خيوط عشقك

الفصل الاربعون

الفصل الاربعون
________________________
شرد!..
بل صدم!..
الاعتراف يتكرر..
وليتها رحمته وتوقفت.. هي اقتربت ممسكة بمعصمه والدموع تسيل
مكررة غرز الخنجر في قلبه!
- صدقني انا بحبك يا جلال.. غصب عني ومش بايدي بس انا من البداية عمري ما حبيته
تنفس بقوة او جذب ما يستطيع تنفسه حتي لا يختنق.. وكأنه شهق!..
وحقا كانت شهقة مكتومة لشخص يلفظ انفاسه..
- مش هتبعد عني صح؟!
سألته بقلق ماسحة دموعها بظهر يدها ورفع عينيه لها لتصمت مبتلعة ريقها بخفقات قوية ودائما ما كانت عينيه غريبة..
مميزة .. او.. او وكأنها مألوفة!
وتحت نظراتها لحدقتيه كانت عينيه تنظر لدموعها وشدة بكائها
تتوسله!..
هي حقا تتوسل جلال للبقاء والمضي معها في علاقتهما..
لم تأتي لوداعه.. بل أتت لاسترداده!

اغمض عينيه متنهدا ولا يعلم كيف شعر بجميع ألام جروح العمليات الاخيرة..
الوخزات والتنميل يتكرر وكأنها أطلقت عليه!!
وهل لم تفعل!
ألم يطلق حديثها النار علي قلبه!
- مش هتبعد تاني صح؟!
نهض من جانبها يدور ولاول مرة يدور بشرود حائر دون قصد
دائما اصتنع الضياع وعدم الفهم والحيرة ولكن تلك المرة..
الأن..
هو حقا دون عقل..
هل ستتركه هي الآخرى!
هل ستذهب خلف جلال مجددا!
انتبه علي حركتها ونهوضها ليتسمر مشدوها تحت اقترابها منه
- جلال انا عمري ما حبيت حد قبل كده.
رفرفت جفونه كما يرفرف قلبه بإنهيار داخل صدره والصوت لها لكن الصورة لميرال
- انا بحب جلال
تردد صوت ميرال وكانت تشبهها.. خصلات طويلة وبشرة صافية.. اعين جميلة ولامعة.. عفوية او ما كان يظنها عفوية..
- كل حاجة يمان بياخدها مني يا ماما.. كل حاجة ملكه.. شوفي بيت ابوه الوزير.. شوفي بيت امه عامل ازاي.. دا حتي جوز امه بيحبه وجابك يشغلك حتت مربية ليه وكأنه ملك زمانه.. من اول يوم ويمان بياخد كل حاجة.. من اول يوم وانا حيالة جلال السواق بتاعه..
بس لا.. ورب العزة ما هسيب ميرال. اصلا دي فرصتي ولاول مرة هاخد حاجة..
هاخد اكتر حاجة هو بيحبها ومتعلق بيها.. عدل ربنا بقي هنقول ايه

رمش متذكرا حديثه البغيض ونعم كان يستشعر منه الغيرة والحقد ولكن ليس لتلك الدرجة المريضة
- انا هوريك يا***
ميرال دي تنساها خالص يا اما هخلص عليك
- سيبه يا يمان.. سيبه عشان خاطري
وبالفعل لولا صراخ امينة وتوسلها له ما كان انزل فوهة سلاحه عن عنقه..
لكان فصل رأسه بكل رضا..
ويكفيه انه لعب عليها حتي سلمته نفسها لتخبره بطلب الانفصال!

- انا بحبك جلال انت ليه مش بتفهم.. انا نمت معاه علي فكرة.. اعتقد دا اكبر دليل يثبتلك اني فعلا بحبه واخترته
قالتها بوجهه..
قالتها دفعة واحدة وكأنها تخبره بأنها تناولت معه الطعام ليس إلا!

مسحت زيان وجهها من البكاء وخرجت من غرفته تركض وهي نفسها لا تعرف كيف!
كيف عشقت !.. ومتي خلقت تلك المشاعر!..
كيف احبته وتعلقت به!..
وللاسف مازالت تري نفسها خائنة رغم عدم حبها ليمان..