#فوبيا_الحب ❤
تااااابع الحلقة[88]
باسم : اها تعبان
انا ابتسمت : يا عيوني سلامتك من تعب
باسم : و ربي تبي تطيري آخر فيوز في عقلي يا فرخه
انا حطيت ايديا وراء رقبته بدلع : قولي كان مش راضي توا نوخر
باسم : راضي عنبوه الي ما يرضي
انا رفعت روحي بسته ع رقبته قصاد تفاحه آدم وخرت ابتسمت : نحسابك
باسم قربني عليه بصوت هادي : مرايف
انا ابتسمت بصوت واطي : و انا مرايفه
و وخر بيا ع سرير رحنا في خبر كان....
.........
ثاني يوم وقع الدكتور ع خروج طلعو بعمر في سياره إسعاف طبعا هزبهم عشان ما يبيش سياره إسعاف بس ما عبروش ركبوه هدرزه وضحك لين وصلو للبنغازي استقبالهم محمود واحمد نزلو الممرضين خششوه للغرفه خش عليه دكتور طول كشف عليه وطمنهم عملية تمام التمام أكد ع راحه تامه علي كراعه لمده شهرين ما يمشيش عليها و طلع
عمر : ادوي هنا عندك
احمد : انت الي تدوي قال شهرين يعني شهرين
عمر : باه غير خف عليا وانت قاعدلي تقول عمود ضي مصبي فوق راسي
احمد ضحك : توا نصبي مقابلك
منذر خش : سلام عليكم شباب
شباب : عليكم سلام
منذر : اللله الله الله الحمدلله علي سلامتك ههههه يا معلم
عمر مد يده وسلم ابتسم : الله يسلمك يا طيري تعبناك حتي انت
منذر : تعبك راحه والله المهم صحتك يا راجل شغلتنا عليك وين تلج في بيضاء شن طببك غادي
عمر : و الله كملت الطريق مش فاطن للروحي مشيت مشيت خش من هنا اطلع من هنا ما فطنت للروحي الا بعد رنو عليا احمد وانس وايوب قعدت نسكر عليهم بعدها تلفوني طنطن شحن ع رنت انس رديت خذا الي فيه نصيب من هزايب بعدها تلفون طفي شحن
منذر بحت في انس : و صاحبنا ما قصر ركب فينا شالكلك
شباب ضحكو
انس ابتسم : نسمع في هرجه جماعه جنبك
منذر : كان عندي مداهمه سيبتها وطلعت للبيضاء
عمر : سامحنا والله
منذر : تي عيب يا راجل
قعدو يهدرزلهم منذر شن صار في جلال و خوه مسكهم الصادق طبعا بدبل عشان خوه جلال مش واعي كاين واخذ حبوب بعد صحصح للروحه لقاه روحه في حبس و اذكر الي داره قعد يبكي ويترجاء في الصادق بس قضية منتهية و نحبس..
انس : تي واضح من شكله المخمج زارط
عمر : حتي انا عرفته عيون حمر و خش علينا يشلك بكناشله في كافي تقول كلب ازف
احمد : المهم نحبس
منذر : لا تم ان شاء الله كم سنه هكي بيش يتربي كويس مع كم تشليطه من شباب بالكي نعرفو حاجة اخري من هالنوعية المعفنه بعدك الصادق خذا امر يتفتيش حوشه ما شاء الله ما في حاجة ممنوعه ما فيه حشيش حبوب سكير تي شكلها عايلة مش قاعده بكل
شباب ضحكو
عمر : منذر انفصل ههه
منذر : والله حاجه تقهر يا راجل ننحن نبنو ويموتو رجاله عشان تراب البلاد و فروخ #### يخششو في ممنوعات ويبيعو فيهن للشباب مراهقين ما يعرفو رؤوسهم من كرعيهم
اسامه : والله صدقت هذوما اكثر وحدين موخرين البلاد
الباب دق
احمد : تفضل
عصام خش في يده شكارتين : سلام عليكم
شباب : عليكم سلام
عمر : تفضل
عصام سلم ع عمر : الحمدلله ع سلامتك
عمر : الله يسلمك تعبت روحك
عصام يسلم ع شباب : تعبك راحه كيف حالك ، كيف حالكم يا شباب
عمر وشباب : تمام الحمد لله
عصام : وين وشن هالقصه الي طلعتلك
عمر قعد يحكي وشباب يهدرزو
.........
سناء : مش عارف احمد قالي كويس
هنيده : نبي نسمع صوته معش اطمنت عليه
هبه : كنك ما قلتيله اشري تلفون
هنيده : قلتله بس شكله ما دوش للحد
هبه : رنلك ع احمد و نقوله مع انه عصام قالي وقت زياره ماشيله
هنيده : لعند امتي نبي نصبر
هبه : هالساعه اصبري فيها
هنيده برمت ع سلطه قعدت تحط فيها : باهي من يبي يشيله غذاء كلهم طلعو بعد عرفوه وصل بنغازي
" مسحت دموعها "
هبه : توا يردو ولا يشروله مع مطعم
سناء : بالك احمد يرد
هنيده سكتت وتحط خشت عليهم هاجر
..........
انا نضت لقيت باسم يلبس بسرعه بصوت هادي : صباح الخير
باسم برم : صباح الورد و النور
انا ابتسمت : ساعه كم
باسم : قريب 2 ونص ههههه
انا قمعزت : لالا معقوله
باسم : معلش صدقي مره هذه هيا نوضي نهارك عسل نفسك
انا برمت لبست روبي وصبيت : ما تطلعش لين نطلع من حمام نبيك
باسم عرضلي : مازالتي تبيني " غمزلي " واتي راه
انا ابتسمت ضربته ع كتفه : حول يا سامط نبي ندوش ونطلع توا نقولك
باسم ابتسم : ما طوليش ماشي نصبح ع امي ورادلك
انا قربت منه : باهي بوست الصبح وين مرايفه عليها حتي هيا
باسم قرب قعد يبوس فيا : بعدين تقولي حول يا سامط ، تمام هكي و لا نزيد
انا : تمام ههههه
خشيت للحمام وانا نبحت فيه و باسم طلع
..........
احمد بحت في انس لقاه مهبي وساكت : انت روح تريح
انس كاين تعبان بس ما يبيش يروح : لا جو تمام
عمر : لا مش تمام روح تريح تعال في ليل
انس جاء يبي يدوي
عمر : عليا طلاق تروح عليك العناد ازف فيك
انس : تي باهي عليك شورخ ازف عايله مغلاه ع امهم تكبير مواضيع تلقاه موضوع عادي عندهم هما اوه يكبره لك يخليه امه اكبر من خريطة الوطن العربي
عمر : تي روح يا كذاب عارفك اصلا كان ما حلفتش مش حتروح
احمد : هك المفتاح سيارتك امس درسها لك ابراهيم هنا في باركي
انس خذا جاكه و مفتاح : اوكي شباب
شباب : اوكي
........
انس طلع ركب سيارته طلع دخان و ولعه خذا سبسي ولعه وعزق دخان و ولعه بين المارشه نفخ في سقف و قعد يرجاء في سيارة لين سخنت طلع تلفون من جيبه شاف لقاه 3 مكالمات من الاء ابتسم بهزوه حطه جنبه علق سياره وطلع شور الحوش وصل سيب تلفون وسماعات خذا دخان و ولعه بس سكر سياره و نزل فتح الحوش
انس : سلام عليكم
هبه توابعت : نجك ليا عمرك طويل الحمدلله علي سلامتك
انس بحت فيها شافه و وراها هنيده بس هاجر وحنين كاينات في دار
انس : الله يسلمك ، خير يا هنيده
هنيده : خير كيف حالك
انس : تمام
هبه : انس زياره كملت
انس قمعز يفك في كويش : انا روحت و مازال بس اكيده توا كملت
هبه : عادي نرنو عليه
انس بعد كويش ع جنب ماشي شور الحمام : رني و قبلها طلعيلي دبش
هبه : باه
