خيوط عشقك

اقتباس من الفصل الرابع والثلاثون

مسح فوق خصلاته بإرتباك لا يعرف كيف سيخفي الامر عنه وبمجرد ما انتبه رشيد لارتباكه حتي حدثه بهدوء مشيرا للخارج بنظرات ذات مغزي
- روح يا يوسف شوف الدكتور لانه سأل عنك
نظر نحو ابيه قلبه يخفق بقوة ورفع موسي نظراته بإستغراب من سؤال الطبيب عليه
- في حاجة ولا ايه؟! ..  الدكتور عاوزك ليه؟
نظر له بتوتر شديد وقضب موسي جبينه يفهم اخيه دون كلمة حتي
- في ايه يايوسف.. مالك؟!
- مفيش حاجة يا موسي..  يوسف بس مرهق شوية ومنامش
تحدث رشيد يحاول انهاء الامر
ولا يري ضرورة لمعرفته علي الاقل الان وهو مازال في المشفي ولم يفق الا منذ ساعتين!
- ارهاق ايه يا بابا.. في ايه؟! 
اغمض يوسف عينيه بألم ونفخ رشيد بغضب من عدم تحكم ابنه في مشاعره
وبالنسبة له فمعرفة موسي بالامر لن تفيد بشئ الا زيادة الخسائر

وكانت صدمة الجميع بحضور رقية التي دلفت فجأة للغرفة حالتها مزرية حتي انها اتت دون حذاء!! وبخصلات مشعثة دون حجاب!!
انتفض موسي بذعر من رؤيتها بتلك الحالة لينهض بتألم شديد من صدره
- طنط رقية.. في ايه؟!..  في ايه؟!
سألها بصدمة متوقفا امامها ويده تحاول برعشة اخفائها او هندمة ثوبها
- فين ميان.. جاوبوني عشان خاطري.. بنتي فين يا موسي!!
رمش لا يفهم شئ واين تكون ميان ولما حالتها هكذا ورغم ذلك قلبه زاد خفقة دون سبب والمشهد يكفي!
- بابا خلي السواق روحها القصر ترتاح شوية
اجابها بإضطراب وصمت دون متابعة تحت نفيها الباكي
- لا كذابين.. بنتي راحت..
ميان فين عشان خاطري..  طمنوني
التفت لابيه بعدم فهم وليوسف الذي نظر له بنهيج ونظرات لامعة بالدموع لينظر له مستفهما بجهل
- في ايه؟!..  مالكو.. في ايه يابابا ميان فين؟!
شهقت رقية نافية بنحيب من عدم معرفة احد وقد كان املها الاخير بمعرفة موسي
- بنتي فين حرام عليكو.. روسيل منهارة ومحدش بيجاوبني..  وديتوا بنتي فين؟! 
وبدأت نبرتها تعلو وحتي تحولت لصراخ هستيري وهي تدفع موسي المصدوم امامها
- بنتي فين.. انا عاوزة ميان.. بنتي في..
صمتت بنهيج وسقطت بدوار ارضا امام قدميه
بينما هو كان حقا لا يستوعب وقد جلس رشيد محيطا رأسه لينظر للخلف حيث اخيه
- في ايه يا يوسف.. يعني.. يعني ايه ميان فين.. مش هي..  في..  في القصر؟! 
ابتلع يوسف ريقه ونفي مجيبا بصمت ليرمش موسي بعدم تصديق وشحوب تحت لطم رقية المنهارة لوجهها وصدرها
- بنتي بقالها 3 ايام مش هنا..  انا كنت عارفة كنت حاسة..  كلكوا بتكذبوا عليا.. حرام عليكوا.. حرام!
ابتلع ريقه رامشا وقلبه يخفق وكأنها اخر خفقاته
- حد يجاوبني.. ميان فين.. يعني ايه 3 ايام.. هو انا متصابتش امبارح!
زم يوسف شفتيه بآسي واقترب منه يحاول تهدأته علي الاقل توضيح الوضع
- انت دخلت في غيبوبة مؤقتة و.. وميان خرجت من كام يوم و.. ومرجعتش.. بس احنا بندور.. انا قلبت الدنيا ولسه..
لسه كمان بندور وهنلاقيها ان شاء الله
نظر له يتشوش ونفي برأسه يشعر انه لا يفهم شئ..
- يعني ايه خرجت.. راحت فين؟!
ابتلع يوسف ريقه بألم ونظر موسي نحو ابيه متسائلا بدهشة
- ميان فين يا بابا؟!..  يعني...
صمت بشرود عائدا بنظراته ليوسف ليهمس متسائلا بصدمة وكأن عقله استوعب الان
- هو ايه اللي3 ايام.. ميان فين؟!
- موسي..  اهدا عشان خاطري صدقني احنا بندور عليها و...
وقاطعه موسي متسائلا بصدمة ولكن لنفسه تلك المرة
- يعني ميان لوحدها بقالها 3 ايام!!..  هي ميان مش معاكوا؟!.. 
مش..  مش بتقولوا راحت القصر ت...
صمت بنهيج ورأسه تنفي شاعرا ببرودة غريبة احاطت قلبه
وغابت الدنيا فجأة حتي انه لم يشعر بسقوطه المفاجئ نحو يوسف الذي صرخ بإسمه!!
يتبع...
.................................

#خيوط_عشقك
#سرين_عادل