#فوبيا_الحب ❤
الحلقة [94]
ابراهيم : هااا ازف هاااا
ايوب : وين قاعد
ابراهيم : ساعف الاء مرضت
ايوب : كنها
ابراهيم : وين نندري انا ماشي للعياده ####
ايوب : تلقاني قبلك اوكي
سكر وخش للغرفه مليانه شباب
ايوب طبس ع انس : اووي يا طير
انس : شن فيه
ايوب : رنيت ع ابراهيم قبل نبي نمشيله بيش نجي نا وياه نفس امس قالي ساعف هلك
انس بحت فيه مرفع حاجبة : كيف ساعفها
ايوب : تعبت عليهم
انس ضغط ع سنونه : رن عليه وعطيه ليا
ايوب رن ع ابراهيم ما يردش : ماردش
انس سقم تقمعيزته : رن علي #### " قال قبيلة عصام يعني رن ع هبه "
ايوب رن ع هبة ردت عطها للانس
انس : ايوه
هبه : اهلين
انس : انا انس من عديتو مع ابراهيم
هبه : لالا خالتها عدت
انس : باهي خليهم يرنو عليهم يقولو للابراهيم يرد علي رقم ايوب توااا
هبه حست بيه يحكي من تحت سنونه خافت : حاضر
........
احمد : معاذ حولي بضاعه هذه ع جنب والله نحس في دنيا كلها ع راسي معش فهمت شي
معاذ : خليك مع انس ما همك شي ان شاء الله كل شي ينحل
احمد : قولي كم مرة انا ساحب من محل بيش نعرف كيف نعوض
معاذ : محلوله يا راجل كنك دايخ انت
احمد : إن شاء الله خير يارا حسيت روحي ساحب واجد توا عندي حق بضاعة مش خالاصه وعندي أجار الصالة الي قبل شهر هذا نبقي شاريها
معاذ : توا نحسب ونقولك
.........
غرفة مليانه شباب يخشو شباب يطلعو
ايوب : هك ابراهيم يرن
انس قارن حواجبه : الو وينك
ابراهيم : قريب نوصل
انس : وين ماشي
ابراهيم : عيادة ####
انس : ناض هو ولا لا
ابراهيم : نوضتها خالتي بس عندها صعوبه في تنفس
انس : قوللهم يعطوك جرعة اكسجين طول اقعد معاه اه تخليش بروحه
ابراهيم : تمام باه
انس : شوي اخري نرن عليك
ابراهيم : باه اوكي وصلت
انس : تم اوكي
سكر
ايوب : شن صار
انس : نبي نطلع
ايوب : قمعز وسكرلي فمك وين تطلع
انس ضغط ع سنونه : راه اقسم بربي راقيه ع آخر كلمتين اخري معايا نهدلك فسختك بس نرقد ## ام اعظامك
ايوب : دير الي تبي اديره مافيش مشي كيف داير عملية انت حتي حمام ما تقدر تمشيله مركبلك كيس مش تطلع من مستشفي بكل
انس تعصب صوته علاه شوي : ايووب درق وجك
شباب الي اقراب من انس بحتو
عمر قرب منهم : كنكم انتم
ايوب يوشوش : الاء ساعفها ابراهيم هذا يبي يطلع بحالته هذه
عمر : وين ماشي قتلي يا ابنخينا بحالتك هذه
انس : يا عمر اسمعني
عمر قص عليه : عليا الطلاق مانك متحرك فيش تحكي انت
انس بحت في ايوب تبحيته
ايوب رفع حاجبه قرب من انس حط تلفون جنبه : اقسم بالله كان مش خايف عليك راه خليتك تطلع وانا الي شلتك بس توا نمشي انا ونطمنك
انس يغلي من جوا قلب وجهه معش بايهدز مع شباب اصحابه سأله احمد مابش يقوله
........
باسم : هيا اطلعي
انا : تمام هي
باسم سكر
انا صبيت : اسمعن طمنني ع الاء باسم برا
هبه : تمام توا ندزلك مسج
انا : تمام تصبحن ع خير
بنات : قدامك الخير
انا عديت سلمت ع ماما وخالتي هدي وطلعت ركبت سيارة لقيتها فم خيمه بضبط
انا : سلام عليكم
باسم : عليكم السلام ، سكري الباب كويس
انا فتحت وسكرته تنهدت
باسم : شن جو
انا : تمام
باسم : كيف حال عمتي
انا : كويسة قاعده بين هاجر و خالتي هدي الجيران الي يجو يعزو في خالتي يحمدو ع سلامت انس اليوم دعكت عليهن بكل
باسم : لا حول لله ان شاء الله يتحسن الحال
انا : ان شاء الله
باسم : في تحت كرعيك شكارة شريتلك كندرة طبية وسباط حوش كراعيك تنفخن
انا : قتلك سباط عليش كندرة
باسم : لا ما تطلعيش بسباط
انا : باسم ترا رقيه ليا قدرتش نطبس
باسم بحت قدام عشان يسوق ونزل يده كر شكارة حطها في كتري
انا فتحت طلعت سباط ولبسته : تمام سباط جاء كندرة توا نقيسها بكرا
باسم : باه ، جبت عشاء
انا : نجك ليا والله كنت نفكر فيه مش عارفه شن اندير
باسم ابتسم : قعدتي تنبتله راه قبل كنتي ادلعي فيا عشوات وغدوات صح
انا ضحكت : بعد نجيب توا نرد ندلعك
باسم بحت فيا : نعليا انا بعدك مرايف
انا قعدت نضحك
باسم رن تلفونه : هههه أسس خلاص
انا سكتت
باسم : ايوه يا غالي
احمد : وينك
باسم : مروح بهلي
احمد : كنك ما قلت راه خذيت معاك سناء تبي تقعد عندكم
باسم : ما قلتش شن نوحي انا ، بس توا نرد عليها
احمد : لا خلاص كمل طريقك توا نطلع انا
باسم : تم اوكي
سكر قعدنا نهدرزو لين وصلنا للحوش دوشنا وتعشينا ورقدنا
.........
ابراهيم : ايوه
انس : ليا ساعه نرن
ابراهيم : تلفون صامت ازح
انس : ناضت
ابراهيم : اها وكويسة
ايوب كر تلفون وخر من ابراهيم : نجك ليا يا حبيبي عارفك تبي تكلمني
انس : ايوب مش طايق امك راه
ايوب يدير في صوت بنت : عادي يا حبي انا نتحمل عشانك مرايف عليا صح
انس : #### ##### #### يا بنت باهي
ايوب اطربق ضحك : ههههههه بشويش يا وحش توا نعطيها لك
انس سكت
ايوب قرب من ممرضه : سلام عليكم
ممرضه ابتسمت : عليكم السلام تفضل اي خدمه
ايوب : بارك الله فيك بس معلش ممكن تعطي تلفون للمريضه الي جوا اسمها الاء محمد ال####
الممرضه : تمام تفضل انت قمعز في صالة الرجال
ايوب ابتسم عطها تلفون : شكرا نتعبك يا اختي
ممرضه رفعت حاجبها : ولا يهمك
عدت
ابراهيم جاء : شن درت انت
ايوب : يا ولاء وين كنت
ابراهيم : في سيارة خذيت فلوس كنت نجيب في دواء لقيت صيدلية نفس عيادة
ايوب : تمام ان شاء الله بالشفاء
ابراهيم : ان شاء الله وين تلفون
ايوب : عزقته في قمامه
ابراهيم يبحت وساكت
ايوب ابتسم : الأسد كان ع تلفون " غمز للابراهيم " هو يبي يقرنك شوية بس انت تحمل عادي نوع تقرين فضه ذهب سلاستين المهم يبي يقرنك فحاول تعطي الحوله
ابراهيم هز رأسه يمين ويسار مبتسم : و الله ما هو جوك يا راجل فوتني
ايوب : كنك يا خيي هونها تهون
........
ممرضه : الاء هنا
خالتها : تفضلي
ممرضه : اهلين دكتورة عظم الله اجرك
خالتها : اجرنا واجرك ع الله
ممرضه : في واحد برا قالي اعطي تلفون للالاء
خالتها خذت تلفون لقت مكتوب انس ال### : الاء انس ع خط
الاء بحتت فيها خذت تلفون خالتها طلعت دوبك تدوي نزلت انتاع بخار
الاء : الو
انس : ايوه حبيبي
الاء تبكي وتلكلك : ا اا انس
انس : عظم الله أجرك حبيبي
الاء تشهق
انس : الاء كنك
الاء : انت وينك
انس : معاك انا معاك
الاء : باهي كويس طمني عليك كيف صار معاك هكي
" ردت البخار تأخذ في نفس وتبكي "
انس : اسكتي معش تبكي انا كويس قبل نبي نجيك غير صار موقف هك بس توا نحله خليك إنت في مستشفي يقولولك اطلعي قولي مازالت تعبانه تمام
الاء حولت اكسجين : حاضر
انس : دارولك اكسجين
الاء : اها
انس : إنت شن جوك طمنيني عليك
الاء : كويسه قولي وين جاتك كيف جاتك مش قتلي ماشي مع صاحبي
انس : تي بسيطه بكل خدش راه غير هذوما مكبربن الموضوع بس
الاء ردت تبكي : كيف مكبرين موضوع باهي درت عملية راه انا مش فاهمه شي
انس : باهي اسكتي توا نفهمك اهدي وقولي أهديت
الاء تشهق ردت الاكسجين
انس : خوذي نفس يا الاء ازف
الاء : تمام هيا احكي توا نخلي نرد الأكسجين
انس قعد يحكي كيف صارت مشكلة بس مابش يحكي كيف خشت رصاصة ولا كيف نزف وعملية بسطها لها ابسط حاجة
انس : خلاص خدش بسيط في ساق هذا هو
الاء حولت الأكسجين : كنهم ما يبوش يحكولي باهي
انس : انا قلتلهم عشان عارفك توا تقلبي ام الدنيا اهو قلبتيها ومرضتي
الاء ساكته
انس : كيف حال خالتي
الاء : كويسة قاعده تبكي وخلاص
انس : ربي يصبركم ان شاء الله آخر الاحزان
الاء : ان شاء الله
انس : حبيبي قتلك
الاء بصوت هادي : نعم
انس ابتسم : راك تقولي اني جايك
الاء نفس صوت : حاضر
انس : تلفونك معاك
الاء فتشت جيب جاكه : اها معايا
انس : تمام بكل توا نفتح تلفوني و نرن عليك
ايوب خش للغرفه يدق : نخشو يا عايلة الفجايع
ابراهيم ابتسم ضربه بمرفقه : خش يا مفيك
ايوب : السلام عليكم يا اختاه
انس : كان متكية قمعزي كويس
الاء ساكته وفون ع وذنها وقمعزت بصوت واطي : انا في مكتب خويله
انس يوشوش : نحبك
الاء ابتسمت بدون قصد
ايوب : ناشطه ما شاء الله ما فيها حاجة كيف الجن
الاء نزلت تلفون
ابراهيم : مازال ما كملت الجرعه
الاء هزت رأسها اها
انس : ايووب
ابراهيم : انت تعطي في محاضره هو يعيطلك
الاء مدت تلفون
ايوب خذا : انعم يا وحش
انس : جن يركبك وجك يا ###
سكر في وجهه
ايوب بحت في تلفون : تقريبا سكر في وجهي يا شباب
ابراهيم و الاء ضحكو
ايوب ابتسم عشان يبي يغيرلهم جو يومين مرن عليهم توتر ونكد
خشت الممرضه وخالة ابراهيم ايوب طلع ولحقه ابراهيم
.......
هبه : و الله شن اندير هذا الي صار
عصام : انا نتمحمط بجو هك مش كل مرة نأجل
هبه : وسع بالك يا عصومي الله غالب
عصام : استغفر الله
هبه : عديت للانس
عصام : اها كنت عنده امبدري
هبه : كويس صح
عصام : كويس ميه ميه
هبه : كيف حال عميمه
عصام : كويسين كلهم هبه عطيني نص ساعه ونرد عليك
هبه : عليش
عصام : نغير دبشي ونتعشاء ونرد عليك
هبه : تمام توا نرجاك
........
احمد بجفاف : شن جوك
سناء : تعبت اليوم بكل بكرا مش ماشية يا احمد معش نقدر والله نتحشم حتي نخش الحمام
احمد : باهي خلاص مش لازم
درس سيارة نزلو
احمد : قبل نبي نحطك عند هلك بس لنقانه مشوار
سناء خشت شربت اميه : بكرا توا نمشي نبات معاهم عرب اسماء يبو يجو
احمد : تمام ، دريلي حاجة سريعة جعان
سناء : نغير بس
احمد خش للدار غير دبشه وخش الحمام
وسناء حط دحي ع نار مطبوخ طلعت جبنه و تن قعدت توتي طلع احمد خشت هيا دوشت ولبست بجامه سوده طلعت لقت احمد ياكل وهو مصبي
سناء : مادو اهو واتي الدحي درته مطبوخ عشان ناكل معاك
احمد فتح سطل كناسة حشاكن وعزق نواه زيتون وسكره : مازالت نستقبل جعان هيا
سناء قشرت الدحي حطاته وقمعزت ع طاوله و احمد كاين مقمعز
قعدو ياكلو وساكتين
سناء : مادو
احمد بحت فيها
سناء انحرجت من تبحيته : لا خلاص
احمد : كنك فيك حاجة
سناء تلخبطت وصبت غسلت ايدها : لالا
وطلعت
احمد مابش يصبي كمل اوكاله وشرب عصيره غسل ايده خش عليها في دار لقاها بارمه ع روحها ميك اب خفيف ولابسه روب بودري هاااادي
احمد : احمم
سناء ابتسمت : تبي ترقد
احمد : ياريت و الله بكرا عندي نوضي بدري
سناء استغربت في احمد : تمام تصبح على خير
طلعت
احمد : وين طالعه
سناء : نبي نتفرج عندي مسلسل
احمد عزق روحه ع سرير : طفي ضي وإنت طالعه
سناء خبطت البريزة طفت الضي وطلعت
بعد نص ساعة سناء صبت وخشت للدار لقت احمد راقد ما يندري عليها من وين زارقه
سناء جت جنبه حطت يدها ع شعره تمشي فيه يد اخري ع لحية : مادو،حبيبي، حمادي
احمد راقد ع بطنه : اممم
سناء : حبيبي نوض
احمد يحكي صوته نعسان : نبي نرقد
سناء طبست عليه : تؤتؤ نوض هيا
احمد مش قادر حتي يفتح عيونه : كنك
سناء : مش جايني نوم وخفت بروحي
احمد : غمضي عيونك توا ترقدي
سناء صبت بخت عطر وردت تحكي بدلع : مادو هيا نوض
احمد فتح عين وحده لقاها مقابلته ماده شفايفها : كنك مطرمه شوربك
سناء دارت وجهه زعلان : جانيش نوم
احمد برم رقد ع ظهره : تؤ " تنهد وفتح يده " تعالي
سناء رقدت ع صدره : نحس فيك زعلان مني
احمد ساكت
سناء : مفروض انا نزعل
احمد : توا نرد نرقد ونسيبك
سناء رفعت رأسها : تؤتؤ خلاص توا نسكت
احمد : سناء بعد نقعد مضغوط معش تسكنيلي قبل ما نحطك قتلك عندي قصه في حسابات ما ترنيش مش جاي ع غذاء
سناء : بس هذه خبارة موت
احمد : الي ماتت الله يرحمها بس مش اهم من خويا
سناء بصوت هادي : انا اسفه
احمد تنهد
سناء رفعت روحها بساته : اسفه والله
احمد : هذا عليش موعيتيني إنت
سناء ابتسمت
احمد رقدها ع ظهرها : إنت مودرتيني ولا لا
سناء : ما نبي شي الا حاجتين عقلك ما يفكرش الا ليا قلبك ما يدقش الا ليا
احمد ضحك : هذينا بس
سناء بدلع : اها بس
احمد : نعلي نا
نزل عليها وراحو في خبر كان....
..........
ايوب بصوت واطي : هذا بايت ولا كيف
انس : اها روح تريح انت تقطعت
ايوب : و لا يهمك بس مرات يرقد
انس : علي اساس انت ما ترقدش ولا انا مجنون نكسر في مستشفي
ايوب : مبرد ### ازف
انس : انت هبهب بس
ايوب : حتي ابراهيم ما تبيشي
انس : لالا مش لازم خليه يتربح قبل ما تطلع مدلي تلفوني في شحن خوذ تلفونك
ايوب فك تلفون عطي له : تصبحو ع خير يا شباب
انس وصاحبه " جنقلة" : وانت بخير
ايوب طلع وجنقله صبي يبحت فيه وهو طالع خش
جنقله قمعز ع كرسي : هاااا شن تبي ادير
انس : اصرفت في كروسه ولا لا
جنقله : جبتها ازح وين عاطيها قولي
انس : للمستشفي
جنقله : علي اساس قاعدين في فندق
انس يساعد في روحه ويفك في تغذية عشان ما ياكلش طبعا مايحبش اوكال مستشفيات
انس : غير جيبها بس
جنقله : عليا يمين ماني متحرك لين نفهم القصه يارا فكني تي ساد انا الي شلتك للمعسكر وانضربت
انس نفخ : يارااا فكوني من مرعشة صبايا انا بعد ننفصل نطربق جد ام دنيا فوق روسكم
جنقله : وسع بالك وفهمني
انس : ولد عمي في مستشفي ماشيله
جنقلة : لا حول لله اي منهم
انس : شن مالك انت مش قلتلي تم الي تبيها انديرها وين ولا كلام يا خيي
جنقله صبي : كلام ### يا وسخ اصبر بس عندي دراقتي تشتغل هنا ممرضه نعدي نشوفها جابت الكروسة ولا لا " دراقتي يعني صاحبتي "
انس برم وقمعز : ااااااه
جنقله قرب منه : اصبر ازف
انس : جو تمام صار عندك دراقه يا طيري
جنقلة : نمشو بيها حياة المعفنه الله غالب نشفط معاها لنقاها جوها فايح
انس : اوكي يا فايح يا دكان روايح
جنقله ضحك وطلع غاب ربع ساعه ورد بالكروسه رفع انس حطه في كروسه وطلع بيه شور باركي سيارات ركب انس وحط كروسه لاوراء
انس يدز في مسج : " حبيبي قاعده "
جنقلة ركب : وين ولد عمك هذا
انس : في عيادة ### اضغطلها
جنقلة علق وطلع " جنقلة لقب مش اسم "
......
خالة الاء : شوفي ساعة 12 لنا من 10 هنا خلاص
الاء : وراس خويله قريب يجي قولي للابراهيم تحتاج جرعة اخري خليه يخش يتريح في أول غرفه
خالة الاء : إنت تقنعي في روحك ان هذك سطل يبي يجي و ابراهيم يخش يتريح
الاء : ما نقنعش في روحي انا مقتنعه
جاها مسج قراته دزت مسج " قاعده و نرجاء فيك " بس ما مشتش عشان رصيدها كامل
..........
هاجر ساكته تغير للسند
منذر مقابلها : توا تكشيخ هذا كله عشان عزاء شن اندير امي قالت مش كويس تطلع نافس ما نافس
هاجر : انت مش واخذ من كلام عميمه الا هالكلمة قالتلك مش كويس تطلع تروح بعد مغرب انا نا نبيش نقطن عندهم بكرا ثالث ليله لا ما عزيتهن الا ع تلفون
منذر : مسكرة راسك تبي تطلعي
هاجر : منذر كنك معايا انت انا قتلك نبي نعدي نص ساعه ونروح ما قتلك دهورني
منذر : استغفر الله العظيم باهي بكرا تعدي بعد ظهر العيل ما تشيلش معاك
هاجر سكتت وتقمط في سند
منذر : نبي نركب تبي حاجة
هاجر : لا
منذر صبي باس ع سند باس ع صبع هاجر ووخر : كان تبي حاجة رني عليا
هاجر رفعت سند حاطته في كثرها : ان شاء الله
قعدت ترضع فيه منذر طلع
........
جنقلة : هيا انزل وانت نازل فيها رسائل
انس صبي ع كراع اخري نط قمعز ع كرسي سكر الباب بركاعه جاء شاب رفع معاه انس عشان في ماده بعدها ركبه ع مكان خاص للكروسه
انس طلع تلفون : وقف يا طيري
جنقلة جاء مقابله : اسمع شكله ممنوع زيارة
انس : ايوه ، وين ، ثالث غرفه تمام اوكي
جنقلة : شن صار
انس : انت رد للسيارة ربع ساعه ونجيك
جنقلة : كيف
انس : زيارة بالواسطه انت زوره مرة اخري في نهار
جنقلة : اهاا تمام بجوك اندعب يا عمها بس كراعك خليها مفروده
انس حط فون ع كرعيه مسك عجل الكروسه خش علي يمين أول غرفة لا ثاني الحمام الي بعدها دق ع باب
خالة الاء : اهلا الحمد لله علي سلامتك
انس : الله يسلمك
خالة الاء فتحت الباب المكتب : تفضل
انس خش : سلام عليكم
الاء راقده ع سرير ناضت بعد شافت منظره : هذا شنو
انس ساكت بحت في خالتها : عظم الله اجركم
خالة الاء : اجرنا واجرك ع الله
الاء مصبية دموعها ينزلن
انس تنحنح
خالة الاء : شوي ونجيك عشان ابراهيم راقد في سيارة يرجاء فينا
طلعت سكرت الباب
انس قعد يكر روحه بالكروسه لين وصل في الاء : اسكتي فكيني من دموع كويس تعالي هنا
الاء قربت منه ترعش وتبكي : حمد د لله على سسلامتك يا عيوني
انس حضنها : ااااااااه يا نعليا منك وخلاص
الاء تبكي : ااا انس
انس : أسس حبيبي اسسس شن نقول بيش تصدقي
الاء تبكي : انا تعبت يا انس حرام عليك اقسم بالله حرراام عليك " شهقت ادور في نفس ادواره"
انس وخرها ويبحت فيها : تبي تسكتي ولا نروح
الاء تهز في رأسها باهااا تشهق وتقطع في كلام : تواا توا نسكككتت
انس بحت يمين شاف كرسي كره لها : قمعزي هنا جنبي
الاء قمعزت وهيا تشهق ركبه الأكسجين
قعدو يبحتو في بعضهم قريب 3 دقائق الاء دموعها ينزلن
انس باس خدها : خلاص باهي
الاء غمضت عيونها وحولت اكسجين
انس قرب من وذنها : راه نبوسك في ااااه اسكتي خير
الاء تبكي
انس : اليوم كلهم حلفوه بطلاق تخلينيش نحلف ونعطيك حبيبه نفش فيها غلي
الاء مازالت تبكي
انس بحت في عيونها وقرب من فمها دوبك باسها وخر طول
الاء انجمطت تحسابه كلامه بصاره بس هيا قدامه معش عرف يوخر
انس وخر مبتسم : نعليا
الاء وخرت تمسح في دموعها : اطلع خلاص
انس : ههههههه قتلك كويس إنت ما صدقتي لين اثبتلك
الاء بجدية : انس اطلع كان يشوفك ابراهيم اقسم بالله يقتلك ويقتلني
انس : يقتل عينه تعالي قمعزي نبي نقولك كلمتين توا نطلع
الاء : ن نسمع
انس يشير : ردي هذا
الاء ردت اكسجين
انس : أول حاجة ديري بالك على روحك و علي امك معش تبكي و كولي كويس قريب تختفي نرن عليك ردي عليا طول انا كان ما رديتش ندزلك مسج معايا جماعه أول ما تطلع من مستشفي نبي نشوفك إنت أول وحده في الحوش
الاء تحت اكسجين : حاضر
انس : ناقصك شي تبي حاجة
الاء من بكاء لين صوتها انبح : لا لا
انس وخر بكروسة : تبيش تقولي شي
الاء : ربي يخليك ليا
انس ابتسم : شنو
الاء حولت اكسجين : ربي يخليك ليا
انس ضحك : نحسابه حاجة اخري
الاء : نح نحبك
انس غمزلها : هي اوكي
طلع روح خالتها خشت بنت ع ابراهيم الي راقد ما حويتك ما ناض روح بيهن قعد يهزب عشان طولو الاء سااااااكته حاطه رأسها ع قزاز سيارة سرحانه في انس
.........
هنيده تستفرغ وعمر كاين يصلي قعد يسرع في صلاته وسلم وصبي للهنيده
هنيده طلعت من حمام : ااااه فم معدتي ذابت
عمر فرحان : كنك ترجعي انت
هنيده : معدتي تبي تفتفت هكي تريحت هذا كله فجعتي ع الاء يا نعلي قعدت معش نتحمل
عمر قرن حواجبه : آخر مرة مرضتي فيها امتي
هنيده قعدت تذكر : الي في بيضاء
وصل المسج علي تلفون عمر بحتو في تلفون
عمر صبي جاب تلفون رد جنب هنيده فتح المسج
انس داز مسج : " قتلك بكرا بيش تعطي كفارة للشيخ علي حلفتك راه انا طلعت توا قدام مستشفي ليلتك سعيدة "
عمر اذكر حلفته اولي : هنيده قبل مرضتك الي في بيضاء امتي مرضتي اخري
هنيده استغرت السؤال بزعل : يوم الي تعركنا فيه
عمر ابتسم : كنتي مريضة يعني
هنيده : اهاا كنك
عمر وراها المسج : هذا انس حلفتله بطلاق ما يتحركش و طلع
هنيده : هييي وين عدا
عمر : توا فوتيه القرد هذا توا نحلها معاه بكرا إنت تذكري اليوم الي تعركنا فيه حلفت عليك بطلاق
هنيده نزلت رأسها : اهاا
عمر : ثاني يوم سألت شيخ قالي يا تبقي حامل يا نافس في حاجة اخري نسيتها المهم بيش تبطل حلفتي وندفع فلوس عليها انا كنت مش عارفك انك مريضه يعني حلفتي باطله انا دفعت طول
هنيده : يعني كان مش مريضة راه تعتبر طلقه
عمر : ربك سترنا الحمدلله
هنيده تنهدت
عمر مسكها من ايديها : تعالي تريحي يا عيوني تعبتي اليوم
هنيده صبت تبحت في عمر دمعتها قريب تنزل : عمر كان طولت آخر ما حملتش اطلقني
عمر قرن حواجبه : و رب العزة ما انديرها تي حلفتي هذك اليوم انا متعصب نادم علي امها مش انديرها انا هادي
هنيده نزلت رأسها : هو من من حققك يعني
عمر رفع رأسها : و انا عويل الي مش منك ما نبيهمش
هنيده ابتسمت
عمر لصقه فيه : نعليا انا هنيوه قتلك
هنيده مبتسمه تبحت فيه : شنو
عمر : شن رايك نحتفلوه
هنيده : شنو مناسبة ههههههه
عمر نزل يبوس فيها : عشان حلفتي بطلت نعليا نا يا بوي
هنيده اطربق ضحك
عمر رفعها حطها ع سرير وراحو في خبر كان......
...........
#يتبع ....
Fafy fa
