خيوط عشقك

الفصل الرابع عشر

 

- اتفضل يا باشا

 قالها الظابط بقلق  مُشيراً أمامه وتقدم فريد دالفاً للمكتب الذي فتحه الظابط برعشة

- ااا.. يمان باشا.. فريد بيه جه وطالب يقابلك
رفع يمان نظراته عن الاوراق واراح جسده للخلف مُشيراً ببرود نحو المقعد
- اتفضل
جلس فريد بهدوء واضعاً قدم فوق اخري فِيما تحرك الظابط بإرتباك
- نورت يا باشا .. حضرتك يعني ..
وقاطعه يمان بحدة رغم لا مبالاة نبرته
- انجز يا فايز.. اتفضل لاني مش فاضي
ابتسم فريد ببرود ناظراً له ولاول مرة يعلم عن وجود ظابط بإسم يمان النحاسي إلا بعدما تم القبض علي أخيه الصغير!
- أأمر
قالها ماطاً شفتيه وتحدث فريد بثباتٍ متحكماً بغضبه
- انا فريد الصايف.. اخو مراد الصايف اللي حضرتك مسكته في كمين اتعمله
تنهد ببرود مومأً ليتابع حديثه.. وأكمل فريد ماسحاً فوق بنطاله المخملي
- اخويا ملوش ذنب واللي حصل انا هتعبره غلطة وهعديه..
وقاطعه يمان مبتسماً بإستهزاء
- ولا متعديش.. وبعدين فين الغلطة.. هو محدش قالك إنه اتمسك متلبس بمخدرات
- المخدرات مش بتاعته ..
- لا بتاعته.. وبعدين الحكومة مبتغلطش
نظر له فريد مُضيقاً عينيه
- انت متأكد انك واعي للي بتقوله وبتعمله؟!
وهتف يمان ضارباً فوق المكتب بحدة
- احترم نفسك.. احنا هنا مش في خمارة دا قسم لو البيه مش واخد باله واكيد واعي انا مش شمام زي اخوك المدمن..
انا الظابط اللي رماه في الحجز واتفضل يلا لان وقتي بيضيع بدون فايدة!
اتسعت عيني فريد من لهجته ونهض متوعداً ببسمة وليته يعلم معني تلك البسمة والنظرة !
- خليك فاكر انها اختيارات.. وانت اخترت يابن النحاسي!!
مط شفتيه موافقاً ببرود قبل أن يرفع يديه مشيراً نحو الباب
- نورت يافريد يا صايف

*****

- اتاخرتوا كده ليه يا رشيد؟
سألته رقة وجلس بإرهاق بينما صعدت روسيل للاعلي
- معلش كان في شغل كتير.. بصراحة روسيل شايلة جامد معايا دلوقت خصوصا إن أغلب شغل يوسف بقي في المينا
جلست جانبه ماسحة فوق كفه
- هو لسه في مشاكل في الشحن؟!
اومأ ماسحاً فوق خصلاته بتعب ولم يتذوق للنوم طعم منذ يومين تقريبا
- خير ان شالله هانت اهه.. موسي عمل مناقصة حلوة هتعوض الخسارة الاخيرة.. صحيح مش هيتعشي معانا لسه في شغل في المكتب ولازم يخلص قبل بكرة
تنهدت بقلة حيلة رابتة فوق كتفه
- طب يلا قوم خد شاور وانا هقولهم يجهزوا العشا
اومأ ناهضا بأنين وكم يحتاج للنوم
- السواق جاب ميان صح؟!
- اه يا حبيبي في اوضتها
- تمام قوليليها تنزل تتعشي لان ممكن تتحرج لان موسي مش هنا.. البنت دي واخدة جمب وهادية زيادة عن اللزوم.. حاولي قربي منها يمكن مفتقدة عيشتها مع اهلها
- متقلقش ياحبيبي انا ساعات بقعد معاها بس هي طبيعتها هادية كده