#فوبيا_الحب❤
الحلقة [53]
ثاني يوم انس وصل ايوب واحمد معه اصحابه لعند الابرق وتلاقو مع ابراهيم كاين مع خواله وردو للعمل أول ما انس عدا الاء قعدت تبكي وهبه تسكت فيها تحسابها تبكي علي جدها
طبعا جدها تمرمط في مطار قعد يوم كامل هذا عليش تلاقو مع ابراهيم عشان رنو عليه خواله عشان يروح بجدته
بس انس ركب دغري
.....
باسم : ايوه
انا : همم
باسم : مازالتي راقده
انا : اها
باسم : اني مروح انتي مش عجبتيني بكل
انا : لالا تمام توا نوض
باسم : سكري اني جاي
انا عزت فون وصبيت للحمام نرجع ورديت ع سرير نبكي عشان حيطلع ورش بعد نرجع لازم وجهي كله يقعد ورش فيسع ما يبان فيا
.....
ابراهيم يسوق : حلها يعني
ايوب جنبه : اها قالي خشش فيها عويل خواله وقربعوها قدام حوش مانجا
ابراهيم : كنه ما رن علينا ازف كان هذا راه قمناله القدر
ايوب : تي فوت خلاص مهم سكر ع موضوع هو كلب حبوب لكن عويل خواله ذكور صح بكل قربوعها له
ابراهيم : برصاص امالا
ايوب : ما كملنش الدوه قالي تعالو كسدو في ليل شباب مازالو قاعدين
ابراهيم : لنقاني ماني فاضي
ايوب رن تلفونه
ابراهيم : من
ايوب قعد يبحت في نقال : رقم
ابراهيم : رد ولا ادينت
ايوب : اهو سكر فوت اللي يبيني يرن عليا
ابراهيم درس جنب كافي خو حسن : هيا انزل
ايوب رن تلفونه اخري فتح وسكت
بنت : ايوه خيرك ما تردي ياوخيتي
ايوب نزل تلفون : غرباويه حي ع جدك وصوت عذاب
ابراهيم برم ع ايوب وسكر القزازات : افتح المكبر
البنت : الوو الوو
ايوب : ايوه ، سلام عليكم
البنت : عليكم سلام، مش تلفون ناني هذا
ايوب ماسك ضحكته : اعتبريني ناني وفضفضي
البنت : تي خيرك انت شن هالدوه
ابراهيم يضحك بلا صوت يشيرله ادوي معها ولا عطيها ليا
ايوب : ماخيرنيش انتي رانه عليا
البنت : اني رانه ع ناني
ايوب ضحك : قتلك اعتبريني ناني ماتبيش شن انديرلك
البنت : تي مش رقم 092.........98
ايوب : لا رقم اللي رانه عليه 092......89
البنت : هيي سامحني يا وخيي والله ما ركزت اسفه
ايوب : إن شاء الله ديما ما تركزي
البنت : تي غلطت تاسفت علاش اسلوب هذا توا
ايوب سكر الميك : كنك خوذي واعطي معايا نتعرفو مافيها شي عادي راه انا ايوب الفلاني من بنغازي وانتي
ابراهيم معش قدر فتح باب ونزل ميت ضحك
البنت : شكلك ما تحشم علي خليقتك ربي يعين اهلك عليك هيا سلام
ايوب : غير صلي علي نبي يا بنت توا شن دخل هلي عليش غلط
البنت : اني ما غلطتش انت اللي تماديت فالو سمحت احترم نفسك وأمسح رقمي ولا كاني رنيت
ايوب : إن شاء الله خير بس اسمعي نسالك 3 اسئله بعدها نسكر
البنت : استغفر الله ياربي تفضل هي
ايوب يضحك : سوال أول اسمك
البنت : مش لازم
ايوب : الله الله نااادر بكل اسم هذا قليل مايسموه
البنت تضحك
ايوب : نعليا باهي سوال ثاني مواليد كم
البنت : 98
ايوب : وهذا مطلوب سوال ثالث مرات في سوال اضافي افطني اه
البنت : أي أي فاطنه قول وضاغطه ع حمره باش نسكر ماتخافش
ايوب : عليك احراج ازف
البنت : اني هكي عاجبك باهي مش عاجبك مش لازم منا سوال ثالث
ايوب : لالا لازم ، من وين من غرب
البنت : من طرابلس
ايوب عيط : الله اكبر الله اكبر
البنت : بسم الله خيرك
ايوب : لا عادي تصير فوتي مهم بما ان تعرفنا خلينا نكملو ولا عندك حد
البنت : اني مانكلمش في اولاد لا نبي حد ولا نبي نتعرفك عليك
ايوب : باهي طمنتيني اصلا نا مش ولد نا شاب
البنت : كله واحد احني نقولو اولاد يعني شباب
ايوب : عارف عارف غير كان تقوليلي اسمك توا نقولك كله واحد ولا كله الاثنين
البنت : سلام
وسكرت
ايوب : ينع### لكن مش عليا
نزل خش للكافي شاف خو حسن : سلام يا غوالي
ابراهيم : شن صار يا نصي
ايوب سلم ع خو حسن وعدا قمعز مع اصحابه : تبي تعصي معايا لكن مش عليا
صاحبه : ايوه يا اسد هذه كم
ايوب : معش نحسب
اصحابه ضحكو
صاحبه : شفت بنت فلان
ايوب : لالا كنها
صاحبه : اجوزت
ابراهيم : هذه مشلط معها سبع برومبه عمر زمان
ايوب : اها صح ما شاء الله نصيب هما الأثنين قبل رمضان ههههه
صاحبه : وبنت عيت فلان وسطيه انخطبت
ايوب : الله الله ايام هذه نا كنت نكلم فيها بس يشهد بالله البنت محترمه نا كاذب عليها في مواليد بس
صاحبها : في وحده تكلم محترمه
ايوب : في محترمات اخري وفي هذه نا ماعنديش منافس من أول مكالمه نقولك بنت هذه أول مره تدوي مع شاب ولا ماشاء الله عليها انت واحد من قائمتها في بنات قمة احترام راه ميغركش في اللي تبي تجرب وفي اللي تبي تحب وفي اللي تبي تكسد يعني انواع وانت وحظك وين اطيح بالنسبه ليا طايح فيهن كلهن
صاحبه 2 : لنقانك رزيل يا فرخ وملعب
ايوب ضحك : امالا كيف يا طيري كل وحده نمشي مع موجتها كلهن موجات مشوشه الا غرباويه توا نعدلها بعون الله
ابراهيم : تعرفو انتم يا ### الاثنين حديث هذا كان يسمعه انس يمزطكم انتم الاثنين
شباب ضحكو
صاحبهم : شن صار في انس
ايوب : مستحيل يرن اليوم اكيده تاعب
ابراهيم : كان انا مكانه مانرنش بكل
ايوب : اصلك واطي ، عطوني نت خير
ابراهيم : مش جايبه افتح ع نت كافي
ايوب صبي فتح وطلع رقم البنت وحطه في كاشف الأرقام طلع اسم وعدا قمعز
.........
احمد : مازلتي بين عيوني يا عيوني
سناء : يسلملي عيونك حبيبي
احمد : نعليا نا بس رايحه سمحه يافرخه
سناء : عشان هذا وين تريحت
احمد : باهي شن رايك في دازيته لكي واتس
سناء : فتحتش رقدت ونا نكلم فيك نضت علي رنتك
احمد : إن شاء الله كسولا انتي
سناء : سهرتني للصبح وتقولي كسولا مه انت تبيش تسكر امس
احمد : نا نضت للخدمتي صح متأخر شويه بس نضت توا قاعد في محل وجوي فوق ريح
سناء : وانا مازالت في سريري ماتحركتش نبي نسكر منك نرد نرقد ههههه
احمد : فش نوم خلاص خليني ع خط وافتحي واتس
سناء : حاضر
فتحت واتس شافت صور قمعزت وساكته
احمد : ها شنو
سناء ساكته
احمد : حبيبي وين رحتي ولا تغطيه بالهون
سناء : معاك معاك
احمد : باهي شنو
سناء : لالا توا نشري بروحي
احمد ابتسم : هذينا مافيش في بنغازي
سناء تحشمت : مش عارفه
احمد فهمها : خلاص ما تختاريش توا ندز عليهن كلهن
سناء : لا واجد
احمد : ونا نبي نشوفهن كلهن عليك لنقانهن اطلع طول من آخر
سناء : براحتك خلاص سكر نبي نشوف روحي ونصلي
احمد : هههههه تمام بعد تممي امورك كلهن ديري رنه نبيك في موضوع اخري
سناء : توا عليش تقول هكي يقتلني فضول لازم نعرف
احمد : لا توا نعلمك صبر سكري سلام
سناء بصوت هادي : حمادي
احمد : روحه
سناء ابتسمت : قولي توا
احمد : ههههه لا
سناء : باهي تمام نسكر معش نرن وتلفوني مقفل
احمد : تمام بجوك نا ما نحبش من يعاندني سكري صلي افطري وتعدي ورني تمام
سناء : مش تمام توا قولي
احمد : وأنا قلت لا بعدين
سناء : وانا بعدين نبيش نسمع
احمد : عليكم سلام ، هيا اوكي
سناء : بس نا ما نبيش نسكر
احمد : خش حتي صاحبي سكري
سناء : اها باه سلام
احمد سكر وعدا الزبائن
........
ملاك : تسجيل نهايه اسبوع ماشيه صح
بيلسان : أنا اها عشان فرصتي يوسف نازل بنغازي عشان خاطري
منال : أنا مش عارفه توا نشوف
ملاك : لا تجي وانتي زي شاطره
بيلسان : فوتيها توا تجي وين باقي فرخات
ملاك : هنا الاثنين مسكرات نت
منال : اوفي بعذرها مش اي وقت تفتح لكن ابله اخري وين
بيلسان : اسمعن نبي نرن ع ايلاف بجو هك نبيها تجي يوم تسجيل بيش نستمد منكن القوه كلكن
ملاك : ههههه خاشه ع حلبه مصارعه انتي
بيلسان : اسكتي أنتِ خير وخليني ساكته
ملاك : لا الله يسترك اسكتي
منال : بنات خطرها مراه احمد قريب تجيب خلاص
ملاك : فوتي يا موني ان شاء الله يجيبلك خير منا
بيلسان : توا نجيكن نرن ع ابله لخرى
منال : إن شاء الله خير يا ملوكا
.......
منذر حط طاسه عصير ع كوميديني: بجوك خلاص
هاجر : باهي شن رايك نردو نرقدو اخري
منذر : كيف انتي مكملتيها كلها نوم راه
هاجر : حرام عليك يا مينو و الله ماه ديما في ليل بس مرات في قايله نكسد نرقد
منذر قرب منها : تكسدي وانا معاك
هاجر : ههههه حي صح كيف نكسد و معايا مينو
منذر : توا نوريك تهزي انتي
هاجر : مش تنزل لوطى شن انديرلك
منذر : ريت بلعوطه ريت
وراحو في خبر كان...
......
ايمان : هيا هي بااااهي
اخت اسامه : افتحي كنك ماتبيش تفتحي
ايمان لبست ديشمبر وفتحت : تفضلي خشي
اخت اسامه بحتت فيها من فوق لعند لوطي متنحه فيها : خشي استري روحك ع اقل
ايمان : مستوره انا
اخت اسامه مدت تبسي صغير خزي ما تحشمش : عطيني طماطم حكيه
ايمان خذت تبسي وسيبت باب مفتوح وخشت للمطبخ اخت اسامه خشت للصاله قعدت تلمس في فزات وطاوله صالون وعارضه في عجاج ولا لا تنفض في صالون بالقوه تبي طلع عجاج بالسيف طلعتلها ايمان بالحكيه مسكره حطتها لها في تبسي
ايمان مدادتلها تبسي : في حاجه
اخت اسامه : شي يوم نبي نعزم صحباتي معايا في عمل هنا شقه خويا تحسيها اثاثها حديث وكبيره
ايمان : تفضلي في اي وقت
اخت اسامه بحتت في ايمان ونزلت حتي شكرا ماقالتها
ايمان سكرت باب : ربي يشفيكي ان شاء الله المريضه هذا عنجد حسد في عيونها نعدي نبخر ونعلي قرآن خير ماتولع بيني وبين اسامه
سلحت ديشمبر وطفت ع غداء وبخرت وعلت ع القرآن
قمعزت ترضع في حمادي وجاء اسامه تغدو وقيلو مادوتش ع اخته بكل
.....
انا : ايوه حبيبي
بيلسان : نعليا ع قليل ادب اللي انحول حتي في أرقام واسامي
انا ضحكت بشويش : اهلا بيسو نحسابك باسم والله
بيلسان : اهلا بيك وينك غاطسه
انا : قصه طويله وتوا فرح عمو عمر وانس امس عدا للاردن والله ملخبطه عندي شوي أمور
بيلسان : اها ان شاء الله أمور تعدل
انا : إن شاء الله باهي شن جوك انتي وبنات
بيلسان : تمام قتلك اوفي نبيك تصبي معايا
انا قمعزت : قولي وحاضر
بيلسان : يوسف جاي للبنغازي ايام جايا نحن تجديد ايام جايا نبيك تجي في جامعه نبيكن كلكن معايا عشان انا ميته خوف
انا : تخافيش توا نجيك قوي قلبك وان شاء الله يقعد نصيبك
بيلسان : ان شاء الله يارب
قعدت بيلسان تدويلي عليها هيا ويوسف ونا ندوي ع باسم وسكرت صبيت غسلت صحصحت شويه فطرت وصليت درت مكرونه وسلاطه نبرم في حوش ورديت ع كنبه
.....
باسم : كنها ماترد هذه
اسماء : هي ماجتنش بكل
باسم : أنا علقت في زحمه عدي شوفيها راه مريضه
اسماء : تمام
باسم : خلي خط مفتوح انا ع خشتي للشارع
اسماء : باه
طلعت اسماء دقت ونا ماحليتش
اسماء : مافتحتش
باسم : اني خاش خلاص سكري وردي للفيلا
اسماء سكرت وانا فتحت
انا : اهلا تعالي
اسماء برمت : وينك كنك ما تفتحي
انا : كنت نلبس خشي
اسماء : باسم مخليني بواب امتاعك
انا : يا خيا حشاك
اسماء : حشاك من سو كنك ماتردي ع فون
انا : والله ما نندري عليه وين طايح خشي نشوف مكرونه ونجيك
خشينا للمطبخ ونسمعو في تبيب
انا : هذه بيبت باسم
اسماء تشوف في لحم مكرونه : اها اكيده عشان عمو عصمان يفتح باب
انا قمعزت
باسم فتح بالفتاح وخش يضبح : ايلاااف
انا طلعت من طبخ : نعم
باسم كرني من يدي جيت مقابلته بظبط : كنك ماتردي
انا بصوت واطي : حبيبي اسماء في مطبخ
باسم وخر : انتي كويسه
انا ابتسمت : اها خش غير علي ما حطيت غداء
اسماء طلعت : اهلا ، طلع مافيها شي دايره حتي غداء
باسم : رنيت واجد بكل مشغول عليها وماردتش
انا : امس حسيت روحي عند هلي تعبت شويه لكن يوم كويسه
اسماء : باهي الحمدلله خليني نعدي خلاص
انا وباسم : اقعدي تغدي معانا
اسماء ضحكت : لالا شكرا صحتين هيا سلام
اسماء طلعت وسكرت باب
باسم برم عليا بحت : وين واخذه راحتك حسيتك
انا : عادي ما فيها شي
باسم قدم : لا فيها أشياء مش شي واحد
انا ابتسمت : والله مستوره نص كم ولعند ركبه "وخرت وبرمت" شوف
باسم مسكني : تعالي نشوف جوا
انا : نتغدو
باسم : لالا تعالي بس ساد امس رقدتي
انا : باهي نطفي ع غداء
باسم ماسك وسطي ويوخر بيا ع مطبخ : تعالي نطفو مع بعضنا
انا : كيف هكي
باسم نزل ع .... وطفي غاز وخذاني خشينا للدار ورحنا في خبر كان...
........
عمر : اهلا
هنيده : ايوه
عمر : مازالتي في سوق
هنيده : اها وانحرقت من شمس في عز قايله طالعه
عمر : هههه روحي باهي قوليلي شن ناقصك توا نجيبه لكي
هنيده : لا لازم انا نختارهن
عمر : شن اللي تبي تختاريه انتي بس كل يوم في سوق قعدتي
هنيده : تي قلت ساهله نخليها آخر حاجه لكن تخوخمت
عمر : باهي وين قاعده توا
هنيده : في حدائق
عمر : نسكر مكتب ونجيك من معاك قبل
هنيده : ماما واختي وبابا في سيارته
عمر : وين خوك
هنيده : معانا
عمر يسكر في مكتب : تمام اني جاي
هنيده : لالا يا عمر خلاص تو ناخذ اي حاجه
عمر : خشي في محل ### امتاع احمد اني جاي
هنيده : اها قدامه قاعده
عمر : خشي توا نرن عليه
هنيده : تمام
.......
الاء : اهلا
هبه : خير ياحنه
الاء : كيف روحت من جامعه
هبه : امتي مشيتي عبايه غريبه
الاء : مشيت مع 11 حضرت محاضره وروحت رنت عليا ماما قالتي رنت عليها جيرانا اللي في مزرعه يبو يجو ايام اللي فاتن شوي ماما قالتلها انه جدي مريض وقاعده عند حوش هلي بعد نروح نرن عليك تفضلي رنت قالت تبي تجي بكرا نبي نوتي حاجات أول مره يخشو حوشنا هذا لكن في مزرعه خشوه علينا كم مره
هبه : اها توا نركب نساعدك
الاء : تمام به قتلك انس رن عليكم اصلا خالي رن قال وصلو
هبه : لالا مارنش علينا بالك ران ع احمد
الاء : اها تمام راكبه نبي نرقد نتريح وبعدها نبدأ هي سلام
هبه : باهي تمام ضبحي بس
الاء ركبت وهيا مشغوله ع انس وفتحت نت لقاته مسكر
.......
احمد : ايوه يا معلم
عمر : عندك زبائن
احمد : اها في
عمر : اللي لابسه عبايه وخمار شوري دير جوك اني جاي في طريق
احمد : تمام
ام هنيده : قتلك يا وليدي
احمد صبي : نعم يا امي
ام هنيده : الله يربحك عندك كريسي
احمد ابتسم خذا كرسي : تعالي تريحي
هنيده تبحت في فون
احمد عدا جيهة هنيده وبحت فيها : خوذي راحتك عمر في طريق قريب يوصل اختاري بجوك
هنيده تحشمت وقعدت تفرج ع بضاعه وتبحت في أسعار مكتوبات ع استكرات
اختها : تي هذا نار بضاعته فوتيه
هنيده : مش واخذه واسكتي عمر جاي
اختها : وين يعرف عمر
هنيده : ولد خوه كبير
اختها : نعليا طرف ريت شعيرات ولا عوينات ولا لبسته ووووه يقتل
هنيده : اسكتي يا تافهه راجل خاطب
اختها : صح لابس دبله شوفي يده خزي خساره فيها فرخه اللي وخذاته
هنيده : تسكتي ولا نلطك كف امشي لهي خوك شوفي كيف يفنص في احمد
اختها ضحكت : يحسابه يعاكس فينا تقريبا نا اللي نعاكسه
عمر : سلام عليكم
ام هنيده واحمد : عليكم سلام
خوها : وووه عمر
هنيده : نجك ليا يا روحي شوفي لحيته فيها شيب
اختها : عدي اضبطيه وخلاص يالي ماتحشمي
عمر قعد يسلم بعدها قرب من هنيده اختها وخرت
هنيده : طولت
عمر ابتسم : الله غالب شن جو
هنيده : تمام ، شن جوك انت
عمر : ميه ميه ، ها شن عجبك
هنيده : انا مش ناقصني دبش طلعه
عمر ضحك : شن ناقصك
هنيده : انت عارفتك ادير في طروح
عمر : تعالي من جيهه اخري
عدو من جيهه لخري وخوها جاء
عمر : خوذي هذا
خوها : طيحت كرعينا يا راجل
هنيده : اسكت يا فرخ
عمر : ههههه خلاص توا تاخذ من محل هذا
احمد جاب شكاره : عمر خوذ شكاره خليها تأخذ اللي تبيه نا برا محل
عمر : منور
احمد خذا نقاله وقعد مع معاذ قدام محل هنيده خذت ابسه افرول وطلعت واحمد ومعاذ خش للعمر
معاذ : وين يا باشا
عمر : قاعد انت اللي يوم كيف جيت
احمد : ومقمعز اخري
معاذ : اخدم بروحك يا طيري
احمد : غير تعال قرب كرسيك هنا
عمر : خلاص انا طالع تبو حاجه
احمد ومعاذ : لا سلامتك
عمر : تم كم حق حاجات
احمد : شوف طريقك يا رأس هديه مدام هذه
عمر ضحك : منور ياغالي
احمد : بوجودك
عمر طلع واحمد ومعاذ قعدو يهدرزو
.....
باسم : روحي انا
انا : باهي خلاص سماطه وتغدا
باسم : نعليا فكرونتي
انا : قولي مش قتلتي امبدري نحن تتغدو توا نقولك
باسم : يوم جمعه مش نضت وعديت زفت فارس .... "قعد يدويلي كل حاجه صارت معه"
انا : ياعيوني كنك ماقالتلي
باسم : حليت كل حاجه خلاص واحمد ماقصرش معايا
انا : ربي يحفظكم ويبعد عليكم كل شر
باسم : إن شاء الله كولي خلاص
دق باب
باسم : خشي توا نفتح انا
انا : اصبر نعطيك تيشرت
باسم : ايوه هيا
انا خشيت للدار جبت تيشرت وعطيته ورديت
باسم لبس فتح : اهلا
رانيا : كيف حالك
باسم : كويس خشي
رانيا خشت : كيف هذا وين تغدو ساعه سته
انا نلبس ونسمع فيها
باسم : هذا وين جعنا قمعزي تغدي معانا
رانيا : لالا صحه غير جايه بايته عند بنات قتلهن كلمن كناين عشان نهدرزو وينها ايلاف
انا طلعت : اهلين
باسم قمعز ياكل
رانيا تبحت فيا : شن جوك
انا حطيت يدي ع كرسي باسم : تمام تفضلي تغدي
رانيا ابتسمت : لالا خوذي راحتك انا بايته بيش تجي
انا : إن شاء الله نورتي
باسم ماسك ضحكته ويأكل
رانيا : باسم نبيك تجيبلي حاجات شفتهن من نت بيش تجي غير مش جايبته معايا فوني
باسم : باهي
رانيا : سلام
نا و باسم : سلام
رانيا طلعت وسكرت باب
انا برمت عليه : كول كول
باسم صبي : الحمدلله مكرونه صح
انا : ماشي فيلا
باسم في حمام : لالا طالع
انا ابتسمت : تمام
خشيت لميت حوسه ورديت للدار لقيته يبدل وتلفوني رن
انا : ايوه يا عيوني
باسم بحت فيا
ملاك : شن دلع هذا
انا : والله دلع انتن رنات عليا مرتين
ملاك : باهي جايا
انا : اها جايا
ملاك : فاضيه ولا لا
انا : شويه ونرن عليك
ملاك : اخس وخلاص
انا : هههههه
ملاك ضحكت : سلام
انا سكرت وصبيت عند باسم ورفعت روحي : هذه صاحبتي
باسم : اها
أنا : حبيبي
باسم : نعم
انا : جامعه تبي تبدا
باسم : عليك سريب
انا وخرت : كيف مش قتلي انك معايا و تخليني نحضر كنك شن جاك
باسم : وانا عند كلمتي بس في شروط
انا : واللي هنا
باسم : مكياج لا وبالطوات طواااال
انا : تمام موافقه
باسم : خلاص معناها تم
انا خشيت غرفه ملابس اللي في دار نطلع في دبش
باسم ورايا وبرمني عليه وخششني في دولاب جاء مقبلني : شن تبي تعدي
انا : اها انت تبي تعدي للعمل "ابتسمت وفتحت عيوني زين"
باسم ضحك نزل ع عيوني باسهن وبعدها ع ...
انا : شنو اسمها هذه
باسم : تفاحه ادم فيا نا وخالي
انا : اها تهبل بكل
باسم : نعليا نا انتي اللي تهبلي
انا غمضت عيوني : اصلا ديما نبحت فيها
باسم : عارفك لكن انتي فكرونه ، اوفي
انا : نعم
باسم : بحتي فيا
انا بحتت : خلاص نبي نلبس
باسم : عدي ماسكك نا توا يا فكرونتي
انا : خلاص والله نتحشم
باسم : ماه عشان فوبيا هههههه
انا بحتت فيه بنص عين : حول هي
باسم يكر فيا : والله تجي والله تجي ههههه قتلك شن فيها فوبيتي انتي
انا نبعد فيه : لالا حول
باسم : تي اثبتي
انا وقفت : ها هاا
باسم ابتسم : نعليا نا
انا حطيت راسي ع صدره : نحبك بكل تعرف
باسم حضني : انا اللي نعرف نعليا فوبيتي خلاص البسي انا نطلع خير
انا : لا مش بجوك " رفعت روحي بسته" توا عدي
نبي نعدي باسم مسكني باسني بالقوه
باسم : توا انتي عدي
انا خشيت للحمام وطلعت قعدت نبدل وباسم سقم روحه طلع للسياره شفنه بنات كينات في جنان
رانيا : بااااسم
باسم برم زمري : ايوه
سناء : تعال سلم
باسم عدا قعد يسلم ع بنات خاله ومراة خاله
رانيا : تعال من هنا عشان تشوفهن
باسم جاها وطبس ع تلفون
انا طلعت لقيت سيارته قاعده بحتت لقيته مطبس ع رانيا
انا نبحت فيهم : سلام عليكم
باسم رفع رأسه ورانيا مبتسمه
بنات : عليكم سلام
رانيا : باهي يا سامو اهيا الله يربحك عيني فيها
.....
يتبع ...
طبعا تأخير عشان اجازه العيد عاد😂🙈بكرا نبدأ جامعه وامتحانات💁♀️يعني مرات نتاخر في تنزيل فاصبرن والله هن اسبوعين اسبوع أول حنزل فيه اسبوع ثاني مضغوط مستحيل انزل بعدين انديرو جدول انتن تريحن عشان تعرفن امتي انزل وانا نتريح في كاتبه عشان معش نسرع
Fafy faa
