#فوبياا_الحب❤
الحلقة[34]
باسم : هيا نا جعت
نا بحتت في روحي لقيت سروال البجامه مرفوع لعند بعد ركبه وشعري مشتشت متبهدله ع آخر قعدت انزل هو يبحت فيا : باهي نبي حمام
باسم : سرعي عشان اليوم طويل كله برا
نا خشيت للحمام : داير روحه يبي يسكر علي خلطته
باسم يدق : تي هيا افتحي شيشمه
نا أحقر عباد الله بعد يبقي داير خطأ ونا عارفه ويمشي فيا
باسم : ايلاف
نا نتيت نت : تي باااهي
باسم : تنرفزي اخري
نا بصوت واطي : اوووف
خذيت دوش من كثر ما ركب عليا هيا هيا نسيت دبشي فتحت باب حمام طلعت راسي
نا بصوت رقيق : احم باسم باسم
باسم : نعم
نا : نبي دبش انسيته
باسم يضحك بصوت واطي : شن نجيبلك بزبط
نا : بنطلون و ولا انقولك اطلع من غرفه توا ناخذ نا
باسم ابتسم : مازلت ما لبست حتي نا
نا : باهي ع اقل عطيني شنطه
باسم : تي ثقيله عليك
نا تنرفزت : اطلع في صاله نبي غرفه نا
باسم يفتش في شنطه : نعطيك منشف
نا : عطيني ديشمبر
باسم يتفرج ع ارواب وفساتين قصار
نا : تي هيا صقعت
باسم : اه هيا هي
نا طلعت يدي خذيت منشف لفيته علي روحي وطلعت خذيت دبش رديت للحمام دهنت جسمي بلوشن طلعت بحت فيا دغري قمعزت ع سرير نمشط في شعري
باسم : ما تمكيجيش
نا : عليش
باسم : مكان اللي نبو نعدوله مش مكان مكياج
نا : باهي
لبست بنطلون أسود وقميص ابيض فوقها فنيليا طويله واسعه شويه داميه وكويش ابيض وشاح مشركس باسم بنطلون أمريكي أسود قميص ازرق وفوق قميص فنيليا رصاصيه كويش أسود طلعنا فطرنا مطعم في الفندق وخذا سياره خاصه بسواق نا مادويش بكل حتي سوال وين ماشين ماسالتش أول ماشفت الملاهي عيوني قعدت قلوب
نا : هييي ملاهي
باسم ابتسم : هيا ننزلو
نا نزلت نزل معايا وقال للسواق اقعد هنا ماتحركش ونا نتفرج ع باب كبير يهبل
باسم : مدي يدك
نا مديت يدي وخشينا
باسم : وين تبي تلعبي
نا نبحت في العاب : هذه وهذه وهذه وهذه
باسم : هههه خلاص توا نلعبو فيهن كلهن
نا 😍 : باه
شرالي غزل البنات وقعدنا نتمشو ونا ناكل وهو يبحت فيا
نا : نعطيك
باسم : توتو ما نحبش
نا : ذوقه بس سمح
باسم : هاتي نجربو
نا مديت نبي نعطيه في يده هو نزل فمه علي يدي وكلاها
نا : احم امتي نبو نلعبو
باسم : بعد تكملي وكالك
نا : هك خوذها خلاص معش نبي
باسم : كملي توا نلعبو
قعدت ناكل بسرعه بسرعه
نا : هي خلاص
عطاني مناديل قعدت نمسح بعدها
صبينا ولعبنه في 3 لعبات عاديات سيارات واثنين عاديات بعدها في لعبه تركبي وتنزلي كان خاطري فيها قالي لا سكرت راسي نبيها ركبنا
باسم : راك ادوخي ولا ترجعي
نا نبحت في لعبه عيوني قلوب : لالا تخافش هيا بس
نحن ركبنا وباسم مد يده ليا فاتحها كلها نا حطيت يدي علي يده طبست راسي باسم سكر يده علي يدي خذاها وباسها نا قلبي قعد يدق بسرعه خوف من لعبه من حركات باسم هو باسها ثلاث مرات في جرت بعضهن أول ما بدت لعبه نا مسكت فيه زيين ونسمعو في بنات يعيطن نا ما طلعش مني صوت مسكره عيوني زين وضاغطه ع يد باسم زيين وقفت لعبه فتحت عيوني
باسم : ايلاف كويسه
نا بحتت فيه : اهاا
باسم : غريبه ما عيطش
نا : نقرا في قرآن
باسم : ههههه باهي انزلي
فكينا احزمه ونزلنا قعدنا نتمشو باسم يدويلي ع تركيا ونا نفكر في مسج امس نبي نعرف البنت امتي تعرف عليها امتي سيبها ليش سيبها من اقارب ولا برانيه يحبها ولالا خذاني بيش ينساها ولا كان مكسد معاها في راسي ميه سوال مش قادره نسال ولا نص سوال بعدها قمعزنا في مطعم جوا ملاهي عدا باسم طلب وجاني
نا : هييي شوف يدك من شن
باسم : لا عادي
نا : بس مخبشه
باسم بحت في يده ابتسم : ساهله مانحسش فيها
نا خذيت يده : قصدك هذه مني اظافري صح
باسم : قلنا عادي خلاص
نا مازالت ماسكه يده ونبحت فيها صبيت قمعزت في كرسي اللي جنبه : مش قصدي والله
باسم : عارف مش قصدك
نا : تعال اغسلها باهي
جاء قرسون حط غداء وقاله جيب شيشه ميه جابها خذيتها طلعنا قدام مطعم في عشب قعدت نصب في ميه ونمشي في يدي علي يده مكان دم وباسم يبحت فيا
نا : توجع فيك
باسم مبتسم : لالا خلاص تعالي نتغذو بيش نروحو
نا : تمام هيا
تغذينا وباسم سلك طلعنا عدينا للسوق شرينا كم حاجه بعدها باسم خش ع محل ارواب نا انصدمت صراحه
باسم : تبي تشري من هنا حاجه
نا : لالا
باسم😑 : خشي تفرجي باهي
نا : كيف نخش عيب
باسم : تي شن عيب تعالي توا نخشو لا عيب لا سو هذا شريتلك منه في ماشيتي قبل فرح
كر يدي وخشينا وصاحب محل شير للباسم
نا قعدت نتفرج عجبني واحد ابيض يهبل بكل طولت ونا نتفرج عليه واحد أسود تفصيلته يجنن واحد احمر لكن مادويتش
باسم : ها شن
نا قعدت نحك في جبهتي : خلاص خلينا نطلعو
باسم شير للصاحب محل ع ارواب اللي كنت انبحت فيهن
خذاهن نا فتحت فمي هذا يحسابني نبي نلبسهن دفع حقهن وطلع وشريت فستان سهره ويقول في رقم مقاسي ونقيس ويجي عليا شرينه وطلعنا جيهته الفندق
نا : نبي نسألك
باسم : شن
نا : كيف تعرف في مقاسي
باسم : هههههه شن قالولك نشتغل خباز
نا 😏 : مش هكي قصدي
باسم : عادي من ممارسه عمل نشوف بنت نقولك كم مقاسها
نا : قصدك تبحت في أجسام البنات انت
باسم ابتسم : اها بيش نعرف مقاس
نا : كنها هيا تعرفش مقاسها
باسم : نختصر في وقت
نا صايع هذا😒 : ربي يعطيك صحه شغلك صعب صراحه
باسم ابتسم
وصلنا للفندق ركبنا تعبانين بكل
باسم : مازال في مكان نبو نعدوله
نا : هذا اللي قالك عليه احمد
باسم : اليوم مش حيصير منا خليه بكرا
نا : تمام به حسيت روحي تعبت اليوم
باسم : نحسباكش تبي تنسجمي
نا سكتت
باسم : نلغي حجز ونجي
خشيت غسلت جلدي ودهنت جسمي بلوشن انتعاش مش طبيعي وتوضيت للصلاه وللبست شرت وفنيليا طويله بعد شرت طلقت شعري طلعت عين مسكره وعين مفتوحه من تعب مانندري الا باسم في وجهي
نا : فجعتني
باسم قرب مني نا يبست قعد يوخر بيا ع ساس قعد حاط يده ع وجهي ونا نرعش وقلبي يخبط في صدري معش عرفت حتي نتنفس
باسم يبحت فيا حط صبعه علي فمي ويحرك فيه : باهي وبعدها
نا نتنفس بقوه كلام معش باه يطلع : ااا
باسم نزل عليا باسني في خذي بشويش ورد بحت فيا ونزل باس خذي اخري ورد يبحت فيا ونا خلاص نحس في روحي نبي انطيح مسكت فيه وهو مسك خصري
باسم غرس رأسه في رقبتي : عيونك يهبلن بكل
نا طبست راسي ومسكت روحي : حتي اللي باركتك تهبل
باسم وخر ورفع حاجبه : شن قصدك
نا عديت شور سرير تغطيت : قصدي فاهمه بروحك مش لازم نشرح
خش حمام بعدها سمعته فتح للفرندا خذا فونه وخش ونا من تعب رقدت دمعتي ع خذي نحس فيه يلعب عليا نا قعدت نميل يعني وضع عجبني لكن البنت شن قصتها
.......
انس : ايوه يا باتي
بابا : وينك امس ماجيتش تلفونك مقفل
انس : بتت في معسكر مع جماعه
بابا : مره اخري تأخذ اذن تخلينش نسهر لعند فجر ونا مشغول عليك
انس : مش فرخ صغير نا كان ماجيتش معش تنشغلو عليا
بابا : كنك ترد هكي انت تحساب روحك تدوي مع صاحبك
انس : مش قصدي يا باتي بس انتم تحسابوني الا قاعد في روضه تي راجل نا مش لازم منهن اتصالات كل ساعه
بابا : عليا طلاق كان ادير حاجه ماتشورني فيها لا انت ولدي ولا تعرفك فاهم
انس : تي شن درت نا
بابا : انت عارف شن تبي ادير
انس : عندك عليش انفكك وخذيته ما عندي ما اندير
بابا : وصيتك بس تعال بيش تعشي
انس : متعشي برا طمن امي بس
بابا : باهي باه
......
هاجر : تعال ياعيوني
منذر : هي ياروحي اني جاي شوي نشوف صاحبي ران عليا كم مره
هاجر : تمام
منذر : ايوه يا افندي
صاحبه : شن جوك يا باشا
منذر : تمام شن جوكم انتم
صاحبه : تمام بس جاينا رزق
منذر : احلف وين امتي
صاحبه : ههههه خليك مع عروسه انت
منذر : خليك انت مع امك يا كلب قول وين امتي
صاحبه : خلي حاجه في حالها
منذر : باهي تبي تدوي ولا نرد علي حمادي
صاحبه : تعرف الجماعه اللي كنت تشتغل عليهم قبل فرحك
منذر : اها عيت الفلان اللي يبيعو في مخذرات
صاحبه : كملنا باقي ملف قدمنا طلب مداهمه بعدها سحبنه
منذر : عليش
صاحبه : معلومات مش تامه ونبوهم متلبسين عشان يعفنو في كويفيه
منذر : تي حي كان قاعد في بنغازي راه يد وكراع الكلاب في شيله
صاحبه : هههههه وسع بالك يا عريس خليك في انت فيه ان شاء الله غير شرفتنا بس
منذر : سكر ### ياكلب تفووو عليك أحقر شخص قابلته في حياتي
صاحبه : هههههههههه وووووه صار نا حقير ربينا يرحم ايام صياعه جامعه
منذر : أيام مراهقة هذينا مهم قولي امتي مداهمه
صاحبه : مش عارف لعند نتحصلو ع معلومه عليها قيمه
منذر : إن شاء الله ما تجيكم معلومه لعند انروح
صاحبه : ارتزع مع مراتك وين جاي
منذر : لا اسبوع ونازل بنغازي
هاجر جت هزاته من يده لف عليها كرها بعد تلفون منه قعد يبوس فيها
هاجر : حبيبي ادوي مع صاحبك عيب
منذر يبوس فيها مش معبر حد
صاحبه : وينك يا ####
هاجر : هييي
منذر : تي وجك يا كلب
صاحبه : وربي العزه انوريك في شهر عسل امتاعي مقفل
سكر في وجهه صاحبه وقفل تلفونه
هاجر : كنه هذا
منذر : تعبريش كأنك ما سمعتي شي
هاجر : باهي تعال نتعشو
منذر رفعها 😉 : شن خفيف عشاء
هاجر مسكت في رقبته : ههههههه اها خفيف
منذر 😉 : شاطره
.........
الاء : أهلا كيف حالكم
هبه : تمام باهي اللي نزلتي
الاء : حوش شين بلا ايلاف
هبه : تعالي في دار
خشن للدار وسكرنها
الاء : كنك
هبه : شكلي نبي نسيب عصام
الاء : نعم نعم بعد طريحه وهزايب وهو ذل روحه للاحمد تبي تسيبه
هبه : تي معش يهتم بيا بكل مكملها عمل
الاء : تي يحبك و يشتغل علي حاله بيش يجيبك احداه يا بقره
هبه : تي قعد بارد زمان نكلمو في بعضنا 3 مرات ولا 4 مرات في يوم توا كثر خيره كان قالي صباح خير وتصبحي ع خير
الاء : انتي معش ترني عليه توا يرن هو
هبه : فون مقفل من امس
الاء : عليك سريب افتحي شوفي باهي
هبه تفتح في فون
الاء : قتلك وين احمد وانس
هبه تبحت في فون : احمد في عمله انس من امس ما جشش للحوش
الاء : هييي وين عدا
هبه : امبدري شوي جا بابا وقاللنا بات في معسكر ومازال قاعد غادي
الاء : اهاا ربي يحفظه لكم
هبه : إن شاء الله
تلفونها قعد يطنطن
هبه : ههههه 13 مسج
الاء ابتسمت : ها شوفي قتلك يحبك اطربينا شن كاتب
هبه : " والله نحبك ما نقدرش نستغنى عليك "
" افتحي تلفون يامكاره نبي نسمع صوتك "
" وربي نحبك نخدم عشانك "
" عليك مكر يا زعاله مقفل لعند ساعه 2"
" صباح الخير بيبي نهار سعيد "
"امتي تبي تفتحي تلفون "
" حمادي وينك هههه "
الاء : ههههه من حمادي
هبه : يومها رنيت عليه قالي حمادي قتلك رن علي حمادي صاحبه بعدين وسكرت في وجهه
الاء : طح سعدك هههه باهي كملي
هبه تقرا وتضحك
الاء : شن جو شين هذا اتحفينا
هبه : لالا نقدرش نقول
الاء : خزي تنكدي عليا عادي لكن تفرحيني معاكي لا
الاء تدوي في عقلها هذا وين حسيت باوفي انكد عليها بعد نتعارك نا وانس
هبه : يرن نرد ولا نفوته
الاء : لا ردي توا نركب خلاص
طلعت وسكرت باب وهبه ردت
هبه : ايوه
عصام : ايوه حمادي
هبه سكرت في وجهه وقعد يرن وهي انقهرت
دز مسج " ههههههه نبصر معاك ردي وربي نحبك ياطشه "
رن ردت
هبه متنرفزه : نعم نعم تفضل
عصام : هههههه طشه وسعي بالك
هبه تبكي : تضحك يابارد
عصام : عيوني نا سامحيني والله ما نفضي
هبه ساكته
عصام بصوت هادي : روحي وينك
هبه ساكته
عصام : هيبو ردي عليا ياقلبي قتلك اسف خلاص مره اخري في نص عمل نرد عليك
هبه بصوت واطي : تمام
عصام : نعليا نا رايفتي عليا
هبه بصوت واطي : شن رايك انت
عصام : تي نا اللي مرايف
هبه : اهااا
عصام : شن جوك حبيبي
هبه : حمدلله كيف حالك انت
عصام : ميه ميه عندي لك مفأجأه صح بكل
هبه : شنو
عصام : مازالي تشطيبات بسيطه في شقه وبعدها نبدأ في اثاث ونجيبك جنبي
هبه : احم باه تمام ربي يساعدك
عصام : إن شاء الله يساعدني بيش نجيبك
هبه : باهي شن درت عاد
عصام : وراسك نفس ماتطلبي كيف ماتبي انتي مش تقولي مملكتي
هبه : نجك ليا ياعيوني
عصام : حبيبي نا
قعدو يهدرزو ليل كله
......
الاء طالعه من حوشنا وانس خاش خبطو في بعضهم في الممر بين ادروجهم وحشنا مكان اللي طاحت فيه
الاء : اييي
انس يبحت فيها : شن كويسه
الاء : اها كويسه
انس : باه تمام
الاء : كيف حالك
انس : تمام شن جوك انتي
الاء دبلت عيونها فيه ونزلت راسها : حمدلله
انس كرها تحت دروج وحضنها : بعد نتعاركو معش تجي قدامي
الاء مسكت فيه نزلت دمعاتها : مش قصدي والله
انس : اسسس بس معش تجي قدامي
الاء وخرت : عليش
انس رفع حواجبه : طيري اركبي
الاء : باهي قولي عليش بيش نركب
ابراهيم في شارع بصوت عالي : امنور يا رأس اصلي
الاء : هييي
انس : تي اركبي
الاء ركبت بسرعه وانس قعد ماسك كلاش ومصبي
ابراهيم : أهلا بافندي وين ماشي
أنس : هذا اللي ناقص تسألني وين ماشي انت اللي وين كنت
ابراهيم : هههه كنت مع العبد نلعبو في كوره
انس : خسرت
ابراهيم : صقع عليك يالجرب تحساب روحك انت اللي تلعب
انس شلطه زنقيره : صقع علي جدك مش عليا امشي اركب
ابراهيم : حتي انت خش
ابراهيم ركب ع دروج
انس : اسمع يا هيما
ابراهيم : شن يامصلحه
انس : كان في عشاء ضبحلي
عمر خش : احسبو عمكم ياكلاب
دكو روسهم هم الاثنين : جيت
عمر : لا في طريق
انس : ع حناطه هذه ما تحسبش
ابراهيم : هههههه
عمر : تي انت اللي مش محسوب
انس ف سره تي اللي دايره عشاء روحي وعيوني احتمال انتم الاثنين اللي مش حتاكلو
ابراهيم : بدلو واركبو نرجى فيكم ناخذ حمام سريع بس
انس فطن : اه نبي اندير حمام سريع
عمر : نا نغير ونجيك خطرها احمد يشلط في سياره برا
ابراهيم يركب ع دروج ويدوي : استمتعو وتهنو في مكالمات ليليه وبعدين ادفعو حق ذهيبات ودبيشات وحليبات ورضاعات نقديا
انس وعمر : هههههههه
توزعو كل حد في خش حوشه
.....
سناء : خلاص بكرا تعال
احمد : يعني مرضتي
سناء : لا ما كذبتش قلت للماما احمد يبي يشوفني قالتلي مرحبتين به
احمد : عمتي هذه تفهم في جو
سناء : ههههه
احمد : معناها مع 7 لعند مانتغذا ونتريح شويه ونجيك
سناء : تمام جيب معاك هبه
أحمد : عليش
سناء : بيش نهدرز معاها
احمد : ونا عليش جاي
سناء : مش حنطولو مع بعضنا عشان محمود فكني منا
احمد : باهي باه
سناء : زعلت ياروحي
احمد : لالا جو تمام
سناء : باهي قولي نحبك بيش نصدقك مش زعلان
احمد ابتسم : مجنون وربي نحبك ونموت فيك
سناء : نجك ليا يا عيوني ونا نحبك وااجد بكل
قعدو يهدرزو
........
قعدنا يومين في فندق ما طلعنش هو يحاول يدوي معايا نحس فيه يتقرب مني نا بديت نميل لكن مازالت نفكر في بنت وجعتني في نفس وقت قهرتني مفروض عرفته اجوز معش تدوي معه هو مابش يسيب فونه وقت كله معه يرن هو ويسأل ونا
نضت لقيت تلفونه جنبي لكن في رمز معش عرفت شن اندير بحتت يمين يسار ماقلتش قربت من حمام سمعت اميه مفتوحه رديت للفون علي ما حولت ماعرفتش كنت منتبه مع فون واجد
طلع باسم من حمام يمسح في رأسه ومبتسم : رمز يوم جوازنا
نا نطيت : هييي
باسم : حسيتك منتبه مع فون قلت نقول رمز خير
نا : لا نبي نشوف ساعه بس
باسم : اهاا ساعه 12 صباح خير
نا صبيت من سرير ماشيه للحمام : صباح النور
خشيت حمام قعدت نبحت في مرايا عليك حشمه ياخيا توا يقول عليا قصقصه ولا غايره تي عارفه روحي نعرفش نصرف في حاجات هذين فالحه نعطي نصائح للبنات ونا مع روحي ساس ام غباء من جوا تي الغباء حشاء حذايا غبائي احسن حاجه نمشي أمر عادي بس هو عليش يضحك بارد هذ كل ما نتنرفز هو يضحك ههههه بس ابتسامته تهبل و الله حطيت يدي علي فمي حي عليك يااوفي شكلك طحتي بصيره تنغز فيا في قلبي بعد نقعد معاه اوووف لا قررت خير نمشي أمر عادي مافيش الا حل هذا اصلا غسلت وجهي حكيت سنوني توضيت للصلاه وطلعت لقيته ع تي في نا قعدت نصلي انتبهتله ونا نصلي هو يبحت فيا كملت صلتي دق باب صبي جاب فطور فطرنا
باسم : ساعه سته وتي روحك حجزت اخري
نا : تمام
صبيت استشورت شعري قعدت فيه ساعتين مزطني هو يبحت فيا وخلاص خذيت دبشي وخشيت للحمام لبست بنطلون قماش وقميص ابيض وجاكه رسميه طويله شوي كملت وتيت روحي مع خمسه ونص
نا : كملت
باسم بحت في لبستي: مش قصيره شويه
نا بحتت في روحي : لا تهيالك بس
باسم : البسي جاكه برا صقع لعند ما ناخذ حمام ونلبس ونطلعو
نا خذيت كشمير أسود قعدت نرجى
كمل طلعنا سته وربع خشينا ع مطعم في قمه روقي قمعزنا مالقينا حد في شخص واحد مقمعز ع بيانو
نا : وين ناس
باسم : مافي حد نا حاجز الدور ثاني كله
نا : اهاا
قعد يبحت فيا نا ارتبكت نظراته لهن معاني واجد جاء قرسون
باسم : شن تشربي
نا : عصير برتقال
باسم قالها للقرسون عدا وجاب الاثنين عصير وقاتو قعدت نشرب وتبحت في راجل اللي ع بيانو وباسم يبحت فيا
باسم : ايلاف نبي نقولك حاجه
نا بحتت فيه : نعم
باسم : تذكري الباردين اللي جوكم سنه اللي فاتت
نا : من الباردين
باسم ابتسم : اللي كنتي تحسبي في كنادرهم
نا ازلطت قعدت نشرب في عصير : احم
باسم : من يومها وانتي في عقلي
نا ارتبكت
باسم : تأكدت من مشاعري قبل مانخطب وجيتك في جامعه سالت عليك قالولي ماعندهش شخص في حياتها لنقاني فرحت ونا شاريك يا بنت ناس نبي نكمل معك عمري ونا متريح عارفك منصدمه نا نبيش نزر عليك بكره طيرتنا رادين فكري في موضوع خوذي يومين عارفك نا حشومه وجو بنات بس نا شاريك مانيش جو يقعد مش حلو بينا نا حسيت معاك حب أول ماعمري حسيته مع بنت مانبيش نكذب عليك درت علاقتين وفشلن بس انتي غير
نا مصدومه علي فرحانه علي زعلانه اضيقت بعد قال داير علاقه صراحه صح لنا اسبوع مع بعضنا لكن من مواقفه قبل فرح حسيت روحي انعجبت به بس مش قادره ندوي عشان متحشمه ع خايفه
باسم ابتسم : شن نطلبو عشاء طيرتنا صبح
نا : تمام
تعشينا هو يبحت فينا ونا نبحت مره مره هو يبتسم كملنا سلك طلعنا من مطعم عدينا للسوق شرينا هدايا وروحنا للفندق بدلنا ورقدنا نا وقت هذا كله مازلت نفكر في بنت لازم نعرفها في نفس وقت نفكر فيه هو يعني يبيني مش مفكر فيها بس لازم نتأكد
باسم يمشي في يده علي وجي : ايلاف ايلاف
نا :
......
يتبع....
رايكن 😉
#Fafy fa
