#فوبيا_الحب ❤
الحلقة [90]
ثاني يوم ع ظهر كانت صدمة الجميع انهيار عايلتين و كسر قلبين كانت آخر شي يتوقع تصير ....
مالك درس سيارته فتح القزاز : تفضلي يا حاجة
حاجة : سلم وليدي تشيلني لل#### معايا هالبنية
مالك : اركبي يا امي حاضر
الحاجة ركبت هيا و بنتها من لاوراء و بنت تبكي و امها تقرص فيها عشان تسكت و مالك مرة مرة يبحت في مرايا عشان يشوفهن كنهن و شن قصتهن بس ما فهم شي يسمع في بنت تبكي بس وصل و درس جنب الحوش الي قالتله عليه الحاجة
مالك : تبي حاجة يا امي
الحاجة : لا بارك الله فيك يا وليدي ان شاء الله يفتحها في وجك
وهزت مالك عشان يبحت فيها مدتله فلوس مالك برم
مالك : لا والله ماهي صايرة يا امي اربحي
الحاجة : حقاتك هذينا
مالك جاء يبي يدوي قعد يسمع في واحد يخبط ع سيارة من قدام برم شاف شاب لابس سروال توته و كناتيرة يلبس في جاكه يشيره عشان يعدي مالك نزل و راقيلا
مالك : تفضل يا اخينا
شاب : اربح سلم وليدي مش ناقصه اليوم ### من عند ربي
الحاجة و بنت نزلن
مالك : كان ما ربحتش شن ادير
الحاجة : اسمع انت هنا كلمتين عطينا حاجات البنت خوذ حاجتك افسخ الخطبة
شاب :فات الحاجة و بحت في بنت : إنت توا نوري ### امك ع ركبتك في كورسه " بحت في مالك " اما انت هبهب خير
مالك قدم عليه جاي يبي يدوي يسمع واحد من سطح حوش الشاب يضبح بإسم سيارته
شاب 2 : لازيره روح خير
عزق عليه بلاكه عشرين كسر قزاز القدامي امتاع سيارة مالك
الحاجة خافت : روح يا وليدي روح
مالك بحت في سيارته شاريها له منذر و غالية انقهر بحت في شاب : انزل يا ولد ### انزل
قدم علي شاب 1 قعد يضرب فيه ولعت بينهم عركه كبرت جو شباب شارع قعدو يحزو فيها
الحاجة بحتت في بنتها : كله منك الله يرزيني فيك ، " تدوي للمالك " الله يربحك يا وليدي فوتهم
مالك ماسكينا شباب : و رب الكعبة يا ### انتم الاثنين ما تدفعو حق ###### قزاز اقسم بجلالة الرحمن نقتلكم
الشاب2 : روح يا ### كنك راجل راه مش جايب صبايا هنا
الحاجة و بنت روح بيهن شاب جارهم
طول فضت مشكله مالك ركبو شباب في سيارته الي تعارك معاهم ما بوش يدفعو
شاب هو يركب فيه : خوذها مني اطلع افتح محظر طول
مالك اذكر منذر : لا جو تمام توا نجيبهم من اوذانهم اوكي
علق و طلع رن ع منذر
منذر : ايوه
مالك يمسح في فمه : وين قاعد
منذر : كيف وصلت للمكتب في حاجة
مالك : داير عركة
منذر رقالا : كان جد اصلك انت مش كنت ماشي تمام عليش جو ال### هذا
مالك رقتلا : اسمعني ازف كنك شطت مش كان كنت وسخ معناها ما نتغيرش انا مش غلطان هما الي غلطو فيا كسرو قزاز سيارة
منذر : وين قاعد انت
مالك : في ####
منذر : خلاص في مركز ### قريب افتح محظر
مالك : تم اوكي
منذر : رن عليا بعدها ناخذ أوراق من مكتب و نجيك
مالك : باهي
سكر مالك رن ع صاحبه كان قريب منه عدله غسل وجهه نفض دبشه طلع قال للصاحبه المشكلة طلع بروحه للمركز
مالك : تي كيف
ضابط : شن الي كيف انت معتدي علية في حوشه و ضاربه مخلي وجهاا خريطه قدم فيك محظر
مالك : تي كسر قزاز السياره هو و خوه نبي نقدم محظر حتي انا
ضابط دارله محظر و خشش مالك للحبس و استدعاء شاب راجل البنت الي ضربه مالك بس
خشوه في الحبس مالك و شاب
مالك قبل ما يخش رن ع منذر قاله حبسوني منذر قاله اني جايك
.........
هنيده راقده عمر ناض استغرب قبل تنوض قبله و توتي في قهوه ودبش و تكلم في انس عشان هو الي يوصل في عمر للمكتب قرب منها لقاها لابسه بجامه خفيفه أول مرة من بعد تعاركو قبل ديما تلبس في كم و طويل
هنيده راقده وجهاا بين فيه تعب قارنه حواجبها مرتخية عمر قرب باس جبهتها لقاها حرارتها مرتفعة انفجع قعد ينوض فيها
عمر : هنيده هنيده
هنيده تهز في رأسها وخلاص مش قادرة تفتح عيونها
عمر : حبيبي كنك مريضه
هنيده دوبك فتحت عيونها : مش قادره جسمي تالف غطيني
عمر يغطي فيها : عندك حراره
هنيده سكرت عيونها عمر وخر لقاه القيلة تحت سرير رفعها بكراعه الي مش مجبسة مسكها و طلع و هو ينط للمطبخ خذا صونية غريق صب فيها اميه من شيشمه قعد يدور في منشف مش مستعمل ما لقش خذا الصونيه و خش للدار ينط انكبت منه شوية ميه بس بعد فطن للروحه كب اميه قعد يمشي ع كراعيه الاثنين حط الصونيه فوق كومديني فتح دولابه طلع كناتيرته رد ع سريري عزق القيله قرب من هنيده
عمر : حبيبي نبي انديرلك كمادات باهي
قرب منها و رفعها ع كرعيه و بحت فيها حط كناتيره في صونيه و عصرها و حطها ع جبهتها
هنيده وخرت فجأة غطت وجهاا في حضن عمر : اممم
عمر : هنيده ابرمي وجهك بيش حراره تنزل
هنيده مابتش تبرم
عمر حط كناتيره برم وجهه هنيده خذا الكناتيره عصرها بيد وحده ويد آخر يحول في شعر هنيده من ع وجهاا وحط كناتبره طول و في نفس الوقت طبس حط فمه ع رقبتها و يدوي
عمر : اششش انزل حراره بس اثبتي
هنيده دوبك تدوي : مصقعه حولها انا صقعانه
عمر : شويا بس
هنيده بصوت واطي : أنت ما تحبينش يا عمر أنت تكلم في بنت غيري
عمر مازال كيف ما هو فمه ع رقبتها : اقسم بالله نحبك
هنيده ترعش من صقع : وجعاتك بعد دوتلك قصتها بستها في تلفون نفس ما تبوس فيا صح عشان تواسيها صح قلتلها مرايف عليك ونحبك قلتلها " قعدت تكح "
عمر وخر لقاها تبكي و هيا تدوي مسح دموعها رجاها لين وقفت كحه : تريحي توا ندوي بعد تنوضي
هنيده مغمضه عيونها
عمر قعد جنبها لعند ساعه 3 هو ايدير في كمادات و يغير في اميه لا فطر لا تغذا و لا عدا للمكتب يبحت فيها و خلاص هنيده راقده
...........
باسم : يعني ما تبيش تمشي
احمد : لا عدي انت انا عندي كم قصه و هلي كيف نخليهم و هما مش ع حيلهم
باسم بحت فيه بنص عين : توا هذا سبب يا ### ع اساس هلي شنو
احمد انحرج : لاا غير نبي نحل موضوع عمر يا راجل انت عارف مش داويلك انا
باسم : باهي توا نطلع انا غير احجزلي بس
احمد : تم الاحد كويس
باسم يفكر
احمد : شن عندك
باسم : خليها في ليل بس
احمد : تم توا نشوفلك
باسم : هيا اوكي
احمد : تم
باسم طلع و رد للمحله و احمد قمعز ع كاسه مع خشت معاذ هدرزو شوي و احمد طلع
..........
منذر دار اتصالاته برم ع منطقة سأل جيران ع شاب الي تعارك مع مالك عدا للمالك في مركز
منذر : سلام عليكم
ضابط صبي بعد شاف رتبة منذر : عليكم سلام تفضل يا فندي
منذر : منور و الله
خش منذر و قمعز طلع بطاقته وراها للضابط
ضابط عرف من اسم انه خوه مالك : نورتني و الله اي خدمه
منذر : تسلم و الله
ضابط قعد مركز مع منذر
منذر : خويا قاعد عندك انا مش جاي جو واسطه عشان طلعه راه
ضابط هز رأسه بمعني اها
منذر : عارف إني نقدر نطلعه
ضابط ابتسم
منذر : خليه عندك لين نحل موضوع برا بس ما تخليش مع بواشي و انت عارفني ع من ندوي
ضابط : بس الحبس ما فيش الا سكار و حشش و الي داير عركه
منذر ابتسم : حلها يا فندي
ضابط ضحك : تم يا فندي جيب تنازل طلع
رن تلفون مالك
ضابط بحت : تلفون مالك و متصل امي
منذر خذا تلفون رجاء لين كملت رنه قفله : استدعيه لنا
ضابط صبي كلمهم جابوله مالك
منذر : تعال قمعز
مالك قمعز : شن قالولك
منذر : لازم تقعد هنا لين نحلها و نحصل تنازله منه و انت تنازل و تطلعو موضوع مش كبير
مالك هز رأسه
منذر : تبي حاجه
مالك : لا منور
منذر : جبتلك غذاء من مطعم توا يجيبه لك
مالك : غير شوف هلي من قبل ما نخش امي و باتي يرنو
منذر : احكيلي كيف صارت القصة من بداية نبي نفهم
مالك قعد يحكي شن صار معاه من بداية
منذر : تم خلاص توا نرن ع باتي و نقوله
مالك تحشم عشان خشش منذر برتبة مكان نفس هكي عشانه مش عشان عمل
منذر : ترقد هنا
مالك : لا لا توا نقعد في حبس نفسي نفس هالاشكال
منذر عرفه مضايق : بجوك ما تفكر في شي كل شي ينحل بكرا صبح تطلع
مالك هز رأسه
منذر صبي حط يده ع كتف مالك : تم يا رأس
مالك صبي : تم
طلعو مع بعضهم جاء ضابط قاللهم خوذو مالك للحبس خش منذر وضابط للمكتب وطلب الشاب الي دار محظر للمالك
شاب : سلام عليكم
منذر : عليكم سلام خش
شاب خش و يبحت
منذر : انا منذر ###
شاب : تفضل
منذر صبي : نبوه موضوع ينحل بالود
شاب ساكت و يبحت في منذر بالبدلة العسكرية و رتبة بعدها بحت في ضابط
ضابط : كان تبي تنازل قول عشان بكرا تطلعو
شاب : مالك يبي يتنازل
منذر تنحنح : اسمع انا وصلاني معلومات كاملة عليك انت خالط في ناس مش تمام يعني انسابتك مش تمام بس الحق الي عرفته انت شاب راقد ريح و علي قد حالك و خلوق بس الي صار ان خويا جايب كورسه فيها هلك هذه القصه صارت الناوشه بينكم و كسرتو قزاز السيارة نطلع معاك جنتل مش واخذ خليفة يعني مش حتصلح القزاز الي كسره خوك مش طالب منك شي الا تنازل و مالك يتنازل و ينحل الموضوع عندك لعند بكرا فكر ان شاء الله و جوك
شاب ساكت
منذر يأخذ في سلاحه و دخان و تلفون : نستاذن منكم ان شاء الله معرفة خير هي سلام عليكم
ضابط : نورتني يا فندي
منذر : تسلم
طلع منذر و روح للحوش عشان يطمن هله
ضابط رد الشاب للحبس قعد يهدرز للمالك و يشكيله من دنيا الي مش مخليته في حالها و مالك قعد يسمع و يهدرز معاه و تفقو ع تنازل
..........
بشري : امس ما كملتيليش شن صار
هبه : كنت نكلم في عصومي امس المهم رنيت عليها قلتلها هل عصام يبو يجوني و انزلي ساعديني قالتلي باه ضميت الحوش درت بيتزا بس عاد موضوع كذب و نتعب واجد ع شركه
بشري ضحكت : تي باهي فهمت انها كذبه شن درتي اخري
هبه : المهم قلتلها لازم تلبسي و تمكيجي في بداية قالت لا بعدها درتلها غصب طلعتها قمر و وتيت روحي قعدت ترجا درت روحي رقتلي قعدت معايا بعدها ركبت و انا كلمت عصومي مكالمة فيديو هههههه
بشري : رنيت عليها قالتلي انها كيف ركبت عمر فوق انظر شن صار
هبه : ان شاء الله خير يا خيا اليوم ما نزلوش شكلها صابت
بشري : إن شاء الله هيا اوكي
هبه : تمام سلام
........
باسم ناض دار دوش ولبس بشويش عشان انا مازالت راقده وصلي صبح و ظهر و طلع دار نسكافي بروحه عدايصبح ع عميمه و طلع للعمل انا نضت بعده بساعه درت دوش و توضيت و صليت بديت نظم
......
هنيده ناضت : ساعة كم
عمر : قرب 4
هنيده : مازالت تعبانه
عمر : تريحي باهي
هنيده : لالا نبي ندوش
عمر : تقدري تصبي
هنيده تحول في ورغان : اها
خشت للحمام دوشت و طلعت قابلها عمر في مطبخ خشت للدار نوم مشطت شعرها و هيا ترعش صلت وطلعت للعمر لقاته داير غذاء خفيف
هنيده تبحت في مطبخ كيف قالبه : كان قلتلي راه درت بروحي
عمر : إنت مريضه تريحي
قمعزو ياكلو بعدها دق الباب عمر فتح
هبه : اهلا شن جو
عمر: تمام خشي
هبه : لالا قتلك عمو يبيك انس
عمر : قوليله نغير و ننزلك
هبه : تمام باي
عمر سكر و خش اطمن ع هنيده لبس و نزل
............
منذر : باهي مشكلة توا نحلها وسع بالك يا باتي كنك
باته : كيف ايدير في مشاكل فرخ هذا يبي يتعبني و شن قصتها البنت
منذر : غير وسع بالك يا باتي مواضيع توا نحلهن انا مش شور البنت بكل
باته عالا صوته : راه يبقي خاش ع حاجة اخري انت ما عندك علم
منذر : لا كيف عارف كل حاجة تريح انت
مع خشت خاله سالم : سلام عليكم
منذر و باته : عليكم سلام تفضل
سالم خش وقمعز : كيف حالكم
بات منذر : الحمدلله
سالم : خير ان شاء الله كنكم
منذر ما يبيش يدوي
باته : و الله مالك دايره مشكلة محبوس
سالم انصدم : كيف انحبس
منذر رقتلا من باته : موضوع صغير و انحل
سالم : شن موضوع و هو وينه
منذر : مازال في مركز متعارك هو و شاب
سالم : شن حكاية شن داير
منذر قعد يحكيلهم في قصة
سالم مش مصدق : توا هذا كله ع كورسه ما يعرفهش البنت
منذر قرن حواجبه : كنك يا خالي مش مصدقني
سالم صبي : لا مصدق ان شاء الله يطلع منها بس نبي نقولك حاجة قولها له ما فيش نصيب بينه و بين امل
منذر صبي : وسع بالك يا خالي كنك قلتلك مشكلة بسيطة اقسم بالله تنحل
بات منذر بحت في سالم : كيف هالكلام معقول تردنا يا سالم
سالم : الي عندي قلته تصبحو ع خير
و طلع روح
منذر : و الله ما توقعتش هكي ردت فعل خالي بكل
بات منذر : إن شاء الله خير الواحد ما عنده ما يقول
منذر : توا انا راد علي مالك نشيله عشاء مش مطول تبي حاجة
باته : شيله و لا ان شاء الله عنه ما كله
منذر طلع : لا حول ولا قوة الا بالله
.......
انا : وينك حبيبي من غذاء معش جيت ساعه 11
باسم فتح الباب : إني جيتك
انا سكرت الفون : طولت انشغلت
باسم يسلح في جاكه : نعليا نا
انا ابتسمت : شن جو
باسم : تمام ، حبيبي جعان بالله اي حاجة سريعه
انا : درت سندوتشات بانيه
باسم : اندير حمام سريع و نطلع ناكل
انا : تمام
خش باسم و انا قعدت نوتي في عشاء طلع قمعزنا قعنا نتعشو سندوتشات و بطاطا و سلاطات
باسم : حبيبي قتلك
انا : نعم
باسم : احتمال الاحد طالع تركيا
انا شرقت
باسم بحت صبي و قدم طاسة أمية : اشربي اميه
انا شريت قعدت ناخذ في نفس
باسم : كويسه توا
انا هزيت راسي
باسم : كنك يا روحي
انا بصوت واطي : بكرا مسافر
باسم قرب كرسي لصقه : في ليل ان شاء الله مش مطول ما تخافيش و جامعه يشيلك عمي
انا قربت منه : راك اطول
باسم يبوس فيا : مستحيل كني هبل
انا حضنته و وخرت : خلينا نكملو عشاء
باسم ابتسم : تمام
............
هاجر سمعت الباب فتح : حبيبي
منذر : ايوه أيوه
هاجر : شن صار سمعت عميمه و بنات يتباكن
منذر يسلح : عديتله و خشيت للامي قلتلها بكرا يطلع ان شاء الله
هاجر تساعد فيه : باهي الحمدلله ، بس كنه خالي فسخ الخطبه
منذر : باتي قايلكم كل حاجة
هاجر : ماه تناقش هو و عميمه
منذر : استغفر الله عليك قصة مازال مالك
هاجر : حرام شكله يحبها كان شفته فترة الي فاتت كيف يشتغل و هويدا قالتلي يدس عندها في فلوس
منذر : ربك يستر و خلاص
خش منذر للحمام و هاجر قعدت ترد في دبش
..........
احمد : سناء نوضي
سناء كانت راقده ع كنبه حاسه بروحها هابطه
احمد طبس عليها : كنك دايخه و لا تهيالي
سناء : جيبلي عصير
احمد عدا جاب عصير رفعها و قمعز مكان رأسها و قعد يشرب فيها
احمد : معقولة انا عابي عليك تاكلي و تشربي حتي الي في تلاجة خارب كنك ما تاكلي
سناء : تي كبدي انسحنت من كثر ما نستغرغ
احمد راقيلا بكل : شن حل باهي مش حرام عليك العيل ما تاكيش بكل في يوم الي نبقي حاصل عارفك ما تاكليش
سناء قمعزت ما عندهش نية تناقش : توا ناكل خلاص
احمد صبي بنرفزه : تمام توا نشوف طالع للعمل اوكي
.......
مالك : الله يسلمك
شاب : كفارة يا عم الناس
مالك : تسلم نتلاقو ان شاء الله
طلع و ركب في سيارة منذر قعدو يهدرزو و مالك يهدرزله ع شاب و قصته منذر حكاله ع خاله
مالك انفصل و يعيط : تي كيف يفسخ بجوه هيا بجوه
منذر : نقص صوتك الي في مفرق كلهم يبحتو فيا
مالك : مش شوري بحد
نزل مالك من سيارة
منذر يضبح : مااااالك مالك تعال وين ماشي
مالك ركب في تاكسي و طلع شور حوش خاله
أول ما نزل قعد يدق بالقوه و راقيلا صاحب تاكسي يرجا فتح خاله الي كيف مروح من العمل
سالم : ايوه أيوه خوذه في يدك الباب
....
Fafy fa
