتلي في طريق
..........
انس : هذا كله
هبه : شن كله حاجات بيبي ماتاخذهنش خوذ شوال دقيق ورب وتمر وزبده وثلاث أنواع الحلوه وسطل كعك وصندوقين عصير شن اخري يا لولي
الاء من دار : شكلاطه عندي حطيتها في سفره منظر وجو لكن بسرعه راه قلت للاوفي في طريق
انس : غير اطلعن بس
انس شال شوال وطلع
ابراهيم : من ماشي
انس : كان عندك مشوار عدي نا فاضي هبه والاء وياسمين ماشيات
ابراهيم : معناها نمشي للصاحبي ونتلاقو عند ايوب الحرجان
انس : تم
ابراهيم ركب سيارته وعدا وانس قعد يركب في حاجات
الاء : سمحه الابسه
هبه تلبس في وشاحها : اها سمحه غير هيا ع اساس يبو يخطبوك
انس خش بحت في الاء كانت لابسه بدله بنطلون مورده تهبل لونها ابيض في احمر مستوره وكم لكن قصيره
الاء : ماتندريش مرات يخطبوه
خشت لابست عبايه وطلعت هي وياسمين
انس مصبي ويبحت وخلاص
هبه : خلاص كملت
انس : اها نزلن علي وجوكن
نزلن بنات طبعا مش خمار وخذات من أوشحه اللي لاباستهن وغطن وطلعن لقان سياره في قوراج
الاء : وين سياره ابراهيم
انس ابتسم : ابراهيم عدا عنده مشوار
الاء : كيف قالي قاعد برا
هبه ركبت قدام : تي هيا يااالاء مهم نعدو ابراهيم ولا انس كله واحد
الاء راقالها ركبن قعدت تفترم في سرها ماتبيش تركب مع انس عابيه ع ابراهيم وكانت طلعه بكل ثقه أول ماركبت فتح قعدن يمشن اغاني وجوه صح بكل
ياسمين لهت في فونها وهبه تهدرز مع عصام ع ماسنجر والاء مركزه مع اغاني بحتت فيه لقاته سرحان في طريق وحاط يده ع شعره وصلو نزل حاجات قدام حوش هل اسامه ودق طلع اسامه انس سلم عليه وقاللهن انزلن خشو هدرزو لعند ساعه 11 جاءني باسم روحت انا وعميمه وبابا وعمي علي روحو بصبايا وبنات ماعد ماما بايته
......
باسم ياكل : اه خطرها
انا : شن حبيبي
باسم : حامد ولد عمي شاف عندكم بنت يوم ما شال حاجات قالي شوفها يبي يخطب
انا : من شاف هبه انت عارف انها مخطوبه
باسم : مش عارف هو قالي رقيقه وقمحيه مش بيضه و
انا قصيت عليه : تي هذه الاء
باسم : باهي شن فاضي ولا ترجي في واحد
انا : توا نسالها
باسم : خلاص بعد ترد عليك قولولي عشان عشش بكل
انا : تمام
كسدت نا وباسم ع تي في وبعدها خشينا رقدنا وناض باسم ساعه 9 عدا للمحلات نا لميت حوش ودرت غذاء بس باسم ما فضش عشان يجي يتغذاء عقبتله خذيت باقي غذاء وعديت للفيلا تغذينا كلنا ماعدا سناء هدرزت شويه وشربت عصير وخشت دارها
وفاتن اسبوع كل يوم خواتي عند ايمان وانس معش شاف الاء بكل ولا عاد عدت للايمان وخلت هبه تركب فوق عشان يديرن الموالح اسبوع مع بعضهم عشان قريا مش فاضيه تنزل وانا نرن عليهن يوميا وعمو عمر اتفق مع ماما في فون بعد تكمل من سريب ايمان يشيلها هي وعميمه فاطمه تحدد فرح عشان اتفق هو وياها وقال للاحمد واحمد قاله نبي ناجل فرح عشان اثاث ماكملش خايف نحدد اثاث مايوصلش بس هو عشان يرن ع سناء ماردتش عليه اسببببوع كااااامل وهي حتي اوكال ماتاكل عشان حست احساسها في مكانه موضوع رهان لكن مازال حطه ثقه في احمد تقول متسحيل يرهان عليها وجتني في حوش تبكي لكن مادوتش موضوع نهائي وايوب فصخ خطبته وانهارت خطيبته في تلفون بعد رنت ع نجاح وماشالله خالتي نجاح مافي واحد ماقلتها له سمعتها انا وجعتني البنت بكل وصراحه حتي ايوب وجعني بس انا نقدرش ندوي مادخلنيش وعصام قعد يكمل في شقه شويه شويه عشان مش هذك فلوس مرتبه وكافي خاطي هذا كله عنده مسؤوليات غيره شقه امه وأخته وعويلها واسامه قريب يطير من فرحه وجاب للإيمان خاتم ذهب عشان جابتله عيل واللي تقول عليها يقوللها حاضر لكن خوات اسامه مش مهنياتها بكل حتي قدام ضيوف واسامه يقوللها مشي ماتدويش وانا وباسم جونا يهبل كل يوم نتعلق به أكثر من تصرفاته معايا وقبل اسبوع باليوم عمو عمر غير رايه وشال ماما وصبايا عمامي وعميمه حدود فرح❤ بعد شهر عشان هو مكمل وهي أيضا مكمله ع حجز بس ومايبيشي كبير يوم الاسبوع شلنا دبش بيبي كامل وحولي وخضرة كأنها مصروف مصغر طبعا عازمين فيه صبايا ورجاله
........
ماما : قمعزن كان هذا خلنهن يحوسن بروحهن
هبه : حتي نا معش مصبيه مريضات هذينا
هاجر : هبه اكسري شر وقمعزي
هبه قمعزت : كنك تحسسن فيا نبي نضربهن
انا نبحت في تلفوني ونرسل في باسم "روحي انا"
باسم "شن تطلعي نروح بيك حبيبي"
انا "لالا مازال بدري عرب اسماء جو"
باسم : باهي تمام . لا محمود قالي قالو بكرا"
انا "باهي تمام حبيبي رن عليك عمو علي صح"
باسم "اها دوالي حتي توا عزمنا ع جمعه غذاء قال عايله كلها"
انا "نمشو صح نوحي🙈"
باسم "هههههه حاضر توا نمشو"
انا "نحبك غلايا انت روحي "
باسم"نعليا نا منك يافرخه "
انا "اسمع في طلب آخري بس بعد نروحو نقولك"
باسم "توا نوريك يا فكرونه صار تطلبي واخذه حريتك"
انا " خلاص آخر طلب والله حبيبي"
باسم " اطلبي عمري نعطيه لك مش خساره فيك شي نحبك يا روحي"
شفت مسج ضحكت حطو عشاء وجت الاء جنبي حطيت فون
انا : جيبتلك عريس
الاء فنصت : ايلاف فكيني خلي ابرستيجي كامل قدام ناس ولا يقولو دكتوره قتلت بنت عمها
انا : غير تخرجي قرفتيني انتي عارفه من اللي حاط عينه عليك
الاء : من مرزي عطه عماء
انا : حامد
الاء : ع اساس نا هكي عرفته
انا : ولد عم باسم يومها اللي جاب حاجات للزيارتي
الاء سكتت بعدها رفعت يدها : اهااا اذكرته تي حي عليه من انس كان يعرفها واقسم بربي يقتله يومها قريب ضربني صراحه بحت فيه
انا : ياهبله نقهرو به انس بس بيش يخطبك
الاء : تي لا خطبه مازال بدري بعدين انا معش نقدر خلاص خاطري نشوفه اصلا اصلا شن جاب انوسي للحامد عليك فرق حتي في اسم
انا : ريت سايبه تبي طويل نبي نعرف شن عجبك فيه
الاء : احترمي نفسك صح نا زعلانه منه بس محد يدوي ع طويلي طويل طويلي من طوله يطبس يحكيلي
انا : الله الله يامنجوها باهي دوالك طويلك وثبتلك
الاء : اسبوع حصار مانزلتش نفس ماندويلك في فون ومن المسج وانا عند خالتي معش دز بكل حتي رن معش يرن عليا اسبوع كامل هبه بروحها قالتلي انس مش عارفه كنه
انا : كيف نرن عليه ورن عليا عادي جوا
الاء : مايبينش ع اساس مش عارفتيه انتي
انا : امسكي تبسي نرن عليه
الاء : تعالي في حمام نبي نسمع صوته مرايفه موت
صبينا ورنيت عليه ماردش وثانيه دارلي مشغول
الاء : حي عليا انظر وينه
انا : رني ع ابراهيم
رنت ابراهيم مقفل رنيت ع احمد
احمد طلع في شارع : ايوه
انا : حمادي انس قاعد
احمد : ابراهيم وانس وايوب مش حضرين عشاء عندهم موضوع هم وشباب تبو حاجه
انا : لالا نسأل بس رنيت ماردش عليا
احمد : لا تمام مافي شي
انا : باهي انت كنه صوتك
احمد : مافي شي غير تعب عمل اسبوع كله
انا : سناء حتي هيا مش عارفه كنها
احمد : لا تمام مافي شي هيا سلام
انا سكرت من احمد قلت اللي قاله ليا للالاء وردينا قمعزنا احمد دز مسج للسناء "نحبك ومش قادر نستوعب فات اسبوع كامل مادوينش ورن ماترديش ردي عليا نبيك" ورن ماردتش دز مسج اخري "ردي حبيبي توا ندويلك اي حاجه تبيها " ورن ردت
باسم جاء :وين ياطيري
احمد نزل تلفون : هي شويه وخاش تعشو نا مانبيش
باسم : توا نرجاك بسرعه بس
خش باسم احمد رد تلفون
احمد : ايوه حبيبي
.......
يتبع...
رايكن😉
#Fafy fa
