#فوبيا_الحب❤
الحلقة[42]
خش ابراهيم ع الاء متنرفز
الاء رفعت يدها🤚: اطلع نبي نغير
ابراهيم : كلبه ما تمشي الا بلعين حمره خمس دقائق وتبقي واتيه
الاء طربقت باب في وجه : خزي حيوان انت وتافه اللي يعرض في عضلاته
لبست وطلعت نزلت هي وابراهيم وانس مازال يغير
الاء : قوله هيا هذا
ابراهيم : سكري فمك خير ما نلطك كف
انس رفع حاجبه فيها : هيا
ركبو في سياره وانس عدل المرايا علي الاء
.........
انا نضت مالقيتش باسم خشيت للحمام غسلت وتوضيت للصلاه صبح وفطرت ورنيت ع الاء و تسكر في وجهي ونرن اخري تسكر في وجهي بعدها اذكرت ماتردش ع ارقام دزيتلها مسج "انا ايلاف ردي نبيك" ردت عليا بمسج "بعد نوصل للجامعه نرن عليك ونكسدو انا في سياره حتي انا نبيك محتاجتلك واجد وفرحت برنتك ومبروك الفون" صبيت فتحت منظومه ع اغاني وعليت شويه قعدت انضم في حوش كله جتني حاله ع ضم وعقلي يشيل ويجيب ع رانيا واذكرت كلام سناء باسم حنون حنون الا بعد ينفصل مايعرف حد هو بروحه قايلها ليا معش عرفت شن اندير كملت الحوش خشيت للمطبخ رنيت ع هبه ع أذان الظهر
هبه : ايوه
انا : مازالت فيك عاده حقيره تردي ع ارقام
هبه : باهي توا نسكر
انا : لا نبيك خلاص معش نقولها
هبه : شن تبي يازمزاكه
انا : كيف حال ماما وبابا وخواتي وخوتي
هبه : كويسين كلهم انتي شن جوك وشن جو باسم معاك
انا : الحمدلله كويس شن جو شباب وبنات عمامي
هبه : تمام تعرفي امبدري قبل مانطلع للمدرسة ابراهيم والاء سفقوها سفقه مش عاديه
انا : لالا عليش كنه طويل هذا
هبه : الاء حتي هيا ادير في طروح امس كاين عندها امتحان اليوم قالت عندي امتحان واليوم مفروض ماعندهش جامعه بكل
انا : حتي نا استغربت رنيت ودزيت مسج ردت عليا ماشيه للجامعه
هبه : ماحزها الا انس بينهم
انا : عليك قصه توا نفهم منها
هبه : اكيده عشان ماحلتش امس خالتي هدي قالت ماحلتش في امتحانها
انا : واعر طب ياناري مهم توا قتلك كيف اندير كسكسي
هبه : أنا في مدرسه يا كسكسي راه
انا : باهي ارتزعي في ساحه ارجي بابا وادويلي قولي قاعده في مطبخ انا
هبه : باهي ياحانطه أول حاجه
انا : استني نبي نسالك نحن بكرا ماشين للمزرعه شن نلبس
هبه : عندك عرم شلتت البسي لبسه سمحه
انا : بنطلونات قعدن يطيحن مني وحق الله
هبه : في دبش شريته لك مش رقمك اصغر من رقمك ولا البسي قونه ليكرا سمحه قيسي وشوفي روحك
انا : توا نشوف قونه مع اني مانحبهش شعبي عام مش عارفه من اللي قاللكم اشروها
هبه : ماما نزيكه مهم ساعه كم ماشية
انا : مرات من اليوم ف ليل عشان نبي نبات نا وباسم وهما يجو بكرا صبح
هبه : نعليا نا اليوم خميس حاضر محمد وغايب ابليس يا جماعه
انا : بارده ردي ادويلي ع كسكسي
هبه : اسمعي شيلي معاك اروابك
انا : اكيده توا نوتي شنطه ع جو نزيك هذا
هبه : ريت فرخه طلعت تفهم ادير روحها فوبيا
انا : ع قول باسم فوبيتي
هبه : هههههههههه
انا ضحكت : طح سعدك اسكتي
هبه : هيي حبي ع خط وجك توا اندزله لكي ف مسج
انا : بلخطوه ها
هبه : باهي يا بايره واخر مره تبيه كسكسي طرابلسي ولا عادي
انا : اللي دير فيه لنا ماما يهبل وحي عليك يطلع شين
هبه : شحاته وتشرط وجك باهي
انا : باي
سكرت من هبه وطلعت حاجات قعدت نقرض ودزت مسج وبديت نقلي في بطاطا وبطنجال ونوتي في الحاجات
.......
باسم : وين يا حمادي ماشفتكش من يوم تمارين
احمد : قاعد والله بين عمل و حوش نكمل فيه
باسم : باهي تبي تجي اليوم للكافي
احمد : توا نشوف الجو
باسم : أنا مش مطول تعال بيش نبي ندوي معاك ع بضاعه ندو ع فرح فارس
احمد : تمام باهي
باسم : اوكي باشا
احمد : تم ياغالي
.......
