#فوبيا_الحب ❤
الحلقة [79]
باسم : باهي في حاجه اخري نبيها
انا : شنو اخري
باسم : خليك متريحه ع سرير ما تحركيش بكل ولا تجي للفيلا
انا استغربت : عليش
باسم : بعدين نقولك
انا : تمام براحتك
باسم : نحبك يا فوبيتي
انا : وانا نحبك حبيبي
باسم : اوكي
انا سكرت ورقدت ع سرير
باسم نزل من سياره خش للحوش : حبة عيني
انا صبيت وجيته : نعم حبيبي
باسم ابتسم حط.شكاره : يا نجيلي حبة عيني وين نخش طول تلاقيني
انا حطيت ايديا ع وجهي ابتسم : حي تهبل " نزلت ايديا " هههههه
باسم جاني : ههههه شن جوك
انا : الحمدلله
باسم : باه خليك هنا نشوف خالي ونجيك
انا : وين حاجات
باسم قرب مني باسني ع راسي : شن حاجات شن تبي إنت
انا : كيف مش توا قلتلي جايبلك حاجات نوصل نوريهن لك
باسم : اهاا قصدي ع هذه " شير ع شكاره "
انا عديت شفتها لقيتها مليانه شكولاطات وكيكات وزبادي وعصير
انا : شن هذا الي قلت عليه
باسم خش للمطبخ شرب اميه طلع : اها شوكولاطات قريب يكملن قلت نزيدك
انا بدون نيه : باه معش تجيبهن اصلا نعطي فيهن للعويل محمد " خذيت شوكولاتين خشيت للدار"
باسم خش ورايا : اووي
انا قمعزت ع سرير وناكل رفعت راسي بحتت فيه
باسم غمزلي : نروح نبي عبوطات نفس ما قلتي
انا ابتسمت بدون نيه
باسم طلع هو مبتسم
..........
ماما : باهي إنت عليش تردي
ايمان : انا مارديتش يا ماما كنك والله ما رديت قلتلهن يتفاهمو معاكم رجاله انا معش نقدر نتحمل
ماما : وسعي بالك يا بنيتي عندك اوليد
هبه : اصدقت يا خيا شن هالظلم حسبي الله ونعم الوكيل فيهن وين ما يمشن من ربي هذينا ان شاء الله ديما امسكره في وجوهن يا الله
ايمان : يارب يارب
ماما : معش تدعن دعوه ترد ع داعي
ايمان : نحن ما نظلمو في حد وانا معش نتحملهن كان ماتبيش تدوي للبابا توا ندوي بروحي يا ماما حسني فديت راه
ماما : شن نقول للباتك متعاركه هي وصبياتها وعمتها
ايمان : اها قوليله
ماما : توا يسألني اسامه غلط فيها ولا لا
هبه صبت وبصوت عالي شوي : استغفر الله العظيم شن هالعايله الدرويشه ياربي بنتك تقولك خدامه قعدت خدامه ويهزبن فيها ويقاللها يا سحاره ومش قادره تطلع تدهور بكل ما عمره طلعها تعشو ايدهورو زي ناس تراجي لين يغلط فيها
ماما : إنت اسكتي شن دخلك
هبه : لا دخلني يا ماما اصلا كل يوم ترن عليا وتقولي شن ايديرلها هالواطيات ان شاء الله ربي من عالي سماء يواطيهن في قبورهن ولا يجوزن ويذوقن الويل يا الله
ايمان قعدت تبكي : ادوي يا ماما ادوي راه ماله كلام الي قالته لك هبه كله صح انا ما ندويلكش صح بس ندوي للخواتي والله حتي بعد نجيكم يحاسبو فيا ع طلعه الله يطلع روحهن
ماما : انا خايفه عليك يا ايمان عندك عيل
ايمان : اسامه حنون وعارفته يبيني انا ما قلتلكش نبي طلاق انا معش نبي نسكن معاهن حتي كان في شقتي يركبن يدقن عليا يقولالي انزلي عشيه نفرح ننزل نلقاه عندهم اقاربهم ومكلماتني عشان نقدم عليهن و نخدم حتي عشاء انا ويقين انديرو فيه
ماما : باهي توا نقوله بس اسامه شن قالك
ايمان مسحت دموعها : امس في ليل رن عليا قالي كيف نبي نحط عيني في عين باتك وعمك عمر كان قلتي قلتله مش شوري هذينا خواتك وامك قالي امي ما عندي ما اندير عقوق والدين ما عقوق الوالدين خواتي متحاميات بامي قالتله ما قلتلكش اضربهن انا قالي شن تبيني اندير قالتله نبي حوش بروحي قالي امي وعطيتنا قلة سموح نقدرش نطلع قالتله خلاص تعال خوذ ولدك جيبلي ورقة طلاقي
ماما خبطت ع قلبها : هييبي طيح سعدك شن قلتي
هبه : لنقانك طيبة يا ماما تحسابي عمتها العقرب هذه ونفس ما إنت اجوزتي في دار مع جديده وصبرتي ع بابا وع حركاتها الله يرحمها توا إنت سكتي لكن جيل توا لا نحن ما نتحملوش حد يناقشنا مش داك خشمه في حياتنا ما شاء الله بنتك ثلاث عقارب معاها خاطي متجوزه
ايمان : ما تخافيش عارفته مش حيديرها يا ماما قعد يقولي لا ما نقدرش نطلقك إن أبغض الحلال إلى الله الطلاق دواء كلام واجد بكل غير معش نذكره مهم معلومه الي نبيك توصيلها للبابا إني نبي حوش بروحي يشرط علي اسامه هك
ماما : باهي بالك راجل ما عنديش إمكانيات
هبه قمعزت : يخبط رأسه في ساس يطلع فلوس
ماما تنرفزت : بالكي تسكري فمك إنت يا لفعه
ايمان : غير قولي للبابا يا ماما توا يصرف
هبه بصوت واطي : هكي تريحت
ماما كشخت علي هبه وصبت للمطبخ
هبه : تعدليش عليهم إنت الي في نار مش هما
ايمان : بس انا خايفه ع اسامه والله هو يحبني عارفته
هبه : كان يحبك مش حيسيبك صدقيني فكيني من مرعشه زايده ع رجاله والله عصام مربيته ماشي معايا كيف مسطره
ايمان بحتت فيها وسكتت
........
خالي : بس كلام الي واصلني مش هكي يا نسمه
نسمه : والله ما نكذب يا خالي
خالي : تي بنت تبكي وحلفتلي وفي كلام قالته ليا قايله باسم ولا مش قايله
سناء : لا قاله بس سامحني يا خالي كلام في زايده عشان باسم ما قالش عليها لفظ الي قلته و ما مدش يده عليها بس هي نبهتها كم مره رانيا رأسها مسكر انا وبنت الناس ساكته حتي هيا وانا سكتت عشان خاطرك
اسماء : هيا بكت من هنا وقالتلي احسن حل نسكرو ع موضوع لكن ما نحسبهاش دوتلك
سناء : هيا دوت عشان باسم قال نبي نقولها للخالي شكلها خافت
باسم : سلام عليكم
كلهم : عليكم سلام
باسم قدم ع خاله مد يده : كيف حالك يا خالي
خاله سلم عليه : الحمدلله في نعمه
سناء صبت وعطت مكانها للباسم
محمد تنحنح : توا انحل موضوع وخالي عارف مازال عندنا مناسبات وفي أعياد ما نبوش ناس تدوي علينا ولا يسالو ويقولو وين خالهم و الخال والد وخالي ربي يطول في عمره أول ما سمع بامي مرضت جاء باسم انت الي مربيه ع يدك وعارفه مش امتاع مشاكل بس ربي يهدي الي كان سبب ان شاء الله يبعد علينا مشاكل
باسم ساكت ويبحت في نسمه
نسمه : خالي صح انا ما نبيش مشاكل ولا نبي حد يطق فيا ولا في ماما بس حسيتك انت مازالت مش مصدقني وانا مستعده نحلف ع مصحف بس والله مش اني نخون في رانيا بس مهما كان الساكت ع الحق شيطان وانا عارفه شن قلت وعارفه رانيا حتزعل مني بس هيا دايره الموضوع بعناد وطمع غايره بكل انا عارفتها
خالي كاين منزل رأسه رفعه : لا خلاص الي هناك عرفته بعدين ما تخافيش من امك وخالاتك عرفن بالموضوع وانا عرفت الغلط من بنتي ونفس ما قال محمد في مناسبات وأعياد لازم نتلاقو مش لازم من كلام واجد موضوع انتهي ولا شن رايكم
عميمه : مهم البنت يا فتح الله دير بالك عليها راه خالتها تعبيلها في رأسها
خالي : لا ما تخافيش من أول ما ولدها مرض وهي طاسه ونشيللها في اختها بس بناتي ما مشنش الا مره وحده
عميمه : ايوه هكي سلم خيي
محمود يفنص في باسم
باسم صبي : ان شاء الله ديما ملتمين ع خير
خالي : كيف مش عاجبك كلام
باسم : لا والله ع عيني وراسي بس كيف مروح واعي بدري تعبان " قدم ع خاله باس رأسه " سامحنا يا خالي
خالي : الله يسامحك
عميمه فرحت : كلم مراتك تغذا معانا
باسم برم ع عميمه : لا والله تعبان يا امي
عميمه وخاله : ع راحتك
طلع باسم وجاء للحوش
