#فوبيا_الحب ❤
الحلقة [59]
خامس يوم جينا لقيناهم يحطو سياق في كناتر وايوب وابراهيم يشفطو وركبين في كنتر يربطو ف الحواله وعمر دمه محروق
ابراهيم : اسمع شن رايك نكتب ع حولي هنيده
ايوب يضحك : لالا نكتبو H+O= love
عمر : تي هيا ازف كنكم
احمد : بلا تشفيط ازف هيا وقت
ايوب رن ع انس فيديو قعد يوري فيه
انس : كل شي ع بركه يا سلطان
عمر : تسلم عقبالك
انس : إن شاء الله ان شاء الله
بابا : مازالتو انتم
ابراهيم وايوب قعدو يسرعو ويضحكو ركبو في سيارات وانس يشفط معاهم شباب كلهم ماعدا عمر وصاحبه قعدو نحن جوا اغاني و دنيا مقلوبه رقيص وجو
هبه اضبح في يدها قهوه : عمو عمر
عمر : ايوه
هبه : اهي قهوه
عمر : منوره
طلع قهوه للصاحبه وقعد قدام حوش وفتح نت قعد يدز في فيديوات فاتحه امتاعه للانس
.......
باسم : " فيش اديري "
انا : " نرقص"
باسم : " شنو شنو ترقصي اسمعي ماتخلينيش نحلف ع بيته والله انديرها راه "
انا : " ههههه نبصر معاك ، انت فيش ادير "
باسم : " فكيني منها بصاره هذه "
انا : " باه "
باسم : " ما مشيتش بسيارتي ركبت مع احمد معانا وليد صاحب "
انا : " تمام "
باسم : " كنك زعلتي "
انا كلمتني ماما حطيت فون وطلعت من دار
باسم : " حبيبي وينك زعلتي "
باسم : " خايف عليك وع بيبي انا والله "
باسم : " فوبيتي نحبك "
رن عليا ما رديتش
باسم : " فكرونتي تقوقعتي وخليتيني تبيش تردي عليا "
باسم : " خلاص اليوم نروح بيك عشان نصالحك 🥺"
باسم : " نحبببببك نحببببك نحبببببك "
........
سناء : ماما نبي نسالك حتي رمضان هضا أول يوم نفطرو عند خالي
عميمه : اها
حنين : بس مفروض خلاص نحن درنا كناين مش معقوله نعدو كلنا ولا مانعدوش بكل هكي احسن
عميمه : كيف مانعدوش انا ما عندي الا هالخي تبن تحرمني من خويا
حنين : ما قلنش نحرموك يا ماما كنك نحن ع خالي شقه صغيره ونحن ما شاء الله
عميمه : كناين مش لازم يفطرن معانا يفطرن في حوشينهن ويجن بعد فطور
سناء : ايلاف أول رمضان معانا معقوله أول يوم تفطر بروحها بعدين باسم عارفتيه رمضان يقعد مشنوق في محلات هي ساعه 3 ساعات يقعد فيهن معانا
عميمه : توا نفطر بروحي
حنين : شن رايك تعزميهم كلهم هنا نحن فيلا كبيره تسدنا
عميمه صبت : يصير خير ان شاء الله لعند رمضان يا حي بالك نموت
بنات : بعيد سو عليك كنك يا ماما
طلعت عميمه من فيلا قمعزت في جنان وبنات دارن قهوه حطن قعدن يضمن
..........
روحو من سياق عطينا غذاء تغدو وغسلن بنات مواعين بالوحده قعدت تطلع للسوق مره ايمان ولحقتها هاجر جاها منذر شالها للمزين بعدها ايوب طلع بهبه وياسمين للمحل اللي قال عليه عصام مريم جاها باتها وقعدت انا والاء وصبايا الكبار
الاء : قمعزي توا اندير انا
انا : نساعدك وانا مقمعزه
الاء قعدت اطيب في قهوه وانا مقمعزه نستف في حلو
منتصر خش يضبح : ايلااف ايلااف
انا صبيت طلعتله : نعم
منتصر : باسم من امبدري هو يرن ويرجى برا شوفيه
انا : خليك هنا شويه توا نجيك
خشيت للدار زدت روج وعطر وسقمت شعري كنت لابسه بنطلون ضابط وقميص قصير طلعت للمنتصر
انا : عدي كلمه قوله تعال
منتصر بحت فيا من فوق لعند لوطى : الله يرحم
انا ضحكت : اسكت وعدي
منتصر طلع وانا قعدت نرجى خش باسم
باسم ابتسم : أهلا
انا : اهلين شن جو
باسم : تمام شن جوك انتي
انا : الحمدلله غريبه قاعد
باسم : والله من امبدري وانا نرجى فيك معش رديتي زعلاتي
انا : لا عادي غير ماما كلمتني معش رديت للفون
باسم قرب مني : نروحو
انا : لا انا بايته
باسم : نروحو اليوم بكرا باتي
انا : لالا
باسم : باهي نجيك في صبح
انا : لا تعال في قايله عشان نبي ناخذ حاجات من حوش
باسم : بكرا شن عندكم انتم
انا : حنه العروس لكن نحن ما عندنا شي عمو عمر وعطيها فلوس دبشها يعني مش ماشين
باسم : باهي تمام تبي حاجه
انا : لالا
باسم بحت برا ورد باسني وخر ورد باسني : بكرا ساعه 3 نجيك
انا ابتسمت : تمام
باسم طلع وانا خشيت قدمنا ع صبايا وشويا وخشن بنات ويورن فينا شن يلبسن وانا والاء ركبنا فوق قعدن انديرو في حاجات مع بعضنا وبعدها درت دوش ونزلت والاء قعد شويا تبي تلحقني رنت ع انس واتساب
الاء : شن جو
انس : ميه ميه في كنتي اديري
الاء تحشمت : كنت نوتي في روحي
انس : باهي شن درتي
الاء : قتلك نوتي في روحي
انس : عارفك توتي شن لبستي لبزتي وجك ولا حاجات اخري
الاء : حاجات اخري
انس ضحك : اها باهي تمام
الاء : وين قاعد صوت ريح
انس : طلعت في جنينه مستشفي
الاء : اها باه حبيبي قتلك نا نبي ننزل نحط معاهم عشاء بعدين توا نكلمك في ليل
انس ابتسم : تمام سلام
الاء بصوت هادي : نحبك يا طويلي
انس : نعليا نا يا نقطه
الاء ضحكت : هيا سلام
سكرت وخذت وشاح ع بجامه اللي لابستها ونزلت حطينا عشاء للرجاله وصبايا و وطرحنه الفرشات للضيوف طبعا انا مادرتش شي هاجر تحرك شوي مش واجد الكيد كله ع ايمان وهبه والاء وياسمين وخالتي هدي ونجاح وماما بنات صبن يديرن في سحور خفيف للضيوف وانا معاهن في مطبخ رن فوني وكان في يدي
بنات : اوووووووه
انا ابتسمت : هذا باسم اسكتن
الاء : تي هو يوم وما يبش يخليك لنا
انا صبيت : مش مطوله توا نجي
طلعت فتحت عليه
باسم : ايوه
انا : اهلين
باسم : شن جو
انا ضحكت : تمام توا كنت عندي
باسم : كلام هذا ساعه 7 وتوا ساعه 2
انا : اها باهي كنك
باسم : ماجنيش نوم بكل
انا ابتسمت بصوت هادي : بس انت لازم ترقد عندك عمل
باسم : ماه كان انتي معايا راه راقد من امبدري
انا سكتت
باسم : تعرفي شن داير
انا : شنو
باسم : جيت لقيتك وخذه عطورك كلهن معاك ما عادا عطر واحد بخيته ع مخده وع روبك المشماشي ورنيت عليك
انا ابتسمت : نهوي عليك
باسم : اقعدي معايا ع خط لين ننعس
انا : حبيبي ما تجيش بنات يرجن فيا
باسم سكت
انا تنهدت : حبيبي شن نقولك باهي
باسم : راضي حتي بنفسك
انا : رايفت عليك
باسم : نجي نروح بيك
انا ضحكت : كيف هذه
باسم : باهي باه توا نوريك انتي
انا : باه اسمع بكرا بعد تجي تجيبلي فستانين الطويل والقصير ما فيا ما شحورت
باسم : مانعرفش توا نجيك خوذي بروحك
انا : عليك تعب
باسم : توا توصلي عندي تريحي
انا : مش مطوله راه ههههههه
باسم : غير اعبي بس
الاء : اووفي هيا
انا : حبيبي بنات يباني
باسم : مش لازم فوتيهن
بنات قعدن يضبحن قتلهن شويا وفتتهن وقعدت مع باسم لعند 4 هدرزنا تقول مخطوبين هو كل شوي يقولي رايفت عليك بعدها حسيته نعس سكرت وخشيت قعدت نهدرز مع بنات وكل وحده شن تبي تلبس طبعا الفرح مشترك نحن علينا العشاء وكل شي ع طاوله شورنا
............
عمر : ايوه
هنيده بصوت هادي : شويا حبيبي نركب سماعات
ركبتلها اختها سماعات وطلعت ومكالمه كلها بصوت هاااادي
هنيده : سكري دار
عمر : ها سكروها دار
هنيده : سكروها طلعت ماقلتلهش تيقملي مخذه
عمر : كملتي حنتك
هنيده : كملت وخلني بروحي
عمر : انا معاك شن تبي
هنيده ضحكت : والله كان ترفع مخده شويه مش متريحه
عمر : هههههه هيا ارفعي هكي كويس
هنيده تضحك : تمام شكرا حبيبي
عمر : هبله والله قتلك درتيها لعند فوق
هنيده ابتسمت : اها
عمر : اهااااااا نعليا نا صحه يا عيوني
هنيده : سلمك وين قاعد انت
عمر : ناخذ في دبش من شقه و ماشي للحوش احمد بايتين غادي صبح نكون هنا
هنيده : تمام
عمر : قتلك لعند وين الحنه
هنيده : قتلك عند فوق حبيبي كنك
عمر : باه نتأكد بس نبي نطمن
هنيده : اطمن هههههه
عمر : اسمعي نوصل للحوش نكلمك
هنيده : حاضر
عمر : نحبك
هنيده : حتي نا نحبك
عمر : سلام
............
نضنا تاني يوم رن باسم صبح عليا وسكرت فطرنا الضيوف جو احمد وعمر كسدنا معاهم ما في حد من شباب يعرف بحملي
نبو نطلعولهم سفر فطور عشان أصحاب عمر يبو يجو ياخذوه قعدو يرجو في خيمه
عمر : نبو فطور صح اصحابي في طريق
انا : باهي بس عمو راك تحولها لحيه خليها ساويها بس
عمر : باهي
احمد : ديرالي فطور نبي نطلع
الاء : هبه توتي فيه عمو اصبغ الشيب باهي
عمر : عنجد نصبغ اسكتي خير
احمد ضحك : صح اصبغ لحيتك فيها شيب وشعرك فيه شيب
هبه حطت فطور قمعزت
عمر : توا نشوف كول واسكت
احمد بدا ياكل : عندي كم مشوار ننهيهن بعدها نجيك
عمر : في مزرعه ### تعال رن عليا توا نعطيك وصف
انا نبحت في احمد رفع كسرت خبزه فيها هريسه وتن حط فيها شريحه طماطمه ويدوي
انا قرصت هبه : نبي اللي في يده احمد
هبه ضحكت : عليك عار
انا : بسرعه قبل ما يأكلها
احمد رفع يده
هبه : احمد ارجى تاكلش
احمد بحت فيها : كنك
هبه : عطيها للايلاف جت في عينها وهي مش ع حيلها
احمد : شن مش ع حيلها
عمر ضحك : تبي تقعد خال اخري
انا تحشمت بكل قالوها طريقه بايخه صبيت
عمر : غير تعالي كولي قبل ما تعدي
احمد ابتسم وجاني : هاكي كولي كبرتن امي بدري بدري
مد يده وكلها ليا كليتها وطلعت الاء لحقتني وهبه شالت سفر وجو أصحاب عمر طلعنا سفر وخذو عمر ونحن قعدنا نبرمو وماما دارت غداء ولعنا اغاني بعدها رن عليا باسم قالي هيا عديت للحوش خذيت دبش ولا يخلو من حركات باسم طبعا بعدها شالني للمزين برمت ع وجهي واستشورت شعري ورد بيا للحوش هلي قعدت ماما وعميمه فاطمه ع عشاء ونحن ع عزومه عشيه وتيناها وخشينا نوتو في ارواحنا فتحنا منظومه كبيره وايوب جبلنا اسبيكرات كبار ودسكات وبنات يرقصن وانا كان خاطري لكن ما قدرتش نرقص جو عرب وجيران بدينا في عزومه كملناها بعدها ماما وخالتي نجاح وهدي حطن العشاء عشينا الضيوف جايبن غسالة مواعين خشت تغسل ونحن طلعنا برا بعدها انا خشيت رجعت العشاء وماما قالتلي معش تطلعي
.............
احمد : الجو سمح كملت حاجاتك
عمر : اها طلعت من حوش شريت البدله اللي قتلي عليها من صاحبك مابش ياخذ مني قرش قالي شوري
احمد : اصلي حمزه
عمر : لنقانى اصلي بعدها عدينا محل خذيت شوي حاجات ليا بعدها تغدينا وعدينا للحمام بخاري ويجينا هنا والله تالف غير شباب دايرين حفله
احمد : رنيت ع منذر واسامه وباسم
عمر : اها بس اسامه ما يحبش اغاني مش حيجي
ايوب : قوله بركاتك يا شيخ
ابراهيم : من اللي جيب فرقه
عمر : مع 12 يبدو ع خشتهم
رن تلفونه صبي
........
عمر : ايوه
هنيده : قلت نرن عليك قبل ما تبدأ حفله
عمر ابتسم : شن جو
هنيده : تمام بس جسمي مدقدق بكل تعرف مش حاسه بيه
عمر : بعد توصلي عندي ساهل
هنيده : انت عارف من مكالمه أمس معش كلمتني
عمر : معش فضيت اليوم كله في سوق بداله كيف خذيتها برمت من محل للمحل لعند رنيت ع احمد قالي عدي محل صاحبي
هنيده : اها
عمر : طمنيني ع حنه صبغت
هنيده ضحكت : سوده
عمر : نعليا نا امتي يجي بكرا بس
هنيده : محنطك بس عليش اصحابك داروها لك اليوم الحفله مفروض امس
ايوب : عمرررر تعال تعال
عمر : حبيبي كان حصلت فرصه نرن عليك في ليل باهي
هنيده : تمام بس نبي نرقد توا نخلي نقال عام وكان ما حصلتش بكرا مقفل
عمر : اووووه قويه هذه
هنيده : شن رايك هههههه
عمر : تمام اقفلي توصلي عندي بس والله يا ويلك
هنيده تحشمت : خلاص سلام
عمر يضحك : فكيلي روحك اوكي
سكر وعدا جنب شباب
شويا وجت فرقه وجو منذر وباسم ومحمود وعيسي وفارس وأصحاب عمر كلهم تقريبا 30 راجل في مزرعه صاحب عمر وحسن بس اللي ماجشش عشان عدا مشرق قلبوها اغاني ورقيص وعياط ودارلوله بوفي عشاء صح بكل وايوب وابراهيم وفارس رقيص من جد جدهم ويصبوه في عمر احمد يصور فيديو ويدز للانس ورنو عليه فيديو قعدو يورو فيه الحفله وضحك ورقيص للصبح بعدها فرقه روحو وباسم و منذر وفارس روحو وباقي باتو في مزرعه من تعب رقدو
.........
باسم : هيا يا اوفي وقت
انا : باهي اصبر نشوف بنت عمي مرات تبي تمشي معايا
باسم : تمام تلقيني فم الخيمه
انا : اوكي
الاء : حبيبي الله يربحك ما عندي من يشيلني
انس : وانا قلت لا ما تمشيش مع حد كلمه هيا
الاء : ماشيه مع اوفي شيلها باسم
انس : كلمه هي بيش تفهمي يا فرخه نسمع عليك طالعه نتفاهم معاك لبزي بروحك في حوش
الاء قريب تبكي : باهي مش ماشيه
انس : فكيني من زعل
الاء : مش زعلانه خلاص سلام نبي نوتي روحي
انس : تمام نحبك
الاء : باه اوكي
سكرت منه وقالتلي مش ماشيه وطلعت انا للباسم حطني ف سنتر وقعد يرجى فيا قدام سنتر قتله عدي ما بش دارتلي مزينه تاتو ع كتفي من لاورا جيهه يمين وقدام نفس مكان اللي لاورا رسمت رسم وبدات فيا مكياج استشوار درت ترفيعه للشعري بسيطه عشان نبي طوله يبان دراتلي كريمه للجسمي كله عطر جسم ثابت ومانيكير لليديا وكرعيا كل ما ديرلي حاجه نقمعز نتريح بعدها نصبي لبست فستان طويل لونه ملكي كملت بحتت في ساعه لقيتها 7 ونص رنيت ع باسم
انا : ايوه حبيبي
باسم : نعم
انا : كملت
باسم : هي اطلعي
لبست عبايتي وخماري وسلكت مزين وطلعت لقيته فم باب مد يده
باسم : تعليلي هنا يا فكرونتي
انا ضحكت : جبتلي كندره
باسم : جبت جبت
ركبنا في سياره
باسم : ترا ارفعي شويا
انا : لالا
باسم : وراس حبيبي شويا بس
انا رفعت بسرعه ونزلت هو مافطنت
باسم : ما شفت شي وحق الله
انا : خلاص مش لازم
باسم : شن رايك توا نردو للحوشنا
انا نلبس في كندره : بكرا اندروها افتح مكيف
باسم فتح مكيف : ورب الكعبه كان ما تروحي معايا اليوم ماني ماشي للقاعه توا طول للحوش
انا : كيف نروح
باسم : مش شوري
انا : باهي اشريلي حلوه مص ومستكه عشان مانرجعش
باسم : حاضر شن تبي اخري
انا : شي هذينا بس
باسم : باه بس حبيبي ديري بالك على روحك ما تحركيش واجد
انا : كندره واطيه راه
باسم : وكان ما تحركيش
نزل شرالي وعدينا للقاعه نزلني وعدا للعمو عمر خشيت لقيت ماما وعميمه وام هنيده سلمت عليهن وخشيت للحمام سلحت عبايتي وسقمت روحي وطلعت لقيت خواتي وياسمين ومريم وعديت للعربي جايا عميمه ونجاه ورحاب وزينب بس قمعزت جنبهن وعميمه معش بت تطلقني كل مره تهدرز في حاجه ورحاب تضحك عليا شويا وبدات فرقه هنا انا خلاص نبي نرقص مش قادره لكن تحشمت من عميمه وبنات كلهن ع مسرح يرقصن بعدها وقفت فرقه وخشت العروس طالعه تهبل بكل ومتغيره 180 درجه الميش عليها خيال بكل قعدو يصورو فيها ولهت مع مصورتيه وبعدها وزعو عشاء وردت فرقه وانا كلمتني الاء صبيت عدينا جنب فرقه هيجة وعياط ونا هاديه تعدي فرقه تغني ع تجار انا ركبت ع مسرح خلاص نبي نرقص عميمه صبت شيرتلي هي وماما نزلت😭
مع 9ونص قالولنا عمر يبي يخش نزلنا وطول هو برا بعدها خش ماسك باقه ورد وقعدنا نعيطوله واخير واخير وهو يضحك
عمر قرب من هنيده عطاها باقه ورفع طرحه وباس ع رأسها وخدودها : مبروك علينا يا عمري
هنيده ابتسمت : االله يبارك فيك
عمر قمعز جنبها وقرب من وذنها : منوره ع مقفل
هنيده ضحكت
عمر : توا نروحو نتفاهمو
جينا كلنا سلمنا عليه وبركناله
مصورتيه جت : هيا عرسان
فرقه بدأت اخري وعمو عمر وهنيده يصوروه لكن عمو عمر تعقد من مصوارتيه ولقطات اللي ادير فيهن
عمر قرب من هنيده : هذه كنها ماتحشمش
هنيده : والله عاديات حركات انت مركب ع روحك
عمر : دابيني مركب هيا نروحو
هنيده : لا مازال وتورته
عمر شير للمصواريته توقف كلم خالتي هدي جاته
هدي : ايوه
عمر: جيبو تورته
صبتهم وقصوها وصورنا معه كلنا وطلعو امها و اختها بكن معاها وبعدها خذها عمر
شويا شويا قعدو تفضي قاعه نحن وتينا ارواحنا طلعو كلهم جاء محمود وروح بي عربي وعرب هاجر وايمان وهبه روحو كلهم
انا : ايوه
باسم : هيا انا برا
انا : شويا بس
سكرت وخذيت الاء للحمام سقمت روحي وهيا تساعد فيا
الاء : طالعه تهبلي بالملكي
انا : باسم يحبه لون هذا
الاء : نعليا نا ليلتك صباحي
انا دكنت روجي اخري : سكري فمك حمل ماه
الاء : ههههههه المهم خلاص عدي روج ثابت كنك ادكني فيه
انا نبخ في عطري : احتياط هيا سلام
طلعت رنيت عليه جاني وركبت معه طول للحوشنا
........
عمر : كيف يعني
هنيده : كنك يا عمر ماما قالتلي هكي
عمر : عليك بدع شنو دحي ينكسر قدام حوش
هنيده : بس لازم منها قالتلي ماما عشان تخشي ع بياض
عمر : لا صفار
هنيده : خلاص براحتك
عمر ابتسم : اكسري يا سيدي انا نقدر نقول لا
هنيده ضحكت : خوذ حطها
عمر خذاها وحطها تحت كراعها رفعت فيلو حطت كراعها يمين ع دحيه اوله كسرتها
هنيده : اعفس انت توا
عمر عفس وبعدها نفس طريقه ع دحيه ثانيه وعفست كسرتها وراها عمر فتح عمر باب خشت هنيده بكراها اليمين وراها عمر سلحو كنادر
عمر : تريحتي توا
هنيده سكتت وترعش
عمر قرب منها رفع طرحه فكلها برنوس باسها ع خدها قعد يبحت في شعرها ومكياجها : نعليا نا من حركات
هنيده ساكته
عمر فكلها ايديها وقعمزها ع صالون صاله : كنك ترعشي
هنيده : نبي نغير فيلو مش متريحه فيه
عمر ابتسم : تمام صبي
هنيده صبت قعد عمر يرفع معاها في فيلو خششها للدار
عمر : تبي حاجه ضبحيلي
هنيده تمام
عمر خذا بجامه وخش للحمام وهنيده سلحت فيلو ولبست ديشمبر لعند طلع شافته خش للمطبخ خشت تجري للحمام غسلت وتوضت وطلعت للدار سكرتها
عمر يدق : هنو هيا عشاء
هنيده طلعت لابسه روب ابيض طويل وفتحته من جنب لعند فوق
عمر بحت فيها وابتسم : مش غير صابغه الحنه
هنيده تحشمت وقعدت تغطي في روحها: وينه عشاء
عمر مسك يدها : تعالي
قمعزو ع طاوله الاكل وعمر يمدلها في وكال يبيها تاكل وهنيده متحشمه تعشو وصبو جاب عمر الصلايه و لبست هنيده ملايه صلاه وصلو قرأ الدعاء قمعزو في صاله
عمر : قوليلي شن درتي اليوم
هنيده : نضت عديت فطرت قعدت شويا عديت للمزين تريحت شويا بعدها بدت فيا مكياج صبيت نبي نشوف مكياج خبطت في حديده في كراعي قعدت نبكي في مزين وسكتني وردت مكياجتني
عمر قرن حواجبه : وين جاتك اطيحه
هنيده زمطت ريقها : في كرعي
عمر يبحت في عيونها : وين في كراعك
هنيده شيرت ع كرعها من فوق : هنا
عمر قرب منها ورفع روب وهنيده ترعش كلها مع بعضها
عمر باس كراعها : ساهله ساهله
هنيده رعشت معش عرفت ما دير ولا تقول
عمر قرب اخري وقعد يبوس فيها جاها جنب وذنها : حبيبي تمام اليوم ولا تبيش
هنيده مابتش تدوي نفسها عالي
عمر ابتسم رفعها ويبوس فيها خش بها للدار حطها ع سرير حولها شعرها من ع عيونها نزل عليها وراحو في خبر كان......
............
احمد : والله كملتها نزف في ناس معش حد زفني
سناء تضحك
احمد : توا نوريك انتي غير يوصل فينا دور بس وربي انقطعك توا يبالك ضحك
سناء : احم كملت شيل وجيب
احمد ابتسم : لا مازالت نجيبك انتي بس
سناء : ان شاء الله حبيبي
احمد : بس درناله جو مش عادي لعند حوشنا بعدها ردينا للقاعه نجيبو في جماعه اللي غادي
سناء : خلاص مازال بكرا وتريح
احمد : خطرها كنك ما قلتيلي تبي تقعد خال
سناء : والله نحن معش نطقو في ساعه في مكالمات هي مالهش اسبوع عارفين وانت غاطس مع عمر في فرح
احمد : بس باسم مش ماشي معه دور اب بكل
سناء ضحكت : قلتها له يومها قعد يضحك
احمد : عقبالنا
سناء ابتسم : ان شاء الله
أحمد : اهم جو كلط توا نعاود عليك نعشيهم بس
سناء : حبيبي قتلك
احمد : نعم
سناء : نحبك
احمد : نعليا نا
سناء ضحكت : باي
احمد : سلام يا روحي
..........
انا : كان خليتني نقوللهم بس
باسم : مش لازم هيا انزلي
نزلنا من سياره محمد ضبح للباسم
باسم : عليك معيله خوذي مفاتيح توا نجيك
انا ضحكت وخشيت سلحت عبايه وسقمت روحي وخشيت للمطبخ شربت ميه وطلعت خذيت عطر بخيت في يدي قعدت نشم فيها شويا ودق باب صبيت فتحت
باسم : نعليا انا من ازرق
انا ضحكت : خش واسكت عليك فضائح
باسم قدم عليا : تعالي نقولك حاجه في دار
انا : باهي كنه محمد
باسم : مش وقته بكل تعالي بس " مسك يدي وقعد يبرم فيا " هي بيضاء ولبسة لزراقي وعين عليها يا واقي
انا قعدت نضحك
باسم رفعني ع كرسي قعد يبوس فيا
انا بصوت هادي : حبيبي خاطري اندير حاجه
باسم عض فمه غمزلي : شنو
...........
يتبع .....
رايكن ..
بكرا ندوتي نبي كومنتات ايجابيه عشان نحظر مازالت ما حظرت🥺 خايفه ادوعولي❤
Fafy faa
