خيوط عشقك

اقتباس من الفصل الرابع والعشرون

رفعت نظراتها له وظلت تنظر بصمت بينما الدموع تلمع من كثرتها
وابتلع ريقه من نظرتها.. ولاول مرة يري عيون تتحدث
حتي خرج صوتها جامدا او هامدا بلا روح
همس او حديث خافت لكنه واضح!
- انت عارف لو انت اللي أذيت إياس هتكون عملت ايه؟
لم ينطق متنقلا بين عينيها وتابعت بمرارة دون أن ترمش
- هتكون يتمتني..
رمش علي همستها المؤلمة
وسقطت دمعتها الساخنة متابعة بألم
- انا مكنتش يتيمة علي فكرة اه مامي ممكن تكون ماتت معرفش لانها مشيت من وانا طفلة
وبابي لو مات عادي برده مش هحس
بس إياس لا. 
إياس مينفعش يموت..
ابتلع ريقه بقوة علي بحة صوتها المجروحة
وقلبه يخفق ليس حبا لكن ألما غريب اوصلته له بطريقة اغرب
- انا متأكدة انه افتكرني وهو بيتألم وبيموت
انا مليش حد يا يمان.. إياس دا بابا وماما.. 

وابتسمت بدموع وبكاء ورأسها تومئ بتأكيد
- اه ماما.. إياس دا كان بيغيرلي هدومي وكان بيعملي الاكل..
تعرف كان ساعات بيحميني وانا طفلة.. انا مكنتش بقدر انام الا في حضنه حتي لحد عمر كبير..
إياس مينفعش يموت..
علي فكرة انا كنت هنتحر يايمان ورجعت بسبب إياس..

- اهدي
همس لها من رجفتها وبكائها الشديد بينما اصبعها يضرب صدرها مشيرة انها صاحبة الرواية
- انا الكل سابني..  معادا هو..  هو بس اللي فضل معايا..
اختك خدته مني..  خدت مني امي وابويا وسكت عشان المهم انه في الدنيا.. المهم اني هشوفه وهترمي في حضنه..  إياس لو مات انا خلاص مليش ضهر..
مليش سند ولا حد يحميني..  انا ممكن ادي الدنيا كل حاجة بس تسبلي إياس..
مش عاوزة غير هو بس..  عشان خاطري
تنفس بقوة يشعر بشئ يضغط صدره من انهيارها الهادئ
- لو ربنا هياخده عاوزاه ياخدني..  انا مقدرش استحمل لانه فوق طاقتي.. 
عارف لما تبص لحد بتحبه وتبقي مرعوب انه يروح منك..  انا دايما ببص لاياس كده..
خايغة.. انا مرعوبة يروح.. مقدرش اعيش لو هو مشي.. مقدرش اتخيل انه هيتحط تحت التراب لوحده
قلبي بيوجعني يا يمان وصدري في ألم جامد..  انا مستنية كلمة البقاء لله عشان اوقع ونفسي يقطع
اكيد ربنا عارف اللي جوايا زي ما إياس كان بيقولي..  ربنا عارف اني هموت لو مات..  اكيد هيريحني لوحصله حاجة صح!
اغمض عينيه للحظة واقترب منها هامسا بوجع وقلقا غريب غزا صدره عليها
- اهدي يا زيان.. لو سمحت حاولي تهدي
يتبع...
.............................................

#خيوط_عشقك

#زيان_فهمي_الهاشمي
#يمان_مصطفي_النحاسي

#سرين_عادل