#فوبيا_الحب ❤
الحلقة[16]
ايوب : ترا مدي سفره قهوه
نا : هيا هي
ايوب رن تلفون عطاني بظهره ونا ماسكه سفره : ايوه حبيبي ..حاظر ..عطيني شوي ونعاود عليك سلام
نا😳: اه تفضل
ايوب مبتسم : منوره
طلع وسيب تلفونه فوق المرمره
نا : الاء تعالي الحقيني
خشينا لدار خطمنا مش جنب خالاتي وقاللي عقبالك مارديتش عليهن
نا : سمعتي مش قتلكن كذاب
الاء : سمعته فوتي خلاص
نا : الحمدلله قراراتي ديمه صائبه
الاء : تعالي نطلعو تخليش سماني تفطن حرام تزعل بعدها
طلعنا والقيت تلفونه مازال قاعد خذيته ونلقى رمز فطنتلي ياسمين
ياسمين : عارفه رمز نحلوه
نا انحرجت: لا فوتي شن دخلنا
ياسمين : غير تعالي رمزه عيد ميلادك
نا😳😥 : لا دخنيش
ياسمين خذت فون وتكر فيا ف دار : تعالي واسكتي
فتحت فون نشوفو آخر مكالمه
نا : من😅البنت
ياسمين : هههه تي بنت من هذا أحميد العبد صاحبه
نا : تي قاللها حبيبتي
ياسمين : يبي يقهرك
نا : وانتي كيف عرفتي
ياسمين : واضح من حركاته بس له كم يوم جوه متعكر
نا : قتله خلينا خوت ي انتي مانقدرش الصراحه خوكي مش مضمون
ياسمين : به عليش كنتي تفتشي في فونه
نا : لا قبل نبي نطلعه له
ياسمين : ندير روحي صدقتك بس صح خويا مش لك حتي ف سن
نا 😕: عارفه هيا بنات يضبحن
طلعنا قعدنا نحوسو يوم كله لعند روحو عرب وبابا جاب دفع وعطاه للهاجر ونا نفكر كيف هكي يعني هيا ماتبنيش خوها بلا منا تلقيح نا اصلا نبيشي تي كني نعاود في قصص اللي هناك صار خلاص ربي يوفقني ف قريتي نبي نفوته رأس سطل نا نقصني هم اصلا
انس : السلام عليكم
نحن : و عليكم سلام
قعد يسلم علي خالاتي وبناتهن والاء مسحونه عشان يهدرز يبصر مع خالاتي وبنات خشات ع خط معاه
عميمه فاطمه : بكرا ع مغرب جايا امه وخواته الاثنين يبن يلبسنها
ماما : درت عبيا الحمدلله عقبت من موالح توا ندير رز بالخلطه وخلاص
هدي : توا نا نديرلك سلاطات
اميره : ونا نديرلك نوعين حلو ي خويله
ماما : سلمها ي خيا
الاء : تصبحو ع خير
نا : بدري ي لولي
الاء : من عمرك ي حنه ورايا قرايا
انس: والله ي خوفي تقري تقري وفي نهايه يقولونا بنتكم قتلت شخص و يطلع خطأ طبي
اميره ونجلاء و صفاء ومريم بنات خالاتي : هههههههههه
الاء تنرفزت : لا ماتخافش نا مانعلاجش هكي وخلاص نقرأ ونطبق
نا : انس كنك
انس : نبصرو ي لولي ع قول ايلاف
الاء ابتسمت فوق من نفس : نا نبصرش هيا سلام
خالتي فتحيه : كس بس كنها بنتك ي هدي
هدي انحرجت : ضغط قرايا بس شكلها تعبت
ماما: لا غير انس زادها اركبي يا ايلاف شوفيها
نا : حاظر خالتي هدي ابراهيم فوق
هدي : لالا كمل دفع قالي طالع
نا : تمام توا نجيكن يا بنات مش مطوله
بحتت ف انس بنص عين رفعت حاجبي وركبت
.......................
احمد : شن صار معاك
عمر : كل ما ندوي معاها تقولي هلي مازالو يسألو
احمد : اكيده شكو فيها ي راجل
عمر : والله راقيتلي بكل نحس ف ضغط يشيط عندي
احمد : غير وسع بالك توا يردو بعدين مش حيلقو خير منك
عمر : خايف من قصه سن ي راجل ف فرق
احمد: فكني من شورخ شن تبي تأخذها عجوز
عمر : إن شاء الله خير انت شن صار معاك
احمد : السبت مقابله مش عارف نعدي بروحي
عمر : خوذ وحده من خواتك
احمد : توا نأخذ ايمان وخلاص
عمر : كنها ايمان ي ###
احمد : ههههه مش هكي بس نتحشم والله موقف بايخ تي ساد خوتها
عمر : ت غير فكني توا تخش قفص الذهبي سلملي
احمد : ههههه هانت حتي انت
عمر : تي وين شباب
احمد : انس مع خالاتي كلمنه قالن مرايفات عليه وابراهيم صاحبه رن عليه وايوب رد للمعرض هو عمي علي
عمر : نا نبي نرد للمكتب
احمد : حتي نا عندي مشوار ونبي نرد للمحل ناخذ مفاتيح انت توكل
عمر : سلام
.....................
هبه : وينك مختفي
عصام : قاعد والله قلت خليني نثقل شوي
هبه : هههههه ثقلت بكل تي امبدري ف صبح رنيت
عصام : عارف اصلا قبل نبي نرن اخري هههههه
هبه : نجك ليا ان شاء الله متغيب عليا ي قلبي
عصام : كحكح شن ي وليه نجي نروح بيك من عند هلك
هبه : اها كملنا حبيبي هيا هههه
عصام : نوعيتي نسخن نجيكي طول هههه خلاص غيري موضوع
هبه : ههههه به قتلك امتي مدرسه
عصام : قريب نقتل امها مديره معش قالت تعالو ازف
هبه : توا نرن نا انت ماترنش
عصام : حاظر قتلك حبيبي بعدين توا نرن عليك واحد من شباب جاء
هبه : تمام سلام
سكرت تلفونها دق احمد ع باب
احمد : اوووي نخش
هبه خافت : شويا بس نغير
احمد : تي هيا ي فرخه بنات خالتك يبحتن
هبه مرتبكه: هه خش كنك
احمد : انتي اللي كنك مسكره بمفتاح وين ايلاف نبي فلوس اللي حاطهن عندها
هبه : كنت نغير في دبشي وايلاف مش عارفه وين توا نشوفها لك
ايمان جات : فوق عند الاء
احمد ضرب هبه علي كتفها : توا نضبح نا خلاص ودار معش تسكر
................
نا : لولي كنك توا
الاء : ايلاف خطيني راه مش جوك
نا : يبصر معاك ي هبله
الاء : مايبصرش جنب بنات خالاتك باردات راه بكل بذات مريم ونجلاء
نا : عليش هنا بذات هههه
الاء : ايلاف خطيني طيري من آخر
نا : نفتح باب ونجي ي قرده مش بجوك هي
نا فتحت باب والاء خشت حمام
انس : وينها
نا : مثقلك ي انس عليش جو هذا
انس : اسكتن راه نرد للجبهه
نا : باهي باهي بلاش براده وخش
الاء تسكر ف باب حمام : مع من تدوي ي فرخه تعالي
نا خشيت بحتت فيها بعدها شيرت للانس يخش
انس : نا كنك ركبتي
الاء : نبي نقرأ تعبت اليوم بكل
انس : اها نحسابك زعلتي مني
الاء : لا زعلتش قلت حاجه تنزعل
انس : وين عمي محمد
آلاء : مش عارفه
انس : نبي ننزل تبن حاجه
الاء خشت
نا : لالا
انس نزل ونا خشيت للالاء
انس : كني حمار ازف نعرفش نصرف معاها بكل مشكله كان تنظيف سلاح نكمله في دقيقه وقت #### اللي قعدت هكي حمار زمان نلعب فيهن ع صبعي
احمد : هههه كنك تدوي بروحك من اللي تعلب فيهن ع صبعك ي كلب
انس : نبي نرد للمحور اليوم ف ليل
احمد : فاتحه اختك بكرا ونا سبت عندي مقابله خليك معانا لعند الاحد
انس : لالا نبي نرد عبدالرحمن رن عليا وقالي تعال نبيك
احمد : باهي بات اليوم بعد فاتحه عدي
انس : توا نشوف هيا سلام
احمد : راجي عطيني مفتاح سيارتك وخوذ سيارتي
انس : عليش
احمد : نبيها عشان مظلمه
بدلو مفاتيح وانس طلع
احمد : ايلاااااف ايلاااف
نا : تي نعم كنك اضبح
احمد : انزلي نبيك انتي والاء
نا😌 : شن تبي فينا
أحمد بصوت عالي : انزلي ي عنشكلك بدلن والحقني ف سياره انس
نا : ههههه باهي
احمد خذا تلفون وطلع نزلت لقيت خلاتي بديات في هاجر لصقه وحنه بدلت وراجينا الاء وطلعنا
..................
باسم : فارس
فارس : هاا
باسم : احم كنك ما قلتلي انه الي يخسر يأخذ اخت الي فايز
حسن : لا فايز لا سعيد اسكتو نبي نسمع
فارس : خليك في حالك انت .مخطرش علي بالي والله بيش تلغي رهان بكل عليك براده
حسن : توا انت عليش تسأل مباراه بتبدا قول بسرعه
باسم تلفونه رن : اصبر هذا احمد
باسم : ايوه
احمد : بدأت مباراه ي راس
باسم : مازال شوي وتبدا ي رقبه
احمد : ها ها ها منور ع حناطه كم مزال عليها
باسم : مرتزعين في كافي خو حسن نتفرجو ع استديو تحليلي تعال
احمد : عندي مشوار توا نجيكم تبو تراهنو ولا لا
نا : احمد حل البطم سياره
احمد يحل في البطم ويفنص : تم ي راس نكمل موضوع ونجيك
قمعزنا نا من قدام والاء من لاوراء وطلع بسياره
باسم : احمد فيها رهان راه
حسن : نا برا موضوع
فارس : ونا فلستو ب امي ورايا عرس ازف
باسم : اسمع خوافه الاثنين طلعو تبي تطلع
احمد : علي قص رقبتي نطلع
باسم : هههههه وهذا مطلوب ي طيري ريال فايز ان شاء الله
احمد : برشا ي جيفه رهان بدله عرسي عليك من تركيه ي طوير سلام
باسم : احترمني ازف نبي نقعد خال ضنوتك المعفنه وبعدين غير اصبر مرات مانوفقوش عليك
احمد : هههههههههه عليك خال معفن نا طلبها من خوها كبير مش من اجرب زيك
باسم : ههه سلام ي هبل نرجو فيك
..............
انس : ايو ي ارحومه
عبد الرحمن : وينك
انس : احمد طلع بسيارتي توا نجيكم بكرا بعد عصر
عبدالرحمن : اليوم في تقدم راه بعد فجر
انس : كذاااب
عبدالرحمن : رقتلك تبي تحضره هههههه
انس : اصلا اليوم #### عندي بكل كان قدرت توا نجي مع واحد ف ليل
عبد الرحمن : شن صار عندك
انس : توا نجي ونحكيلك
عبد الرحمن : غير دير بالك بس من سوس
انس : تمام سلام
............
نا : شن ننزلو
احمد : تنزلي عينك محل صاحبي
الاء : تي محل فونات
احمد : وكان صاحبي قمعزن توا نجيبلكن هنا واختارن معايا وانتن مسكرات افوامكن
نا : عارفتك نا استغربت اصلا طلعه معاك من سابع مستحيلات
احمد : اسكتي شن نوع اللي نشريه
نا : ايفون طبعا وجيب نحن نختارو كفر
احمد : باهي
اخترنا تلفون وكفر وكيس وشراء شوكولاطات وحطهن مع كيس وحجز في تورثه قربنه من حوشنا
احمد : بكرا نشيل باقه ورد وتورثه بس
نا : اها وفي بيان نغلفولك فون بروحه ودبش جيبه من محل انتاعك
أحمد ضربي بشويا : صار من محل انتاعي انزلي انزلي
نا : هههه اسمع نطلعو اخري في حاجات نحن نشروهن لها
احمد : لالا مانيش نشيلكم نا أصحاب محلات يعرفوني توا يشيلكم ابراهيم ولا ايوب
الاء : أي حد مهم نحن نشروهن
احمد : باهي خلاص انزلن نص مباراه طارت نزلي معاك الحاجات بعدين نأخذهن نحطهن في سيارتي وحددي قميص وبنطلون للفاتحه بكرا
نا : باهي
نزلنا لقيناهم مكملين للهاجر ومتعشين وخالاتي يلبسن يبن يروحن سلمت عليهن وتعشيت نا و الاء بعدها ركبت ونا رقدت
...........
هبه بصوت واطي : ايوه
عصام : كنك موطيه صوتك علي قول هذك مراه ههههه
هبه تضحك ع صامت : خواتي مرقدات وامبدري احمد شوي وكبسني
عصام : لالا شن درتي
هبه : قتله نغير في دبشي
عصام : ههههه وغيرتي
هبه : لالا سكن ع باب وقالي معش تسكري بالمفتاح
عصام : قاعد هو
هبه : لالا ع خشته
عصام : باهي كنك خايفه انتي قتلك خليني نجي نخطبك انتي رأس مسكر
هبه : خلاص يصير خير توا نكلمك بكرا
عصام : حبيبي فكينا من خوف رنيت ع استاذ سالم قالي مدرسه اسبوع جاي توا نتفاهمو
هبه : خلاص تمام
..............
اسامه : سلام عليكم
ايمان : وعليكم السلام
ايمان : وينك اليوم من صبح معش رنيت
اسامه : نوتي في عش حبينا
ايمان : ههه شن عش حبينا
اسامه : الشقه ي همي في دارنا
ايمان : ركبتها
اسامه : لالا بس كان في حاجات نقصات نجيب فيهن
ايمان : مازالت ترقد فوق
اسامه : مش نازل لعند تفرشيها الا يوم الي بنبات عند صاحبي والله كان عمر يخبط علي صدره ويعزمني في شقته يقعد راجل
ايمان : هههههه لااااا غير اعبى
أسامه : عارفه حتي نا عمك واطي مايديرهش
ايمان : كيف يعزمك هو بروحه مطرود نا نبي نأخذها شقته
اسامه : شن تبي ديري فيها
ايمان : حاجات المهم كيف حالك وكيف حال عميمه
اسامه : هههه باهي به والمهم عندك عميمه كويسه لكن علي حد علمي نا اللي مش كويس
ايمان انفجعت : كنك شن في يوم كنت في دفع ما فيك شي حقيتك
أسامه : صار تبوعتي
ايمان : احمم غير قولي كنك
اسامه بصوت هادي : قلبي
إيمان ابتسمت : كنه قلبك
أسامه : نحس فيه جف
ايمان : معش تستشوره هههههه
أسامه: قلت اهي رنت توا تدهنا بفازلين طلعت رانه تنكت
ايمان ابتسمت وبصوت هادي : انحبك
اسامه صبي : شنو
ايمان ابتسمت : خلاص معش نعاود
اسامه : وراس حبيبي تعوديها والله من فرحه لين صبيت إستعداد
ايمان : ههههه به انحبك ونموت فيك ومش من توا والله كان تصدق من أول ما صليت استخاره ونا متريحه قلت هذا هو راحتي
اسامه : تي حي علي امي من وين طلع كلام هذا كله نطلع نفرغ توا نعيط في نص ليل تي طلعتي رومانسيه ودهنتيني بفازلين
ايمان : ههههههه بلاش حناطه نا نتحشم شويا شوي توا نمشي معاك
أسامه قمعز : لا هكي طار جفاف ونوم لصبح اليوم خميس هدرزي كيف تبوعتيني
ايمان : ههههههه ورايا فاتحه نا ضم وحوسه
اسامه : نهدرزو شويا وتريحي حبيبي هي قولي
ايمان : حاظر .ركبنا ع سطاح من بلكوني سطاح شفتك
اسامه : باهي ادوي نبي نسمع صوتك نا
ايمان : ربي م يحرمني منك ويخليك ليا انت نعمه من ربي
اسامه : نعليا نا حبيبي قولي انحبك اخري
ايمان : انحبك
اسامه : وربي كعبه نا اللي نحبك
ايمان : حبيبي والله نحس في روحي ارتبكت
اسامه : ايوووووه قوليلي حبيبي وانحبك وبعدين ورايا حوسه
ايمان : باهي خلاص هدرز انت نا توا نهدرز معاك
اسامه : باهي كم تبي وليد
ايمان : ان شاء الله كان سخر ربي الاثنين
اسامه : شنووو الاثنين
ايمان : ههههه اها
اسامه : كان مش خمسه سته ما يصير شي
ايمان : هههههه ياساتر
وقعدو يهدرزو علي شقه وعويل واسمائهم لعند الصبح ونحن نضنه حولنا حنه هاجر وقعدنا نحوسو وجن صبايا عمامي وخالاتي الاثنين وبناتهن ورجاله تغذو وعدو للجامع ونحن وتينا حاجات وبعدها بدينا في اروحنا وجو هله ودرنالها جو دربكنا ورقصنه وروحو كلهم
..................
ايمان : يانعليا ي بوي تكسرت
نا : وووووه بكل والله
هبه : نا نبي نرقد خلاص
هاجر : بنات جيبلي فون مانعرفش كيف يعني نكلمه
ايمان : لالا حي عليك تفرجي عليه ورديه له
هاجر : ازعمك
نا : وووووه ههههههه تي شن غبيه هذه
ايمان : نبصر معاك ههههه هدرزي معاه
نا : قصدكن كلكن تبن تشلطن الا نا
هاجر : كنت مونستك
ايمان : نبي نعدي للدار معيشه نصلي و نكلم قليبي سلام
نا : بكرا عندي تجديد قيد نبي نرقد نوضيني ساعه 9قولن للماما
هاجر : عدلي فونك
نا : خايفه نسكره ونرقد
هاجر : خميره طح سعدك. هييييي
نا نطيت مفجوعه : تي كنك تشهقي
...............
#يتبع....
هذي آخر حلقه انزلها ي نلقى تفاعل ي نوقفها عشان نتعب والله يوم كله فون في يدي 😔
رايكن 😉😍
#كاتبة Fafy fa
